和田日本料理

呢間舖頭已經食第二次啦！味道方面好食，環境唔錯。但價錢真係貴，如果價錢可以平D就好啦！但有時人手唔夠，但D職員服務態度ok啦！雖然食物種類都ok，但希望可以加D新食物或新款式！…查看更多

平安夜一黎到，walk in諗住求其食，見到佢唔駛等位就入左黎。點知就中伏。野食種類唔多，都係一般放題野食。服務態度馬馬，漏單次數繁多。叫左羊架幾次先送黎一隻，三文魚刺身正常，象拔蚌象蚌好腥，八爪魚壽司好難食，炸物試左炸芝士年糕，太oily，食完一粒好影響胃口，芝士焗蠔太重醬，芝士唔多，蠔肉好少，燒雞翼冰鮮味太重，牛柳粒雞軟骨正常發揮，甜品、雪糕選擇少。其他野都真係唔好食，未試過咁難食既放題。完。總結:以後唔食和田。…查看更多

食物差左好多，等得又耐，服務質素都越黎越衰，乜嘢都衰過之前多多聲，啲職員撞到啲枱枱凳凳嘭嘭聲，啲嘢食又成日送左去隔離枱，啲職員一路做一路講電話好快就連呢間都執埋，以後都吾會再來囉…查看更多

原本想去樓下食大喜屋，但排隊排到2046樓上大滿喜等位態度麻麻地走咗上黎試下呢間放題，質素出乎意料，算是不錯的選擇👍🏻d魚生夠新鮮，好少漏單，上餐速度快幾好味…查看更多

和田既放題係第一次食！今日同事生日，成team人去吃放題！刺身既準有待改善，三文魚有啲有雪味，唔算鮮甜！口感是可以的，夠厚！八爪魚係最好食，煙韌爽口！值得一提係宜度冇甜蝦，只有虎蝦。個人認為虎蝦雖然夠大隻，肉質實淨應該算新鮮，值鮮味不足，質素一般般！其他野食，如熱薰、炸物、串燒既選擇都幾多，但整體都係普普通通…查看更多

朋友聚舊，大家討論今晚晚餐食咩好，其中一人就話食放題。其實星期六無訂位WALK IN係好難好難有位，我們先去創興廣場2樓樂天，8樓大滿喜個答案都係唔好意思今日個BOOKING滿左，要到九點無人先可以入。由8樓的LIFT落樓其間見到LIFT內原來5樓有一間叫和田日本放題，又問下RECEPTIONIST 有無位，心林都打定輸數，點知個答案出奇地有位，可以試試，以為執到寶，點知得啖笑。餐廳食物同質素真是只可以用「劣字」來評價，應有味無味，應無味但有怪味。燒物如羊扒，雞翼等等都係無味，刺身有D唔新鮮，有怪味。雪糕同番薯因本身已經有味道，所以係依間餐廳最的食物。招呼就一般般，可以過得去。放題好難食唔飽，今晚終於試到。奉勸各位，千奇千奇.....................唔好光顧，伏！…查看更多

三五知已聚會，唔介意食物屬一般程度，呢間放題係唔錯嘅選擇。座位寬敞、價錢合理、多時段選擇，又唔會成日有侍應係你面前行來行去。食物真的真的屬一般~＜鹽燒秋刀魚＞燒的幾好，魚肉很滑，皮很脆＜火炙三文魚壽司＞很普通，沒特別＜炸物＞即叫即炸，即食燙咀＜刺身＞冰水截住刺身，唔肯定本來係凍定唔凍。帶子～很硬、唔滑身＊出奇地得個蟹柳好味＊＜燒菠蘿＞燒完都仲有酸味，好多人叫＜日式薄餅＞無諗過係西洋野，酥皮底，鹹左Ｄ。＜枝豆＞這是１份，好大碗＜熱清酒＞＜日式炒拉麵＞邊有諗到係咁大碟，餸（海鮮）仲多過麵…查看更多

