咖啡廳

今個秋季,香港喜來登酒店-咖啡廳(The Cafe)為大家獻上一場環球蟹饗之旅!!由10月1日至11月30日推出期間限定的「環球珍蟹百味自助餐」.以各款秋季當造蟹類作主題,帶出各款滋味.今次每人仲送上清蒸當造大閘蟹(週末自助晚餐限定).除左當造蟹類, 酒店行政總廚 Paolo Federici 及其團隊嚴選來自世界各地的優質海鮮與時令食材,製作出多款國際美食.係香港喜來登網上商店預訂「環球珍蟹百味自助餐」尊享高達［買二送一］秋季蟹當造蟹類有阿拉斯加帝王蟹。大閘蟹。鱈場蟹。麵包蟹。紅蟹,絕對滿足到大家!尤其係大閘蟹!一打開爆晒蟹羔,味道相當鮮甜濃郁.另外凍海鮮區當然唔少得鱈場蟹腳及麵包蟹.其他海鮮選擇亦好豐富及新鮮.熱盤熱盤蟹料理我自己私心推薦一定要食咖喱麵包蟹配大麵包同胡椒蟹!好有當地風味而且醬汁極惹味.仲有一款相當高質嘅食品係蟹肉蟹黃蒸糯米飯,糯米飯粒粒分明而且煙韌充滿嚼勁,鮮味滿分!最後一定要試埋鐵板燒阿拉斯加帝王蟹蟹腳,經燒香後風味更香.其他蟹類熱盤亦相當惹味:紅花蟹肉蟹籽芝士長通粉, 香炸蟹鉗天婦羅, 蟹肉蟹籽大阪燒等等.甜品甜品區一定不容錯過!由酒店麵包及糕點部行政總廚陳淦森師傅（Sam）與團隊悉心製作一系列創意與經典兼備嘅精緻甜品.當日萬聖節仲加上鬼馬元素,充滿濃厚節日氣氛.黑芝麻巴斯克芝士蛋糕濃郁軟綿,菠蘿椰子奶凍酸酸甜甜又唔會太膩.…查看更多

Revisited The Cafe at Sheraton twice for their lunch buffet. .As usual, the oysters and sashimi were fresh and satisfying. My sis tried the mushroom cream soup, and she really appreciated its creaminess.The cold cuts like parma ham, salami and smoked salmon were savoury and paried well with the cheese. Appetizers like tofu salad, century eggs and mala chicken wings were quite appetising.For their hot dishes, the steak was only soso to me. It was not that tasty and felt slightly heavy. However, I really loved their beef tongue, which was extremely tender, meaty and flavourful. The steamed egg was smooth and eggy too.We ended our meal with their desserts, which I appreciated the most. Such a diverse variety and they were definitely delicious. The chocolate cream choux was not as crispy as I imagined, but the rest like crème brulee, waffle, cheesecake were so good.…查看更多

一係唔食，一係呢排食左幾餐自助餐。朋友係自助餐粉絲，剛剛發現左有個優惠，係喜來登網上商店預訂呢個東瀛海洋珍寶遊自助餐買一送一優惠。大家睇完真係要即刻訂。未上七點上到去，已經有開即食原條吞拿魚，未食已經覺得好有誠意，好似呢排都好少見到有自助餐咁有氣勢。話明東瀛海洋珍寶遊，勁多嘅日本食物都勁正，日式鐵板宮崎A4和牛肉眼配炸蒜片，炸吉列廣島蠔配芥末醬、日式燒鱈魚、蜆湯、最癲係個鰻魚飯，條鰻魚大件到一個點，講真，呢個價錢你係居酒屋都食唔到乜，買一送一顯得特別優惠。海鮮方面，波士頓龍蝦、即開法國時令生蠔，麵包蟹、鱈場蟹腳、青口，大蝦，剩係呢到都已經夠你值回票價。又可能係東瀛海洋theme嘅關係，啲刺身係我近來食幾餐自助餐最新鮮的，不得不讚，個三文魚肥美到不行，帶子激大隻，絕對係回本位，仲要有海膽卷。當日仲有好多勁靚嘅燒味、燒牛肉、燒羊架、蒸扇貝、麥皮蝦，最正嘅有即煮嘅意粉檔，黑松露嘅Penne又係尾聲點飽都要隊番碟。就連甜品都有日式風，好有誠意，日本士多啤梨忌廉卷蛋糕、宇治抹茶紅豆歌劇院蛋糕、黑芝麻巴斯克芝士蛋糕等等，當然其實前段幾十款嘅海鮮熱食太吸引，已經夠飽，如果你酷愛甜品，一定要留肚。呢度嘅職員推薦6月14至15日自助晚餐推出一人份限定 ，香煎鵝肝配黑醋汁，特別可以extra送俾爸爸，絕對值得過來一家人食下，前排介紹過一個激平嘅Brunch優惠，聽講而家已經好爆，相信呢個優惠介紹完都一定會好受歡迎。…查看更多

