周記避風塘

猶記得上年到過沙田新城市廣場的周記避風塘吃晚飯, 味道不錯, 令人回味, 所以昨晚與友人決定再到此一試, 我們點菜與上年一樣的2人套餐, 但是結果是水準差劣, 令人失望。首先上紅燒翅, 除了有兩片細細塊的翅仔外, 碗內有大量的銀牙, 湯底勁咸, 像味精加蠔油, 沒有清湯味道, 我們只吃了一些銀牙和翅仔, 沒有飲湯底。 未吃完紅燒翅, 侍應立即又上菜兩隻聖子,豉油王中蝦和金姑牛肉卷, 侍應好似趕住收工, 為何不可以多等一會才上菜呢? 當一口食聖子時, 滿口都是豉椒, 味道勁咸, 聖子不夠新鮮。豉油王中蝦, 除了中蝦變細蝦外, 味道同樣勁咸, 沒有新鮮感覺。至於金姑牛肉卷, 味道不過不失, 沒有驚喜。我們仍未吃完之前的菜, 侍應又立即上平平無奇的什菜煲, 飯粒炒得不夠乾身的炒飯和不夠熱的糖水,令我們不禁跟侍應說, 糖水可不可以最後才給我們, 叫侍應先拿走糖水。不久,侍應又未待我們吃完枱上食物, 又再上糖水, 真是氣死人!! 整體來說, 食物質素不及茶餐廳, 埋單仲要HK$400多.(因沒有用任何coupon), 所付出的金錢卻得不到同等的食物質素和服務態度, 真是失望, 好像貼錢買爛受!!經此一役, 我們不再去這間食肆, 也不會介紹別人去。.…查看更多

周記避風塘，單聽名字都應是中式海鮮餐館，但實情店內又有提供日式串燒清酒等食品，倒是奇怪。既然周記以「避風塘」作招來，一試這兒的避風塘海鮮也是順理成章的。簡簡單單以一個二人海鮮餐以飽口福。首先奉上的是周記魚翅，翅湯口感介乎紅燒翅湯芡與上湯之間，帶點稠口，質感細滑。相較紅燒翅湯，此翅湯味道較為清淡，當中夾有鮮腐竹的香味與魚肉的鮮甜。魚翅方面，份量不算多，但翅針還算清晰可見。當作一份家常魚湯來品嚐，都算不錯！吃畢魚翅，便是主角出場時間。避風塘炒蟹甫放在桌上已能嗅到香味。避風塘調味料以一貫的香葱、金蒜、辣椒等製作，香口惹味，帶點微辣，並帶點脆脆口感，配上白飯吃是不錯選擇。所用肉蟹約一斤重，肉質挺結實鮮甜，略帶少許蟹膏，伴上避風塘調味料一起吃，香氣更添濃郁。接着來的是蒜蓉粉絲蒸蟶子皇，以大小來說，一隻約七寸長的蟶子只算是大蟶子吧！蟶子選料都算不錯，味道富鮮味，肉質爽口。稍為不足的是烹煮時間可能過火了一點，以致肉質爽中帶點韌。蒜蓉醬汁調配味道不俗，既香又不會過鹹。粉絲出品略碎且過腍，有待改進。飽吃惹味海鮮後，以清淡的魚湯金鈎雜菜煲稍作調和也是不錯選擇。相比周記魚翅的魚湯，此菜的魚湯顯然略遜一籌，少了一份至堅實的鮮魚味道。若以普通雜菜煲的水準來說，此魚湯還算OK的。菜蔬選料有菜心、白菜、唐生菜等等，煮得夠腍。面上加上數隻蝦乾(金鈎)作裝飾，煲底配以大量粉絲盛高面上的食材。和蒸蟶子皇的粉絲一樣，口感確是過於鬆散。主食有金蒜蛋白炒飯，賣相中規中矩。面上雖加配金蒜，炒飯味道還是偏向清淡。另外，炒飯帶點濕氣亦令此菜式的味道失分。餐後有芝麻湯丸作甜品，比普通的糖水為佳。 湯丸外層口感幾滑，但不夠煙韌；內裡芝麻亦炒得不夠香。薑湯辣中帶甜，味道不俗。服務方面，感覺不算懇勤，主動添茶換碟的時間不多。另外，上菜時間略為急了一點，以致後來的菜式稍為放涼了亦在所難免，此點可多作留意改善。…查看更多

