和記廚房

荃灣香居街街市熟食市場尋味之旅！聞説兩界業餘散打王冠軍坐陣，所以慕名而來，還預訂了羊腩煲和雞煲翅！帶埋靚酒和酒杯，約埋好腳一齊去試試看！羊腩煲連皮多肉，煮法和外邊的有些不同，汁也收得比較緊。而雞煲翅足六両翅的，都分到十碗呢！來一個較鑊氣的椒炒蜆和黑椒牛柳粒去送酒，另外還有比較特色的椒麻蝦，炸得很通透，連殼都可以食埋！而拆蟹肉豆苗，完全冇得輸！真真正正的蟹肉扒豆苗來了😚最後再叫了酸菜魚，這餐飯味道很不錯呢！鑊氣夠！果然並非浪得虛名！地方在熟食市場來説也很乾淨，服務也很好！真心推介~有圖有真相，去圖！…查看更多

同老公無聊逛到香車街街市，幾年無黎呢邊，睇吓有咩好野食。借完一樓公廁諗住走人，但見到呢間和記廚房新開張，店員話佢地重新裝修兩個月，今日15/11 重開～見佢哋新開張就試吓啦～點咗個雞煲翅$398 ，菜單裏便寫明有六両，好正～眼都凸埋😳冇諗過咁真材實料咁好味😋每一啖都係排翅，食得好爽！之後我哋唔知嗌咗個唔知咩炒蜆（好似係$98）真係好惹味好辣好好味！！ 跟住又嗌咗個安格斯牛柳粒炒薯仔$148，真係食得出係安格斯～超好味，但係嫌佢份量比較少啲（唔記得影相）…查看更多

人均消費：$100-200推薦指數：⭐️⭐️⭐️⭐️今日打完麻雀，夜晚搵嘢食醫肚。上網見到香車街街市大牌檔收好夜，所以求其搵咗間試吓佢！1）椒鹽鮮魷🦑 鮮魷新鮮，粉漿唔會太厚。香脆而且魷魚唔會好好韌，表面鋪咗好多炸蒜，鹹鹹香香，送飯食得幾好食😋2）雞煲（半隻）🐓嚟到嘅時候見到鋪滿左芫荽，要自己撈勻下面嘅雞。一路撈一路聽到啲吱吱聲，超級吸引🤩。雞肉既份量都幾足，有少少辣。肉質ok，唔會有雪藏味❄️3）脆皮西施豆腐🫘 外面炸到金黃色，本身諗住會好硬。用筷子一夾，成舊豆腐就斷開咗😱。食落豆腐嫩滑，有少少豆味。但我覺得成個餸唔夠濃味，淡咗啲🥺。4）生炒骨🦴肉炸得幾好，唔會乾身得滯。肉量唔少同用既係排骨位，食嘅時候要小心啲。調味適中，不過不失咁啦～😂5）魚香茄子煲🍆 嚟到嘅時候好火滾，係熱辣辣新鮮煮岀嚟。茄子同魚香味比較淡，送飯唔係好夠味🥲。6) 椒絲腐乳炒通菜🥗通菜唔會太老，好入味。帶少少辣同腐乳香。唯獨鑊氣唔夠，差啲香氣😕。7）炸豬手🐖豬手好大隻，表皮炸到好脆，有啲似燒肉既做法。肉質偏嫩，味道足夠。可以好好送飯😚。餸菜味道可以，中規中矩，經過都可以試吓！#foodiehk #foodie #和記廚房 #和記 #荃灣 #荃灣美食 #荃灣友 #香港 #香港美食 #boyyyfoodie…查看更多

探尋地道小炒，原來可以咁色彩斑斕！喺呢一間餐廳，我就嚐到咗呢種「街味」。先講講招牌炸豆腐，外皮香脆得嚟唔油膩，一啖咬落去簡直係脆滑嘅完美交響曲😋。佢哋嘅避風塘炒蟹嘅勁道真係夠晒鑊氣🔥，撲鼻香辣，蟹肉又肥美得黎易拆，食一啖已經深深被征服！嘗試咗啲梅子骨，又酸又甜，個味就正喇！同時清香嘅梅子粉撲喺上面，每一啖都令人心花怒放。而啫啫嘅豬潤同雞肉，滑溜溜嘅口感，真係食一啖就忍唔住想食多一啖。食罷，簡直係心滿意足，而且四周環境清靜，好啱同三五朋友嚟鬆一鬆。總之，呢家餐廳嘅味道純正夠晒正宗😌，等待下次再尋味嘅機會啦！…查看更多