The Cafe之前去咗K字頭網站買到買一送一午市自助餐，好彩今日最終冇掛八號風球可以照常出席，不過我昨日都有打去酒店佢話可以改期的，今次係我第一次去呢間酒店食自助餐，期待！因為食物太多好難品評太多，亦都食唔到咁多款式，只講個人食過的必食推介😁冷盤：煙三文魚熱葷：燒牛，燒鵝，蒸魚，吉列雞扒(咖喱）刺身：希靈魚，甜蝦凍海鮮：長腳蟹，法國生蠔，翡翠螺甜品：Tiramisu，朱古力蛋糕，芝麻蛋糕，焦糖燉蛋整體嚟講，今日食呢個自助餐非常之抵，甜品係最出色，長腳蟹都唔錯，其他就一般般，服務很好，收碟快，環境舒服…查看更多

我覺得唔值喎 點解咁多正評 5星級酒店居然咁少食物選擇 場地又細 首先佢熱食真心唔夠 行左一圈都冇乜邊樣簡得落手 海鮮都係普通貨色 生蠔瘦到冇乜肉 又細隻…. 成間野味道都差 成個場入座率都好低 …查看更多

🌊✨ Just had the most incredible dining experience at The Café in Sheraton Hong Kong Hotel & Towers! From now until September 30, 2025, they are offering the limited-time “Flavors of Japanese Ocean Treasures” buffet, and it’s a true celebration of summer! 🍣🍤We indulged in over 25 ocean delights, including chilled Boston lobster, freshly shucked French oysters, and mouthwatering snow crab legs. The sashimi and sushi were absolutely divine—each bite was a perfect harmony of delicate textures and bold flavors! 🍣💖The Miyazaki A4 wagyu ribeye grilled to perfection was the ultimate highlight. 😍🔥 Adding to the experience were crispy deep-fried Hiroshima oysters and a warm bowl of ramen that brought comfort on a sunny day. 🍜☀️To top it all off, we savored delightful desserts crafted by Executive Pastry Chef Sam Chan. The Japanese strawberry roll cake and the black sesame Basque cheesecake were simply out of this world! 🍰🍓If you’re in Hong Kong and looking for an unforgettable dining experience, The Café is a must-visit! 🌟…查看更多

對酒店日本主題自助晚餐期望高，燒和牛每次俾好細片，炸蠔好多內臟苦，生蠔肉好薄，廚師話夏天關係細隻，蒸帶子過熟和北京填鴨預制淋晒。唯一好食係甜品，飲品自助有汽水。總括來說不合格，比大型日式放題連鎖餐廳食物質素差。…查看更多

好耐都冇去呢間酒店食buffet，因為住港島，而且一般般，但今日再臨，就發覺它進步了很多，食物比以前豐富和味道好。有長腳蟹 （鮮甜）、生蠔（寫明法國，但細而瘦）、凍蝦，螺、魚生 （可以）。橙汁、咖啡、檸茶任飲。Cold cut （可以）、芝士 （可以）。黑松露芝士長通粉，呢個一定要試，用上意大利芝士、真黑松露。燒牛肉 （好味，又切得大槐。）蟹肉日式蒸蛋 …… 很多食物。最令人驚喜是蛋糕，傳統造法，好好味道。…查看更多