早幾日去避風塘食飯. 原本想叫一個二人套餐有瀨*蝦. 點知叫果陣已經話無瀨*蝦. 時間只係大約7:30PM. 無貨又要做套餐. 真奇怪. 所以改叫另一個差唔多嘅有中蝦嘅餐. 點知惡夢就開始. 等左差不多20分鐘先上第一個菜首先黎一個金姑牛肉卷, 味道不過不失. 接任上紅燒翅. 個翅隨左有兩片細細塊嘅翅之外. 個湯基本上你味精加蠔油. 已經覺得有D俾人老點嘅感覺. 跟住上嘅係四隻所謂嘅豉油王中蝦. 味道勁咸唔在講. 幾隻蝦就發育唔健全. 之後就呆坐左差唔多三十分鐘都未有菜上, 催個侍應又話做緊. 已經開始有D好谷氣. 點知之後上D菜就真係火都黎埋. 兩隻聖子王變左一小碟豉椒炒聖子. 終於忍唔住要同個侍應理論. 點知佢態度好俘氣話無聖子王, 所以改左炒聖子. 咁都得? 佢仲問我邊個同我落單, 一早已經無聖子王. 點知原來係佢自己落單, 佢先死死氣講句SORRY. 然後我當然要求改單. 我地改叫同價嘅炸鱔炒西蘭花. 佢竟然話無西蘭花. 呢一刻真係想講粗口咁滯. 於是將西蘭花改做芥蘭. 之後, 就上埋平平無奇嘅什菜煲, 炒飯同糖水. 但係已經食到好無癮. 埋單差不多四舊水. 經此一役, 都好難再叫我去呢間食肆.…查看更多

沙田市中心有很多餐廳，但每一次與家人出外用膳時我也很頭痛。西餐對老人家來說，不是太適合；一般的家常小菜，又不太吸引。附近的上海菜，又平平無奇。一次偶然的機會下，我家人發現了周記避風塘；其特色賣點當然是避風塘炒蟹。自從十月光顧了第一次獲贈現金券後；我家人便提議要再次光顧，三個月來也光顧了三次；平均一個月來一次。綜合幾次用餐的經驗，我的分享如下﹕食物質素 避風塘炒蟹 - 好入味，蟹肉好嫰 石窩爆田雞 - 豬潤好鮮甜，田雞好滑 周記魚翅 - 平平無奇，不值一試 魚湯金鈎雜菜煲 - 有加蝦米，值得一讚；很多餐廳為減成本，連蝦米也省掉。唉! 聖子皇 - 蒜蓉粉絲比燒烤口味更吸引 蒜茸粉絲蒸珍寶蚌 - 好好味，令我愛上了珍寶蚌；可惜十二月尾再去時，它已從特色餐牌上落架.....太可惜了 鹽水大蜆 - 新鮮的海鮮任何時候也好好味，我家人特別鐘意湯入面加了胡椒，但我對辛辣口味，不太喜愛。幸好，蜆肉一點也不辣 蝦糕帶子粒炒飯 - 炒飯太油，蝦糕味不重。 金蒜蛋白炒飯 - 與蝦糕帶子粒炒飯比較，略勝一籌 艇家魚咀 - 不吃也沒有損失服務質素負責帶位的人不懂得安排，一張小小的卡位又怎容得下4個大人和3個小朋友；最後要食客要求調位。帶位員擁有非凡的視野，如汪洋大海。在食甜品中，待應生走來收拾餐具；一點禮貌也沒有。 不過有很多餐廳為了多做幾轉食客，也匆匆趕客。筷子剛放下，桌面已清理得乾乾淨淨；只留下杯子.........香港經營餐廳真係很困難。可能因為生意太好，待應生常常走來走去，想叫他們真的有一點困難。不過對不趕時間的食客來說，影響又不太大 上兩次光顧，有一些勤快的待應生；印象還算不錯。今次，遇著一位健碩的女待應生，不知嬲還是笑。吩咐她加茶葉，只放多三粒，老闆一家很喜歡她。最後找個部長再加，我也數不到她加了多少了。之後，這位女待應生拿了茶壺去加水；便一去不復來。等了差不多十分鐘；找另一位重新開過一壺茶，怎料這位懶惰的女待應生，竟然隨便拿了一壺已用過的茶去加水。或許她要學習一點茶道的知識，新沖的茶葉會浮面，之後才慢慢沉下去。要練精才可以學懶，古人真的一點也沒有說錯。上菜速度算快，可增加其生意額 …查看更多

