味．覺．遊記

营业中

休息中

今日有機會入到馬灣就梗係唔少得周圍搵嘢食見到有間小店喺度就決定試試佢15:10左右去到原來佢哋16:00落場休息快快手叫咗個意粉牛肝菌忌廉汁烤菇片扁意大利粉超級好食 牛肝菌忌廉汁好濃郁啲菇好新鮮 好好食啲意粉好彈牙本人極之鍾意份量都正常偏多食飽啱啱好另外環境裝修都幾唔錯會再有下一次

位於村屋中的味覺遊記，是一直在馬灣屹立多年的小店，自然是有些過人之處早晨全餐$95以馬灣來說價錢小貴，但值得，多士外脆內軟，牛油味香濃，配上經典的蘑菇，炒蛋和蕃茄等，值得一讚是3塊厚切煙肉和3種味道不同的腸仔，誠意十足蕃茄薯仔燉牛肉拌飯$98份量很足，男生也夠飽，薯仔和牛肉炆得軟冧，唯一不足是太重香草味，個人口味不太喜歡，價錢偏貴了點，下次會試試其他意粉總括來說味道不錯，份量有誠意，希望更多小店能堅持下去

🌉放假去馬灣東灣泳灘既時候 可以經過呢間超級用心既小店🫶🏻😍 大概行7-8分鐘就到 超級近 一定唔會後悔！餐廳主打法式/義大利菜 但同時間又有少少fusion 有賣台灣牛肉麵 或者中式飯類 食物種類繁多😌餐廳唔係好大 我諗應該係主要做馬灣居民生意 但我身為一個區外人 我覺得好食到我會再黎試😚最respect既係 餐廳係得一位員工自己做 由落單、煮野、埋單全部都係佢一腳踢 真係好辛苦💧即使我哋要等下 我都完全理解 同埋欣賞佢開餐廳既熱誠🌞 而且餐廳仲有chef special 唔肯定係咪久唔久會變下對比大部分cafe 呢間真係價錢超級合理之餘 食材高質 製作過程非常認真🤞🏻手絲豬肉比高🥯($85) 先講個包 係用左seseme poppy seed bagel👀 包係焗到脆卜卜 但裡面依然保持煙韌夾係包裡面既慢煮pulled pork絕對唔會太乾 肉有足夠既油脂 非常嫩 BBQ醬配埋焦糖菠蘿🍍鹹甜交雜幾夾 唯獨一樣野係菠蘿上面既焦糖味唔係好出 可能要少耐少少夾埋生菜🥬同番茄令到個包更加fresh🥹(+$22) 加炒蛋🍳見到三文治可以加隻蛋 我哋就加左炒蛋🍳🤎留意返佢哋係另上唔係加埋係個包

在馬灣住了一段時間，經常都懶得出島揾好野食，好彩在馬灣嘅少數餐廳裡面，都有啲啱口味而又唔錯嘅選擇..每當有時間出街食個hea飯ge時候，都會嚟到呢間小店，雖然海邊附近有幾間享有橋景又有情調的餐廳，但論味道呢間小店更勝一籌，性價比更高！今晚很幸運，可以食到經常一早沽清的牛油果藜麥蝦仔椰菜花飯，呢個配搭好清新，顏色好靚，咁熱嘅天氣，就算食哂一大碗都唔覺有負擔..另外試咗chef special嘅慢煮雞髀伴甘荀意大利飯，雞髀香軟嫩滑，意大利飯煙韌入味..時日餐湯都值得一讚，西洋菜忌廉湯清新濃郁，還點了最愛的薄荷青檸梳打，消暑一流嘅配搭..希望呢間小店可以保持水準，製作更多美味嘅菜式la～☺️

