品香樓中西風味餐廳

好多年無嚟食嚕 都仲係咁多人 好彩有book定枱估唔到屋村酒樓都會有QR code落單嗌咗6個餸加個飯黃金脆炸魚皮 $108無諗過都幾大盤外層鋪滿晒鹹蛋黃 味道鹹鹹香香 配埋香脆嘅炸魚皮 好夾好好味椒鹽鮮魷 $128賣般一般般 色水好淡 丁點金黃都無嘅:(味道就….都好一般風沙雞 (半隻) $168 見枱枱都有嗌 跟住嗌咗半隻嚟試吓雞雞皮脆肉嫩 加埋面頭啲脆脆 口感都唔錯但就越食越鹹菠蘿咕嚕肉 $118ummmmmmm 醬汁偏酸 肉質都怪怪的:(火焰密椒牛柳粒 $128點晒火咁猛料 可惜得個樣 一啲都唔惹味:(肉質淋得嚟無乜口感 有啲失望啫啫通菜煲 $98見隔離上枱嗰陣聞落好香 所以跟住咗嗌食落真係幾香幾惹味 但都係偏鹹🫠明太子炒飯 $88份量好足好大碟 亦都炒得好香 但同明太子無乜關係😂同埋有好多葱 揀得好辛苦:(凍朱古力 $29當年就係為咗依杯凍朱依嚟滿滿嘅cream 好滿足…查看更多

【深水埗區】【品香樓】同朋友食飯，往往難比登天，因為我實在太忙，好抱歉。今次就同朋友嚟到石硤尾名物「品香樓中西風味餐廳」食嘢，呢頭全部都係社交平台小食店，冇人識食正餐㗎喇。所以本身爆到九彩，甚至有兩邊舖位嘅品香樓，都縮到剩返一邊舖，仲要一入去就有位呀。必點 $168 嘅「風沙雞」半隻，好似細隻咗，不過風味依然，都仲係咁脆咁邪惡。跟住又係名物出動，係 $118 嘅「南乳炸豬手」，基本上呢兩碟係不假思索就叫咗，炸豬手配以特製南乳醬，滿口都係回憶。係呀，其實十幾年前左右都真係成日都食呢間㗎。跟住食 $68 嘅「啫啫通菜煲」，現場即時放落去熱鍋度，夠晒勁，視覺味覺都有享受。所以都一人叫一個 $15 嘅「白飯」，有嘢送吓飯嘛。嘢飲方面，好多嘢都冇，又遲一遲先講，朋友飲 $29 嘅「蘋果沙冰」，我就飲 $27 嘅「凍檸茶走甜」，埋單 $470 咁囉。。。（地址：石硤尾大坑東道111號南山邨南山商場平台204-205及210-213號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #石硤尾 #品香樓中西風味餐廳 #品香樓 #風沙雞 #南乳炸豬手 #啫啫通菜煲 #白飯 #蘋果沙冰 #凍檸茶走甜 #1am1772 #1ambackup…查看更多

南乳炸豬手：皮脆肉嫩，完美嘅啤酒殺手！🐷🍺呢個南乳炸豬手絕對係全晚嘅驚喜之作！外皮炸到好似燒肉咁金黃酥脆，一咬落去嗰種「卡嚓」聲，就知道師傅火候控制得超精準！脆皮帶住燒烤獨有嘅焦香，而內層嘅肉質軟嫩多汁，唔會因為外皮乾身而變得柴口。最加分係中間嗰層膠原質，食落QQ彈彈又唔會膩，完美中和咗脆皮嘅口感。配上秘製嘅南乳醬，鹹甜交織，將豬手嘅風味提升到極致。食完一舊真係會想即刻叫多支啤酒，係一個無懈可擊嘅啤酒殺手！啫啫通菜煲：蝦醬香氣爆發，白飯殺手無誤！🍚當個砂煲喺面前「啫啫」作響嗰刻，真係視覺同嗅覺嘅雙重饗宴！🔥 一陣濃郁嘅蝦醬同蒜蓉香氣即刻充斥成個空間，未食已經流晒口水！通菜份量極度慷慨，炒得油水平衡得好好，食落爽脆有汁，完全唔會變到「烚菜」咁，即使食到最底都仲keep住風味，冇變得油膩。絕對係當之無愧嘅白飯殺手，差啲忍唔住叫多碗飯！火焰蜜椒牛柳粒：正常發揮，但可以更完美！🥩呢個火焰蜜椒牛柳粒係正常發揮嘅水準。牛柳粒嘅份量都算出手闊綽，粒粒大小均勻。蜜糖嘅甜同牛肉嘅鹹香呢個組合點都唔會出錯，屬於安全牌。不過，作為食家我會期待牛柳嘅肉味可以再濃郁啲，同時有更多嘅肉汁去碰撞出更豐富嘅化學反應。而蜜椒嘅味道都係中規中矩，唔會有青澀味，但如果可以再香口啲，相信會令成道菜更出色。椒鹽九肚魚：外脆內軟，一舊接一舊！🐟完美嘅椒鹽九肚魚就係要做到外脆內軟嘅境界！🤩 呢個九肚魚外層炸粉輕薄酥脆，啱啱好將入面啫喱狀嘅魚肉包裹住。炸粉本身有淡淡嘅底味，再灑上少少椒鹽調味，唔會過鹹，反而更能將魚肉本身嘅鮮甜味提升到極致。口感對比強烈，加上唔會食到滿口油膩，真係一舊接一舊都唔會覺得熱氣，係一個好正嘅佐酒小食。…查看更多