已經接近夜晚十一點鐘但又想食放題，行到創興樓下，得和田開得夜，假日前夕及假日開到凌晨兩點。就決定佢啦！因為夜的關係，所以一問就有位。一坐低叫刺身是常識吧，帶子鮮甜，三文魚厚度適中，咬落冇根，唔錯。呢度係冇甜蝦刺身，得虎蝦，不過不失。吞拿魚刺身唔推介，食落有渣而且雪味重冇咩魚味芝士燒蠔，好大噠芝士，味道都唔錯，略嫌蠔真係太細隻，係堆芝士度撩好耐先搵到推介！超級好味燒雞軟骨，只係用左少少鹽調味已經好足夠，追加多幾串先可以滿足芝麻雞翼，炸得好香脆，另外都有燒雞翼，同雞軟骨一樣少少鹽調味，唔錯，兩款雞翼都推介燒羊架，味道真係好一般，冇乜羊味而且等好耐先有。超中意食呢個日本小蕃薯，用左少少蜜糖燒，一口一粒，煙韌鮮甜炸榴蓮球，超重榴蓮味食左咁多肉食返少少菜啦，田園沙律唔錯選擇，不過就醬落得太多，有少少鹹總括來講，食物質素都唔錯，上菜速度一般而且有走單情況，宵夜時段連加一每人196，太夜而又想食放題都會再選擇和田。…查看更多

其實之前宵夜都食過幾次喇不過次次一大班人食都冇影到相掛住食掛住講今次同男朋友兩個黎撐枱腳就可以影少少同補番食評講真，雖然呢度冇咩好華麗嘅擺碟但佢嘅三文魚同帶子刺身真係超正！拍得住酒店自助餐男朋友係飯桶，必食壽司海膽壽司都好一叫再叫基本上我地都係食刺身同壽司最後甜品就食左榴槤波波同香芋波波滿足（榴槤波波係隱藏，通常佢冇煎餃就會轉）…查看更多

之前有人介紹呢間放題 話質素唔差價錢又平 第一次嚟覺得的確幾抵 已經嚟過幾次 真心呢個價錢呢個質素的確超值 最平都係$158另加一 五點幾入座 場內環境一般 燈光比較昏暗刺身方面只有第一輪會用冰底大盤裝住 之後就會轉用碟 件件超厚切 尤其是三文魚 全部比腩位不特止每件都大大塊又厚身 根本可以稱得上為三文魚腩扒 另外帆立貝刺身都係另一推介 原粒大大粒咁上 即使係放題龍頭大X屋都最少每粒切半 仲要本身都無呢度咁大粒 唔算好鮮甜不過無雪藏味又咁大粒都已經好滿足壽司係放題嚟講算幾大件 估唔到呢個價錢都有海膽軍艦食 海膽份量超多 不過微微地苦 意料之內日本番薯仔有燒同炸兩款 個人嚟講鍾意炸多啲 外脆內綿夠曬香甜 而燒就係搽上牛油串燒 牛油份量太多 好油淋淋 而且又鹹又甜 同番薯仔唔夾最後雪糕雖然係普通貨色 但係芝麻紅豆同綠茶味款款都好濃 作為一餐結尾都好唔錯…查看更多

我未試過要上黎寫食評 但唔寫唔得因好友想吃放題，去左幾間樓上樓下都full哂，唯一得呢間唔洗等，咁就搏一搏入去試下。點知..好伏刺身唔新鮮 暗啞顏色 更何況講鮮味野飲選擇少熟食方面hea 羊架仲要全部肥膏 煎到燶哂未試過食放題 食到唔飽 因為好多野根本放唔入口一定冇再次！…查看更多

10月份又到同事生日月，有人提議去呢間我地一行四人，有卡位坐!食物款式就好多放題主要就是食刺身侍應先上一盤刺身拼盤，排列整齊，賣相精美三文魚同帆立貝叫咗好多次三文魚肥瘦比例好啱我~油花分佈均勻切得厚身同新鮮~帆立貝大大粒~仲要係幾新鮮馬刀貝爽脆，油甘魚新鮮好味虎蝦像泰式生蝦爽口味道一般北寄貝都好爽好味，榮螺爽口，不過痳痳冇味嘩嘩嘩!! 仲有海膽軍艦tim!!無限叫海膽手卷好足料味道可以，特別一讚d紫菜脆卜卜好爽口壽司花之戀好味同新鮮另外一個凍食嘅蒜香茄子味道一般係甜左少少天婦羅粉漿不厚脆而不油。那粉底之下的蝦肉新鮮彈牙有炸全芝麻雞翼，雞翼皮上布滿芝麻出面果層皮好薄幾脆，外脆內軟肉質尚算嫩滑炸蠔熱烘烘的，個皮唔太厚，一咬落去仲有蠔汁值得一試芝士年糕濃烈的芝士味，好煙韌有嚼勁，不過太油膩牛肋骨配個汁好好味，煎得剛剛好肉都很嫩，牛肉味重羊架醃得好惹味，一咬落去仲有汁又多肉~雞翼好乾又無咩雞味所以我只食左一隻就算鐡板牛柳粒全都好夠味，肉質也正常，不鞋雪糕最吸引有芝麻好滑又唔會太甜飲品都係汽水， 同埋即沖飲品有沖澠啤酒，愛酒的同事很欣賞環境每張枱都有較高間隔板自成一角，保留少少私隱總括食物 選擇尚算豐富，服務ok說真的$218 再加一，幾抵食…查看更多

