味千拉麵

有接近20年冇再食过呢一间风光不在的拉面店，之前去西沙Go Park，竟然发现有呢间拉面店进驻。受到童年回忆的驱使之下，决定从事重试返呢一间拉面。相对起以前，食物嘅选择非常少，冇晒以前我好钟意食嘅冷面，拉面亦都只系得四款，不过好似新加咗寿喜烧。舒适程度还好，不过服务同以前一样都系欠奉。我就叫咗味千之霸拉面，再转中辣嘅麻辣汤底，至于另一半就叫咗牛肉寿喜烧配乌冬。我觉得如果你系唔食得辣嘅，就唔好转麻辣汤底，因为中辣都已经好辣，而个拉面味道就好一般般，咁多年都冇乜进步，相反个寿喜烧味道反而仲好，有少少惊喜。食咗$200左右，我觉得都系不过不失。…Read More

今日晏昼喺马鞍山叫咗味千拉面嘅外卖，系由西沙go park过嚟嘅同平时嘅面类外卖唔一样，佢哋个兜好大，原来系附赠左一个加热包，令到成个外卖嘅感觉好似高级咗。不过其实外卖嘅距离都系比较近，所以我觉得呢件事唔算太有必要。因为佢送到嚟嘅时候啲汤都仲系热嘅，所以最后我哋都冇用到佢个加热包，但系都欣赏佢哋嘅诚意。我哋叫咗一个职人叉烧拉面，味千之霸同埋加咗三只饺子。两个嘅汤底都系差唔多，豚骨汤底，但系味道比较淡，面质亦都冇乜咬口。佢嘅叉烧好大浸猪骚味，$88嘅拉面只系得两块薄片叉烧，有少少吝啬。另外叫嘅小食：三只饺子，都算大粒，味道正常。味千拉面已经系小时候嘅回忆，而家再出现，好似已经有啲过时，当香港周围都开咗好多日本过江龙拉面之后，港式日本拉面实在比不上。而且佢价钱又唔系平，下次食拉面可能都宁愿会俾贵少少食第二间。…Read More

今次嚟到西沙 GO PARK，入咗味千拉面食个轻松lunch。除咗拉面，定食选择都几多，叫咗个豚扒铁板滑蛋定食，加杯饮品都唔算贵，性价比中规中矩。🐷 铁板滑蛋吉列豚定食 $68吉列猪扒即叫即炸，外层香脆，炸浆唔厚，猪扒厚薄适中唔算鞋。底层滑蛋热辣辣，蛋汁捞饭几掂，不过调味偏淡，如果多少少酱汁会更惹味。定食配埋白饭、渍物、汤，份量刚好。🍹 蜂蜜百香果茉莉绿茶 $12（加配价）酸酸甜甜，入口清新，有百香果味，不过几解腻，配炸物都算夹。环境方面干净企理，出餐速度快，啱晒打工仔或者想快快食完行街。…Read More

自从食咗日本拉面之后 好耐都冇再食过港式嘅味千拉面 早排去到airside放狗 见到入边本身都冇乜舖头好拣 所以就食咗呢间味千拉面 同朋友一人一叫一碗味千之霸 再加碟饺子 贪佢乜都有 味道不过不失就系好基本嘅港式拉面嘅猪软骨汤味 唔可以期待太多…Read More

味千拉面🍜我细细个就听过呢个名啦😊年纪越嚟越大，佢铺头既数量就越嚟越少🫢估唔到系新区域Go park竟然会见到味千拉面既足迹👣咁耐冇帮衬就要试下佢味道如何先啦🤗😋味千之霸汤底系浓厚猪骨😊猪软骨好入味又够淋👍🏻叉烧薄切易入口😚面质唔会太淋有口感🙂😋鸡白汤鸡扒拉面鸡白汤系我最钟意嘅汤底，佢呢度嘅鸡扒汤都整得好浓郁，鸡扒㶶㶶地有焦香味🤫舔舔脷指数👉🏻6.5😋/10😋满分 可以一试😋…Read More