位於石硤尾南山邨嘅舊式餐廳真係充滿老香港情懷！價格親民，服務都幾好，街坊feel十足👍可惜想食風沙雞賣晒，無緣一試。今次試咗幾個小菜：西蘭花花枝帶子 ($128) 份量充足，花枝爽口彈牙，鮮味十足，略嫌西蘭花切得太大舊，食起上嚟有啲論盡，同埋油比較多。生汁龍鳳球 ($118) 外層酥脆，內裡雞肉同蝦肉混合好嫩滑，點埋酸甜沙律醬超級開胃，係必點之選。椒鹽鮮魷 ($128) 即叫即炸，熱辣辣上枱，外皮香脆，椒鹽鹹香惹味，魷魚唔會韌。最後仲叫左個午餐欖菜四季豆蝦粒炒飯 ($52) 份量十足，炒得夠乾身，粒粒分明有鑊氣，不過蝦粒缺乏鮮味，口感欠缺彈性。當然唔少得凍朱古力 ($29) ，賣相相當吸引，面層鋪滿了輕盈綿密的忌廉，朱古力味濃滑唔會太甜，雖然好邪惡，但確實係令人滿足嘅甜品級飲品。…查看更多

今日專登翻去石硤尾搵食，重拾大學時代嘅回憶！南山邨呢間品香樓絕對係城大學生嘅秘密飯堂🍚，晚市七點幾已經坐滿人，好在夠大位唔使搭枱～ 火焰蜜椒牛柳粒🐮上菜時會點火🔥，視覺效果滿分，牛肉粒juicy又入味，黑椒味濃中帶甜，連埋炸到香軟嘅薯仔一齊食超正～ 必點風沙雞！雞皮炸到金黃色脆卜卜🍗，灑滿炸蒜超級香口，入面雞肉保持嫩滑，真係做到外脆內嫩！仲試咗椒鹽嫩豆腐，外脆內嫩真係滑過BB皮膚👶！凍朱古力🥤係每枱必叫，上面嘅奶油邪惡但好滿足～人均$150左右，份量足料，難怪開業多年依然人氣爆棚！ …查看更多

風沙雞︰因為人唔多，所以只叫了半隻，打電話黎book位時預訂埋，費事到時賣晒無得食。隻雞幾新鮮，雞肉都嫩滑，面層的「風沙」夠惹味。蝦醬蒸豬頸肉︰完全係客家漁村風味，用蝦醬去蒸豬頸肉，令D豬頸肉特別入味，加上豬頸肉本身煙煙韌韌嘅質感，特別美味。椒鹽九肚魚︰整體就麻麻地，D九肚魚嘅肉質都新鮮嘅，不過味道比較淡，可能師傅唔記得落鹽。生炒糯米飯︰天時暑熱食生炒糯米飯果然係不同凡曫，個糯米飯真係炒得唔錯，夠乾身，夠晒香。…查看更多

