和味煮意

假日一家人去荃灣逛街，夜晚在街市附近見到呢間餐廳都適合一家大細，便決定食埋晚飯再回家。雖然餐牌有任食放題，但因為同行有小朋友，所以叫小菜適合些。自選二人套餐：可以選酸菜魚/烤魚/雞煲、一份小食、一份青菜。酸菜魚（不辣）：份量很足夠，酸菜的清爽與滑嫩的魚片完美結合，味道一流👍🏻口水雞（不辣）：難得可以食到不辣的口水雞，雞很滑，芝麻香氣撲鼻，搭配花生的酥脆，令人回味無窮。蠔油娃娃菜：醇厚的蠔油滋味渗透娃娃菜，很入味。沙嗲金菇肥牛煲：沙嗲醬香氣撲鼻，搭配鮮嫩牛肉與金菇，湯汁濃郁，口感滑順。…查看更多

📍和味煮意 (荃灣)荃灣荃灣街市街45號地舖約咗朋友喺荃灣食早餐，上網search下，誤打誤撞搵到呢間餐廳。早餐供應時間到11:30am麵餐有通粉 河粉 米粉 公仔麵（出前一丁/辛辣麵+$5）都幾多選擇✨特濃沙嗲牛公仔麵 茶餐廳必備，濃郁沙嗲醬配彈牙公仔麵，真心不錯。✨特製牛仔骨辛辣麵第一次見茶餐廳早餐有牛仔骨🤤牛仔骨有肉汁又唔韌👍🏽————————————————————整體用餐體驗✨味道(3/5)✨環境(3/5)✨服務(3/5)✨性價比(3/5) …查看更多

好少一早落荃灣，終於今次可以落嚟試吓呢間店嘅早餐。幾好個麵餐沙嗲牛肉本身可以配雞扒，真係好多餐廳都做唔到呢一樣嘢。就算肯加錢好多茶餐廳都唔肯做。個丹麥酥唔會烘得太乾，反而食落去幾鬆軟同埋見到佢啲麵包係有回彈，都新鮮㗎！有啲期望嘅沙嗲牛肉同埋雞扒終於上枱，試左一啖湯，唔係平時食開嘅沙嗲牛肉㗎味道，重豉油。如果話呢個係醬油湯底咁樣會適合啲。雖然個味唔係期望咁，但係佢啲牛肉就真係幾嫩滑。再試嚿雞扒，係唔熱嘅，所以我浸咗落去啲湯嗰度浸返暖佢。雖然唔係完整一塊雞扒，但係兩碎塊都算厚，份量對得住價錢。…查看更多

在KKD買咗套票, 平平地無咩要求, 食得飽就算, 點知無失望 食物 : 套餐先揀咗金湯酸菜魚, 條魚好大條, 魚肉好滑, 湯底夠濃, 食完都飽咗8成 海鮮拼盤(一次性) ~ 有大虎蝦 / 帶子 / 蠔 / 花甲 / 鮑魚, 數量雖然唔多, 但都新鮮好味, 虎蝦好大隻, 肉質彈牙 牛肉片(一次性) ~ 有牛味, 可惜份量偏少, 唔夠喉 火鍋料(任食) ~ 有很多種類, 全放在雪柜內, 不過實在細食, 只試咗幾樣嘢 飲品 : 套餐已包飲品, 叫咗柑桔話梅七喜及鹹檸七, 飲品超大杯, 味道好濃, 好多冰, 所以飲到尾都夠凍, 而且唔會淡茂茂, 大讚 環境 : 店舖偏細, 坐滿人, 有D迫, 但都OK 服務 : 職員有禮貌 價錢 : HK$149/人 (無加一服務費)…查看更多