最近想試多d唔同gei中菜, 諗緊可能呢類大排檔應該煮野食會好夠鑊氣, 而且次次都見好多人, 所以就試下。椒鹽九肚魚 - 呢間d椒鹽味好足夠, 雖然未去到非常出色, 但都唔錯豆腐火腩煲 - 豆腐有酸酸gei感覺, 質素比普通餐廳失色沙拉骨 - 呢個做法比較特別, 同出面gei沙拉骨唔同, 係有少少驚喜, 酸酸味味, 少開胃, 不過d豬肉有d韌整體而言, 相比1般大排檔質素差, 食物唔算好有鑊氣, 試1次就夠。…查看更多

本來對街邊大排檔冇咩期望，點知有意外驚喜🥸 海鮮雞蟹煲湯底充滿濃濃海鮮風味，好暖胃，個湯好好飲，忍唔住飲咗兩三碗。湯底嘅海鮮配料都唔會hea你，啖啖蟹肉，嫩滑雞件，鮮蝦彈牙，加埋醬油有提鮮之效。要彈嘅係蜆仔勁細粒，疑似有沙🥶 其他單點配料正常，無咩特別，正常質素，個湯底特別可取🤣🤣🤣店員姐姐服務好好，做野快手，間唔中仲會走過黎同我地傾兩句！…查看更多

跟好友打完網球，經過荃灣，來到這一間比較多人嘅大排檔。香港幾乎所有露天嘅大排檔已經執笠了。幸運地碰上了這一間，我們點了豉椒鮮魷，小炒王，椒鹽豆腐，京都骨，辣椒炒通菜及豉油王炒麵。所有小炒鑊氣充足，推介豉椒鮮魷及小炒王。椒鹽鮮魷及椒鹽豆腐，都是熱辣辣脆卜卜，鮮魷新鮮。至於小炒王，材料也很豐富，有蝦乾，魷魚，花生及腰果粒，配上蒜心，香口好吃。大家一行幾人，飲醉啤酒食好味嘅小炒，過咗愉快嘅一晚。叫咗六碟餸，飲埋啤酒，每人夾埋都係$150。下次一定會再食。…查看更多

首先……鑊氣唔夠！！完全唔似大排檔水準大排檔黎講依間真係唔掂👎🏻都算係經典。。。。個焗魚腸簡直垃圾 係難食🤮🤮都成$108仲諗住呢個價有返咁上下,60蚊都嫌多叫墨魚餅佢比左蝦餅 但都食唔出係咩餅😂叫水煮豬雜變豬肉 啲野錯哂！！仲要唔係平，總括又貴又難食🙄🙄🙄個小炒皇極之普通 自己係屋企炒仲好食過佢！！3個人食$530🤷🏼‍♀️🤷🏼‍♀️🤷🏼‍♀️4個餸4枝啤酒食到一肚氣比錢貼難受🥵最後同朋友去買KFC食都無甘嬲…查看更多

夜晚放工肚餓，又唔想食太多，於是去叫了兩個小炒食。。.蝦醬粉絲蝦煲好味度：⭐️⭐️⭐️粉絲有少少偏硬，但蝦膏味都幾足夠😀本身來果陣係咁樣，下面同朋友重擺靚d🙈..豉汁蒸大鱔好味度：⭐️⭐️⭐️⭐️味道剛好，唔會太咸，而且豉汁味蒸魚真係好正😋👍🏻👍🏻…查看更多

這晚又來這街坊名店 ...娘娘一向有選擇困難症，我還是先來瓶啤酒，吃花生，看電視。快踏入盛夏，現在通菜當造，來個“椒絲腐乳通菜”，腐乳夠鮮，火侯十足，菜梗和菜葉都還脆綠，上桌時熱噴噴，是大排檔才有的風味。“酥炸生蠔”，是蜂巢式脆漿，酥脆，蠔肉剛熟，還很嫩滑，師傅功夫一流。“水煮牛肉”，牛肉沒乸過的味道，紋理很清晰，肉質鮮嫩，荳芽和其它菜蔬沒有煮得過火，還很爽脆，東西都吃光了，我們還把湯汁打包回家「循環再用」呢！…查看更多