自助晚餐時間6：30-9：30，K字頭網站買一送一，每位$443。我是每樣食物都會嘗試的。首先一入門口見到是龍蝦、蟹腳、生蠔、青口、麵包蟹等冷盤海鮮，然後是日本刺身壽司檔，再往前是冷盤前菜，各式火腿、煙三文魚、芝士、沙律菜、日式芝麻豆腐，還有川式小吃- 雲耳、蒜泥白肉，接著是甜品區，後面主打是各類西式熟食，右手邊是飲品 檸檬茶 檸水 橙汁 coffee tea, 左邊是麵檔 燒和牛，最裡面是燒味檔等等熟食。龍蝦 蟹腳 新鮮，是本人推薦的。生蠔太小了，幾乎無乜肉食。沙律前菜選擇還可，不過不失，燒味檔叉燒好食，燒肉淋左又老，其他熟食味道都OK。海膽以手卷形式登場，和其他刺身壽司都OK，不過不失。燒和牛好吃的，每次排隊可以取2件。湯有3款，蟲草花膠湯、中湯粟米豬骨湯、西湯洋蔥湯。甜品選擇中等多，蛋糕都好食的，哈根大師雪糕有4款口味，都好好食。…查看更多

現在平台很多時都會有不同嘅優惠，見到有父親節優惠，所以試吓。準時十二點前到達，雖然爆場，但入座安排很順暢。我嘅前菜一定係蟹腳同生蠔（如有）。蟹腳同生蠔都新鮮好食，蟹腳最重係係唔鹹同唔「黐殼」，生蠔我腸胃比較敏感，但起碼我食完個肚無事。其他食物無論是新鮮程度同味道都都確實係水平以上，真心好食，由於食物衆多，我無可能一樣樣講，而且自助餐，我一向每款食小小，盡量用我肚子嘅『空間』，去食多幾款我想食的便是。最後我最欣賞佢哋嘅甜品，選擇夠而且好食。以三佰內價錢一個人計，真心無可挑剔。回頭度～8/10以上純粹係個人食完之後嘅分享，本人並沒有收取任何利益或任何優惠。…查看更多

喺尖沙咀呢個地區buffet熱點，Sheraton酒店嘅The Cafe自助餐一直以來都係buffet界嘅風頭躉，多年嚟吸引咗無數食客。佢哋嘅自助餐以高質素同多樣化嘅菜式而聞名，真係唔講得笑！而家更推出咗一個我最鍾意嘅日本主題自助餐，吸引力十足，特別係對於鍾意日本美食嘅朋友來講，簡直唔可以錯過。佢哋最近仲推出咗一個限時優惠，喺Sheraton網上商店預訂「東瀛海洋珍寶遊自助餐」，可以享受買一送一優惠，實在超抵！如果你係自助餐嘅愛好者，呢個機會真係好難得，因為可以用更平嘅價錢享受到咁多美食，真係太吸引啦！自助餐入面有逾100款美食，無論係海鮮定係熱葷，應有盡有。特別係星期五六日晚餐，每晚7點仲有即開即食嘅原條吞拿魚刺身，當晚未夠鐘啲食客已經成群出動，個個擺定個靚位等睇表演！除此以外，波士頓龍蝦同法國時令生蠔都係自助晚餐嘅明星產品，對於我呢個海鮮愛好者，真係一個唔可以錯過嘅盛宴。熱葷區都有好多款經典日式料理，特別推薦日式鐵板宮崎A4和牛肉眼，配上炸蒜片，口感真係一流！再加上炸吉列廣島蠔配芥末醬，味道絕對令人驚喜。每一口都係享受，食得人心花怒放。除咗主菜，The Cafe仲有創意前菜同清新和風甜品，特別係日本士多啤梨忌廉卷蛋糕、宇治抹茶紅豆歌劇院蛋糕，都係必試之選。每一款甜品都精緻可口，食完主菜之後，甜品絕對係為呢餐畫上完美句號。仲有，父親節就嚟到，The Cafe特別推出咗一人份嘅限定嘅香煎鵝肝配黑醋汁，相信好多家庭都會選擇喺呢個特別嘅日子帶埋爸爸嚟享受一頓豐盛的自助餐，真係一個好好嘅選擇。咁多年嚟，The Cafe唔單止係自助餐嘅表表者，仲係家庭聚會、朋友聚餐嘅理想地點。無論係味道、環境定係服務，全部都非常出色。我相信，帶埋爸爸媽媽嚟呢度食自助餐，佢哋一定會開心得不得了！所以，如果你仲未試過，快啲預訂啦，享受呢個美食盛宴！…查看更多

