味火鍋 (雅仕洋樓)

食材有誠意，海鮮新鮮，服務好好，有問必答，座位寬敞，必有再回頭，暫時食過咁多間任飲任飲，呢間最好，最重要係冇限時間，就算當去happy hour 都抵，有樽裝汽水，又有啤酒

味火鍋每次都令我同朋友驚喜，今次特別是選擇了佛跳牆作為頭盤，一開始就感受到滿滿的誠意。精華在於其豐富的食材，鮑魚的鮮甜與超大超厚的花膠扒相得益彰，每一口都充滿了海鮮的鮮味、精華，愛滋補女士們必點。湯底方面，選擇了蟲草花椰子雞鍋，湯頭清甜而不油膩，雞肉的新鮮感在湯中充分釋放，忍不住一口接一口。湯底不僅提升了火鍋的整體風味，更讓每一種食材都不油帶鲜。接下來的王牌火鍋拼盤有北海道大元貝的鮮美、海蝦的彈牙、鮑魚的滑嫩，還有自家製的手蛋墨魚丸和蝦丸，無一不讓人讚不絕口。特別是台山蠔，鮮味十足，口感脹卜卜的，一試成主顧。牛肉拼盤的擺盤也讓人眼前一亮，手切牛小排的嫩滑、牛肩胛的豐腴、牛尾的濃郁，還有牛板鍵的軟腍，肉類的極致享受。每一片牛肉都能在口中融化。任食的精選火鍋配料中，鴨血的滑嫩、萵筍的清脆、炸魚皮的香脆，增添了火鍋的層次感。蔬菜籃的加入也讓整個火鍋更加均衡，讓人不會感到油膩。最後，Movenpick雪糕作為完美的結尾，一種超飽超滿足的幸福感。任食不限時一定有下次有下次！

今日同同事聚餐，呢間火鍋店任食最重要係見到餐廳可以最長食足7個鐘！！！同埋又近公司就揀咗呢間啦😆-呢度環境唔算太大但係都算光猛，飲品有幾個飲品雪櫃，都算多款，嘢食種類都唔少，仲要有五部曲幾正～-精選頭盤有五款選擇芝士焗波士頓龍蝦🦞芝士一啲都唔輕手除咗好香濃之外波士頓龍蝦都大大隻肉質彈牙❤️.味火鍋佛跳牆湯頭濃郁仲有花膠、鮑魚真係唔食唔得🤭-蟲草花椰子雞鍋湯底以雞湯熬制而成椰子🥥非常鮮甜雞件另上可以自己根據時間火侯好滑嫩-皇牌時令海鮮拼盤海鮮每日由專員負責採購以確保新鲜北海道大元貝魚類、海蝦、鮑魚自家製手打墨魚丸、蝦丸台山蠔、日式蟹棒非常新鮮鮮甜❤️-牛魔王美國安格斯牛肉拼盤手切牛小排、牛肩胛、牛板鍵好重牛味又冇乜筋👍🏻-當然仲有任食火鍋配料有丸類、牛、水餃🥟、麵等等..係咁encore淮山同萵筍😆好爽脆😋-最後梗係有甜品作結平時就係雪糕今日轉左做芝士蛋糕都唔錯～

晚上收工，同朋友想打邊爐同事介紹去味火鍋可以由6點食到零晨1點，最長時間可以食足7小時🤭每位都只係$359超級抵呀-第一部，五選一（每人一份）佛跳牆同芝士波士頓龍蝦-佛跳牆大大塊厚花膠，花菇，鮑魚，瑤柱超級足料好好味😋-芝士波士頓龍蝦🦞手掌咁大隻龍蝦，表面係滿滿嘅芝士焗到金黃色，肉質鮮味👍🏻-第二部 ，火鍋湯底蟲草花椰子雞湯湯底香濃-第三部 皇牌火鍋拼盤新鮮海蝦，生蠔，鮑魚，扇貝，魚片日式蟹柳自家製手打墨魚丸同蝦丸-牛肉拼盤手切牛小排牛肩胛牛板鍵食完頭三部已經好飽啦-第四部 任食火鍋配料我只係叫咗萵筍，淮山，南瓜每款都好新鮮-最後第五部 特選雪糕🍦

