放工OT完，和同事來到味火鍋打邊爐。以為閒日無乜人，但亞士厘道出面條街好靜，但係鋪入邊竟然到滿。直接點了無限時任飲任食火鍋五部曲。頭盤本想揀佛跳牆，但已經賣完。揀了芝士焗波士頓龍蝦，每客半隻。新鮮熱辣，雖然龍蝦唔大隻，但係芝味濃。仲有幾款小食上枱，炸雞軟骨、中華沙律和海蜇，過口癮不錯。第二部是自選火鍋湯底八選二，我們揀了四川麻辣鴨血鍋BB辣和豆乳海鮮鍋。一邊放肉，另一邊則放蔬菜類。第三部皇牌火鍋拼盤，分別有：蟶子皇、北海道大元貝、新鮮海蝦、新鮮鮑魚、自家製手打墨魚丸、手打蝦丸，台山蠔和日式蟹棒。大大盆擺盤好靚，海鮮用料新鮮，值得一讚。這盆海鮮是按人頭計的，其實兩個人食，都好夠。第三部是牛摩王美國安格斯牛肉拼盤。有手切牛小排、牛肩胛、牛板腱，三款肉的質素都十分不錯。粉紅色夾雜白色的脂肪紋，肥美又不失肉味，睇得出不是平價貨色！第四步任食精選火鍋配料，餐牌共有22款，不過食完海鮮拼盤和牛肉拼盤，其實所胃納都不是太多，只點了安格斯肥牛、鮮蝦水餃、韭菜水餃、菠菜苗豬肉餃等都試少少。當然炸魚皮、紫菜響鈴一定要食！豬骨濃汁貢丸、松露香菇貢丸、和濃芝豆腐燒都是不錯的，可一試。呢度啲汽水啤酒任飲，汽水仲要係樽裝的，飲落特別有feel，值得一提韓國清酒甜甜地，好好飲。最後第五部曲就是食杯Movenpick雪糕作結。這個無限時五部曲，最啱放工想坐得耐的朋友，雖然食物不算超級多，但是套餐入面的食物都是高質的，啱晒一啲想食高質少少，主要傾偈傾耐啲的朋友！加上卡位座位好寬闊坐得好舒服，所以成件事好滿足。…查看更多
