味千拉麵

有接近20年冇再食過呢一間風光不在的拉麵店，之前去西沙Go Park，竟然發現有呢間拉麵店進駐。受到童年回憶的驅使之下，決定從事重試返呢一間拉麵。相對起以前，食物嘅選擇非常少，冇晒以前我好鍾意食嘅冷麵，拉麵亦都只係得四款，不過好似新加咗壽喜燒。舒適程度還好，不過服務同以前一樣都係欠奉。我就叫咗味千之霸拉麵，再轉中辣嘅麻辣湯底，至於另一半就叫咗牛肉壽喜燒配烏冬。我覺得如果你係唔食得辣嘅，就唔好轉麻辣湯底，因為中辣都已經好辣，而個拉麵味道就好一般般，咁多年都冇乜進步，相反個壽喜燒味道反而仲好，有少少驚喜。食咗$200左右，我覺得都係不過不失。…查看更多

今日晏晝喺馬鞍山叫咗味千拉麵嘅外賣，係由西沙go park過嚟嘅同平時嘅麵類外賣唔一樣，佢哋個兜好大，原來係附贈左一個加熱包，令到成個外賣嘅感覺好似高級咗。不過其實外賣嘅距離都係比較近，所以我覺得呢件事唔算太有必要。因為佢送到嚟嘅時候啲湯都仲係熱嘅，所以最後我哋都冇用到佢個加熱包，但係都欣賞佢哋嘅誠意。我哋叫咗一個職人叉燒拉麵，味千之霸同埋加咗三隻餃子。兩個嘅湯底都係差唔多，豚骨湯底，但係味道比較淡，麵質亦都冇乜咬口。佢嘅叉燒好大浸豬騷味，$88嘅拉麵只係得兩塊薄片叉燒，有少少吝嗇。另外叫嘅小食：三隻餃子，都算大粒，味道正常。味千拉麵已經係小時候嘅回憶，而家再出現，好似已經有啲過時，當香港周圍都開咗好多日本過江龍拉麵之後，港式日本拉麵實在比不上。而且佢價錢又唔係平，下次食拉麵可能都寧願會俾貴少少食第二間。…查看更多

今次嚟到西沙 GO PARK，入咗味千拉麵食個輕鬆lunch。除咗拉麵，定食選擇都幾多，叫咗個豚扒鐵板滑蛋定食，加杯飲品都唔算貴，性價比中規中矩。🐷 鐵板滑蛋吉列豚定食 $68吉列豬扒即叫即炸，外層香脆，炸漿唔厚，豬扒厚薄適中唔算鞋。底層滑蛋熱辣辣，蛋汁撈飯幾掂，不過調味偏淡，如果多少少醬汁會更惹味。定食配埋白飯、漬物、湯，份量剛好。🍹 蜂蜜百香果茉莉綠茶 $12（加配價）酸酸甜甜，入口清新，有百香果味，不過幾解膩，配炸物都算夾。環境方面乾淨企理，出餐速度快，啱晒打工仔或者想快快食完行街。…查看更多

自從食咗日本拉麵之後 好耐都冇再食過港式嘅味千拉麵 早排去到airside放狗 見到入邊本身都冇乜舖頭好揀 所以就食咗呢間味千拉麵 同朋友一人一叫一碗味千之霸 再加碟餃子 貪佢乜都有 味道不過不失就係好基本嘅港式拉麵嘅豬軟骨湯味 唔可以期待太多…查看更多

味千拉麵🍜我細細個就聽過呢個名啦😊年紀越嚟越大，佢鋪頭既數量就越嚟越少🫢估唔到係新區域Go park竟然會見到味千拉麵既足跡👣咁耐冇幫襯就要試下佢味道如何先啦🤗😋味千之霸湯底係濃厚豬骨😊豬軟骨好入味又夠淋👍🏻叉燒薄切易入口😚麵質唔會太淋有口感🙂😋雞白湯雞扒拉麵雞白湯係我最鍾意嘅湯底，佢呢度嘅雞扒湯都整得好濃郁，雞扒燶燶地有焦香味🤫舔舔脷指數👉🏻6.5😋/10😋滿分 可以一試😋…查看更多

我諗味千拉麵絕對係80後嘅回憶，「好食」呢兩個字從來同呢間拉麵舖毫無掛鉤，尤其是依家當街當行都係出色嘅拉麵舖，味千拉麵由高峰期每區都有多間分店，到曾經執淨一兩間，我諗真正既香港人都睇得出問題喺邊度，最近見佢哋「死過翻生」，今日去到西沙個商場竟然見到有間「味千拉麵」？既然一個咁高格調嘅地方都遇到你，咁我同女友就覺得都係一種緣份諗都唔諗直接衝入去試吓佢到底係咪仲keep住味千20年前嘅味道！餐單：豬骨湯叉燒拉麵野菜醬油拉麵加錢小食炸雞價錢小食餃子基本上唔需要逐樣嘢品評佢哋嘅味道！你食到嘅只有一味死咸嘅味精湯！冇錯，係一飲落去就知係味精既湯，拉麵冇彈力，又未至於20年前嘅水準，但係相比市面上求其一間以拉麵為主既拉麵舖，我相信水準都未至於去到咁，就等於你入去一間乜都有嘅日本餐廳嗌咗碗拉麵食咁嘅水準，我諗大家都明個味道大概係點！炸雞基本上都係超厚嘅炸粉，根本食唔到雞味，餃子反而係中規中矩最冇嘢好挑剔嘅一度餸！食完嘢行出嚟已經感覺非常口乾，咁大家諗吓到底攞咗幾多味精去整嗰個湯底！相隔20年，大鑼大鼓開返咁多間分店，大家都以為你「改過自新」，結果又係令人失望！拉麵來說冇錯價錢係好平，但我真係唔介意俾多少少錢，去食一碗好好食嘅拉麵！而唔係食完一次中伏冇回頭！再見啦，味千拉麵✋✋✋真係冇下次！…查看更多

味千拉麵 gopark滑蛋吉列豬扒飯蛋漿滑口軟嫩，略為有啲鹹。吉列豬扒肉質鬆軟帶淡淡豬肉味道，而炸漿脆口乾身少油膩。煎餃子豬肉餡料味濃少鹹，餡皮煙靭可惜煎煮未夠香口，配柚子汁酸酸甜甜好味算補返數。涼拌菜酸甜惹味，夠醒神開胃，份量略為太少。例湯欠缺誠意，似飲鹽水湯，下次可以唔使考慮。白飯味道濃郁有飯味，口感軟糯帶點點粟米味道，似乎係使用東北大米代替珍珠米。餐廳日式設計，簡潔明亮座位略為逼夾，碗筷杯碟自助形式，碗碟清潔乾淨。…查看更多

排咗差不多45分鐘隊，有枱又唔入人，入面忙得滯，見到啲同事好攰。有個客人抱住小狗嘅，因為外面張枱未清，佢又要再等過，後面嗰啲入晒先至再慢慢幫佢，其實都幾老土。，啲湯底好難食，仲差過自己喺屋企煮，個雞翼同個餃子就做得幾好。叫咗個鍋，不過啲豬肉有啲臭味，叫佢換咗佢，又冇得揀換啲乜嘢，想揀返自己鍾意食嘅嘢，又話只可以揀返一樣，又做唔到退錢因為已經俾咗錢。食得好唔舒服同唔開心。之前都喺外面食過味噌，呢間真係唔係太好食，唔知係咪冇跟返總公司個湯底調配。…查看更多