君蘭麵包廠

久唔久就會想食君蘭麵包廠嘅麵包🍞🥖🥯，次次去到都有新花款😍，完全係選擇困難症上身😆!!芫茜控要注意啦！仲有特別為Christmas🎄推出嘅可愛聖誕造型麵包同蛋糕～·各種口味嘅限定忌廉筒，係滿滿嘅童年回憶!! 而巨大版牛角酥🥐都係冇得輸，size大過我塊面，好誇張呢～·♡ 芫腸酸種條 HKD$22特別選用培養了5年的酸種，並經過24小時低溫發酵的麵團製成🤗，麵包有彈性，仲帶有微微芫茜香🌿。·♡ 芫菇圈 HKD$20個名幾搞笑😆，芫茜bagel都係第一次食，味道帶點草青味🌱，都幾清新特別。·♡ 營養多穀吐司 HKD$22宜家流行健康飲食，食麵包都要食得健康🤗，呢個多穀吐司啱哂我，多穀口感亦更豐富😚～·♡ 原味芝士條 & 朱古⼒芝士條 HKD$44/2一條條嘅芝士蛋糕造型🧀，隨手一條就食到好方便～ 其他口味仲有雲⽯芝士條、藍莓芝士條🫐。·📍君蘭麵包廠尖沙咀K11購物藝術館B2樓B224號舖…查看更多

📍「君蘭麵包廠」-尖沙咀麵包店有多款充滿港式風味嘅包點選擇，例如細細個就食嘅忌廉筒、特色菠蘿包，仲有好多新式麵包例如巨大版嘅牛角酥、星星千層撻等，仲有多款精緻港式曲奇可以自助咁夾添😆最近仲新出咗斑斕口味嘅麵包同甜品，今次就試住幾款先😋🍴斑斕咖央千層酥皮撻💰HK$20外層係竹炭千層酥皮，中間係斑斕味蛋漿，內部仲有層流心嘅咖央醬，呢個配搭幾特別😆不過酥皮可以再脆啲就更好😗🍴黑松露雞蛋千層酥皮撻💰HK$18甜嘅千層撻就食得多，鹹嘅又真係好少食，買到去返焗熱佢，黑松露味好香好出，中間雞蛋個層就係全熟較實心，如果可以做到流心就正🤣🍴斑斕芝士蛋糕（小）💰HK$35蛋糕幾濕潤，食落斑斕都幾香，芝士🧀味平衡得唔錯，凍食口感有少少似雪糕添😛🍴斑斕奶凍💰HK$20賣相幾靚幾吸引，上面個層係斑斕，下面個層係奶凍，面頭仲有啲紅豆粒添，不過👧🏻紅豆同斑斕唔算好夾🫣食落口感好滑，整體比較甜😗🍴芒果布甸💰HK$18童年回憶點可以唔試，食落口感一樣咁滑，底部仲有芒果肉添，整體都係比較甜😛…查看更多

#chuchu食在尖沙咀📍 君蘭麵包廠就係K11入面，一出站見到出咗🐷同🐷媽最愛嘅斑蘭系列就忍唔住買😝 好似係九龍區第一間分店！連舊式麵包鋪嘅忌廉筒係君蘭都有得買，仲有幾款味揀！仲有曲奇餅可以自助夾，$20/磅—————————————————————❣️ 斑蘭咖央吐司 $26 吐司有3件，個面微脆，班蘭咖央味超濃，一打開就聞到，超香！咖央醬好香甜，有啲椰絲，好香，層次好豐富，推介！.❣️ 斑蘭咖央千層酥皮撻 $20一咬落去就好重斑蘭味，中間有咖央流心，甜甜哋幾好食，酥皮又夠脆口.❣️ 金星星撻 $18❣️ 竹炭撻 $18 分別係法式布甸千層酥皮撻，竹炭千層酥皮撻，個餡係一樣的，純粹係個撻皮嘅分別！兩款酥皮層次分明，咬落好鬆化！布甸餡蛋香好濃，好滑，個面仲有微微焦糖香，真係同cream brûlée 一模一樣！✨焗翻熱仲好食😋.❣️麻糬芝麻菠蘿包 $20菠蘿包就食得多，咁特別嘅口味真係第一次見，菠蘿包+芝麻流心+麻糬，芝麻醬很香，麻糬好煙韌，good combination! —————————————————————不專業評分👅好味指數: 8/10 💰性價比: 8/10👍🏻推薦: 8/10 —————————————————————🏡地址: 君蘭麵包廠 (尖沙咀)尖沙咀河內道18號K11購物藝術館B2樓B224號舖👉🏻銅鑼灣都有分店！🕑營業時間: 09:00 - 22:00——————————————————————————————————————————需要你的支持喔🥺🙆🏻‍♀🐷💬每一篇食評都好認真打架…查看更多

