名煌金閣

营业中

休息中

今晚試左呢間餐廳嘅中菜，真係唔講得笑，好有水準，好好味，難怪新開張無耐已經咁旺場，始終香港人係世界上最識食嘅民族真係無講錯😬大概晚上六點幾，已經差不多坐滿八成，之後已經要等位，建議大家訂定位穏陣啲，因為座位有限，可能會等一段時間，不過服務員落單上菜都好爽手！菜牌分類清楚，講真我研究咗好耐，好多個餸都想食，但係今晚得兩個人，一時間叫唔到咁多，唯有揀幾個最啱心水嘅試吓先😍麻辣手撕雞半隻$148，一上枱未食已經流口水🤤，雞肉大小不一，沾滿麻辣醬汁，雞肉嫩滑，麻中帶辣，辣中帶麻，果種感覺，食過你就會明，真係一試難忘，而且份量十足，唔講仲以為係全隻添👍🏻👍🏻👍🏻鹹蛋黃金沙骨$98，又平又好食，鹹蛋黃嘅香味包裹著大大件的金沙骨，金沙骨肉脂平均，滋味非常，原本以為點食唔晒，點知夾下夾下，就K.O.左😂原籠荷香金銀蒸龍躉球炒飯$178，不得了不得了，可能係我食過最好味嘅炒飯，荷葉香味加上金銀蒜嘅惹味，仲有龍躉肉嘅肉汁，每粒香飯都充滿口感和層次，而且魚肉一樣鮮嫰爽滑，每一口都令我發出讚美聲，真的不可不試，滿分💯啊！而且眼見其他客人點嘅小菜都精緻吸引，隱約讚嘆之聲不絕，就算簡單嘅香蒜上湯浸白菜🥬$78，也

喺長沙灣最近開咗間中菜館，門口同入面都裝修得幾靚，見到入面都幾多人食，於是入去試吓，順便慶祝父親節。入面d枱櫈新束束同有圓梳化，坐得好舒服。咸蛋黃金沙骨，咸蛋黃醬包住晒d金沙骨，好咸香，好重咸蛋黃味，金沙骨炸到脆卜卜，食落好惹味。椒鹽鮮魷，上面勁多炸蒜，勁香口，魷魚上面d炸皮，好脆，而魷魚都好新鮮，好鮮味。豉椒鵝腸，鵝腸非常爽脆，係用新鮮鵝腸做呢個菜式，炒得好有鑊氣，個汁啱啱好掛喺d鵝腸上面，非常惹味。香辣爆豬雜，係用青辣椒炒豬雜，出面街好少有豬雜食，呢度炒得都唔錯，完全冇酥味，辣椒加埋豬雜一齊食，好夾。叫咗條大沙巴龍躉，店員話有2斤幾重，我地簡咗用魚米之鄉嘅方法整呢條魚，比較特別，佢係用魚湯浸住再加上脆米，落脆米嘅湯入面，仲咋咋聲，d湯加埋脆米一齊食，有食飯焦嘅感覺，好香好脆口，而條魚已經起晒骨，勁方便食，啖啖肉，d魚肉勁滑，完全冇overcook,呢條魚嘅做法真係冇得頂，我下次黎一定會再叫。蟹肉金絲炒飯，個飯炒得好乾身，完全唔油，入面仲有一絲絲嘅蟹肉，佢炒到成個係黃金炒飯咁，好好食。最後緊係要叫甜品啦，我地叫咗杏仁茶，杏仁味非常濃郁，好香滑，入面仲有d蛋白絲，又唔太甜，非常好食嘅中

今晚同老公&家姐姐夫慶祝父親節，為左就我呢個大肚婆，所以揀左近我返工嘅地方 - 長沙灣《名煌金閣》我地揀左佢地出名嘅魚米之鄉 - 大沙巴龍躉 + 豉椒鵝腸 + 咸蛋黃金沙骨 + 椒鹽鮮魷 + 香辣鮮橋頭爆豬雜 + 蟹肉金絲炒飯《豉椒鵝腸》- 非常入味，鵝腸亦好爽脆《咸蛋黃金沙骨》- 咸蛋黃炒蝦就食得多，配金沙骨真係第一次食，估唔到出奇地夾，肉質仲好淋，咸蛋黃亦非常香口，非常正《椒鹽鮮魷》- 呢個同出面大排檔真係冇得比，出面通常都炸到好乾，但呢度嘅鮮魷仲好淋好嫩，好食👍《香辣鮮橋頭爆豬雜》- 入面有豬肚豬腸等等嘅豬雜，配上尖椒，非常惹味《魚米之鄉》- 終於都到左主角出場啦，魚非常滑，個湯配埋脆米簡直冇得彈，我同家姐都食到停唔到口🤤《蟹肉金絲炒飯》- 炒飯夠乾身，非常香口《生磨杏仁茶》- 杏仁茶好滑，冇渣，好香，完美ending