而家真心好難搵到好食港式火鍋，仲要平靚正放題任食！「味火鍋」值得一試！ 環境寬敞岩晒一班朋友打邊爐飲啤酒！介紹返呢個任飲任食火鍋套餐，一共5部曲！1）頭盤五選一：樣樣都好吸引，有佛跳牆，龍蝦，焗蠔，雞煲同酸菜魚，今次揀左麻辣雞煲。估唔到雞煲都好惹味好出色！雞件大大舊肉又嫩滑！醬汁調得剛好唔會好油好咸。2）火鍋湯底真係正！鴛鴦湯底都唔洗加錢！試左大排檔豬骨湯+養生牛肝菌湯豬骨湯一飲就知係老火熬出黎好濃郁！仲有胡椒味好好飲！ 牛肝菌就相對清淡啲，但都係足料熬嘅菇湯，呢個配搭一邊濃一邊清好夾！3）套餐拼盤包左一個豐富海鮮拼盤+ 牛魔王美國安格斯牛肉拼盤（手切牛小排+牛肩胛+牛板鍵）兩個拼盤份量都唔少，海鮮方面有海蝦，扇貝，魚片，生蠔，手打蝦丸，手打墨魚丸，蟹柳，仲有大大隻活鮑魚！好新鮮～牛肉就最鐘意牛小排，係靚肉，質素絕對比得上和牛架！4）任食自選火鍋配料其實淨係頭4部曲都飽左一大半，仲要有勁多料任食！真係性價比極高！5）movenpick雪糕真係太飽，我地連雪糕都食唔落，唯有下次再黎過先食！

晚市$359火鍋五部曲✨✨第一部：頭盤五選一有芝士焗龍蝦、黑松露芝士焗生蠔、佛跳牆、雞煲、酸菜魚我地揀左龍蝦同生蠔🦪大大隻好正😋😋頭盤我已經覺得好豐富！第二部：自選湯底有10部揀，我地揀左椰子雞🤤超濃啲雞又滑！！第三部：時令海鮮拼盤有北海道大元貝、新鮮魚片、新鮮海蝦、新鮮鮑魚、自家製手打墨魚丸、自家製手打蝦丸、台山蠔同日式蟹棒最驚喜係真係新鮮！！啲鮑魚仲郁緊😍😍絕對有驚喜🩷第四部：牛魔王美國安格斯牛肉拼盤手切牛小排 、牛肩胛、牛板鍵睇色水就知高質🙂‍↕️🙂‍↕️有啲厚度好有質感🔥第四部：任食精選火鍋配料掃qr code落自己想食既配料，最推薦係自定製菠菜餃、鮮蝦餃、韮菜餃👍👍唔錯！第五部：甜品當日係芝士蛋糕🍰記得要解凍耐啲先食就最正✨✨

食物資素，越來越差，4友人，龍蝦不新鮮，一陣雪櫃味，服務態度差，叫加水，等到就快乾塘，都未來，得野飲比較好，可以任飲，但野飲都對不住個價錢啦，埋單$400元一位，加一就收的爽，服務真心不行，沒下次，不會再去啦！

過了晚飯時段，突發想吃火鍋，知道味火鍋營業至零晨，即火速向這美食之旅出發！點了精選頭盤+皇牌火鍋拼盤+無限時任飲任食火鍋五部曲，每位$359 👍👍1️⃣ 精選頭盤 - 老壇酸菜魚，賣相精美。份量屬珍寶級別，彷似吃不完的。魚肉大大片的，味道鮮嫩，有驚喜！2️⃣ 自選火鍋湯底 - 香濃沙嗲鍋拼大排檔豬骨鍋，平實的外貌，味道還不錯，忍不住都飲了兩碗！3️⃣ 皇牌時令海鮮拼盤，有北海道大元貝、新鮮海魚片 、新鮮鮑魚、自家製手打墨魚丸、自家製手打蝦丸、台山蠔及日式蟹棒。生蠔肥美大隻，沒有太大的縮水，勝預期 👍👍牛魔王美國安格斯牛肉拼盤，有手切牛小排、牛肩胛及牛板鍵。這碟是限量的，只有一份，牛肉全是高質的，肉質嫩滑有牛味，正！4️⃣ 任食精選火鍋配料，隨選了幾款，已經很豐盛！另外再加點了幾款時蔬，有金菇菜、娃娃菜及西生菜。白色的甜粟米🌽，水果似的清甜味道，超好食！5️⃣ 五部：特選雪糕，每位客人均可獲贈精選雪糕 - MOVENPICK 一杯 🥰🥰飲品任取任飲，是夜的心水選擇 😌😌