極度難食，尤其炸嘢，無咗食物原味，全部都係粉，味道超鹹，難以入口，極度負評，而且價錢唔係平，$158六隻酥炸蠔，難食兼貴，不值一試，水準極差，西檸雞又係咁，未試過一間大排檔嘅西檸雞可以整到咁難食，基本上大排檔都會整到唔錯水準，好難整得難食，但呢間真係整到好難食，西檸汁整到變西檸水，椒鹽鮮魷相信食打冷都必叫，但如果食落去成口粉，無其他味，應該都唔會想食，金銀蛋燕菜直情硬到要退咗轉其他菜，完全落唔到口，唔會再食第二次，真係垃圾…查看更多

西檸雞毫無雞味得個粉字，金銀蛋娃娃菜，我未食過娃娃菜咁難食嘅娃娃菜，啲炸嘢完全得粉字，真系唔掂令我味蕾極之受傷，精神極為不佳，不單單淨是難食，完全貨不對板！！！…查看更多

香車街街市這小酒家，一向是這附近街坊的名店之一，我也沒有例外，它水準穩定，選擇又多 ... 這晚，娘娘突然說要吃大排檔，但又要乾淨的那種，於是這裡就是不二之選。先來個“椒絲腐乳炒通菜” ... 大排檔出品，熱辣辣，香噴噴，通菜夠新鮮，夠嫩滑，蒜蓉和辣椒份量適中，雖然只是清菜一碟，但就如玉盤珍饈一樣，瞬間已“照鏡”。“蒜蓉開邊蒸蝦”，蝦雖然BB了點，但很新鮮，蒜蓉豉油汁味道鮮美，害得我們吃了兩碗白飯“酥炸生蠔”，又是生蠔小了些，不過底味足夠，火候適中，蠔還帶著一點汁，一個字，鮮！由於蝦和蠔都小隻，感覺好像沒吃過什麼，於是最後多點了一道“菠蘿炸大腸” ... 味道好，皮夠脆，酸甜汁也不錯，但比較韌，扣了點分，不過，我太愛吃菠蘿了，雖然那只是罐頭糖水菠蘿，但都給我吃光了。…查看更多

新加坡一別，已經年半🥲是日晚飯除咗幾兄弟聚首一堂，更邀請亦師亦友既中學老師一同相聚😌老師男朋友是荃灣地膽，相識滿天下，知道要同舊生食飯，主動幫忙訂海鮮及餐廳。廿四孝男朋友👍🏻其實食海鮮，最緊要新鮮，但廚房功力及調味係絕對可以令成件事昇華！薑蔥炒蟹 兩隻肉蟹一隻膏蟹！蟹本身已經夠鮮！仲啖啖肉添！再加上廚房大哥既魔手，非常好味！豉油王煎花竹要知道煎到每隻蝦都咁入味，唔係間間大排檔都煎到。相信蝦係先走油再煎！蝦肉又夠實好味蒜蓉粉絲蒸蟶子王蟶子夠大隻呢個難度唔高，主要都係調味同蒜既時間，但真係要讚d海鮮！！竟然係香車街街市樓下買架咋！脆炸豬手 皮炸得好脆，肉唔算好實同太「難」！不過不失之作！脆皮西施豆腐外脆內軟！好好食！呢個可以一試！ 其實仲有叫乳鴿，不過無影相！乳鴿都係不過不失！如果可以再多d肉汁就最好了*要讚一下老師男朋友既關係！係香車街街市入面海鮮檔買到呢d海鮮！價錢唔貴喎！$800蚊 加工費$400 個人覺得加工費可以👍🏻因為自己未試過買海鮮去加工！希望大家唔好見笑🙏🏻下次要去下其他地方試下買海鮮加工貴唔貴先另外散叫同野飲加埋$624 加埋$1200海鮮同加工 人均$260 👍🏻👍🏻👍🏻👍🏻👍🏻*大排檔還大排檔！環境同衛生絕對唔會高分！呢食得大排檔，就預左呢d環境！So far 有冷氣，可以接受！態度同服務都好良好👍🏻會再幫襯…查看更多

好耐無打過食評喇...因為實在太忙呢排...呢間大排檔成日都幫襯,有人情味, 而且非常抵食,碟頭又夠份量, 就算全男班都唔驚唔夠食!!最緊要味道好味, 平靚正, 性價比非常高!!值得推介!! 而且服務質素大排檔黎講算好好!!有機會黎幫襯試下啦!!…查看更多