名昇館 (已結業)

lunch 食咩好？見幾多好評就黎試試先梗係試佢個餐先啦！蒜蓉多士，無諗過係有真。蒜粒粒嘅多士，望落啲蒜係焗到金黃色，仍然有濃烈蒜香味，多士係厚仲要即焗，好味😋炒蛋唔係勁滑個種，仍保番少許蛋汁，不過不失啦。沙爹牛麵，我本身係叫沙爹牛米，不過黎左就由佢啦，麵質仍然彈牙，有口感仲有少少掛到湯底添！牛肉味同大部分茶餐廳差不多。凍檸檬茶，嗯。。。還好啦，茶味不算很濃，但勝在檸味十足。我會再黎，試埋佢其他野。…查看更多

keke 真係好抵食ge黃店係附近返工但係又好少黃店。佢啲餐好大份，細食ge我分左兩餐食物就一般，啲叉燒好少，又切得好大條但係味道啱啱好，意粉唔太鹹口種感覺係干炒牛河的味道，不過係意粉同叉燒配料唔多，少少蔥段，少少洋蔥(佢係用紫洋蔥架)佢仲送飲品:汽水為主我就嗌左+C啦…查看更多

點左隻炸雞髀 等左20分鐘 結果攞起已經有大量血水 要求換一隻新的 等左5分鐘 佢拎返嗰隻出來 炸到勁柴 然後死都話炸左一隻新嘅比我 然後啲阿姐態度好差 叫杯凍鴛鴦走甜又冇走甜 已經唔敢再換野 食到一肚火唔走俾錢走人同行有人點左喇沙肥牛湯麵 客家梅菜扣肉飯 梅菜扣肉飯可以 但喇沙肥牛湯麵啲肥牛完全唔熟 直頭浸左10分鐘都係紅色的所以我朋友唔敢食 始終唔係新鮮肉是冰鮮肉 鎮店之寶芝麻炸雞翼完全冇味道 厚炸粉 結論是 廚房唔識煮嘢食 食物質素求其 普通一間茶餐廳仲好食 名不符實 …查看更多

假日瞓晏啲早午餐一齊食第一次食名昇館嘅歐陸早餐有香茅豬排,煎蛋,沙律菜再加一塊蒜蓉厚多士，老公食沙爹牛肉米粉配午餐肉煎蛋厚多士，雖然細細間嘅店不過歐陸早餐有驚喜蒜蓉厚多士好好食,香茅豬排又好入味沙律菜是用芝麻醬再配杯凍檸茶yummy，老公個沙爹牛肉米粉味道都可以，見佢個menu~ lunch 都有好多款每日有唔同嘅lunch下次要試下，下午茶有我至like 嘅炸雞髀餐都想試下，不過晚餐就沒有啦店舖4點就收工…查看更多

下晝去完朋友屋企攞嘢之後落咗佢樓下附近食個tea，佢話有間茶記都唔錯嘅，咁就帶咗我去開餐啦。下午茶有好多選擇，有炸雞髀、雞翼薯條、三文治、餐蛋麵、熱狗、豬排包等。但係我已經決定咗食西多士，佢有款西多士係有紅豆餡嘅，不過真係好似有D奇怪嘅配搭，所以食咗普通口味嘅西多士。西多士係好厚切，2塊麵包疊埋好巨型，入面有花生醬。外面沾滿蛋漿，半煎炸完好香蛋味。選擇咗配糖漿，雖然都好多人鍾意配搭煉奶，但係我覺得配糖漿最經典。大大份食完好滿足。…查看更多

呢輪俾公司無情地要求放無薪假, 已經係第二個月啦心傷都不及荷包傷, 呢啲Cheap cheap老闆隨時要求六月再繼續放, 唯有慳住荷包做人啦今日放無薪假係屋企, 接左d外快job做, 唯有落樓下食飯快手食完去開工呢間名昇館一向係我飯堂, 貪佢平靚正之餘又快手我就叫左肉燥豬軟骨大碗飯連埋可樂都係$54, 都咪話唔抵出面啲茶記如果你要飲可樂係會要你加錢, 呢度居然唔洗加, 真係少有呢個大碗飯都食過幾次架啦大碗夠哂飽肚之餘又好食豬軟骨煮得又淋又入味, 軟骨部份係煮到好似啫喱個種, 我最鐘意就係呢種質感每次食完都好滿足肉燥都好好食, 同樣地又係非常入味, 肉燥切得夠碎最怕撞著一啲切得唔夠碎, 變左好似係食肉粒咁調味適中, 送飯一流…查看更多