前幾日同左女友去左呢頭行街,就去左呢間店食野,叫左個避風塘炒蟹餐,有艇仔翅,避風塘炒蟹,蟶子王,炒飯,炒雜菜,佢d野o既份量唔多,但都ok飽.除左個螲子王蒸得老過頭之外,所有野都唔錯,尤其係炒蟹,佢炒得唔太乾身,有蟹o既鮮味,而且好多肉,雖然唔係好大隻,但都唔錯,因為夠惹味.不過食完呢度d野會好口乾,大家知咩事啦,埋單一人$240,都算可以接受.…查看更多

雖然今晚想食日本野，不過肥dee有張coupon，所以最終幫襯依間，埋單每人百幾，家常便飯，團聚一下。周記蜆湯 – 有4至5粒蜆肉，蜆肉當然冇沙，個湯都算幾清甜古魯肉 – 份量都幾大碟，酸酸甜甜，幾開胃，不過睇返張相，好似「令」咗d，如果少d油會感覺健康d露筍豚肉串燒 – 廚師只落少少鹽，已經可以令露筍既鮮甜味調到出來，露筍亦好幼嫩，而且燒得豚肉既肥膏亦融化，所以一口咬下去，只有爽脆，而沒有肥膩感燒雞翼 – 一客2隻，算是合理，出面好多都一客一隻好詭人，雞翼亦算中等size，而且雞皮超脆，而雞肉不會燒得好乾身，可以再柯打西蘭花炒牛肉 – 可以少油一點會更好，金蒜蛋白炒飯 – 純粹見到隔離枱，上枱時香嘖嘖，睇佢地食得好滋味，所以叫埋，不過真是炒得不錯，夠乾身，夠少油，做到一般炒飯既要求。埋單又俾多張coupon,下次又要再黎勒…查看更多

睇番食評，上一次黎已經係07年喇! 之前就成日黎，近一兩年因為多左好多食肆，我太想試新野喇，所以無黎一陣哦…上次食既時候仲有一間間既房仔，今次黎佢地應該裝修過，因為無左d房，有多左一列梳化位。今次食左艇醬聖子皇、竹林大盜、周記魚羹、魚炒魚、煎珍珠蠔餅、燒菠蘿聖子無令我失望，因為叫之前有諗過好唔好食炒蟹，但又好似蟹成日食，於是轉食聖子。大隻、唔韌，個醬好好味!! 好香! 竹林大盜我開頭唔知係咩，原來係海鮮加露筍，算係前菜，開一開胃口。煎珍珠豪煎得夠香，唔係太油，但當然可以多d蠔就最啱我呢d貪心魔怪! 魚炒魚係咩??? 哈，開估，係魚肉炒魚麵，個麵好似粗少少，有咬口。點辣醬一流! 燒菠蘿，我好鍾意呀!! 好耐無食喇! 菠蘿甜、燒完有少少焦糖feel! 我個人黎講可以再燒香少少。…查看更多

22號打風夜，想同屋企人出去食飯，又驚夜左返黎橫風橫雨….點知最後打唔成近近地….落去新城市搵食….見周記避風塘人唔多，唔駛點等位，媽媽又話想食D香口野，一於試下……一行三人，好快有位，侍應都幾好禮貌….我話怕凍，佢地都安排一個唔近風口既位比我，唔錯~因為想試多d唔同既野，所以散叫…媽媽話想食香口野，諗都唔諗就睇下有咩燒料理…鹽燒鯖魚 雞中翼兩款都燒得岩岩好，好香口，鯖魚食落都好多肉汁爆嘴 (薑蔥爆魚嘴)見個名幾得意，我地一家人又鍾意食魚….哈哈….爸爸仲話諗起之前美女廚房有人煮過….呢個都好味，不過可能我唔食得辣，佢呢個既辣味對於我黎講太多，不過屋企人都話OK…..蝦糕唐生菜 食左咁多熱氣野，叫返個菜食下….蝦糕味好香好濃，送飯食一流，如果唔送飯的話可能會鹽左少少…周記蛋白炒飯叫呢個係驚爸爸唔夠飽…撈埋D唐生菜一齊食，正!!佢呢個飯都炒得幾食，顏色好靚，飯粒都炒得乾身…好味~整體黎講呢餐飯好滿意….個MENU我都仲有好幾樣野想試下…哈哈一定會再返去食…查看更多

