咖喱至尊

咖哩至尊(大埔)想試好耐呢間印度巴基斯坦咖喱小廚，點了咖喱牛腩飯，還完蓮藕章魚綠豆豬骨湯，咖喱不錯選了小辣剛好，牛腩好淋，個蓮藕章魚綠豆豬骨湯出奇地好飲，無乜味道正。大埔人咖哩之選👍😋…查看更多

一家五口點了個至尊自選套餐B，$218，有一碟鹽焗雞例牌，再加兩款小菜，送例湯一小窩及白飯兩碗，然後再加多一個$75的餸，D餸都有幾多款式可以揀。咖喱至尊梗係要食咖喱啦，我地揀咗咖喱牛腩，份量比想像中少，而且D牛腩炆得唔夠淋，不過個咖喱汁好惹味，加埋D青瓜粒番茄粒落去都幾正。個鹽焗雞例牌幾好食，有驚喜，竟然好過咖喱牛腩。白飯兩碗大大碗。例湯一小窩，每人都飲到一碗半左右。呢個就係加嘅椒鹽鮮魷，$75，OK啦。…查看更多

咖喱至尊喺大埔屹立多年，咖喱惹味，小炒夠鑊氣，一直都係深受街坊愛戴嘅小店。裝修方面咁多年黎都無咩大變動。除左咖喱之外，有朋友推介星洲炒米，我就覺得泰式豬頸肉都唔錯。午市黎講都係食返碟頭飯啦，快靚正。今次唔食咖喱，食粟米雞扒飯。 🍛我覺得咖喱至尊嘅粟米雞扒飯比佢嘅咖喱有過之而無不及。炸過嘅雞扒，外脆內軟，再淋上粟米汁，真係不得了。看似單調嘅配搭，但係已經好好食。曾經有段時間我每次黎都係食粟米雞扒飯，因為其他地方真係食唔到（以目前去過嘅地方計）。…查看更多

細個見到報紙介紹「咖喱至尊，咖啡稱王」定係唔知「咖啡至尊，咖喱稱王」，不過唔緊要啦，可能佢咖喱同咖啡都一樣咁出色，但係大家要記住佢係咖喱至尊。 我想講佢除咗咖哩之外，其他野都好出色，例如粟米雞扒飯同星洲炒米，有機會真係要同大家介紹吓，我食粟米雞扒飯嘅次數可能多過食咖喱（其實我間唔中都會encore）。 咖喱方面正唔正宗我就唔知，但係就幾好食咁囉，少少青瓜同洋蔥碎再加粒車厘茄，食落幾清新。咖喱黎講仲可以揀唔辣，簡直係衝擊我嘅認知，原來唔辣都可以係咖喱？…查看更多

依家係小編認為香港最最最好食嘅咖喱🍛！雖然而家冇以前咁好食，但係都係覺得好好食🤣暫時仲未食到間係呢一種風味嘅😍☘️咖喱牛腩呢度有唔同嘅辣度俾人選擇🌶 仲有唔辣可以選擇，所以即使唔食得辣嘅朋友仔都可以食㗎！怕辣但係又想挑戰嘅話，枱面可以有一甖辣油俾我哋自己調節辣度👍🏻呢種㗎你比較遲巴基斯坦嘅咖喱，比較重口味的😂牛腩份量好多，仲有唔少嘅配菜，例如薯仔係我嘅至愛🥰個咖喱汁超級好送飯derrr !!!!!之前係超級超級超級好食咖！而家啲咖喱開始稀咗少少🥹好食：❤️❤️❤️❤️❤️抵食：❤️❤️❤️❤️🖤…查看更多

已經有兩年，沒有過來大埔，今天工作需要又舊地重遊。大約10年前在這區工作，是這咖喱店的常客，今天也過來，緬懷一下。12:45來到，竟不用等位，其實很少有！二十年如一日，裝修完全沒有變過。當然是叫最喜歡的巴基斯坦咖喱。這間如果和佐敦的巴基斯坦咖喱比較，咖喱是比較厚身，比較杰。洋蔥味偏重。今天的牛腩比較韌，下次都係叫返咖喱雞。份量很足夠，加埋凍飲51蚊，也非常合理。服務算係咁啦，阿姐相當快手。 我見也很多人吃白汁魚柳意粉，也非常像樣。下次考慮吓！…查看更多

今晚試咗一間主打巴基斯坦咖喱嘅小店，聽講呢間舖頭已經開咗好多年，似乎有啲信心保證。食咖喱梗係食咖喱牛腩飯，我問老闆可唔可以牛筋腩，佢話冇問題，我之後睇吓相平加$6 ，諗住都算啦，點知佢冇加我錢真係好有愛。佢個咖喱入面有蕃茄同埋青瓜切粒，幾清新，食到覺得辣嘅時候泊返兩粒都唔錯，我已經叫小辣但係竟然都食到成頭汗。啲牛腩唔得，唔夠林，牛筋就唔錯。飲品揀咗要湯，係明智選擇，個湯好好飲，有少少湯渣咬下，真係唔錯。…查看更多