長沙灣深水埗， 近年來都有不少新成落的住宅大廈, 有新 大廈, 就自然有人流, 自然有新餐廳。 今次去咗天悅廣場的名煌金閣， 餐廳新裝修，有少許中式風情，坐得舒服， 完全是新派中菜格局 。避風塘賴尿蝦瀨尿蝦已經去殼，啱曬懶人， 而且瀨尿蝦每一隻都外脆內嫩 ， 肉質雪白勁juocy, 啖啖肉鮮甜香口, 蒜蓉炒得韭菜粒粒金黃， 加埋辣椒， 吊起成碟避風塘瀨尿蝦嘅鮮味。奇趣小炒皇128材料勁豐富， 淨係執料都已經 全部係功夫 ，芋頭絲 切得又炸得香口 ，鹹肉蝦乾 帶出小炒王的鹹鮮味 ，韭菜花腰果 新鮮爽口， 而且仲有新鮮雪白有咬口的魷魚， 超好食。風味醬鮑魚雞煲168新鮮雞肉肉質嫩嫩的，爆得勁香口惹味， 不得不提的是，鮑魚雪白清甜有口感， 風味醬是自家調製，味道有層次，帶出鮮雞的鹹鮮而香，氣味香口惹味。大 沙巴龍躉 配魚米之鄉368呢條簡直係鎮店之寶， 呢度嘅魚類可以揀唔同嘅烹調方法清蒸 、 豆豉薑蔥等等 都有得選擇，但係 識揀梗係揀魚米之鄉， 所謂魚米之鄉，即是把魚蒸後再配上魚湯及脆米粒粒 。沙巴龍躉 拆骨起肉原條蒸 ，肉質 雪白 ，鮮美爽脆，而且魚皮皮層膠質豐富，魚味濃鬱。 配上濃郁的魚

私房菜總是以巧手精緻美味為主，最近竟在長沙灣找到一家非一般高檔私房菜，用料上乘味道佳，重點是能吃海鮮吃得價錢宜人。名煌金閣大門驟眼看有點像大排檔，內里卻像私房菜館，簡潔舒適。菜品普遍約一百元，選擇多而種類闊，包括魚、蝦、帶子、花甲、豬、牛、雞等，以平價吃上精品菜式。魚米之鄉 大沙巴躉 兩斤其他菜式便宜所以豪點一條沙巴躉，以魚米之鄉方法料理。湯頭奶白魚香濃郁，入口香滑鮮甜，沙巴躉整條起肉，肉質結實緊緻，呷一口湯咬一口肉，伴上脆脆炸米，口感豐富美味。避風塘鮮魷魚炸蒜豐富，魷魚表面炸粉薄而香脆，店家以避風塘方式爆香料理，魷魚爽口彈牙易咬帶膠質，味道微辣香口惹味。特色沙薑煎雞沙薑煎雞以鐵板上桌，雞皮香脆雞肉鮮嫩多汁，醬汁滲透雞肉內，味道更香更濃郁。生磨蛋白杏仁茶必點糖水，杏仁香香濃，茶湯質感幼細順滑。蛋白絲質感似燕窩及啫喱混合版，呷一口茶夾雜蛋白絲，美味而富層次感。總括來說，以大排檔價錢吃上高質私房菜質素，抵食之冠，聚餐首選。

