品味

估唔到平時經開麥當勞隔離巷仔竟然有間越式法包三文治😻平日兩三點基本上十五分鐘有得食品味炆五花腩 BANH Mi THIT KHO DA GION$82材料有椰子水炆五花腩，炸豬皮，雞肉鬆，肝醬，蛋黃醬，蔥油，酸菜，青瓜，芫荌，蔥。五花腩勁入味，啲脂肪入口即融，加上大量蔬菜例如醃蘿蔔條，芫荽，蔥段，同靈魂蛋黃醬同蔥油，惹味得嚟又唔膩。個包烘到勁脆，似係澳門豬扒包個質地，好加分入去間舖頭你會見到有兩三箱醃蘿蔔條，因為佢粗切所以仲保持到少少爽脆，豐富咗成個包嘅層次茉莉花斑蘭茶飲唔到斑蘭同茉莉味，似普通麥茶味🤔可能唔係新鮮斑蘭🤔um...都解渴嘅😅想叫佢回水（講笑）值得一兩個月食一次嘅舖頭😋…查看更多

終於食到依家網絡最紅嘅外賣餐廳-[品味] 越南法麭， 連謝霆鋒鄭秀文都要一嚐。好好彩我不用排隊可以馬上食到佢嘅美味架五花腩肉法麭。 真係幾好食我嗌咗兩款， 五花腩法麭 同品味至尊， 都係五花腩香口d, 味道濃d, 再配埋越南咖啡。一大享受。…查看更多

我叫左pork belly , 個面包幾好食， 唔硬、 但可惜我完全食唔到有肉同埋好似話有炸豬皮， 但我真係食唔出， d 肝醬太多， 但又唔係幾好食， 真係太小餡、 82 蚊真係唔多值， 加左杯18 蚊既咖啡， 都係一般…查看更多

咁啱去中環做嘢，又見YouTube 講到好正宗，點知第一次試食就出事，只係買一個特別法包+豬串，大約十二點，舖頭啱啱開門都未係好多人，佢竟然遺漏我的點餐，等了20多分鐘，連基本嘅餐廳分工合作出單都做唔好。服務影響味道，你仲要淨係做外賣，我仲要拎返去辦公室食，個包已經預先整好等豬串燒，等候時間個包已經濕透，所以未食已經我一啲都唔覺得好食，都真係入口就好似預計一樣難食，豬串都可以叫立即炸，因為漏單先炸，但都唔係立即炸，真心冇下次。好耐冇試過買外賣都咁唔得。祝生意興隆…查看更多

🇻🇳🥖 米芝蓮及人氣推介，冇伏。有人一試就愛上！👩🏻 燒雞法包（無肝醬）：冇肝醬反而幾清新～酸瓜、芫荽、蔥嘅組合好解膩，唔會太heavy，啱晒我呢啲怕醬人。👨🏻 炆五花腩法包：咬第一啖就話「好正！」 法包酥脆，五花腩夠味，雞肉鬆加持，層次豐富，一口接一口停唔到！🥖 法包係最大驚喜！ 外層酥脆到聽得見聲，內裡鬆軟唔乾～ 其次係雞肉鬆同配料，多到爆曬出嚟～喺門口等時見到有下午茶迷你套餐，揾日再嚟 💯…查看更多

「品味Bánh Mì Nếm」開左係灣仔藍屋已經好想試，無奈買完後真係唔知可以去邊度食，終於卑我等到佢開黎中環區，最近返返中環，可以買返公司慢慢deppSpecial Cold Cut Sandwich餡料有雜锦越式扎肉、越式叉燒、雞肉鬆、肝醬、蛋黃醬、酸菜、青瓜、芫荽 & 蔥，食材堅持選用越南直送，法包更加係自家製發酵，烘熱後特別香脆鬆軟，扎肉更加係越南法包既signature，正宗又好味Stewed Pork Belly Sandwich餡料有椰子水炆五花腩、炸豬皮、雞肉鬆、肝醬、蛋黃醬、蔥油、酸菜、青瓜、芫荽 & 葱，呢款油脂會比special多，所以食落係更加香，更加有驚喜我對越式法包係有種執著，「品味Bánh Mì Nếm」係我係香港食過味道最貼近越南食過既法包，價錢唔平，但好食就咩都值，開業短短四個月就獲得米芝蓮推介，果然唔簡單🤭…查看更多

剛剛Bánh Mì Nếm進駐灣仔的時候，就想品嚐一下米芝蓮的越南法包。今日剛巧工作完在中環分店附近，所以去朝聖一下。中環分店在一條巷仔中間，店舖空間較細沒有座位，可以在餐廳立食或者外賣。因為我是下午3點到餐廳，所以餐廳不用等侯，餐廳沒太多人，可以在餐廳站著吃。品味炆五花腩 （$82）法包入面有炆五花腩，炸豬皮，肝醬，蛋黃醬，酸菜，青瓜，芫荽，蔥，超多配料。一口咬下去就感受到又熱又酥脆的法包（要小心因為太酥脆，會很易掉碎）。炆五花腩很軟很入味，肝醬軟滑帶點油香，炸豬皮增加口感，青瓜爽口酸菜解膩，蔥吃時蔥香中帶點辣以及加了很多芫茜提香。凍越南咖啡（black coffee) （+$18）冰冰涼涼的咖啡帶偏濃的咖啡苦香及少少甜，不錯。…查看更多