昨晚朋友帶我去食雞煲🐔烤魚🐟打邊爐，－行四人就點咗4人任食打边炉，巧開心因魚同雞都係我最中意食🥰但食完這兩樣其實大家都已經覺飽飽咯😅😅😅巧巧味🤤🤤…查看更多

明明叫了烤清江魚，重慶豆花煮法結果送嚟的似是重慶豆花煲魚湯我真係未食過烤魚係咁成煱魚又醒，又無味配菜可以講話得4件豆腐向店員反映，卻只換嚟一句多水呀，咁下次小d水啦這樣敷衍的回覆，真是令人佩服系統唔比得選擇劣評唯有係到發表比大家知伏！伏！伏！～～～～…查看更多

今日本來一早睇下劉興記有無早餐，但原來要11點至開門，咪系附近搵食，行過哩間，之前應該系我午餐wish list，睇到佢早餐牌價錢幾合理，加埋有牛仔骨幾特別，咪入去坐。環境—舖頭吾大，外面睇好似黑麻麻，感覺吾好，入去又OK喔，仲幾乾淨。—卡位幾大,但如果中間方檯有客就比較逼味道— 所有野都估計無整定，所以好新鮮，但就系要等—味道中上服務— 可能舖頭細，得一個伙計，但招呼都OK。抵食— 雖然豬趴牛仔骨比其他茶餐廳細小小，但有另外兩種配餸，同樣價錢我覺得咁好d.豬趴米( 4分)— 豬趴系帶小肥，所以咬落吾會鞋同實牛仔骨河粉 (3分)— 可以有3分主要系因為好似未見過早餐有牛仔骨— 味道應該系黑椒，分量比豬趴少，炸得比較乾，所以比較硬。無乜牛味。炒雙蛋面包(4分)—分量夠大，—炒得剛剛熟，—麵包好軟熟。咖啡同鴛鴦(2分)—哩個餐飲就真系吾得啦！拉底整體分數，可惜啊。…查看更多

留港消費，支持香港食肆，點知中左伏。第一次幫襯呢間鋪頭夜晚叫外賣。先講土豆絲，盛惠$100，呢個價錢既土豆絲係咁既樣，突然發覺自己變左水魚。燒饅魚，完全食唔到落肚，腥味既極至，食落似去隔離買條急凍饅魚叮返熱比你咁款。4個人加加埋埋其他野，埋單成千蚊，完全唔值，性價比係零。係零呀！！！我覺得呢啲冇誠意做既餐廳嚴重破壞哂香港食肆既形象。有圖有真相，我唔知佢其他菜式如何，但我叫左呢幾樣就知呢間餐廳既質素同誠意去到邊到，大家請三思！！…查看更多

這店位於荃灣區嘅小店，是朋友食過好味就介紹我地去try try, 雖然細細間但味道卻很好味，難怪咁多人，他們還設有任食👍🏻$288+10%, (好似90分钟）打算下次去试吓…. …查看更多

呀〜唔該哂跟手引介我嚟呢間川菜嘅樂園！係荃灣嚟嘅天然好味道真係唔講嘢。🔥🍴好似呢個鮮藤椒雞飯咁，啖啖肉食落去真係好入味，雞肉滑嫩得黎唔油膩，同埋個藤椒汁麻香夾硬，哎喲，嗜辣嘅我食得好過癮！😋 再嚟個檸檬嫩滑酸菜魚飯，啲黑魚滑到出奇，感覺得到啲肉質彈牙，湯底帶咗檸檬清新嘅酸味，同埋傳統酸菜完美融合，就係檸檬偏重手咗點，影響咗酸菜魚嘅原味。不過，都係媲美大廚嘅手藝！👏雖然叫唔到烤原條清江魚，但隔籬嗰枱客食緊，見到佢哋好滿足咁一邊煮一邊食，感覺嗰個香味居然過嚟撩撥咗我嘅味蕾，下次一定要嚟試！🐟🔥 總之，呢件川菜餐廳真心推介，食物賣相同味道都一流，整體感受好滿足！而家食多咗，見到真材實料嘅手藝仲係存在，開心到飛起！👍🙌⭐…查看更多