馬灣嘅呢間小店，巳經光顧過幾次，每次都無失望！之前聽聞意粉唔錯，試過覺得有水準👍🏻油封鴨肶就無緣一試，因為餐牌會隨季節同食材而變化☘️今次晚餐就叫左兩個主菜，分別係烤豬腩肉伴意大利飯同摩洛哥大蝦肉及風乾腸中東米，菜式擺盆都好靚，味道係出附意料的好😋而廚師預嘅分量亦好適當，食得飽之餘，唔會太多亦唔太少..飲品方面，覺得係正常發揮，值得推介嘅係時日餐湯，今次無叫因為天氣太熱了..小店人手唔多，點菜後都需要等一等，不過嚟到馬灣，何不慢活一點享受下片刻嘅寧靜同悠閒呢 😌

好認真馬灣基本上都唔太多好野食但呢一間真心每個星期都會食一次最好食就係卡邦尼意粉意粉既質感彈牙唔會淋，其他配料都好足料仲會有一啲特別嘅餐牌例如椰菜花飯、漢堡扒飯通通都好好食😋！

呢間食過幾次，都係好食，所以今次小店真係失手，兩個dish都唔得…仲要等左好耐, 真失望。 三文魚意粉(有檸檬汁嘅…全名好長唔記得): 三文魚好腥, 我平時自己煮三文魚唔醃都唔會咁腥！呢個pasta加上檸檬汁成碟都好酸，今次發生咩事???? 為咗唔浪費食物我都儘量食, 食得好辛苦。牛尾pasta: 我唔食牛, 冇試到, 但朋友話非常韌, 見佢好大力咁鋸都鋸唔到就知, 佢話個汁係好食。賣相好得但真係食唔到, 佢好辛苦鋸完第二舊都放棄。最好食係舊翠肉瓜😅

讚1 佈置別有洞天，係米九十等唔到位時，黎呢邊就剛好2 班戟好味，即叫即整塊皮，入口夠軟熟，餡唔算好多但啖啖都切到，香蕉都好熟，唔錯彈1 小蚊蠅有啲多2 咖啡出奇地薄身，好似好多水咁

我和朋友合共叫了兩份食物。一份是凱撒沙律，另外一份是卡邦尼意粉。意粉略為硬，不過仍然可接受範圍。假如是比較喜歡吃硬一點的朋友會喜歡，食物分量足夠，不會只有意粉，而配菜比較少。沙律令人滿意，沙律醬的份量和蔬菜分配適當，有少許麵包塊配合，增加些少咬口，上面亦有芝士碎，口感豐富，不會太單調。價錢兩樣合共只需要147，由於份量比較充足，即便是吃得比較多一點的朋友也能吃飽，價錢親民。店員服務態度良好，環境舒服，音樂不會太嘈。點餐後10分鐘內食物上齊，不會等太久(或許是平日去吧）。

每次有朋友入馬灣我都會推介呢間餐廳係島上少有好食嘅餐廳之一而且仲係良心小店餐廳位於村屋主打西餐價錢亦比島上其他西餐親民冇去一排近排轉左menu今日試左佢嘅台灣紅燒牛肉麵同莎樂美腸焦糖洋蔥Egg Benedict 湯雖然深色但味道不太濃、冇味精牛肉夠淋、麵質還可以當然係冇台灣嘅牛肉麵咁好食但小島上食到咁嘅質素仲有擺盤算係上品Egg Benedict嘅hollandaise比較淡口而且焦糖洋蔥較濃味整體上令hollandaise嘅重要性少咗總括黎講兩樣都幾好食，馬灣必食推介