今日經過K11 Art Mall , 又去咗君蘭麵包廠買野返屋企食😝呢間係九龍區首間分店，麵包選擇非常多，當下午茶或早餐最適合不過🩷店舖有自助夾曲奇位置，我今日夾咗200g , 實行零食自由主義😬呢度有五款曲奇以供選擇： 朱古力醬曲奇，花生醬曲奇，士多啤梨曲奇，提子乾粒粒曲奇及鹹蛋黃肉鬆曲奇❤️毎款曲奇非常鬆化❤️不太膩另外， 分店限定忌廉筒- 煙肉薯仔筒味道超特別細細件當小食一流❤️❤️爸爸最鐘意雞批，雞肉餡非常多，叮一叮熱做早餐超飽肚我仲買咗一個蘋果肉桂吉士牛角𣗳比媽媽，外型好可愛❤️粒粒肉桂餡超級清新…查看更多

去K11行街經過想買啲麵包做下午茶，記得上次試過呢間都幾新鮮又好味，於是就再買多次斑蘭皇菠蘿包呢個菠蘿包表情好cute聞都已經聞到好大陣斑蘭香味，個菠蘿皮好酥脆，咬落入面鬆軟，斑蘭味濃得黎唔會太甜麻糬芝麻菠蘿包呢個菠蘿包細細件，菠蘿皮好酥脆，個包夾住煙韌嘅麻糬，一咬落去有拉絲效果，同入面芝麻餡好夾，口感超正咖啡曲奇曲奇大大塊焗得唔錯，咖啡味突出但唔覺得苦，甜度啱啱好，如果可以配杯奶茶就正啦芝士卷呢袋芝士卷有5件咁多，抵食。佢面層都多芝士，個包食落覺得鬆軟得黎唔會太乾，細細件幾適合做小食。竹炭芋泥吐司呢包吐司好大件，出面鋪滿芝麻。切出黎黑色（竹炭）同紫色（芋泥）分佈好靚，竹炭味淡淡地，唔會搶芋泥風頭，而入面仲有d芋泥蓉，質地滑而且香甜，唔錯喎…查看更多

「荔枝蜜核桃軟包」，包皮香軟，荔枝蜜味道唔會太甜，甜而不膩，核桃香脆感提升整體口感🍯「芝士腸仔包」，包內有豐富芝士味，每一口都帶住腸仔汁，味道好滿足💖「芝士火腿包」火腿味同芝士完美結合，咬落去好豐富🧀然後試咗「芝麻海鹽可頌」，酥皮薄，芝麻同海鹽配搭新鮮，一啖又一啖想食多幾個🥐「天使蛋白蛋糕」質感輕盈，完全無負擔；「芒果布甸」果香濃郁，入口即化，甜度適中，好味🥭君蘭餅店無論咸味定甜品，都係一絕，強烈建議大家去試下！一定會愛上呢度嘅美食！😋…查看更多

今日放工想買啲嘢返屋企慢慢嘆，就去咗君蘭麵包廠，佢哋嘅麵包同蛋糕都好多選擇，而且好多都好有特色菠蘿蛋糕，賣相好吸引，上面有大大塊菠蘿，好香甜！蛋糕口感鬆軟，而且唔會太甜，啱晒做下午茶～佢哋嘅蜂蜜蛋糕好香濃，蛋糕口感濕潤，而且唔會太乾，好好味😋 仲揀咗兩款曲奇，牛油味同斑蘭咖央味，牛油味好香濃，口感鬆脆，而且唔會太甜👍🏻斑蘭咖央曲奇好有特色，曲奇帶有淡淡嘅斑蘭香味，配埋咖央醬好滋味最後推薦葡撻，撻皮酥脆，蛋漿香滑，好好味😋 每次經過都忍唔住買返個！…查看更多

每次經過呢間君蘭麵包舖都會去睇下有咩新產品，今次試咗個OREO包，面層有Oreo粒粒，濃濃嘅OREO風味融入到鬆軟嘅麵包中，口感香甜而不膩。之前食過開心果筒覺得非常不錯，外層以酥皮包裹住，裡面係香甜嘅開心果內餡。斑蘭芝士蛋糕都好好味，揀咗個細，咬落充滿斑蘭嘅清香，口感濕潤細膩，層次豐富。斑蘭奶凍以斑蘭嘅淡雅清香為主調，奶凍質地柔滑，入口即化。布丁燒比想像中好味😋好似日本嘅布丁，好鍾意呢個質感，食落滑嫩可口。…查看更多