作為一個熱愛美食的香港人，我經常四處尋找地道又有驚喜的餐廳。最近喺中環搵到呢間主打越南法包嘅外賣小店Bánh Mì Nêm，真係一試難忘！雖然店舖細細，但味道絕對唔輸大鋪，食完有種即刻飛咗去越南街頭嘅覺。 招牌冷切 Special Cold Cut法包  呢個係我今餐嘅主角。法包外脆內軟，啖啖香脆，咬落去完全唔會刮口。入面餡料超豐富，有越式叉燒、各款冷切肉、雞肉鬆同濃郁嘅鵝肝醬。自家製蛋黃醬令口感更滑，配埋酸酸甜甜嘅醃蘿蔔紅蘿蔔絲，仲有青瓜、香菜同蔥油，層次感十足。鹹、甜、酸、辣完美融合，真係一啖接一啖停唔到口。越南凍咖啡 香濃厚身，甜度啱啱好，係正宗越南咖啡應有嘅味道。滴漏咖啡配煉奶，飲落去滑溜又有力，啱晒午餐後提神。唔會苦澀，反而有種醇厚嘅回甘。炸春卷 一份有四件，炸得金黃香脆，外皮酥脆唔油膩，入面係豬肉餡，調味剛好，咬落去多汁又有咬口。點埋佢哋自家製魚露醬，鹹香開胃，食完一件想再食多幾件。香茅雞翼 呢個真係意外驚喜！雞翼用香茅醃過再炸，香氣十足，入口多汁，帶有淡淡檸檬草嘅清香。外皮微脆，肉質嫩滑，唔會太鹹，食完唔會口乾，做小食一流。…查看更多

食過一次呢間米芝蓮推介嘅「品味」越南法包之後就會上癮🤭舖頭門面唔大，不過入面嘅開放式廚房睇到師傅即場組合法包，會先烘熱麵包，厚搽肝醬，再一層層疊上唔同配料。外賣法包用紙袋裝住拎到返公司都keep到酥脆。法包內嘅肝醬好出色，香濃又唔膩，而且絕對唔少。叫咗品味燒雞 ($72) 嘅雞肉非常嫩滑，加埋雞肉鬆層次豐富，配埋酸蘿蔔同青瓜嘅酸爽，簡直係完美組合。而signature cold cut ($82) 除左越式扎肉仲有越式叉燒，非常足料👍🏼呢度主要做外賣，lunch time未開門已經開始排隊。價錢稍貴，但味道真係出色。…查看更多

中環昭隆街的**Banh Mi Nem**，係灣仔人氣越式法包店的分店，主打外帶輕食。店面細小，裝修簡約，座位有限，主要做上班族生意。今次試咗招牌**Special Cold Cut Sandwich**，整體表現不過不失，算係中環區一個方便的越式選擇。 ### 🥪 **雜錦越式扎肉法包** 法包外皮算脆，但未算特別出色，內裡質感尚算鬆軟。餡料方面： - **越式扎肉**和**叉燒**：味道正常，但未算驚艷 - **雞肉鬆**：增添少少口感 - **肝醬**：味道偏淡，香氣不足 - **酸菜**：酸甜度適中，算係亮點 - **青瓜、芫荽**：新鮮但份量偏少 整體味道平衡，但各樣食材未夠突出，食落有少少「大雜燴」感覺。$82的價錢，以中環地段來講尚算合理，但未至於令人想專程回頭。 …查看更多

今日專程坐車去到中環試吓呢間所謂米芝蓮推介食店，可能係平日4:00左右，完全不需要排隊，只有一位食客在等緊外賣，於是落單叫了一份扎肉越式三文治，等候期間看見他們的開放式廚房的製作過程，衛生情況認真麻麻，他們全部有戴上黑色手套，可惜這對手套接觸過所有食材、用具、爐具等等，還有更嘔心的就是用這些手套直接把食材塞入包裏面，還把多餘突出的食材撥走，好擔心食了會不會肚痛！等了差不多10分鐘，終於拿到上手，還好是熱的因為他們有放入焗爐加熱，味道也不錯，應該要有的扎肉，白蘿蔔紅蘿蔔條，辣椒，肝醬，芫荽等等都有齊，可惜唯獨欠缺豬皮絲，少了一份傳統越式法包三文治的風味，而且價錢偏貴需要$82港元，還要立食在一個非常狹窄的地方，一試無妨，再試真係無謂啦！…查看更多