十月一日 (星期五)國慶日,先到Physical做gym,再打算吃一餐好的!已很久沒到過新城市廣場高層的食街,順道巡視一番不少店已改頭換面...有的正在裝修,例如銀座梅林和山頭火我們最後走到周記不用多想,二人餐比較化算,就點了周記魚羹魚羹用料足,鮮味濃郁味道新鮮,不妨一試串燒牛脷這個比較失望了牛脷比較薄身,味道偏淡滑蛋蝦仁蛋炒得很滑,蝦仁大大隻這裡的海鮮用料真的相當新鮮呢避風塘雞翼老公仔是雞翼怪,所以必叫這個雞翼很大隻,肉質嫰滑蒜香粒粒正好用來撈飯…查看更多

等緊個friend一齊去UA睇告白，未諗食咩，上7樓望望啦!周記避風塘，之前上黎出露天公園吹風時有經過，但未有入去食野，見個裝修都ok，望門口塊牌d套餐都好似幾多野食，就即管試一試。2個女仔，叫左…..1.竹木大盜 (你地知唔知係咩呢? 原來係露筍加鮮魷)2.鹽酥珍珠蠔3.雞泡魚乾4.生死戀釜飯 (哈，呢個我都係好奇係咩而叫…原來係新鮮魚同咸魚，有趣…)5.艇醬聖子皇哈，少少大食添!! 總括黎講都ok! 特別係珍珠蠔，唔會太乾，粉又唔會太厚，一口一隻，好味。雞泡魚乾配埋沙律醬，不過我就認為唔點醬好味d! 生死戀釜飯仲好玩，少少DIY，未試過咸魚同新鮮魚一齊蒸，有咸香味又有滑魚食，GD!!聖子皇比想像中大隻，因為一般都會蒸完縮細左，但佢仲幾大隻吓，豆豉醬應該自己調過味，唔太咸但香…..…查看更多

同朋友o係沙田新城市廣場食晚飯，唔知食咩好，見到周記避風塘幾靚，於是抱住一試無妨的心態試o下啦!我地叫o左兩餸兩飯，o個兩個餸分別o係:避風塘荔蓉茄子清湯牛坑腩避風塘荔蓉茄子送飯食好惹味，不過都係一般"避風塘"味道，無咩特別。清湯牛坑腩唔平但又唔係好食，啲牛坑腩唔夠香，反而蘿蔔仲好食......總括而言，我個人認為周記避風塘一般，不過個裝修都okay嘅，坐靠窗位置望出去個view都唔錯。…查看更多

即日5點幾打去訂位...竟然仲有位 訂左6:45..侍應很有禮貌我地一行4人...點左2個2人套餐. $388 , 再另加一條 鹽燒倉魚埋單$1008, 由於mummy 有銀聯卡+coupon..所以好抵有半價..只係$504 ..4個人食左海鮮 呢個價真係好抵..不過 6月30日deadline la..紅燒艇仔翅--- 好差囉..一條翅都冇...避風塘炒蟹---- 我第一次食真係好好味^^..雖然我唔食得辣..個鉗好多肉..超正蒜茸粉絲蒸珍寶蚌 ---- 都好新鮮 蒜茸粉絲蒸聖子皇 ------好硬..好難咬得開總括: 如果正價食呢餐..真係好唔抵...半價就好抵..…查看更多

趁著兩張優惠劵快要過期，便跟家人一起到周記避風塘吃晚飯。因是平日的緣故，雖然也要等位，但沒有好像假日般的恐怖擠迫，已算不錯。蠔餅：熱辣辣送來，很香！味道不錯！以前曾在這裡共吃了三次，以這次最好避風塘豆腐魚：原來即是九肚魚，香辣惹味，用來送飯不錯！不過三人吃會溜了一點西蘭花炒鱔：醬料調配得很好，鱔件十分入味，整餐幸好有西蘭花調劑一下，減低油膩感雞粥：粥底很棉，雞味一般白飯：這樣惹味的餸菜，定要有白飯伴吃才對味龍井茶：很淡，我家樓下的屋邨酒樓的水仙茶勝過它總括來說，味道是不錯的，不過油了點，價錢也不算便宜，若非有優惠劵，我未必會來吃了。…查看更多