和味煮意分咗港式午餐，一般大路碟頭飯同比較有特色嘅川味午餐。😁😁鮮藤椒雞飯 $52🐥🐥藤椒醬汁做得出色，做到川菜要求嘅鮮香椒麻。藤椒油搭配芝麻，鮮藤椒，辣椒及醬油等，製成靈魂藤椒汁，偏麻但辣度只是微辣水平。雞肉嫩滑但偏清淡，藤椒汁賦予雞件新生命。個汁係重點， 撈麵相信亦會非常好味🤗🤗🤗😜❗檸檬嫩滑酸菜魚飯 $74🐟🐟平時見嘅都係酸菜魚或者水煮魚， 檸檬酸菜魚估唔到都有驚喜。黑魚本身Q彈可口， 特別係魚皮竟然有食脆肉鯇魚皮嘅感覺。檸檬湯底入口感覺清新， 同比較重口味嘅湯底都好夾，可惜檸檬味太重，搶咗酸菜及湯底應有嘅味道， 相信稍作調整會更好👍🏻👍🏻🥳見到隔離枱點咗烤原條清江魚連石油氣爐上，午市都係$98, 抵食！🤤🤤…查看更多

同朋友兩個人係出面見到個晚市套餐入去 諗住坐二人位 佢安排個四人位比我地 然後比左個正價餐牌我地 問佢地有冇個晚市餐牌 話食晚市餐牌 要坐返二人位 咁我地都冇乜問題咁我地想睇埋正價餐牌有咩小食 佢又收埋個正價餐牌 唔係好明咩做法 之後又調返我哋去4人枱 又吹落單 如果正價同晚市套餐有個座位唔同 點解唔入座既時候唔問我地？食物係ok 但做生意既態度麻麻 冇下次…查看更多

套餐主食可揀雞煲，烤魚或酸菜魚，每人都有一份海鮮同精選牛牛。出面仲有好多火鍋配料，仲有前菜涼拌薯仔絲同埋蓮藕，食物放係小冰櫃，食物分類好，擺放乾淨企理，FB讚好仲可以將飲品變成特大。特大飲品我就叫左杯鹹檸七，一上枱真係嚇親，勁大杯，店員話有一公升多，2個人都飲唔晒，好彩朋友叫左熱飲，係正常份量，可以幫手一齊飲😆重慶豆花烤魚烤魚有炸過，呈現金黃色，唔會一夾就散，魚肉厚身，啖啖肉又大條，重慶口味好惹味，一上枱賣相精美而且好香濃，入面有寛粉，芽菜，滑豆腐等。我地揀左小辣，味道岩岩好唔會好辣。海鮮拼盤都好吸引，有鮑魚，大蝦，蠔同帶子，食物新鮮，我最喜歡個大蝦，肉質彈牙，帶子鮮甜，牛肉都好靚仔，肉嫩😃真係好豐富又好惹味既一餐😋…查看更多

門口大大個牌寫住晚市套餐入到去問佢攞晚市套餐餐牌就話星期五六日晚上唔供應 咁你唔好棟個牌喺門口啦 而且個牌上面都無寫過咩唔供應囉唔怪之得店舖唔大仲有咁多空位 做生意咁唔老實 抵你無乜人幫襯！…查看更多

今日去荃灣食放題😋先揀雞煲/酸菜魚/烤魚其中一款我地揀左重慶豆花烤魚小辣條魚好大條好好肉 鍾意佢個湯底 食完冇好口渴💯豆腐比左一磚份量 浸住辣湯好好味套餐包括左每人一份海鮮同手切牛海鮮有-虎蝦 好大隻!!-帶子 肉質鮮美-鮑魚 新鮮彈牙-豪肉 烚完都仲係大大粒牛肉味道好重好香 肥瘦剛好 口質軟腍 好食！岀面有個自助配料區有好多選擇 擺放得好整齊 菜類 各種丸、餃子、肉類 仲有紅薯粉同寬粉 非常吸引💯而且佢杯飲品係超級大杯！唔使就住黎飲🤭總括 係一間物有所值嘅放題而且見店內都有其他客人叫串燒同小菜選擇真係好多呢！…查看更多