首先講咗佢哋嘅頭盤先啦～我哋今次揀咗芝士焗波士頓龍蝦佢哋嘅龍蝦食落去真係好鮮甜😍😍（亦都係新鮮滾熱辣整起嘅）而且配埋好濃郁嘅芝士簡直係Perfect Match咁之後就可以揀湯底打邊爐啦～我哋就揀咗鴛鴦鍋（泰式冬蔭功海鮮鍋/香濃沙嗲鍋）呢兩個湯底真心幾濃郁👍👍冬蔭功海鮮鍋食落去酸酸辣辣嘅口感好開胃而沙嗲鍋配埋響鈴一齊食亦都好入味除此之外每一次入座亦都會有一個皇牌火鍋拼盤、皇牌時令海鮮拼盤（嗰個美國安格斯牛肉拼盤就係有手切牛小排、牛肩胛、封門柳同埋牛版腱）牛小排食落去幾滑嫩❤️❤️而且紋路亦都算幾靚封門柳/牛肩胛食落去牛肉味就比較濃郁食多咗都唔會覺得好Heavy之後嗰個海鮮拼盤亦都有好多唔同嘅海鮮喺入面全部食落去都真係好新鮮🥳🥳咁之後就講埋其他打邊爐配料啦不得不讚嘅係嗰個自家製手打墨魚丸/自家製手打蝦丸💛💛因為食落去真係好爽口彈牙唔係間間打邊爐舖頭都做到‼️‼️除此之外佢哋嘅自家製菠菜苗豬肉餃/自家製鮮蝦水餃食落去都幾唔錯

🍲尖沙咀無限時任食火鍋-味火鍋🍲喺尖沙咀，發現咗一間冇限時任飲任食嘅火鍋餐廳，可以食足7小時，真係最啱同班朋友一齊去食到飽！重點係佢哋嘅食材質素超高。今次我哋選擇咗以雞為主的火鍋五部曲。第一步係選擇頭盤，選擇超吸引，例如芝士焗龍蝦、佛跳牆、酸菜魚等等。我哋決定咗食雞煲，邊飲啤酒邊食雞煲，真係超正！個雞煲啖啖肉，唔會淨係吮骨咁。至於打邊爐，我哋揀咗蟲草雞椰子雞鍋，味道非常清甜，椰子味濃郁，連湯都可以飲，越滾越好味。套餐入面仲包咗海鮮拼盤，入面有我最鍾意嘅北海道元貝、鮑魚、生蠔同埋海蝦，另外仲有手打墨魚丸同蝦丸，真係重點推介！如果唔夠食，仲可以繼續叫肉，有靚靚水餃同雲吞，仲有多款特色丸類，例如川辣牛丸、松露貢丸、豬骨濃汁貢丸等等。最後，每位仲有一客movenick雪糕，我就揀咗咖啡味，真係好味！人均只需$359，可以坐成晚吹水，真心抵！餐廳仲有兩層，不過建議大家預約

