味苑 (已結業)

蜜汁燒排骨啲排骨燒得好好味，排骨啲肉都好多，一字排來講佢算多肉。節日蜜汁叉燒呢個叉燒肥瘦均勻，燒得好好食，而且汁都非常多。千層紅棗糕紅棗糕好香，一層層咁樣製作，有彈性及有咬口。飽汁叉燒飽白色既叉包好軟，啲飽汁叉燒好味，多汁又唔肥。左中塘雞球炆伊麵啲伊麵好彈牙，索哂啲汁，雞球好都好有彈性，整體惹味好食。避風堂茄子有啲似天婦羅，但係香口同辣辣的。生菜魚滑豆腐個豆腐好香，啲生菜魚滑全部都好新鮮。…查看更多

已結業 有冇搞錯 唔捨得呀 好食 叉燒蛋飯一流 過時過節 會一斤一斤咁買返屋企同屋企人開心share 除咗叉燒仲會買燒腩仔 夜晚會同朋友嚟食小菜 喺附近做嘢一定嚟食叉燒蛋飯 諗住做個紀錄咋喎想食評語最少80字 …查看更多

荃灣的食肆真是多不勝數,有一天,經同事介紹,到一家食店食燒味飯,這間名叫”味苑”。那兒地方很大,我跟另外兩位同事到卡位坐,座位很寬敞,環境不錯。當天都差不多到下午茶時段,所以等到下午茶時,便叫了一個雙拼燒味飯套餐。本人點了叉燒油雞飯+中湯。這間的燒味,本人覺得不過不失,叉燒很入味,不太肥,也不太瘦。但是油雞方面,我覺得不太入味,但肉質還算嫩口。而飯方面,軟硬適中,是我最愛吃的口感。這天的中湯是蓮藕紅蘿白豬骨湯,這湯沒有很多味精,不像一般茶記的列湯。…查看更多

$168一盒孜然牛肉炒菜遠竟然得幾條菜，賺錢都唔需要賺到盡！唔知仲以為食剩。價錢已經唔合理，麻煩俾返啲質素出嚟啦。$168台式三杯滑雞球又係中伏，除咗貴同分量小之外完全不願置評…查看更多

去到荃灣大壩街，如果想食燒味，我諗成條街只有一間，就係味苑。喺呢段疫情期間，去佢呢間味苑叫外賣燒味飯只需要三十六蚊，又會送埋維他檸檬茶，又真係幾抵架。但如果堂食，又會貴少少，都要成四十幾五十蚊。但講真！明顯地d白飯又真係可以幾好食既，而且佢啲燒味特別係白切雞同燒肉都非常之好味架。不過，始終講性價比來講，食外賣嘅燒味飯係最抵，而且啲燒味感覺上仲會多啲。今次黎食，雖然啲燒味得返啲頭頭尾尾，好似冇咩肉食咁，但其實都好好味既。如果識嗌，梗係要叫返外賣咁先至夠抵同夠好食。佢啲姜戎同黃芥末點燒肉同雞都係味道，點都要試吓拉。…查看更多

舉手贊同🙋‍♀️確實態度差不特止，🤔員工打乞嗤唔掩口添， 燒味並不特別出色，睇你撞手神師傅心情靚就可能會斬得靚啲嘅， 如果冇要求地下單的話，有好大可能骨多個肉， 有好幾次主動要求肥叉都可以畀咗瘦叉燒， 有一位男侍應還大大聲喺客人背後講客是非， 首先講講嘅係他們完全不懂和客人溝通， 有時候做不到客所提供嘅要求可以同客人講一聲， 並不是用這些不專業嘅態度對待客人，這種敷衍了事的處事作風，長此落去便會被人淘汰的。 服務同衛生簡直係負分， 補充多一句疫情未發生之前他們已經係咁樣…查看更多

我平日不太喜愛吃燒味，但今日遇上了這個燒肉飯，令我一吃就喜歡了。廣東式燒肉我不太愛吃 是因爲以前家中常備，節日又吃，請客又吃，總覺得肉係比較鹹，但今日吃了這個燒腩仔飯，感到皮脆肉嫩，還是充滿肉汁的樣子，味道啱啱好，一啲都唔會太鹹，吃到肉的真味，太棒了。玫瑰豉油雞飯 都是唔錯的選擇，豉油味好香帶甜，油雞夠大隻，肉質結實好有雞味。還有要讚一讚佢哋個奶茶，色香味俱全。…查看更多

平時好懶就唔寫食評既，但見佢態度差到爆忍唔住想X下佢見食評話燒鵝好食，就帶屋企人去食，果陣3點，無咩人，但都要搭檯坐睇緊餐牌果陣同媽咪傾緊要咩隔離阿姐聽我地講乜就幫我落單我話「我未諗好落單呀」條友態度勁差話「咁又話落單」真係嬲到即刻話「我重來都無話要落單喔」態度差，算燒鵝飯，D燒鵝又柴又乾，究竟話好評果D人係咪未食過靚燒鵝？？？白切雞飯，D雞唔夠滑仲要好鹹，D薑蓉都好鹹肉餅飯，D肉餅太多生粉啦.....食落去麻麻地其實間野真係好難食....貼錢買難受...…查看更多