收工和朋友來到旺角打算食放題，但是沒有訂位，找了很多間都是人山人海，每間要等的時間起碼最少半小時。最後朋友提議試一試這間，唯一一間可以馬上安排入座。根據過往經驗，不用等位的，質素都是一般。但肚子餓，唯有試試...2.5小時的放題，價格較其他便宜少許。入到去，可能人客比較少，相對清靜，是個不錯的聊天地方，而且全部都是卡位，私隱度比較高。食物的種類一般，但有幾款成本比較高的食物是外面沒有的，例如油甘魚，帶子，虎蝦，松葉蟹柳。頭一輪的刺身份量足，帶子大大粒，鮮味十足，不可不試。有2隻大甜蝦，但放題紙上是沒有的，我們畫的松葉蟹柳消失了，大甜蝦肉質比較霉。虎蝦也不錯，爽口清甜。串燒海老 - 極力推介！大大一隻，蝦頭有少許蝦膏，甘香味美。肉質彈牙，十分好吃。鹽燒雞腎 - 賣相有點似牛舌，燒得剛剛好，香脆中帶少少韌，佐酒小食一流。蟹籽沙律 - 最近應該沙律醬便宜，只吃到整口的沙律醬，埋沒了青瓜絲的爽甜。燒菠蘿 - 一上枱就聞到很大一陣菠蘿香味，咬下去非常多汁，可惜...一字之曰：酸！芝士焗蠔 - 來到的時候已經是不熱了，而且有很多細小的蠔殼碎，差！清酒煮扇貝 - 最難吃的食物終於出現，與其說是清酒，不如說是清水。淡而無味，扇貝不鮮甜，而且很腥。吉列炸蠔 - 熱辣辣，外層酥脆，內裡嫩滑多汁，正！鹽燒雞翼 - 燒的火候太久，很乾很硬，而且很鹹。我的最愛 - 枝豆。是晚以紅豆及綠茶味雪糕作為Ending..食物質素沒有太大驚喜，只有兩三款比較出色。漏單的情況不算太嚴重，因為不是整張單漏了。而是有很多選擇性做單，天婦羅劃了4款，來的時候只有一款，熟食和串燒也是如此...店內的侍應有一個奇怪的習慣，如果碟內有食物殘渣，他會很快收走，這是很正常的現象。但是吃完的空碟，就算是落食物的時候枱面已經沒有位置，他只會疊高，而不會收走空碟。其實到後期就快10點的時間，店內人客已經很少，侍應比較空閒，寧願各自聊天，任由我們層層疊...…查看更多

同男朋友旺角行街，就諗起好耐無食放題，於是就帶男朋友試試呢間。我第二次黎，第一次係朋友介紹，已經對佢印象唔錯。首先價錢方面，其實已經唔算貴，絕對可以接受既價錢，因為佢食物選擇多，而且甚小漏單，上菜亦算快👍🏻👍🏻👍🏻然後係食物質素，唔稱得上好新鮮但亦算不過不失刺生：帶子-放題黎講算大粒，食落夠凍但其實唔鮮，一般蟹柳-叫完又叫因為男朋友鍾意食北寄貝-好食象拔-超好食，呢個係我最愛三文魚-不過不失又係叫完又叫，有牛味又夠軟熟好食海膽比起我出面叫$4x一碟個啲好食多多聲，好易入口呢個真係食完又食，但唔知係味因為成本貴，我地兩個人就算寫四件佢都係黎得兩件，不過唔緊要啦，再寫紙就可以，因為呢個真係會食完又食，感覺要食多啲就回到本。甜蝦只有壽司，但都係唔錯架，我自己都食左8件講真食放題我個人要求就唔會太高，所以呢間我會繼續幫襯。…查看更多

同事生日選了在這裡吃日本放題。魚生~魚生拼盤上桌時擺盆和魚生算吸引魚生算是新鮮。炸物~上桌時看到我已不想吃因為全部都炸過火差不多濃咁唉…燒物~有大蝦、牛舌、羊架、多春魚、迷利蕃薯等等。蝦算大隻爽口其他尚算OK炒飯~上桌看到已不開胃米很濕炒得一嚿嚿！其他東西~無嘢好講！大家看看相吧！…查看更多