之前睇動新聞介紹深水埗長沙灣附近有一間新開嘅中菜, 喺由前酒店名廚主理💕所以我同家姐佢哋帶埋媽咪就一行五人黎試吓首先我哋要咗一個杏汁燉白肺湯,呢一個湯準備嘅功夫要好充足,所以難得得來外面有呢個就即管試吓❤️佢完全冇令到我哋失望!!成個湯香甜得來亦都好滋潤,成碗奶白色上面就有啲精華💕啱晒女士飲第二個就係佢哋主打嘅麻辣手撕雞🤪打碟到媽咪都忍唔住拎起手上嚟打卡影相💕味道唔算特別辣,普通人都食到 每一條雞絲都沾滿左佢哋特製嘅醬汁 推介👍之後要左幾個小菜:蒸梅菜茄子💕呢個餸菜好特別,每菜嘅甜香味入晒落茄子吸晒精華 一啲油膩感覺都冇😛仲好好送飯添鳳梨脆皮咕嚕肉👍呢個好正啊 咕嚕肉炸到卜卜脆 而且肉質好Juicy多汁 加埋菠蘿嘅甜味🥺超級好食之後要咗潮汕香煎蠔仔餅佢同普通潮州嘅做法唔同 ,佢加咗特別多嘅蛋漿令到成個餅油膩嘅感覺唔見晒,但亦都可以保持住蠔仔嘅味道 !!正我哋冇要到白飯要咗黃金蝦多士❤️💕超級超級推薦呀!!上面嘅蝦大大粒又爽口,而且係鋪滿左成舊多士㗎😙另外家姐仲話想試吓奇趣小炒王,炒起上嚟非常香蝦乾同埋腰果嘅味道擺起晒香氣🤪另外一個主打嘅就係野味陳皮欖角骨~其實之前我都冇試過咩係欖角骨,原來

媽咪生日❤️ 本身約咗酒樓但係因為疫情關係 唔想同太多人有接觸😔呢間中菜館有自己嘅卡位人同人之間嘅距離亦都好闊加上新裝修 價錢又唔貴 我地拍板去試！.💟杏汁燉白肺(一煲) $298我哋一行五人有三個肥妹 每人飲到兩碗佢有上埋湯渣畀你睇可以睇到啲料唔係餸頭餸尾 勁足料啲湯香甜 唔覺有味精 飲完唔覺得頸渴👍煲到奶白色 好香杏仁味 Yum//💟麻辣手撕雞(半隻) $148性價比高好大碟我阿妹唔係微胖 拎起呢隻碟都顯得好大碟手撕雞又辣又麻 仲加埋啲豆乾好香口起勢咁食😁😁//💟惹味陳皮欖角骨 $138欖角嘅味唔係好突出 但係陳皮味就好出眾勁入味用陳皮醃肉再炸 好juicy酸酸甜甜//💟黃金蝦多士 $108處理得唔錯 多士仲好脆蝦又好爽不過講真價錢貴咗啲 但媽咪想食 佢話好正值回票價👍//💟奇趣小炒王 $128呢個勁足料 佢同坊間嘅小炒王有啲唔同除咗韭菜之外佢仲整咗好多炸芋絲係中間啲炸芋絲直情係畫龍點睛成碟餸加分100 好好味😍😍//💟菠蘿脆皮咕嚕肉 $108佢唔係求其畀啲肥豬肉整畀你喺豬頸肉嚟 咬落去好juicy又滑外皮真係炸到脆一脆 撈埋甜酸汁 食飯好開胃//💟潮汕香煎蠔仔lock $128同

最近，約了好友出來晚飯，由於當日他在長沙灣工作，當晚，他便帶我到一間位於長沙灣元州街天悦廣場地下，新開的小菜館 <名煌金閣> 食晚餐！由於新冠肺炎疫情的限聚令之下，店方會加上臨時夾板，以相隔桌與桌之間的距離！ 同時，食客入座前亦要量度體溫，絕不鬆懈！中式菜館裝潢別緻優雅設計，左邊是卡位、中間是圓枱，右邊是孤型多人大枱！聽講，小店大廚由5星級酒店大廚坐鎮！ 食物有信心保證，師傅落足心機烹調，做掛汁！有水準及誠意之作！打開餐牌，圖文並茂，屬於中價！其水準比酒樓更高！值回票價！舟山海蜇花 $68如果海蜇口感可以做到爽身更好！帶有麻油香氣及微辣挺開胃！麻辣手撕雞 (半隻) $148一絲絲的手撕雞都幾麻辣入味！加上帶點麻辣的豉油雞及雞皮，絕對有畫龍點睛的效果！雞皮甘香軟滑，令人難以抗拒！如果好似我怕辣的話，不妨蘸上店方的秘製醬汁，味道夾雜黑醋的風味，正如朋友建議，酸酸地的確有助解辣啊！上湯杞子花膠浸時蔬 (皇帝苗) $98略嫌皇帝菜苗有部份較老身，食起來有渣！花膠選用花膠邊，色澤雪白，食落爽口！鳳梨脆皮咕嚕肉 $108 加入麥芽糖製成的醬汁濃郁而黏身，還有拉絲效果， 酸甜度適中，

