咕嚕牛舌專門店

叫了一個極上牛舌套餐，飯面上有一小塊牛肉漢堡、另外有麻醬沙律、咖喱汁、溫泉蛋和牛骨湯，非常豐富。可是，主打的那幾塊牛舌真係韌到呢，簡直是在挑戰我的牙力！我可以講，著咗7成嘅牛舌都係咬唔到！😣有職員留意到我把一半牛舌剩下，知道發生什麼事，就主動給我折扣，減$10咁大把，認真多謝晒！另外，又給我一張$10優惠券 ….. Mm ….. 我還會再來嗎？！🙄…查看更多

點了鹽燒牛舌定食，套餐包含鹽燒牛舌，白飯連迷你漢堡扒，一小碗咖喱，溫泉蛋，沙律菜，蘿蔔牛骨湯。其中白飯，沙律菜，蘿蔔牛骨湯可免費逐添一次。埋單$120未加一。價錢尚可接受惟食物質素平庸。食物1. 鹽燒牛舌質素尚可，惟有少許根。附帶兩碟醬汁，可惜醬汁調味失敗，點完都唔知係乜嘢味道。2. 迷你漢堡扒質素尚可，調味略嫌太淡。3. 溫泉蛋及沙律菜正常發揮。4. 咖喱凍的，0分。5. 白飯煲飯時落太多水以致十分soggy，濕到就快好似糊仔咁，難以接受，0分。6. 蘿蔔牛骨湯清淡到以為飲緊水以及不夠熱。2. 店鋪環境座位少許狹窄，尚可接受。3. 總結價錢尚可，食物質素平庸，店家需認真打好基本功，尤其是白飯，食材的調味以及出餐時食物的熱度。…查看更多

見佢新開 同睇到openrice 食評相 極厚牛舌好吸引 點到黎到 完全同之前啲相唔同完全唔厚 唔知點解分別咁大然後無牛小排 換牛板鍵 好鞋…88折 但要原價加一 即刻最後平左$3.但個極厚牛舌真係好大出入….無下次。加上女服務員 服務態度麻麻好似黑口黑面咁 連水/茶都唔俾 明明見佢地出餐位有水杯茶杯 同埋凍水/熱茶可能88折 當無加一 所以唔俾啦。…查看更多

本身係牛舌嘅忠實擁躉。既然佢係牛舌專門店當然一定要去朝聖一下啦。我哋一共三個人，我哋三個人全部都嗌咗同一款套餐就係極上厚切牛舌定食喇～上網睇到佢嘅牛舌係可以又厚，燒到中間非常粉嫩，所以我都好期待直至到我嗰一份嚟咗先。呢一份係我嘅，好客觀大家都睇到首先有一舊非常之燶同埋全熟，另外可能呢度睇唔清楚，我想講我呢一份入邊，有兩件以上係頭頭尾尾，而且非常之乾。坦白講真係幾唔開心，因為將近$200 一個餐，賣點仲要係牛舌，但係主菜牛舌嘅質素就係咁樣。跟住我一路等，另外兩位朋友嘅餐隔咗起碼20分鐘之後先再到。完全唔明點解第一個同埋第二第三個餐可以爭咁遠。以下呢一份係我朋友嘅。公平地咁樣講佢呢一份嘅質素我比$200我會覺得OK，而呢張相對面嘅另一份係另一位朋友嘅。我想講嗰一份比$200我都唔會嬲，但係我自己嗰份我就真係嬲嬲地。店入邊嘅環境唔係特別寬敞。如果賣點係食物而食物質素當然冇投訴，但係咁嘅價錢咁嘅食物，環境又唔係特別好。就真係唔會再有下次囉。睇埋套餐入邊其他嘢。會有一個和牛漢堡嘅飯。漢堡入邊粉嫩，味道都唔錯。會有一隻溫泉蛋同埋會有一份咖喱俾你撈飯。你張相睇到我啲牛真係有啲嬲。有一小碗牛肉清湯。檸檬梳打係自己新鮮喺自己面前自己😂幾得意，$25出嚟食飯，叫個飲品都預咗，所以呢個就冇乜問題。總結係真係唔會幫襯第二次，點知第二次會唔會又係咁差，希望餐廳可以保持水準統一，牛舌頭尾嘅損耗，我覺得應該係由餐廳自己承擔唔係食客同你承擔。…查看更多