見佢呢度嘅咖喱好似幾吸引，一於就試下佢。發現有驚喜，我揀咗咖喱滋味鹽燒牛脷。咖喱牛脷都算係幾特別嘅搭配，發現佢呢度食唔同餐都可以加一份咖喱汁，至啱我呢啲食飯鐘意撈汁嘅人。咖喱整得幾好，香濃又有少少辣味，唔會得個甜味。牛脷幾軟淋，又有咬口。朋友揀咗個台式肉燥大碗飯，我都試咗一細碗，發現味道都幾好。果種鹹甜味適中，唔會覺得油膩。我見仲有梅菜扣肉飯食，真係好耐無食過啦，以前婆婆成日整，不過宜家婆婆返咗鄉下就好難食到啦，下次都可以再試下呢個飯。…查看更多

以前隔一段日子就要去返澳門食豬扒包，依加無得周圍行啦，唯有係香港尋覓下啦。今日係牛頭角呢間茶餐廳見到就想試下。當然就唔及澳門老字號嘅味道，但都不俗。首先分量大大份對半切，仲有多款配料，例如生菜，番茄等。豬扒都幾鬆軟入味，麵包都有烘過，幾香脆。雖然未到最好，但都緩和了我對豬扒包嘅思念。我仲試咗朋友叫嘅芝麻雞翼，煎得好香口，肉汁豐富，亦很入味。呢度環境裝修都有心思，望落整齊衛生，夥計都幾好招呼。總括而言，可以再嚟！…查看更多

今日去呢頭拎啲野俾個朋友, 本身想慢慢嘆個lunch, 不過突然醒起晏啲有野做, 就快手搵間茶餐廳解決啦最就腳就係呢間名昇館, 就揀你啦坐低本身想拎個menu研究下, 但見到隔離枱位哥仔食既梅菜扣肉又幾吸引咁...基於本人有嚴重既選擇困難症, 所以決定放下menu舉手投降, 直接搵樓面叔叔落單叫個梅菜扣肉佢個梅菜扣肉係用砵仔裝住, 咁就可以減慢變凍既速度扣肉入口即溶, 雖然肥肉偏多左少少, 但因為扣肉既醬汁係甜甜地, 所以入口唔會覺得好膩呢種口感真係無得頂...送飯真係一流加上惹味醒胃既梅菜, 呢碟梅菜扣肉真係足夠食兩碗飯食完真係飽到上心口, 跟餐可樂唔洗加錢, 都係盛惠$52, 抵食!!…查看更多

近排每日都係食住家飯，真係食到幾厭下，所以禮拜五就唔帶飯，同啲同事出去食。終於可以轉下口味，我就點咗個全日早餐，食啲西式嘢先。包括幾多嘢，有豬扒，炒滑蛋，煙肉，蒜蓉厚多士，焗茄汁豆。豬扒鬆軟，容易切開，又多汁。滑蛋好香滑。煙肉普通。蒜蓉厚多士好味，加埋茄汁豆，yummy！我見同事食嘅肉燥豬軟骨飯都好似味道唔錯。發現呢度啲嘢食都幾多元化，同埋對佢地個下午茶都幾有興趣，尤其係紅豆西多士，好好味咁。星期六日經過會想去試下。午餐價錢約50幾蚊。…查看更多

又到3點3, 係時候落樓食個下午茶樓下呢間名昇館我都係第一次幫襯今日見佢唔算多客, 可以坐舒服d就入去試下本身想食炸脾薯條, 但見到menu上面有個巨型西多即刻諗都唔洗諗, 就叫巨型西多啦個西多真係幾巨下, 超級厚對於西多fans既我黎講真係極度誘惑即叫即炸熱辣辣, 淨係聞到陣香味已經投降左一半啦再落埋香甜誘人既練奶, 根本就無得輸麵包本身厚得黎又鬆軟, 呢個西多真係無敵好食再飲埋杯香滑濃郁既熱奶茶, 完美既下午茶就此結束…查看更多