最近同朋友去左深水埗買電腦野, 之後SERACH 下附近有咩食, 見到間新中菜餐廳, 就一於去食下. 呢間餐廳新開, 望落裝修都好靚, 又坐得舒服.我地先叫麻辣手撕雞, 份量勁多,  食落麻辣味濃厚又可口～底下有好多青瓜可以中和一下辣既感覺，而雞肉都好爽滑，OVERALL 都唔錯!!菠蘿咕嚕肉甜甜酸酸好好食，菠蘿愈食愈勁開胃，咕嚕肉外脆內軟，肉質軟綿綿，正～豉椒炒蜆鑊氣夠，食落蜆肉鮮甜，加上惹味的醬汁，非常配合。彩虹豆腐，呢個賣相真係好ＯＫ，靚到呢～豆腐勁滑，而且仲有乾瑤柱同蘿蔔蓉，好好食～最後甜品叫左個杏仁茶，杏仁味唔算好勁，飲落少甜，唔錯！

我呢個長沙灣友！落街見到間新開既中菜館！梗係要去試吓啦！裝修都幾華麗！仲有好多卡位tim!正下次一家人來食可以坐吓圓形卡位！好多款式既海鮮比人客去選擇用邊種煮法！小菜都有好多款！麻辣手撕雞（半隻）經理推介呢個手撕雞！佢用豉油雞來撕！仲配咗青瓜絲同扎肉絲！撈埋個麻辣汁真係好嘢味！😋😋😋金銀蒜粉絲蒸元貝皇嘩好大隻元貝！啲蒜粒好正！啲粉絲仲吸收哂元貝既鮮味！真係食到咀👅👅！蠔仔泡飯大粒蠔仔🦪！配埋個鮮湯！👍蒜蓉炒西蘭花🥦乾身爽口！唔好油淋淋！生磨蛋白杏仁茶唔會太甜！食到條條既蛋白！大滿足！

朋友介紹呢間新開既名煌 今日一家4口黎試下 因為附近冇停車場 架車就泊左係門口 冇抄到牌 係星期六晚黎 渣車人士可以參考😁🚙🚙🚙首先要大讚副經理胡俊（佢比左卡片我😆）好熱情好有禮貌 老人家行動不便🥺佢係門口已經主動幫手 仲不斷叫婆婆小心慢慢行👍🏼佢推介我地試下啲海鮮 幫我簡左條大大條既龍躉呢條係一條兩斤既龍🤩除左係流浮山我冇試過係其他地方咁樣睇啲海鮮 好有信心！因為一定新鮮！😍😍一於試下魚米之鄉整法 每斤加$30所之總共$398首先上既係 鳳梨脆皮咕嚕肉簡酸酸甜甜既做頭盤果然細心，一食就知係用左梅頭豬肉，脆皮做得厚薄適中，掛汁收汁亦都做得一流綜合味道賣相溫度，我比97分！3分扣左係菠蘿，因為比較酸！但整體非常有驚喜！風味醬鮑魚雞煲鮑魚份量都唔小，雞肉嫩口，風味醬帶小小甜，唔辣，加上芫茜，色香味俱全😋花膠魚翅撈飯 $58其實呢個係午市先有，但我係門口見到覺得好吸引，胡經理就話整比我地試下🤣勁大碟！可以話係湯飯，而湯比較杰身湯汁好濃厚，而且真係有翅架！而啲飯都因應個湯汁而煮到9成熟only 再索汁同餘溫煮熟埋個1成，好好食！豉油王大蝦 海鮮真係夠曬新鮮 蝦肉爽口蝦頭多汁魚米之鄉終於出場喇！