第一次去依間餐廳，我哋嗌咗嘅幾道菜，每款都幾好食，仲有濃濃嘅懷舊風味同熱鬧嘅用餐氣氛，冷氣非常夠凍！絕對值得一讚！1. 風沙雞半隻風沙雞係一個亮點，見好多人都有嗌，外皮炸得金黃香脆，咬落去啖啖肉汁，雞肉嫩滑得來帶點蒜香同香料嘅獨特風味。調味啱啱好，唔會太鹹，食完一塊仲想再食多塊！半隻份量剛好。2. 咕嚕肉經典嘅咕嚕肉幾好食！酸甜醬汁濃稠得宜，裹住每塊豬肉都均勻，酸酸甜甜嘅味道好開胃。豬肉炸得外脆內嫩，仲有啲菠蘿同青紅椒增添口感同色澤，係一道老少咸宜嘅菜！3. 西蘭花花枝帶子西蘭花普通，花枝同帶子新鮮彈牙，炒得火候幾好，保留咗食材嘅原味。4. 蠔餅蠔餅係我覺得最好食！外層煎得香脆，內裡軟糯，滿滿嘅蠔肉同蔥花爆發出濃郁嘅海鮮香。每一啖都食到蠔嘅鮮味同餅嘅蛋香完美融合，配上少少辣醬或者醋，真係唔錯。…查看更多

相隔十年之後再次幫襯呢一間南山邨老字號酒家，味道保持到。招牌手撕雞係要預訂嘅，上次嚟都食唔到，今次學精咗訂位嗰陣時候預訂埋，上枱時候嘅賣相真係頂級，有乾冰噴曬煙咁樣，不過手撕雞味道只屬一般。另一個招牌菜就係呢一個南乳炸豬手，味道還可以，不過又係冇外間講到咁出色。跟住嗌咗一碟好邪惡嘅餸，就係黃金蝦，呢個做得幾好食，啲鹹蛋黃好香。呢個豬潤豬腸煲好惹味，特別係啲乾蔥頭好正。蠔餅都ok喎，雖然都係炸唔係煎，不過啲蠔仔都幾新鮮。…查看更多

結婚前成日幫襯嘅「品香樓」，結婚後好似一次都冇去過。十多年後帶埋公公同個仔嚟幫襯，由兩舖變四舖，而且四間舖都爆滿，兼且仲keep得住水準👍🏻，都咪話唔勁。凍朱古力（$27)仍然係「世一」朱古力味超濃郁，冇一間能及；不過啲橙汁冰同埋芒果冰就唔得了，建議唔好叫。手撕雞～要早一日預訂。平時喺街手撕雞，一定有一大陣漂白水味，呢間完全冇。而且啲雞完全唔鞋，不過唯一美中不足係冇芝麻同麻醬。南乳豬手：公公讚不絕口，非常Juicy又脆口。南乳醬好好味。而且價錢$118。超值黑椒牛柳粒：以為細細兜冇乜牛肉粒，已經原來裏面超多，食極都有，公公覺得味道偏甜，但係我覺得剛剛好，牛肉好腍，又有牛味，必叫煎蠔餅（冇影相） ~又係好好味，炸得好脆，不過佢第四碟先嚟，已經飽咗一大半，所以食唔晒樣樣都好食。公公對今餐超級滿意🥰🥰仲講咗好多次話未食過咁好味嘅豬手。只係略嫌卡位超級迫，食完佢唔趕你走，佢都好想快啲走。相信我哋好快會再幫襯，希望下次可以食到風沙雞😋#留港消費#自己香港自己撐…查看更多

每三個月都會揸車來食一次。每次必叫以下三項推介火熖牛柳粒配三色椒牛柳粒入口軟嫩熟香，搭配三色椒增添色彩與鮮甜，火熖烹調保留肉汁，香氣撲鼻，令人回味無窮。啫啫通菜煲熱辣辣的啫啫煲，通菜爽脆，配以濃郁醬汁，熱煱上桌鎖住風味與溫度，滋味十足，絕對值得一試。凍朱古力必點飲品！香濃朱古力味道濃郁，頂層忌廉輕盈順滑，冰涼口感令人滿足，完美為餐點畫上句號。品香樓以火熱出品與濃厚風味為主打，值得去試的風味餐廳，附近仲有大排長龍的10元雞蛋仔作飯後甜品！…查看更多