味苑嘅小菜真心出色又有創意，將一味菜用2種方式呈現，除左賣相一流之外，味道更係驚為天人🤤🤤🤤「醉香流心蛋併胡麻茄子塔」流心蛋非常考功夫，烹煮時間稍有不慎，就做唔到流心效果！味苑嘅流心蛋，蛋黃處理得剛剛好！帶淡淡酒香～茄子爽甜配香濃胡麻醬，非常開胃～～「上湯虎蝦鴛鴦底」卡樂B 最愛虎蝦真心有成隻手掌咁大，而且蝦膏好澎湃，蝦肉好厚身，口感爽彈，味道好鮮甜～麵底更有齊傳統伊麵及炸米粉餅！麵條充分吸收蝦汁及上湯，每一口都非常惹味！「潮爆鴛鴦咕嚕肉」咕嚕肉都可以作出變化，除左傳統用茄汁作為主調之外，大廚更大膽使用黑醋作咕嚕肉，味道層次更濃厚及豐富！「雙弄牛魔王」卡樂爸最愛牛腩平時用炆燉為主，今次味苑用黑椒及油炸方式呈上！老實講，咁大個女第一次食炸腩，外皮粉漿好香脆，超驚喜牛腩肉質好嫩滑～真心推薦～~「羊肚菌螺頭燉豬展」燉湯落足料，湯頭清甜，夠哂補身及營養岩哂我呢個人奶媽～～～「太極骨香海星班」師傳功力深厚，海星班肉質鮮嫩！卡樂B都食左好多呀～～「松露鮑魚一口飯」LULU 最愛鮑魚相當厚肉，口感夠哂Q彈，再配埋充滿松露香氣嘅飯，真心好味呀！「味苑鴛鴦走地雞」雞味濃郁突出，無論豉油及白切雞都非常出色，有水準！「鴛鴦炒飯」小時候在酒樓最期待家人叫鴛鴦炒飯，因一次過可以品嚐2種飯，味苑嘅鴛鴦炒飯夠哂鑊氣，淋上面嘅茄汁雞柳及白汁塘翠蝦仁都好好味，令人食個不停😆「桂花菊花豆腐花」師傅刀功真心出色，豆腐切千刀塑造成菊花型，超有美感，再配於桂花味糖水，甜而不膩！…查看更多

一大班朋友去食飯，最常食既都係圍餐，揀好個餐就得啦~~唔駛煩~~哈哈哈哈~今日就揀咗味苑，淨係見門口就已經覺得充滿中國風架啦~ 有樓上同樓下，今次坐樓上，雖然有少少迫，但係大家都熟就無咩所謂啦~  成餐最鐘意既一定係個燉湯啦~羊肚菌豬𦟌燉湯，平時日忙夜忙邊有咁多靚湯飲呀~~趁機飲咗去潤番下先~ 成盅湯都好足料呀~~~ 食方便就最欣賞好幾道菜式都係鴛鴦配搭，例如魚，牛，飯都有~ 魚呢，就一邊係骨加辣的，另一邊就炒球。適合愛辣同唔愛辣的人去食。 牛就有一邊係酥炸，脆漿值得一讚，正宗外脆內軟。 另一款牛就係黑椒汁，但唔辣的，唔喜歡炸物既朋友食黑椒汁就啱啦。飯就係傳統鴛鴦飯，愛濃味就揀蕃茄汁，愛淡味一點就白汁會比較適合。…查看更多

味苑除了有炒粉麵飯，仲有燒味。Lunch時間往往門外排晒長龍，基本上搭枱是必然的。午餐天天不同，每星期也不同。名苑的燒味出名正注意燒鵝要加錢的。今次我選了叉油雞飯，賣相一望就知足料叉燒半肥瘦，油雞好滑。…查看更多

味苑的燒鵝真好味看完一部非常精彩的電影 ANNA，又到午餐時段，「味苑」還有兩三個客人在等位，等了一陣子大家便可入。這裡的燒味很出名，我介紹朋友吃他的的燒鵝，朋友一試就讚口不絕，燒鵝的皮脆肉嫩，充滿肉汁，味道非常不錯，雙拼他還叫了叉燒，可惜今日啲叉燒是全瘦的，雖然都是稔身，但無點肥肉點綴一下有點失色。我吃叉燒腩肉飯，豬腩仔皮脆卜卜，做得非常好，他們的飯量頗多，一定能食到飽飽的。雙拼飯如果選燒鵝的話要加多$5，但是都是值得的。…查看更多