難得週末有2日假，梗係用來hea啦，懶懶的攤在家，星期日訓到中午先起來，一時間都唔知食乜好，但係又好肚餓。梳洗完畢就同埋阿媽即刻落街去搵嘢食。一向都有食名昇館， 因為近屋企同埋佢嘅營業時間好長，早餐、午餐、晚餐都供應，所以食快餐一定會諗起佢。加上佢嘅價格都合理，質素又唔錯，份量又足，所以我哋屋企都算係常客。今日我點咗蜜汁叉燒炒滑蛋飯，呢個飯餐份量算係幾多，滑蛋鋪滿飯面，半熟滑蛋用嚟撈飯一流，食晒成碗飯都無難度。叉燒都唔錯，唔會過乾過硬，加上一杯凍檸茶，即刻飽晒。…查看更多

牛頭角上邨附近成日搭車路過既時候都見到一排茶餐廳都有好多人入去食,已經好想揾機會試下.今日趁住係附近做完野就去探索下,隨機咁入左間試試.呢間茶餐廳貴精不貴多,下午茶時間平時除左西多士外最鍾意就係豬扒包.難得今日咁早做完野就順便獎勵下自己叫多杯紅豆冰飲.脆脆煎蛋豬扒包烘得十分脆身得黎又唔會好乾,一咬落去咔嚓咔嚓聲好治癒.豬扒入口鬆軟,豬扒用上香茅醃,淡淡香茅味再配上剛煎熟既蛋更入口更香.紅豆冰大大杯,底下紅豆蓉唔會好生,仍然係一粒一粒,入口紅豆變沙既同帶點嚼頭既口感各佔一半.花奶底香唔需要額外加甜味已經好足夠.…查看更多

今日去牛頭角攞啲嘢比朋友，趕時間，所以我地就入咗呢間茶記食啲嘢。我就點咗鹽燒滋味牛俐（可配飯/撈米線），配意粉就見得多，有得配撈米線就無見過，一於就試下佢啦。個餐$53配飲品 ，我又揀咗啲唔常見嘅——清涼雜果冰。由於我地去到已經兩點半，下午茶時段仲可以減4元。我加配咗咖喱汁，要加8蚊，除咗咖喱汁仲有黑椒汁同肉燥，都幾正。咖喱米線都係一個幾特別嘅組合。味道都唔錯，咖喱味幾香濃，又有少少辛辣，好惹味。牛舌亦煮得軟淋入味。我覺得食物質素都唔錯。…查看更多

喺牛頭角附近做完野，有少少肚餓，行過見到呢間餐廳好似幾吸引🤤一於入去坐下，食少少野😋我見到燕麥多士好似唔錯，就食呢個餐啦～男朋友就中意食香口野，日式雞軟骨餃子就啱晒佢~先嚟左飲品先~之前同男朋友去茶餐廳，佢叫過一次茶走，我試飲左一啖，就愛上左😋茶走冇熱奶茶咁苦澀，但飲落仍然係好香茶味，所以我由嗰時開始就中意飲😋😋呢杯茶走聞落好香茶味，飲落口好滑，我叫左少甜，甜度都好啱我胃口，仲飲到濃濃嘅茶香，一啲苦澀味都冇👍🏻👍🏻👍🏻男朋友飲凍奶茶，佢同我對奶茶嘅評價都係一樣，佢嗰杯雖然係凍飲，但冰、茶、奶嘅比例都配合得好好，唔會因為加左冰而溝淡左個茶味，口感都一樣咁滑，茶香味濃👍🏻鮮牛油果占燕麥多士🤤多士烘得啱啱好，脆卜卜，牛油同jam嘅比例配合得好好，唔會覺得油膩😋😋雞軟骨餃子外皮脆卜卜，雞軟骨都好爽脆，好啱做下午茶小食👍🏻👍🏻啲枱可以攤開，坐多幾個人，同一班朋友都可以坐得舒服鎮店之寶都好吸引，但夜晚要食飯，所以今次冇食到，下次一定要再嚟食過🤤…查看更多