評語: 叫得做「周記避風塘」，串燒、小炒都應有番咁上下既功力，中規中矩的表現實在令人有些失望。加上待應服務態度不佳，我諗短期內不會再光顧。…查看更多

星期六七點頭去到新城市決定上七樓睇下有咩食,原本睇完d 餐廳既餐牌之後想去銀座藏人，但係個間餐廳好多人等位，跟住我地見到呢間既餐牌有蟹粥好似幾好,價錢又唔貴,而且等左幾分鐘就有位所以入去左。環境：呢間餐館裡面係暗既,我同個friend 兩個人坐張二人枱,但係佢d枱同隔離係好近,所以基本上你講既野同隔離枱既人講既野係一定聽到。一坐落去個時我地發現我地張枱係搖既,係好搖個隻,係如果放左d 野上去其中一個人突然將重心放落張枱d野係真係可以跌落地。不過我地同侍應講之後佢幫我地將張枱移返左d咁就ok,但係都因此同隔離張枱更近。另外就係雖然呢張係二人枱,不過你點得多少少野張台已經放唔落,所以我地拎咩都要就住就住驚會掃d 野落地,所以坐得唔係好舒服。服務：我地一黎到有個著黑色制服既女人幫我地叫餸,佢就算問我地叫d咩餸同埋覆返我地叫咩佢d語氣都好似好趕同埋好惡,so我同我個friend 點完餸已經覺得有d無奈,我地都只係普通有禮貌地點餸但係就唔知做咩好似俾人鬧咁。跟住之後有個男侍應拎個蠔餅黎既時候因為其他野已經黎左,所以無乜位,跟住所以我同我個friend 就係度執開d 野諗住俾d 位佢~但係佢又等唔切咁將個用黎蘸魚露既兜放落黎時d魚露整哂落張枱度加我隻手度..搞到我成隻手都係魚露味,但係佢只係講完唔好意思就好快走開左,完全無諗住拎d紙巾/濕紙巾黎。仲有之後上菜又係無位,我地又係執位俾佢地,但係個侍應就係我地執緊既時候自己叉隻手埋黎夾硬放d 野落張枱度就走。最尾埋單既時候有個女人放低左張單,咁我放低左張信用卡佢就即刻合埋左本野超快咁拎走,我同我個friend 想睇下張單都唔得。本身其實做得快唔係唔好,但係都要顧下客人既感受lor, 如果唔係就好似d 菜餐廳咁。總括而言，serve我地既職員d服務都唔係好得..，係除左一個姓huang 個名係疊字既女仔幾好笑容同埋有禮貌,,所以我地專登睇返佢個名牌。食物： 煎珍珠蠔餅。佢既蠔餅同出面係唔同既,無出面個d 咁香同好食。出面既蠔餅係食完一舊會令你想繼續再食,但係呢度既係令我覺得好咸同滯唔想再食。呢度既蠔餅唔難食,不過唔係好食,點左魚露會好食d。不過最奇怪既係我地發現裡面有條炸魚(見相片1的右上角)。雖然我地明白d 煎炸野用既粉漿可能都係一樣,但係佢咁大條魚放埋係裡面度個廚師無可能睇唔到吧..佢咁樣會令我地覺得好似好污糟同埋求其，成件事就好奇怪..白灼菜心。其實小至係d粉麵鋪度大至去酒樓度食菜基本上應該係最安全唔會出問題既，但係我地碟菜唔單止黃,我同我個friend 食落去都覺得係苦既,苦到我地唔會再食落去。所以最終叫佢取消左佢。椒鹽豆腐。不過不失，係d豆腐舊舊既形狀都唔同同埋佢比起出面既椒鹽豆腐淡。蟹粥。個粥無咩味，不過個friend 如果多返少少味個粥都算唔錯。係唯一奇怪少少既係佢一碗粥應該有一隻蟹，但係我地碗粥度就出現左三隻蟹鉗jei。總結呢間野除左d 服務唔得之外,d 食物都唔係幾好,成間餐廳俾我地既感覺好奇怪，所以我地決定以後都唔會再黎la..。…查看更多