之前睇到社交平台介紹呢間越南法包😍正正就係我係越南錯過既法包襯住今日假日經開中環區 可以試下店鋪係一條巷仔入面浸住都有人入黎買黎堂食或外賣店員好nice 出餐都好快 大概等左十分鐘左右我就叫左「品味燒雞」法包食🥖餡料好足！有酸菜、燒雞、肝醬、蛋黃醬等等每一啖都好豐富 唔膩好好食👍🏻👍🏻👍🏻唯獨飲品唔太出色，斑蘭jasmine tea無咩味個人會比較推介檸檬梳打 但絕對會為左個法包二訪呢間中環隱世小店🤗🤗🤗…查看更多

香港都有不少越南法包專門店，不過最多人認識同推介應該要數拎咗米芝蓮必比登推介嘅品味😽老闆娘係越南華僑，我都係因為有睇過佢介紹越南地道美食嘅youtube而留意佢呢間法包店🤣一直想試試究竟有幾正宗。最近佢哋衝出灣仔本店，係中環昭隆街開咗分店，趁lunch time即刻去試吓。新開張初期，呢間外賣店日日排長龍，不過流水帳keep住整包，都唔會等好耐👍🏻越南法包有扎肉、五花腩、雜菌、醃豬肉串、燒雞、滷水豆腐6款選擇，唔少配料都係店家自家秘製，其他地方少見。🥓品味炆五花腩 $82配料極多，有椰子水炆五花腩、炸豬皮、雞肉鬆、肝醬、蛋黃醬、蔥油、酸菜、青瓜、芫茜、蔥，好足料👏🏻拎上手已經覺得好脆，食落更加係脆到碎屑橫飛🤣而裡面嘅餡料就撞出不同口感，層次豐富。雞肉鬆烘烤過，味道幾香。面頭嘅酸菜、青瓜好清爽，為整體帶來平衡。主菜之一嘅椰子水炆五花腩頗入味，有啲似食pulled pork，不過就略嫌唔夠腍，另外如果肝醬嘅味道再出啲、份量多啲會更好。🫔春卷 $70/4pcs春卷價錢看似貴，但都算貴得有道理，春卷大大件，炸到超級無敵鬆脆😋裡面除咗經典越式春卷嘅木耳、蘿蔔絲等爽脆嘅餡料，仲夾咗成隻蝦，脆到連蝦尾都食得😽外面少見。推介指數（10分為滿分）：7.5分…查看更多

美味子最近終於有機會去中環試吓米芝蓮推介嘅越南菜。我今次點咗兩款招牌：品味炆五花腩三文治同品味燒雞三文治，下面同大家分享吓我嘅感受！品味炆五花腩三文治：肥而不膩嘅滋味享受
一拎上手，個法包已經畀我一個大驚喜—外皮脆到不得了，咬下去「卡滋卡滋」嘅聲音真係好治癒，內裡又夠軟熟，完全唔會刮口。主角炆五花腩入口即化，肥瘦相間，炆得夠入味，帶點微甜同香料嘅層次感，搭上店家自家製嘅肝醬，濃郁得黎唔會搶味。再加上酸菜同青瓜嘅清爽，仲有芫荽嘅香氣，成個三文治層次豐富得令人感動！不過要提醒吓，餡料多到有啲漏出來，食嘅時候要小心啲，唔係就變「美味子」秒變「邋遢子」啦！品味燒雞三文治：簡單卻有驚喜
另一款燒雞三文治同樣用咗同樣出色嘅法包，酥脆度同口感一樣滿分。燒雞腿肉嫩滑多汁，雖然味道相對炆五花腩淡咗啲，但配搭雞肝醬同雞肉鬆之後，又多咗一份獨特嘅風味。酸菜同青瓜依然係清新嘅救星，蛋黃醬同芫荽再加分，整體感覺比較輕盈，唔會太重口。我個人覺得燒雞款雖然唔算特別出位，但勝在平衡得好，食完唔會覺得膩，係一個穩陣嘅選擇。
兩款三文治各有千秋，炆五花腩濃香撲鼻，燒雞則清新可口，但如果要我揀一款encore，我會投炆五花腩一票，因為佢嘅味道同口感真係太有記憶點！「品味」嘅法包質素真係無得彈，米芝蓮推介真唔係浪得虛名。價錢方面，兩款三文治加起來大概百幾蚊，喺中環嚟講算係合理，cp值不俗。唯一小遺憾係店舖主要以外賣為主，想堂食嘅朋友可能要拎去附近公園慢慢享受。…查看更多

之前見到已經開咗，但係好驚多人一直冇來。今日大約中午1:30左右過嚟，見到有10個人等緊包，有四五個人排隊買包。嗰時有啲種類，例如豬肉串已經賣晒，要食就要早啲嚟啦。埋單同等包大約20分鐘左右。呢個價錢嘅包，其實已經係越南嘅10倍，不過香港地係咁㗎啦。法包真係幾脆，見到店員入完餡之後都會入焗爐翻熱吓再加啲濕配料，唔會軟腍腍。食咗椰子水炆豬腩肉，腩肉已經係手撕左，醃蘿蔔都幾好食，不過個醬唔夠香口，整體係不過不失，但唔會話好好食。本身以為會平啲，但係原來呢個價錢都唔包嘢飲。見到飲品吧都幾簡陋，要加$18有啲唔抵。未食過可以試吓嘅…查看更多