前排去尖沙咀店再同第三位朋友食呢間都係少數可以keep住食足7粒鐘所以keep住有幫襯，咁當然我無咁既食力去到好多人爆滿咁滯，book左都要等等一坐低仲有小食3小碟前菜方面都係好遺憾未試到迷你佛跳牆咁都係要芝士焗龍蝦 (半隻)x2鴛鴦湯底：特濃芫茜皮蛋豆腐鍋＆養生牛肝菌湯鍋皮蛋豆腐真係必點牛肝菌第一次點都好多菌勁香精選海鮮拼盤今次同上次唔同，無左蟶子元貝，魚類有幾款，鮑魚仲係識郁，蝦、台山蠔好大隻、蟹棒、手打墨丸＆蝦丸安格斯牛肉拼盤手切牛小排、牛肩胛＆牛板腱～3款都keep到水準，牛味濃郁，口感嫰滑另外再叫左黑豚肉～一d都唔鞋，唔輸牛肉美國肥牛～唔算太肥都唔錯芥末沙律球～呢個都係必點，芥末味突出炙燒芝心丸～一口爆芝士，正黃金麻吉燒～超鍾意軟糯既麻糬叫番d蔬菜食下鮮淮山～新鮮爽脆萵筍～有別於酸菜魚片裡面狀切法條狀無咁易腍晒

而家大部份香港火鍋店任食限時兩個鐘，咁少時間，食得嘢嚟又傾唔到偈，最近睇到呢間港式火鍋店，無限時任飲任食，由6pm食到1am長達7小時，約埋成班朋友嚟食飽又傾飽位於尖沙咀交通非常方便，座位闊落，地方光猛，醬料同飲品都係外面自取，而餐廳使用QR code點餐，上菜快之餘冇漏單，侍應態度非常好介紹返呢度有火鍋五部曲第一部：每人可以自選一款頭盤芝士焗波士頓龍蝦（半隻）手掌咁大隻龍蝦，面層有滿滿嘅芝士焗到金黃色仲有橙黃色嘅膏油潤甘香，啖啖肉 黑松露芝士焗生蠔（3隻）同樣鋪滿滿滿芝士，內裏鮮甜肥美仲可以揀佛跳牆、酸菜魚（兩位起）、四川麻辣雞煲 （兩位起）第二部：自選火鍋湯底大排檔豬骨鍋拼四川麻辣鴨血鍋第三部：皇牌火鍋拼盤每日都有精選不同海鮮全部新鮮又肥美北海道大元貝新鮮魚類，新鮮海蝦，新鮮鮑魚自家製手打墨魚丸 & 手打蝦丸台山蠔，日式蟹棒牛魔王美國安格斯牛肉拼盤手切牛小排牛肩胛牛板鍵啲牛肉好高質，其實我食到呢度已經有啲飽第四部：任食精選火鍋配料個人推薦牛丸、紫菜響鈴、自家製菠菜苗豬肉餃等最後每位都有一個Movepick雪糕

一行6人訂了星期六晚吃，定盤包的牛肉是ok，但當你之後再order refill牛肉，那些牛肉完全唔似牛肉，我們order幾次看看是否有分別，但都係唔似牛肉質感，我哋個個都話好怪。原本打算主攻吃牛，現在變咗冇主角吃，極不抵。另外話任食，但9pm已經冇晒生菜🥬油麥菜，我哋之前不停追call落order，後來才通知我哋冇晒菜😤總括唔會再幫襯下一次，就算它算平，但菜單選擇其實好少。我寧願下次食貴少少，起碼有牛氣丫

8人訂枱張枱只能安排坐一張6人枱迫到好辛苦連一碟野都放不落，原來成間舖的枱都係細，每個人都要則則身坐，幾經艱辛先可以張海鮮盤放在枱上，其他的只能用手揸住放落窩上，空碟沒有位置擺放服務員又收唔切唯有擺在隔離空枱上，但意想不到竟被服務員開口鬧態度很差對待客人。肉類只有牛肉豬肉但質素很低似柴皮肉味，任食都冇再追加，海鮮類可以的但一轉過不能再加，價錢唔算貴＄395但唔值，就算有優惠也不會再考慮，綜合種種因素只能給予負評。

已經很久未見過一間食店服務人員態度咁好, 而且食物質素都唔錯, 以呢個價錢任飲任食又好態度真係難揾👍👍👍, 朋友聚會傾吓飲下食下, 唔使驚好趕時間, 佢飲品亦好多選擇, 有啲更多未見過.