有朋友外國黎想試一試香港野就去左品香樓叫餸食飯火焰蜜椒牛柳粒$128一上檯會有點火儀式有薯仔 牛柳粒 椒 同洋蔥牛柳粒唔柴 熟度剛剛好味道夠賽螃蟹$118有蟹籽 帶子同蝦蛋白滑蟹籽配蛋白食非常夾啫啫通菜煲$98一上菜會轉煲正常糖醋桂花魚$138糖醋少少酸多甜魚多骨但炸得夠脆的金銀蛋白菜仔正常小炒皇蝦乾味入曬韮菜花而韮菜花本身夠鮮唔係老用油炒菜爽口椒鹽鮮魷大塊份量都多一上檯就夾黎食冇諗到咁熱粉漿唔算厚風沙雞一隻$288全場最好食雞肉剛剛好上一秒仲係粉紅色個種皮炸完配蒜一流預左係送飯小菜會偏咸價錢真心對得住個味道缺點係碗太細…查看更多

以前返學成日都黎喱到食宵，飲朱古力，今日同大學同學聚會，返黎喱到懷愐下。椒鹽鮮魷金黃酥脆的外皮，鮮魷的肉質超嫩，味道鮮美。通菜煲通菜的口感脆脆的，特別適合平衡一下油膩感覺牛柳粒牛肉火侯剛剛好，夠嫩滑！裡面還有青椒和洋蔥，送飯好食。老實講茶餐廳嚟計價錢一啲都唔算平，但口感和味道出色，當日六七點呢度都已經滿場今時今日嚟講餐廳可以咁多人食都唔容易，值得支持。…查看更多

位於石硤尾南山村既品香樓，光顧多次了，但味道依然，好味！還有我最愛的凍朱古力，上面的忌廉😍南乳雞翼雞翼肉質飽滿，南乳味剛好 ，如果份量多點就更完美。金銀蛋豆苗正常發揮，豆苗嫩滑，大碟抵食。啫啫通菜煲吱吱聲既熱鍋上菜，炒得香氣撲鼻，簡單好食。手撕雞需訂位時預訂，上菜時仙氣滿滿😆大碟有驚喜，這次肉質不夠嫩滑，希望下次再食會更好。火焰蜜椒牛柳粒必點既火焰牛柳粒，儀式感滿滿☺️牛柳粒咬口非常好，蜜椒帶甜，送飯一流。非常滿足的一餐，餐廳環境一般，可能樓底矮，人流食客多，環境會較嘈吵。不過食物質素高同價錢合理，值得再來。是呢，大家知道品香樓前身是做什麼菜式的餐廳嗎？🫢…查看更多

大推呢一隻炸子雞雖然喺屋村嘅茶餐廳嚟講，佢個價錢唔係特別平但佢真係做到個皮脆肉嫩超級食香味保存呢個雞翼都係超級邪惡之選因為佢啱啱炸好入口佢嘅時候啲煙同埋又係即刻迫出嚟所以小心會焫親個嘴或者條脷其他小菜都上得好快唔記得影相添間餐廳唯一唔好就係坐得非常之逼佢樓底比較低所以就會令到啲聲音不停困喺個餐廳入邊如果一圍枱嘅人食飯，基本上係要大叫對方先至會聽得到你講嘢我會建議呢間餐廳四至六個人食咗剛剛好因為嗰種太多款小菜想試但如果太多人嘅話，就根本傾唔到偈…查看更多

跟朋友在石硤尾運動場打完籃球，打完籃球後才是今晚的重點，宵夜時間，宵夜大家的地點都是一置的，就是南山邨的品香樓。晚上的南山邨是人山人海的宵夜勝地，我們一人點了一個餸。啫啫芥蘭煲非常有鑊氣，味道不會太咸而好香，熱辣辣嘅煲真係非常重要。之後是麻辣肥腸，這個辣不是死辣，非常香口，肥腸夠肥好香口，最後就是那些配菜洋蔥大蔥之類，這道菜送酒一流。之後是椒鹽多春魚，熱辣辣即叫即做，魚非常大條有肉地。之後就是那個薯仔蝦煲，蝦的味道都可以，奇怪的是這道菜又有薯仔肉又有薯條，但味道真心的不錯，最後便是必點的火焰蜜椒牛柳粒，這道菜一上枱店員便點火，非常的打卡喔！味道都是跟以往一樣，非常的香口，牛柳粒好有牛味，滿足的食完便離開了。…查看更多