和樂烏冬 (將軍澳廣場)

营业中

休息中

餐廳的環境十分舒適，簡約的日式設計讓人感到放鬆。柔和的燈光適合朋友小聚。我點了壽喜燒牛肉烏冬鍋和豚肉泡菜湯烏冬鍋🟢壽喜燒牛肉烏冬鍋 ($118) 牛肉配生蛋每一口都能感受到肉質的鮮美和口感，壽喜燒醬汁則香濃可口，與烏冬麵的搭配相得益彰，讓整道菜散發出誘人的香氣。🟢豚肉泡菜湯烏冬鍋 ($82) 這道菜以豚肉的鮮嫩和泡菜的酸辣為亮點，湯底清爽又開胃，讓人一口接一口。豚肉非常柔軟，與烏冬麵的彈牙口感形成了完美的對比。泡菜的風味獨特，讓整道菜充滿了活力整體來說，和樂烏冬的烏冬鍋讓我度過了一個愉快的用餐時光。無論是從菜品的味道還是餐廳的環境來看，都讓人感到滿意。價格合理，份量適中，而且還免加一服務費

一個人周圍行，諗緊睇吓食啲乜嘢，見到呢間又可以食烏冬，又有鍋就入咗去試吓啦。坐低就可以用QR code order, 有好多種唔同嘅烏冬，例如鍋烏冬，冷烏冬，熱烏冬和伴烏冬等等。最後揀咗一個豚肉湯鍋烏冬及小食及飲品，大約等15分鐘， 小食選擇咗腐皮壽司👍🏻👍🏻, 個湯鍋仲跟咗一件天婦羅蝦和一件炸豆腐。好啦，講下個豚肉湯鍋烏冬，個鍋係用個Gas爐熱住，冬天嚟應該覺得暖笠笠，但個湯底真係麻麻，豚肉唔太新鮮，豚肉有少少豬嗅味，但係個烏冬分開上，烏冬係熱的，烏冬好好味🤤

今日約左個朋友黎將軍澳聚下，睇下戲吃個飯傾下計。中午揀左黎依間鳥冬專門店吃個靚午，都算幾高質既。坐位其實幾闊落，原木色既裝修睇落好舒服。食物方面係50~100都有，豐儉由人。難得黎到依度甘我就揀左幾有特色既牛肉鳥冬，會配埋火爐上，幾有誠意。午餐仲有送少少炸物，炸漿唔厚，可以吃住等個鳥冬滾。牛肉幾靚，滾一陣轉色就可以吃，牛味出而唔柴，正，份量都ok。可以一路吃一路落菜滾熟佢，類似打邊爐，天冷時最岩食。整體黎講唔錯既，成個set 先90蚊左右，可以話非常有誠意，可以再黎👍

星期日，我們一家人來到將軍澳，意外地發現了一間適合家庭的餐廳。餐廳提供兒童餐，正好有位子可以坐下，於是我們決定一試。菜單上有多款選擇，我們點了兒童餐、牛肉天婦羅烏冬、炸蝦天婦羅烏冬、豚肉迷你丼和炸豬扒丼飯。價錢亦算實惠！首先，兒童餐的份量非常合適，讓小朋友可以享受美味又不會吃得過飽。牛肉及天婦羅搭配滑順的烏冬麵，味道不錯，炸蝦天婦羅烏冬則是外脆內嫩，不錯不錯，而且有4隻份量算多。豚肉迷你丼的豬肉質量上乘，飯粒粒分明，配上特製醬汁，炸豬扒丼飯豬扒厚實，炸得金黃酥脆，口感一流。整體而言，餐廳的職員服務周到，特別是在用餐結束後，還為我們的女兒準備了禮物籃，讓她可以自行選擇禮物，讓用餐體驗更加難忘。

今日見到呢間餐廳，有兒童餐一份兒童餐$69而且有禮物我兩個女就話一定要食。其實呢間餐廳喺屋企附近開咗一段時間，不過好少幫襯。因為佢係賣烏冬，有陣時想食濕濕地嘅嘢，第一時間會諗起食米線而唔係食烏冬。今次因為兒童餐椅令到我哋入去幫襯咁就睇吓好唔好食啦。兒童餐份量唔算好大份我女女六歲八歲，偏向細食嘅小朋友，佢都可以食晒成份。所以如果四五歲嘅小朋友一份兒童餐就應該差唔多啦。大人就要大人餐，反而大人餐嘅份量非常之足。味道不過不失，我相信嚟緊亦都會更多時間幫襯。

星期五晚周圍都多人，見呢間有位衝咗出去，心唸百幾蚊個餐都ok啩，見相片都不過不失，點知實物來到，跟本同封面是兩碼子的事。天婦羅係人生中食過最難食嘅，比起街邊嘅炸物難食9倍，又凍又硬。烏冬唔熱唔滑又唔彈牙，喺屋企自己煮個急凍烏冬好過佢。魚生同超市差唔多喇，啲飯又係硬硬地，連壽司醋都無落，仲學人叫做日本嘢？。一定唔會有下次，免費都唔會食，嬲到未埋單就俾個劣評先，有無負分俾？究竟有咩仲難食過佢？嬲到我呢！

今日收工經過見到呢間日式餐廳新開張幾日睇menu主要係食天婦羅烏冬🍤價錢中規中矩🤔諗住try try佢點知食完嬲到即刻要出post舖位同峰壽司share，應該係同一集團用餐當日係星期三7pm晚飯時間餐廳唔大，有卡位同單邊座位，人流唔多，但冷氣都幾凍用app落單，會有部機械人周圍走送餐，由店員再端上枱比客人我地2個人分別叫左一個烏冬set同單點烏冬♦️天婦羅烏冬 & 壽司set ($128)先講個天婦羅，係凍嘅😑食落去似超市買放左好耐嗰d熟食嘅質素，雖然有兩隻蝦，但係蝦肉好少，食又乾又硬嘅炸粉🥺仲要聽到隔離嗰枱話個天婦羅未熟要退⋯講下個壽司，一舊有魚生嘅壽司都冇都算，仲要個飯硬嘅，同天婦羅一樣係超市質素🤢^_^到個烏冬，諗住係間餐廳主打會好少少，點知都係極一般，牛肉好明顯係下價牛，又乾又冇牛味，大葱又切得大舊，好難入口🙄個湯底都冇咩特別，但飲左少少返去有口渴嘅感覺♦️大盛烏冬鍋 ($98)其實真係唔知大盛咗咩😂同上面個烏冬set個烏冬份量同配菜都近乎一樣，係多左舊炸豆腐，但舊豆腐都係似炸完擺左好耐咁⋯仲要酸酸地🤢天婦羅可以揀唔浸湯另上，我覺得呢間餐廳黎講另唔另上都冇咩分別😂咁難食浸湯可能仲易