今年選了頗有特色嘅荃灣味苑做節九道精美菜式、與一道巧奪天工嘅甜品每一味餸都以兩至三個方法烹調如果獨立計算，即是吃了足足十幾道菜🤩即刻為大家介紹各款菜式： #醉香流心蛋併胡麻茄子塔📝 唔食茄子嘅我，竟然一件不留！流心蛋加入濃郁的魚子醬，格外醒胃！ #上湯虎蝦鴛鴦底大大隻虎蝦，鮮甜美味。麵底一邊是伊面、另一邊是米餅，配上上湯非常juicy!! #潮爆鴛鴦咕嚕肉一邊用意大利陳醋，另一邊用新鮮山楂炮製而成，味覺多種享受！ #雙弄牛魔王 很有霸氣的一道餸，酥炸牛坑腩與胡椒燴牛坑腩，食落口感軟淋淋，做到牛坑腩應有的風味。 #羊肚菌螺頭燉豬展雖然有煲湯習慣，但燉湯就比較少。呢盅燉湯非常清甜，而且十分足料，鋒鋒成碗飲晒👍🏻 #太極骨香海星班一條魚有三道菜😱 椒鹽炒斑球 vs 清炒斑球 vs 西蘭花🥦 有辣有唔辣，任君選擇🤗 #鮮魚湯黑杞子浸時蔬食左咁多刺激味蕾嘅菜式，終於端上了一碟清菜，重整味覺。 #松露飽魚一口飯到飯聚嘅尾聲，突然出現大大隻鮑魚，煮得襯非常淋，鋒鋒都食左飯。仲有一口炒飯、椒鹽豆腐，份量適中唔會浪費。 #味苑鴛鴦王地雞鼓油雞、白切雞，想要邊件夾邊件，鮮雞嫩滑多汁，食完一件又一件。 #桂花豆腐剛才講到有道巧奪天工嘅甜品，就係呢碗豆腐花，師傅將豆腐上方切成幼絲，放在糖水裡似個珊瑚，食落原來是豆腐花！…查看更多

今晚飯聚,D菜式賣相真係真好吸引~~~真係要相機食先！！！前前後後都有成十款菜式我覺得款款都色香味具存🥰不得不同大家開心share我今晚吃左D乜個肚真係滿載而歸…查看更多

同朋友出街食飯最煩係食咩。。。。一個話愛辣，一個滴辣不沾。。。一個愛濃味，一個愛清淡。。。各有喜好，但往往不能一道菜討好兩邊。 今日信義妹就食咗間可以滿足兩極朋友的餐廳。 醉流心蛋併胡麻茄子塔 完全食唔到茄子既味，適合平時唔食茄子既人。流心蛋 配上黑魚子味道提昇。 上湯虎蝦鴛鴦底 虎蝦鮮甜彈牙，米粉煎成餅，夠香脆。怕熱氣上火?有伊麵底俾你揀。淋上醬汁加倍味美味。 潮爆鴛鴦咕嚕肉 一般既咕嚕肉就食得多，咕嚕肉都有鴛鴦就真係第一次。點鴛鴦法? 就係一邊用意大利陳醋整，一邊係新鮮山楂整既。外脆內軟，肉質帶鮮而不乾。醬汁緊緊附在肉上，唔會有多餘既醬汁停留係碟上。 而中間的裝飾更加係用麥牙糖制成，睇得又食得。 雙弄牛魔王 牛坑腩都可以有兩食，試過未? 平時好多時會係潮式粉麵食牛坑腩。今日試到兩款不同口味，有酥炸牛坑腩和胡椒燴牛坑腩。喜歡香脆可口的就梗係酥炸啦～外脆內軟，入口不油，軟綿令到老人家細路都食到。胡椒燴牛坑腩唔會因為胡椒味而搶咗牛本身香味，配搭得宜。 羊肚菌螺頭燉豬展 足料燉湯，平時早出晚歸，無飯家庭點少得湯水滋潤一下呢～ 湯頭清，味道濃。 太極骨香海星班 如果你家人或朋友都係兩極，嗜辣同滴辣不沾。呢個就能付合雙方要求啦～唔駛打大交，辣既香脆味濃，唔辣既抄班球香滑。 鮮魚湯黑杞子浸時蔬 對比之前既菜式清，魚湯浸菜，配合得宜。 松露鮑魚一口飯 精緻菜式，鮑魚勁大隻啊～ 夠淋又香滑，松露配上鮑魚加倍提鮮。一口飯炒得夠乾身，味唔會太濃，帶有嫰滑雞肉。 味苑鴛鴦走地雞 豉油雞，白切雞，雙拼一齊上。喜歡濃味多鹹就揀豉油雞啦～喜歡食雞既鮮就揀白切雞啦～ 最後一定要試巧手功夫甜品， 桂花豆腐 淨係賣相都已經留下深刻印象。香滑甜蜜，為一餐作一個完美的句號。下次要同屋企人食先得~ 信義藍星札記…查看更多