呢間酒樓開左冇耐，Lucas就即刻黎試下啦！ 佢哋手撕雞係招牌菜，梗係叫黎試吓啦，辣辣地夏天食幾開胃👍🏻👍🏻跟住叫咗蒜蓉蒸聖子，聖子勁大隻，好好味😋 跟住帶咗兩個養生啲嘅菜式，上湯杞子花膠絲浸時蔬同埋薑蔥花膠撈麵，真係食到一絲絲嘅花膠，感覺好養顏同養生🙈🙈甜品必試杏仁茶，我覺得味道幾香濃同埋好滑，係一個幾完美嘅句號。食完野就去深水埗電腦城行吓街，其實都好近嘅大家行過都可以嚟試吓～～

今日去了長沙灣！行街路過一間門口寫$58 魚翅撈飯！一見到我們就去試新餐廳！"名煌金閣"我們點了魚翅撈飯$58 超抵食！新開張先有一定要食！一上台魚翅分量不小，味道好香濃！魚翅爽爽脆脆！😋😋😋😋😋😋砵酒釀焗班球魚肉香滑，魚肉外面是脆脆！汁甜甜酸酸！配碟的蘆筍細細的脆脆好好味！德國豬手烤得香香脆脆！外皮焗到好似薯片！麻辣把撕雞小小辣雞肉嫩滑！內面有青瓜和托肉蛋白杏仁茶杏仁味好香～香滑濃郁！😋😋這一間不收茶介，收加一！

一直都知道長沙灣呢邊有好多好嘢食，仲有好多選擇，今次經過元州街見到一間新開嘅中菜館，望入去環境好好，有種高級感，於是帶阿媽入去試下。環境裝修得好好，大枱有，亦有好多獨立卡位，無論三五知己定係一大班人嚟聚餐都好合適。《麻辣手撕雞半隻》$148分量超多，手撕雞辣度一般，但係好夠香，而且無乾柴的感覺，好好味。除咗雞肉之外，仲有大量嘅青瓜、扎肉，好滿足！《果仁黑椒牛仔粒》$148首先黑椒嘅味道唔算好重，果仁方面份量都好多，但係建議可以爆炒一下，如果唔係食落個味道就會比較寡啲。不過牛仔粒好軟林，又夠味，整體來講都幾抵食。《原籠荷香金銀蒸龍躉球糯米飯》$178估唔到呢個季節都有糯米飯食，糯米飯同埋龍躉球表面有大量嘅蒜蓉，加重左飯的香味，配埋龍躉一齊食真係一流，龍躉球厚又滑，冇魚腥味，好正。《生磨杏仁茶》$28杏仁味道唔會太重，對我來講啱啱好，值得欣賞的是杏仁茶裡食到蛋白，提升口感，整體亦都唔會好甜，老人家都啱食。 總括嚟講，雖然呢度嘅食物價錢唔平，但係份量好多，而且環境好好，想聚餐嘅話都係一個唔錯嘅選擇。

今日行開呢頭做野見到呢間餐廳裝修都幾靚，所以決定同朋友試下，果然係超高質。一嚟到就叫個麻辣手撕雞先，雞既份量好多而且仲有其他配料，麻辣味香濃麻味十足，仲有豆腐乾同青瓜等既配料，其他人見到我地呢碟都跟住嗌，成個餐廳都有呢陣麻辣味！招牌咕嚕肉呢個真係必食，因為炸到好脆而個醬汁完美覆蓋每一塊咕嚕肉，酸甜度適中加生青椒黃椒同菠蘿調味，口感一流，即刻要叫個飯食!蒜蓉西蘭花新鮮即炒西蘭花亦切到細細舊，一口可以食哂夠哂細心，少少蒜蓉調味清得嚟亦好好食。鮑魚雞煲呢個真係超好食，鮑魚量多又彈牙，麻辣味夠哂突出。雞件肉多而保留肉汁，調味岩岩好，食完都唔會覺咸。食呢個真係要再嗌支青島，＄26蚊就有一啲都唔貴!最後就有蛋白杏仁茶，杏仁味好濃再加上蛋白令到口感好特別，飲落好順滑冇渣而且唔會好甜!