🍞經過見到呢間麵包舖好多次😍今次順路返屋企搭車之前🚇終於有機會喺度買啲麵包返屋企試吓嚕😋呢度除咗麵包🥖仲有好多甜品👍最特別嘅係仲有自助夾嘅曲奇嘅部份🍪一次過可以滿足晒好多個願望✨🍞荔枝蜜核桃軟包 $30 : 軟包口感好啱我口味✅香香軟軟👍入面仲香脆嘅核桃粒粒💯甜度適中😋清新又健康🥖做早餐一流呀🍳🥯芫菇圈 $20 : Bagel就食得多喇🤣今次呢個期間限定嘅芫菇圈味道真夠特別👅芫茜控一定要試吓呢個做型咁可愛嘅bagel呀🌿🥖芝麻海鹽可頌 $11 : 睇佢個樣好似好平庸冇乜特別😛但係佢絕對有驚喜呀😍佢好香芝麻嘅香味😋入口係外酥內軟嘅口感🔥加埋奶油香味✅我覺得好正💯🥧黑松露撻 $18 : 佢個樣勁吸引🤩花花嘅撻形中間仲有隻蛋王添🌼咬開入面勁多黑松露呀✅黑松露香氣撲鼻👍真材實料💯做下午茶一流☕️🍦寶礦力忌廉筒 $15 : 突破傳統💯味道選擇多，呢個寶礦力味道啱曬鍾意跑步嘅hubby🏃🏻夠曬特別呀，仲有菠蘿、開心果、紫薯、士多啤梨香甜選擇，煙肉薯仔筒惹味香口，細細件零罪惡感呀😛🍪港式朱古力醬曲奇 103g $20.6 : 呢度嘅曲奇可以自己自助夾😍喜歡食幾多就夾幾多🍪行過口痕都可以夾小小做零食呀💯呢個好正👍…查看更多

君蘭麵包廠有好多充滿港式風味嘅麵包、撻類、港式曲奇🍪、蛋糕等選擇, 例如懷舊港式忌廉筒、特色菠蘿包、巨大版牛角酥🥐、斑斕咖央千層酥皮撻、星星千層撻等曲奇可以先試食, 然後以自助形式夾～另外, 分店限定有金黃酥脆嘅忌廉筒, 有多款口味, 包括：原味、菠蘿🍍、士多啤梨🍓、斑蘭、紫薯、好立克, 仲有創新煙肉薯仔筒🍞竹炭芋泥吐司吐司口感鬆軟, 裏面包住綿密芋泥, 芋泥甜度適中, 吐司同芋泥好夾呀！🍞營養多穀吐司食前我會先烘烤至微鬆脆, 穀物帶出獨特風味🍞荔枝蜜核桃軟包口感香軟, 帶淡雅荔枝蜜香, 入面有香脆核桃粒, 令麵包更有口感🍰芝士蛋糕質感似日式芝士蛋糕, 凍食口感綿密濕潤, 入口輕盈鬆軟, 有芝士奶香, 食落唔覺甜膩…查看更多

今日同👱🏼‍♀️FD子行行下街見到有間鋪頭好多人排隊喺好奇同唔好執輸既心態下，我地就排埋一份😂😂🍦分店限定忌廉筒，共有6️⃣款口味包括原味、菠蘿、開心果、紫薯、士多啤梨、煙肉薯仔筒幾款都好好味好香口，重點係細細件0️⃣罪惡感😈🆙🥐巨大版牛角酥共有4️⃣款口味，款款都充滿香滑甜甜既忌廉🤍包括開心果、黑芝麻、柚子、Tiramisu造型真係夠哂𥄫睛👀入口酥脆好SWEET😋😋另外呢度仲有好多款精緻港式曲奇🍪➕蛋撻➕鬆餅➕蛋糕仔，麵包等可以自助夾 #實現零食自由款款睇上去都好可愛好吸引呀😍😍仲有我最愛嘅⚫️煤炭屎鬼菠蘿包⚫️…查看更多