今日晏晝去咗食咖喱至尊嘅咖喱牛腩飯呢間係我由細到大都會食嘅餐廳，但係佢哋咖喱真係同以前比較差好遠，水準一直下跌，而家冇乜好特別囉，但係亦都唔難食嘅不過以前嘅味道只能回味。…查看更多

以前成日放工都食 有成兩年冇食今日身痕 下午茶去買外賣$33 咖哩雞扒河 冇得分開上個河粉濃哂 相都廢事影下午茶加$7有兩隻咖哩角 返到嚟打開見到其中一隻 異型咁嘅樣 濃哂仲要爆開入面空心冇哂啲涵 犀利冇下次喇 同場加映 肥阿姐態度極差 唔知以為我差佢老公食咖哩牛腩飯 正常$47凍飲+$2 我嗰個就真係不了除咗杯凍檸茶 完全冇可取之處成間店3枱客 1枱食緊 我個外賣都等咗好耐其間佢地拜神 出出入入喺度裝香 燒衣帶住口罩焗住都幾辛苦⋯⋯…查看更多

大埔 正宗中菜小廚✅咖喱精選 味道一流📊呢一間舖頭位於大埔廣場地下🔗係屬於咖喱至尊☺️正宗嘅咖喱😘真係需要一試🙂呢一間嘅舖頭總共會有三種唔同嘅辣味😂今次就揀咗咖喱豬扒飯🥰佢真係唔同一般嘅茶餐廳😉入邊都仲會有紅蘿蔔😛洋蔥等等唔同嘅蔬菜😗咖喱汁比較濃郁🙂食過返尋味😝地點：大埔安泰路1號大埔廣場65號地下名稱：咖喱至尊好去評分🎖(5個👍🏻為最好）- 環境：👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻👍🏻- 推介：👍🏻👍🏻👍🏻👍🏻…查看更多

本人係土身土長既大埔仔 咖哩至尊都算係老字號 叫左個咖哩牛腩飯小辣 咖哩已經食唔返以前既味道 牛腩亦過淋冇口感 收我$62連唐記既咖哩牛腩飯都比佢好 見證住大埔老字號沒落傷心…查看更多

呢間野係大埔都好多年歷史,裝修都有D舊,呢間野相信大埔人都唔會陌生架喇.門面係非常搶眼嘅黃色招牌,大大隻字寫住咖哩至尊,仲有寫住集印度與巴基斯坦咖哩之精粹,咁佢講到咁,當然要入去一試究竟入到去真係同出面一樣咁舊,好似茶餐廳咁,自己搵左個位坐低之後,就睇下餐牌似乎餐廳除左咖哩,沙嗲都係主打諗左好耐最後都係揀左咖哩牛腩,叫左個中辣試下.味道係唔錯,確係食度兩種咖哩嘅感覺,佢仲加左D蕃茄同埋瓜落去,食落會爽口D,辣度都足夠飯嘅份量就唔係好多, 如果講味道嘅話我都係鐘意巴基斯坦咖哩多D!…查看更多

晚上8點半，原先諗住去食雞，點知D雞已經賣晒，於是唯有轉陣，試咗呢一間咖喱。點了個豐富版二人套餐，有雞、一款咖喱(我地叫咗咖喱牛腩)、有碟菜、仲有例湯同埋白飯兩碗。雞雖然唔夠嗰間專賣雞嗰間咁好食，不過呢一間都都夠滑。咖喱就真係無得輸，要咗少辣，啱啱好，咖喱的香料味好香，感覺真係真材實料。炒菜都OK啦，比想像中大碟。例湯又係好大碗，一人飲到起碼兩碗，都幾足料，唔錯白飯超大碗，我地兩個人Share一碗就夠晒，費事浪費食物啦。…查看更多

好多人都話大埔美食多，但講真市中心呢邊我又唔覺有乜特別正。 。 。今日比我試咗間有小小驚喜 💖咖喱至尊果然名符其實，咖喱係好味，雞肉夠淋身唔靱，送飯夠晒多汁，我竟然差不多清晒碟2飯同汁，好彩跟住去打波減返啲罪惡感 🤭🤭侍應姨姨好好禮貌，對客好好，但係杯奶茶無茶味，下次食咖哩都係飲汽水夾啲 😅😅，另外飯唔係好夠熱，希望佢哋可以改善吓。…查看更多

咖哩至尊係大埔區內都好出名，午餐都會通常過黎食，試一試咖喱。落餐tips係咖喱飯可以轉河粉或米粉，咖哩亦有大中小辣，真係吾食辣可以揀吾辣或者係沙嗲湯底。咖哩牛腩飯 有一向牛腩夠焾，咖哩惹味的水準！今次d飯仲夠汁，所以非常正！咖哩雞飯雞飯都做得非常出色，薯仔超入味！正！送飯一流～午餐黎講快靚正，喜歡吃咖哩的真心推介～總消費：一個餐約$50！環境：★ ★ ★ ☆ ☆食物：★ ★ ★ ★ ☆服務：★ ★ ★ ★ ☆性價比：★ ★ ★ ★ ☆…查看更多