和拉麵

深水埗出名小食餐厅多，今次朋友介绍我试呢间和拉面，餐厅除咗主菜拉面外，仲有唔同特色小食、丼饭、刺身&串烧俾大家选择*Lunch Set*🍜味噌豚骨拉面套餐$98+刺身$45+吉列炸蚝$20➡️拉面汤底非常浓郁，店主采用天然豚骨，值得一赞豚肉大大块，唔会好肥，唔似其他拉面店又肥又细块，仲要逼住你加钱俾多啲叉烧😉蒜、葱全部都可以俾你选择份量要多少，以及面嘅硬度可以选择软、普通或硬👍🏻🍱三文鱼丼$68午市套餐小食$10+唐扬炸鸡$20➡️三文鱼丼饭不算太大碗，虽然三文鱼得4块，但胜在新鲜且有厚度，套餐小食包饺子加汽水，炸物颇脆及香口，比较上嚟追加刺身+$45性价比会更高，因为除咗三文鱼刺身外，仲有虾、鱿鱼、北寄贝及帆立贝🙂…查看更多

今晚小妹同家人去咗深水埗行街，突然好想食拉面🍜行到利联益大厦见到呢间拉面🍜店除咗拉面外，更有丼饭、寿司、刺身、炸物等，不少选择😋重点系仲有晚市套餐，好抵食🌝豚肉拉面🍜见到系必点之选当然要试吓啦～呢度食既拉面同样可以自行选择面既硬度，配料等…小妹择咗软身，咬口不错👌🏻豚骨汤底浓郁，配料有叉烧，黑木耳，竹笋，葱花，紫菜及半颗流心蛋🥚呢款叉烧薄身软腍，溏心蛋有半流心效果，每条拉面🍜非常挂汤，真心好味😋滑蛋猪扒丼🍱份量不少，猪扒炸得酥脆，内里肉质嫩滑，送饭一流🥰每啖面食到蛋香味😙送饭一流🥰日式饺子🥟呢款炸饺子🥟系跟餐小食😙加配10$，有两粒炸饺子🥟饮品🥤非常抵😆 每嚿饺子即叫即炸，外皮煎得香脆可口，馅料足料多汁🤩追加寿司 🍣套餐仲可以加$28 追加寿司🍣分别有SetA及SetB两款选择😝小妹择咗Set A，当中有三文鱼，油甘鱼，赤虾及北寄贝寿司🍣份量十足，绝对抵食😋汽水🥤小妹觉得呢间小店价格正常，非常足料，以深水埗黎讲呢间餐厅🍴干净企理，值得再黎！…查看更多

今日去深水埗探朋友谂住同朋友食晚餐，见到呢间小店好多人排队，所以我哋都试试佢。入到去，环境几好，有啲日本嘅特色。老板同我哋讲：定食加两只饺子再加嘢饮，只系需要$10。呢个真系好抵，我哋即刻加！我哋叫咗个鱼生丼饭，份量啱啱好，鱼生几鲜。我朋友叫咗安格斯拉面，佢话有牛味，但系唔算话好特别！:)但系最令人惊喜嘅，就系佢既辛辣豚肉拉面。佢嘅豚肉好有咬口，汤底浓郁，令人会想饮埋佢既汤底。最后最开心嘅系，原来每个月1号都系感谢日，全单八折！呢个就系小店既人情味，我一定会再帮衬！…查看更多

深水埗系一个真系卧虎藏龙嘅地方！无论中西日韩，上至外星文下至地理通通都有！今次去嘅地方呢系位于城市大学。。。。动物医疗中心嘅对面嘅，门口睇落呢就冇咩特别嘅。入到去装修呢就见又系啦，又唔同嘅板仔挂晒有咩嘢食，等大家可以拣牌啊！好啊好啊，讲返嘢食！我就嗌咗佢嘅招牌豚骨拉面，配料当然有齐紫菜，溏心蛋，笋干等等，可配埋个餐，就有炸饺子同埋汽水。另外仲嗌咗佢个角切鱼生丼，以$78嚟讲嘅质素确实认真唔差!! 其实令我最惊喜竟然系佢嘅炸饺子啊，饺子系即叫即炸送到上嚟真系外脆内热啊🥰 📣📣📣大家要记住呀，逢星期一舖头系休息呀！千祈唔好摸错门钉…查看更多

嚟到深水埗揾食，畀我揾到一间隐世拉面店，位于深水埗站附近，步行只需要五分钟就到。和拉面系一间家庭拉面小店，入面座位不多但充满住人情味。店家主打即叫即煮拉面，仲有便当、寿司及小食等。加$10仲可以转套餐，有饺子同汽水。作为拉面控嘅我哋，一定选择佢哋出名嘅拉面款色。今日仲有限定既京葱鸭清汤拉面， 正！😍1）🍜京葱鸭清汤拉面 - 灵魂汤底， 经过长时间嘅淆制，鸭汤清澈，有浓浓鸭味，面头有层簿簿的油，油光好靓，饮落会有鸭既后劲。鸭肉份量唔少，粉粉嫩嫩，肉质有阵阵咸鲜味。拉面呈直长型，叫左较硬身质感，食落弹牙，夹汤食一流！2）🍜味噌豚骨拉面 - 作为餐厅经典，果然冇令食客失望。 厨师利用咗好长时间淆制猪骨汤底，猪骨汤与味噌煮埋一齐，呈橙黄色，咸鲜味十足，好醇厚。 两大块叉烧及豚肉，脂肪均匀，鲜嫩多汁。溏心蛋切开又半流心效果，直长型嘅拉面每条都好挂汤。 食到见底😋😋建议第一次到店可以选择这道菜！ …查看更多