君蘭麵包廠 Orchid Padaria📍尖沙咀河內道18號K11購物藝術館B2樓B224號舖又一次放工去K11 Art Mall行街，見到君蘭啲靚靚麵包、甜品同小食，口水就快滴出嚟。今期做緊斑蘭系列，點都要試返個嘅，而其他嘅產品有經典款，亦有創意款，全部都好吸引，於是揀咗幾款做第二日嘅早餐。[價錢 Price] 💰$19斑蘭布甸包 🍮呢款布甸包外面望落鬆軟，內裏有八角形花邊，中間注有滿滿嘅綠色斑蘭布甸filling，賣相超搶眼！布甸口感柔滑，斑蘭味道濃郁，加上大量椰子脆片，口感層次分明，整體軟綿又唔膩口，甜度適中，$19好抵玩！[價錢 Price] 💰$15寶礦力忌廉筒 🍾忌廉筒可以話係君蘭一大招牌，五顏六色嘅內餡好打卡able。咁多口味，最特殊嘅要數到寶礦力口味！脆脆嘅筒皮結合寶礦力味嘅忌廉，鹹甜中帶一點點清新。與其話係寶礦力，不如話係可爾必思！呢個組合相當奇妙，有興趣可以試下挑戰。[價錢 Price] 💰$28芒果金磚 🥭金磚系列非常色彩鮮艷、精緻，我揀咗黃綠配搭嘅芒果金磚，果然酸酸甜甜，好啱鍾意清新同水果風味嘅朋友。金磚外皮非常酥脆，翻熱後內裏嘅芒果醬呈半流心狀態，果味勁濃郁，食過就決定下次要試埋其他口味。[價錢 Price] 💰$19奶茶星星撻 🧋港式奶茶控注意！星星撻近幾年都好受歡迎，但君蘭嘅我都係第一次食，比起一般蛋撻，奶茶味奶香濃厚，但又唔會過於甜膩，唔會有太大負擔。撻皮酥香層次分明，好易就一人KO一隻。[價錢 Price] 💰$18黑松露撻 🍳另一款星星撻揀咗造型可愛嘅雞蛋黑松露撻，鮮紅色嘅蛋黃令人食慾大增，鹹撻嚟講，佢嘅做法比較簡單唔花巧，黑松露醬份量恰到好處，早餐食一隻，夠晒飽肚。[價錢 Price] 💰$20麻糬芝麻菠蘿包 🥯而最後我決定揀返之前食過嘅麻糬芝麻菠蘿包，佢嘅口感豐富，包皮脆中帶甜，麻糬柔軟中有彈性，芝麻香氣更加增加一番獨特風味，係朋友嘅至愛。…查看更多

麵包造型超可愛，行過見到忍唔住買來試吓，高質，味道又好食😍🙌🏻✨南瓜造型鹹蛋菠蘿包✨🎃✨煤炭屎鬼菠蘿包✨節日限定款式，勁有萬聖節氣氛🎃南瓜造型超級可愛，見到忍唔住會心一笑😁菠蘿包香脆，鹹香味十足，好正👍🏻煤炭屎鬼菠蘿包，可愛到忍唔住要打卡，一口下去，內裏濃郁的醬瞬間流出，好食。✨斑斕皇菠蘿包✨✨咖喱雞包✨妥妥的豐富表情包😍 造型超級可愛，睇見都覺得好開心。想不到斑斕同菠蘿如此地夾，的確別有一番風味。✨竹碳芋泥吐司✨✨奶茶星星撻✨竹炭芋泥吐司非常鬆軟，超多芝麻，食得好滿足。奶茶星星撻撻皮酥脆，奶茶味香濃，我十分喜愛❤️❤️。款式經常推陳出新，還有忌廉筒、牛角酥同不同款式的曲奇，滿滿都是驚喜，實在值得去支持🙌🏻。…查看更多

君蘭麵包廠正式進駐K11 Art Mall ，作為九龍區首間分店，帶來多款充滿港式風味嘅包點選擇。✨玫瑰荔枝金磚金磚係正方體形，磚面有玫瑰味忌廉，內裡有荔枝味果醬。一啖落去有多重口感。✨芒果布甸包芒果控必食，包內盡是芒果布甸，面頭上有滿滿嘅新鮮芒果果肉。✨芒果布甸膠杯內盛香滑嘅芒果布甸，方便食用。✨木槺布甸木槺碎超多，不是太甜。✨布丁燒蕉糖奶冰味嘅布丁食落令人嘗心悦目。另外，呢間分店限定忌廉筒，共有六款口味，除左有原味選擇，仲有菠蘿、開心果、紫薯、士多啤梨香甜選擇。仲有多款精緻港式曲奇大家到店後可以自助夾。📍尖沙咀 K11 Art Mall 地下…查看更多

作為曲奇餅控🍪今日又去左君蘭麵包廠買曲奇餅😋最鐘意佢可以自助式夾夾夾想夾邊款就邊款 想夾幾多就幾多🤣仲有就係不得不提最近有部份既麵包多左啲眼鼻咀🙈個樣即刻可愛左😝上次黎既時候都未有咖😳鐘意可愛既朋友仔可以買番幾個攞黎打卡都唔錯咖🫶🏻不過今次我就買左曲奇同菠蘿蛋糕先🤤另外店員仲同我講由13號起仲會推出多款萬聖節麵包 款款個賣相都好得意好過癮🤭到時真係要買番幾個慶祝下萬聖節先得👻👻…查看更多