餐廳位置偏擠迫。雖然提供咗掛鉤，但係掛鉤好細好單薄，應該只可以掛起小手袋，大背囊同大少少嘅袋都只可以放係大髀或者地下，形同虛設。然後餐點部分更係令人嚇親，令到我忍唔住想寫少少評論話俾大家知道真實嘅情況同感受。極尚厚切牛舌定食上菜嘅時候係令人嚇親。只有薄薄嘅六片牛舌(利申翻嗰張相係已經食咗一嚿)，並唔係好似佢宣傳或者係點餐嘅圖片咁樣有一堆好厚嘅牛舌。咁諗住試吓個味道係如何，講到係好稀有嘅部位又收到差唔多$160可能係好驚為天人。結果味道一般，要靠醬汁去調味。然後套餐上面嘅飯係有配上一塊細漢堡扒，嗰塊漢堡扒好鹹同埋好乾，唔怪之得要配飯食。另外個兜咖喱係凍嘅，裏面有幾舊細細嘅牛舌，但係除咗咖喱味之外，一啲牛味都冇。牛舌漢堡扒定食呢份就感覺好啲，雖然有個好乾嘅漢堡扒配飯。牛舌漢堡扒係好食嘅，表面係偏乾同埋小小燶，但係裏面係多汁同埋食到牛舌。價錢亦都相對上合理少少。餐廳而家只係試業階段，唔知未來會唔會有進步，但暫時係我食過比較失望嘅餐廳。…查看更多

我一向都喜歡食牛舌，見到有新開嘅牛舌門店，當然要搵機會一家人去試吓。一行四人所以就點四個餐。定食都很豐富，除了主菜還有漢堡、溫泉🥚、咖喱牛舌粒、紫蘇醋及燒汁、還有沙律和牛骨湯。極上牛舌當然是最好食，除咗蘸汁，再加上 wasabi，味道很好，而且軟硬適中。蔥炒牛舌粒牛舌很軟，蔥嫩，送飯不錯。牛小排味道不太濃，軟韌還可以。鹽燒牛舌略嫌味道偏淡，而且牛舌有點韌，正常沒太大驚喜或驚嚇。咖喱牛舌汁不辣，小朋友也吃到，這個汁送飯一流。漢堡扒有咬口，不過有啲位有啲韌，不過整體我覺得唔錯。沙律清新爽口，牛骨湯清，作為定食最後一個食品可以清除口腔嘅濃味，我覺得很好。服務方面還好，上第一個定食時，它有給我們紙仔說明食法和次序。另外，我見隔籬枱叫的檸檬梳打，是給食客半個檸檬再有一個榨汁器，讓他把榨出來的檸檬汁倒入杯內，有啲得意。…查看更多

🍽️ 咕嚕牛舌專門店 Gulooo Gyutan📍 天后電氣道22-52號金殿大廈地下3, 4, 20, 21號舖🕥 Mon-Sun 12:00-15:00, 18:00-21:00評分: ⭐⭐️☆☆☆ 作為一個牛舌愛好者 見到天后呢間新開嘅牛舌專門店當然要去試下啦星期日2個人大約夜晚8點鐘去到 要等一張檯 但等候時間都算快 大約10分鐘就入得 可惜店員態度比較唔友善🙂‍↕️好似有啲想趕我哋走咁 成個體驗到真係唔太開心🙂‍↕️食物嘅等侯時間都比較耐 又落單去到有嘢食都等咗接近35分鐘 而且質素都有啲失望🥹不過試業期間有全單88折 大家可以衡量下要唔要去試下啦🫡🍱 極上厚切牛舌定食 $158👅👅/5首先佢嘅套餐都幾豐富 除咗有主菜牛舌 仲包埋迷你牛肉漢堡排, 溫泉蛋, 牛骨蘿蔔湯, 沙律等等 但份量都偏少 一個女仔食都只係僅僅夠飽🥹我最期待嘅牛舌賣相都幾唔錯 燒到半熟粉紅色咁 但食落就略嫌冇乜味 而且太多筋好韌😣反而個漢堡排幾有驚喜 好有牛味之餘又唔會太油膩😍而其他配菜就不過不失啦✅ 加一 服務: ❤️/5環境: ❤️❤️❤️/5性價比: ❤️❤️/5推薦度: ❤️❤️/5…查看更多

在天后站一家新开的牛舌店，牛肉各个部位质量很好，分量十足，有趣的自己手打柠檬苏打，等餐不无聊，最喜欢葱炒牛舌，搭配清爽的萝卜片，咕噜后饱餐一顿，幸福满满！ 值得品尝！…查看更多