🏝週末又係時候去個小旅行，今次揀咗馬灣呢個小島，呢個島仔細細，一個半午就已經足夠玩哂，一落船就揾下有咩好野食先，係openrice見到呢間餐廳名已經幾有趣睇落離碼頭好遠，但其實行10分鐘就已經去到🚢 餐廳隱藏係一堆村屋中間，門口有簡約木板佈置如果唔係有個招牌仔真係估唔到係餐廳拉開趟門，發現內裏別有洞天鋪頭細細，可能得廿幾個坐位右邊係温馨既居室設計，令人感覺舒服穿過小走廊會係吧檯同望窗外既位置不過今日係比較多，得返居室位置🛋 🍽打開餐牌，見到週末主力做各類既西式美食由all day breakfast到panini由egg benedict到意粉都有真係同其他大cafe都一樣咁多選擇 🥯手撕豬肉比高 $76 9/10Bagel包烤得外脆內軟熟，時間控制得好好，手撕豬肉同醬汁好入味，同比較乾身既包配搭得啱啱好。肉餡直頭多到滿瀉，撕得唔會細，食落仍然有口感，肉絲又唔痴牙😬 🍝卡邦尼蛋黃煙肉意粉 $79 8/10未上檯行緊過黎時已經慢慢嗅到好濃香既芝士味，放低後見到就即刻食指大動因為係傳統版卡邦尼，意粉啱啱好夠乾身，粘著芝士同煙肉粒入口，鹹香味道一流。意粉係先簡單煮過再放入冰箱備用，所以加料再

帶左一位鍾意小店嘅朋友嚟，佢好鍾意呢個地方。我地坐喺窗口邊，下晝兩點幾有陽光之餘又有自然風。意粉🍝味道都唔錯。1）忌廉牛肝菌意粉：其實就咁望唔係好見到啲忌廉，不過呢個好味過下面嗰個喎。味道突出之餘唔太鹹，朋友話portion好大，佢超飽。2）香辣蕃茄鯷魚意粉：對於一個唔食得辣嘅人係完全可以接受，但對於鍾意食辣嘅人，就要額外勁加Tabasco, 正常蕃茄意粉，但我唔鍾意橄欖。雖然我住馬灣，但已有超過5年冇幫襯，幸好小店仍生存到，以後要多多支持。

假期無得去旅行，繼續周圍去行下，今次去左要轉車嘅馬灣。星期五無人，空氣好似特別清新咁，終於有啲風，著褸都唔會話熱。搵左呢間小店食，好似曾幾何時好耐之前都食，不過太耐都唔肯定。午餐餐牌就已經決定左食咩，都好易揀到。有室外或室內位置揀，呢度好在係出面可以安排坐位，但仲係好寬落，反而顯得室內逼啲。菠菜。菇。班尼迪蛋，75元，上面個醬唔錯，蛋係流心，茹炒得香，呢個好食。墨西哥辣豆醬夾餅，配豬肉，78元。係真係幾辣，但開胃，份量都算大，如果夾餅再煎香啲會更好。辣肉腸芝士蛋餅，78元，都幾有口感，可能我個人麻麻地，同埋以為蛋餅係類似台式個種，錯哂，味道係唔錯嘅。

▶️馬灣神秘小店摸門釘左兩次，終於有得食侍應男係真係唔出聲嘅...我點餐同改野飲都以”點頭”應我😂😂但沒有其他食評講嘅態度惡劣,出餐都好快，除左我當時仲有3枱客。【羅宋湯通粉+cream cheese bagel 】一上菜見到羅宋湯同港式已經好唔同，同埋湯濃好多，一飲就不得了！係真正羅宋湯，用紅菜頭煮架(希望我無搞錯🤭) bagel過一陣先上，heat到外脆內軟，cream cheese仲有少少溶🤤【鯷魚蕃茄辣炒意粉】都係一上枱就聞到好香嘅鯷魚味，炒意粉又可以每一啖都有食到鯷魚,橄欖同乾蕃茄！師傅好叻呀！(如果啲意粉al dente啲仲正😛😛)

好似去左外國的感覺，小小的店鋪，設計特別有心思，有戶外同室內座位，食物更是大大的驚喜，最適宜假期慢慢享受。食物種類唔算多，但每樣都精心設計，水準超高。慢煮肉醬意粉同全日早餐係我最愛。肉醬汁好有層次，而且完全入晒啲意粉到，好好味。全日早餐不只賣相，味道都好好。