2025/03/15 lunch buffet 選擇本身已不多，基本的燒牛肉肉質較靭-目測約7成，3次要求要生一点也提供不了。後來得到餐廳經理幫忙找主廚才能提供生一點，但是仍然有5成，主廚明顯心情不佳，一點笑容也沒有，說是慢煮就是這樣，喜歡較熟的應該沒有影響，只是奇怪燒牛肉這種基本菜式，為什麼不能符合大眾不同的選擇及口味？三文魚沒有魚油魚香味，第一次有這種體驗，一點也不像是魚生，非常不合格。生蠔實在太小太薄，非常罕有；櫃檯那位男侍應的態度也不好，櫃檯註明建議每位客人取三個，明白有時人多的時候確是需要排隊，只當時根本沒有人，星期六的下午非常淡靜，他的反應/責怪令我覺得他完全沒有此必要，建議他學習變通。餐廳經理及水吧小姐服務貼心殷勤。另外因為有老人家而要求坐的位置較近一點食物區這方面也安排不錯的。較早前分別曾到過九龍酒店，沙田帝都及半島酒店的lunch buffet, 也是物有所值非常愉快的，喜來登明顯遜色。…查看更多

我冇影食物相，因為冇諗住出post同埋平時都冇影嘢食嘅習慣，今次食完餐飯幾日都仲諗起，所以都決定讚一讚嘢食方面種類係夠嘅，要食嘅都有齊，穩穩陣陣，食物質素都唔錯，海鮮最鍾意係麵包蟹，蟹鉗，刺身帶子同埋蝦，蠔係細隻左d但有鮮味唔會太咸，開定曬都唔需要等熟食最鍾意就湯、蒸魚、羊架同埋燒腩仔，岩岩整出黎係好香好脆甜品同埋生果好多款式，基本上每樣都試左，好好味對於嘢食方面我認為種類唔需要太多，但係每樣都係有質素先係最重要，呢點係做到嘅。另外要讚一下服務，一去到餐廳都已經感受到友善嘅氛圍，因為我生日，雖然冇特別嘅折扣優惠（我冇滙豐卡，滙豐好似有75折），但係問reception姐姐佢地話可以送一個小蛋糕插蠟燭比我影相，咁最後我太飽喇，同佢講唔洗送比我，咁佢都好好插支蠟燭喺細細件嘅甜品比我影張相，感受到佢地想令客人開心嘅心意。待應會隨時觀察客人需要，有時杯酒我飲到一半就已經過來添酒，收碟都好快手。經理會專登過黎提醒有煎和牛，因為有小小隱蔽，可能怕我地會錯失左。大部份counter嘅師傅都好有禮貌，埋到去面帶笑容問你想食咩，呢點我係好欣賞。總括黎講係開心嘅，超出預期嘅，下次要食自助餐我都一定會再黎:)p.s唔知點解睇番之前d食評咁多差評，可能我要求真係唔好好高，或者我去嗰日人比較少？…查看更多

但係服務質素真係麻麻，有位著西裝的女服務員態度真的有點趕客，我去那一晚人數不數多，但她的眼神不太友情，因為她帶口罩只能看到眼睛，沒人收碟，沒水，就叫她一下幫忙收拾一下，她就露出一個不太願意的眼神，我提問一些問題都沒耐心解答。我明白現在的服務業很難做，但也不要將客人趕走，客人人數不多，應該可以處理到吧。體驗好差，食物質素還可以，但服務就…本來想一家人可以渡過開心的一晚，吃個開年飯，但換來卻是服務員的白眼。…查看更多

十二月自助餐最後一擊就來到位於香港喜來登酒店的咖啡廳The Cafe，歡送2024迎接2025新一年。落地玻璃窗透進柔和的自然光，還可飽覽彌敦道的鬧市街景，是日臨近新年全場滿座，人多時亦坐得比較擠。今次於Openrice訂座環球海鮮嚐鮮盛宴自助午餐亦可享有預付優惠，星期六至日成人每位連加一只需$482.6，自助午餐於下午12:00-14:30供應，可以不追不趕地食足2.5小時。香港人吃buffet 最在意就是要吃到回本，冰鎮海鮮源源不絕地供應。refill 速度亦夠快，款式包括生蠔、蟹腳、大蝦、青口及螺。回本位又怎能缺少生蠔？！難得lunch buffet也可以瘋狂任食到盡興而歸。即切肉類有兩款，包括即切燒牛扒和烤火腿。熱盤款式夠多元化，集合韓式燒雞、燒三文魚配車厘茄沙沙、香煎牛仔骨伴黑椒汁、蟹肉茶碗蒸、清酒煮蜆、Pizza、粟米忌廉湯等等。中式熱葷有清蒸石斑、咕嚕肉、薑蔥霸王雞、燒鴨、叉燒、XO醬炒海鮮、杞子豬肉燒賣、小籠包、蓮子薏米黃瓜排骨湯、豬腳薑、清炒時菜...清蒸石斑大條又厚肉，魚肉鮮嫩，不會蒸得過了火候，高蛋白低脂肪，可說是老少皆宜的菜式，而且最原始簡單的做法原汁原味，反而能更突顯出食材本身的鮮味。熱騰騰的蟹肉茶碗蒸軟軟嫩嫩，猶如豆腐花般彷彿吹彈而破，混合了絲絲蟹肉和粒粒蟹籽，即時讓蒸蛋的鮮味再度昇華。炸物小食保持一定溫度，包羅泰式魚餅、炸蝦天婦羅、雜菜天婦羅和日式八爪魚丸。除了酒店自助餐常見的湯粉麵之外，另有即煮意粉檔，備有兩款醬汁自由選配：肉醬及黑松露忌廉。咖喱款式有印度烤雞和羊肉咖喱，可以沾上印式薄餅或印式洋蔥烤餅伴吃。魚生刺身有八爪魚、甜蝦、吞拿魚、三文魚和玉子，即叫即切。雜錦壽司亦有七款。凍肉提供巴馬火腿、精選凍肉拼盤、百麗芝士、精選芝士、英國藍芝士及煙三文魚，三文魚脂肪條紋清楚利落，魚肉鮮嫩而有彈性。沙律吧有多款已經拌好的沙律：蟹肉蟹籽青瓜沙律、泰式牛肉沙律、海蜇沙律、蕃茄芝士沙律、凱撒沙律和燒雜菜沙律，加上新鮮沙律菜和醬汁，可隨個人喜好自行混搭。甜品區提供海量款式，這天就有經典意大利芝士蛋糕、士多啤梨雲呢拿慕絲蛋糕、德式聖誕蛋糕、藍啤梨芝士蛋糕、粉紅番石榴蛋糕、焦糖燉蛋、黑森林蛋糕、朱古力班尼士、法式瑪德蓮蛋糕、意大利聖誕雜果麵包、蘋果白酒啫喱、馬卡龍、蛋撻，烤窩夫...其中一大特色可算是賣相精緻的原個蛋糕，外型呼應節日主題，更有過節氣氛。當中必吃的當然要數招牌巨型Tiramisu，做法正宗，融合了苦香可可和濃縮咖啡粉，可說是歷久彌新的經典美味。浸滿咖啡香的手指餅有如海綿蛋糕般鬆軟，保持細緻濕潤的質感，入口即化。焦糖燉蛋外殼香脆金黃，裏面配上滑嫩的綿柔燉蛋，形成強烈對比。另有多款麵包和生果。訂位時表明慶祝生日或週年紀念，就會送上蛋糕，是日款式為芒果慕絲蛋糕，還會點上蠟燭，讓節日添上滿滿儀式感。最後不要忘了任食Häagen-Dazs雪糕杯。節日限定自助餐每人可以任點紅酒、白酒或橙汁，還有咖啡機無限供應，可以隨時自斟自飲。…查看更多