名廚

第一刀蒸肉餅$320：看似平平無奇，實質臥虎藏龍、能夠將第一刀異常鬆化的獨特口感會蒸到好似豆腐一樣毫無生氣、看似脹卜卜、起碼七成係粉、林back back，一係觸犯商品條例、一係請咗一位火雞姐啄豬肉啄足七七四十九日啄至豬蓉暴斂天物，咁嘅質素北角渣華冰廳$50 一個蒸肉餅相比之下絕對係神物、良心食物良心價錢廚師推介：順德煎焗班頭腩$298 、餐前小食份量、絕對觸犯商品條例、順德煎焗斑頭腩「骨」，食班頭腩可以換到三次碟，係我人生第一次體驗、亦順便讚侍應服務其實可嘉的楊州炒飯$228：生米煮成生炒糯米飯口感，化腐朽為神奇、少油要求變成亮碧新輝，再配上切角瘦鹹肉、想流牙血必食買單1498 、按耐不住同經理反映意見、他給我一個「笑一笑世界更美妙的表情」，科水搭𨋢之前主動走埋嚟同我講「冇理由咁差嘅、俾多次機會我哋、下次搵我」 、卡片又唔俾，張三李四我又唔知、唔通又係你咩陳生。師傅好鍾意落師傅、食完大量灌水、變咗條長洲黎恩記牛脷酥…查看更多

衛生問題午餐鮑汁鵝掌 (2隻), 男侍應在大堂枱上氣爐加熱沙窩內 2隻鵝掌, 突然枱上白布跌落地, 另一女侍應拾起該白布放回枱上, 當時正想 “為何不拿走白布, 往廚房清洗”. 不久, 沙窩內的鵝掌加熱完畢, 男侍應取出鵝掌, 分別放在兩隻碟上, 過程中, 有些鮑汁落在碟邊, 不料, 女侍應竟用那條跌落地的白布抹碟邊 (圍碟邊抹鮑汁), 令人大感不安, 極不衛生. 然後女侍應將兩碟鵝掌放在我枱上, 我立刻拿紙巾將碟周邊抹一次, 看見此情況, 己沒胃口去吃. 女侍應處理不妥, 欠衛生, 危害客人健康.…查看更多

在限聚令稍一放寬，我們急不及待訂了銅鑼灣名廚，與友人一行四位，預訂菜式。是日預訂了冰鎮蟶子皇、雲南酸菜魚湯過橋海斑片、順德煎焗先斑頭腩、古法鹽焗雞、白玉翡翠、胡椒焗海中蝦，敬送腐竹糖水。宴𥱊$3000。味道還是一樣咁好味，無得挑剔，特別愛魚湯斑片。😋只是那個蟶子好像不似「皇」，中蝦也是細了一點。是否百物騰貴，還是疫情下支出過重，縮皮了些？！🥺…查看更多

都係冒古天樂之名而來，地點唔算好就腳，由天后地鐵站行過去都要10分鐘左右。因為疫情關係，成間酒樓都冇咩人。入去嗰陣仲要連門都鎖埋，真係以為佢冇開。之後有個職員路過問我哋係咪食飯，咁先開門叫我哋入去。成間餐廳淨係得VIP房有一枱人，我同媽媽就霸晒出面成個大廳。我哋只係叫咗兩味餸，二鮮賽螃蟹同埋魚肚雲耳蒸雞，好好味但真係一啲都唔平，加碗飯計埋茶錢加一埋單724蚊。至於服務，可能因為冇乜人，所以冇之前啲食評寫得咁差。服務員有禮貌，服務唔係極好但又未至於差。食完仲有糖水送。…查看更多

第一次寫食評, 但真係有啲嬲 😒除非你係熟客, 否則不要期望有什麼服務. 點了四個點心跟炒飯 但有兩個竟然冇, 仲耍一個鐘頭後通知你 😳 上菜慢, 但味道不錯. 感覺點心即叫即做. 如果唔介意受氣嘅, 可以來一試…查看更多

難得星期六諗住一家人去飲茶，家姐話喺網上面見到呢一間古天樂頂手嘅酒樓，決定一家四口嚟試吓。地點唔算好就腳，喺銅鑼灣同天后中間....但為咗搵食，特登走去試吓。酒樓係一樓，地方細細，感覺舒服。價錢有啲奇怪，因為點心紙上面寫到明大中小點一律$46。等左大半個鐘，終於嚟咗兩個點心，檸檬叉燒酥同燒餅。幾好味。再等多20分鐘，五代同堂炒飯終於嚟，好乾身，味道都唔錯。坐左超過一個鐘，只係食咗兩個點心同一個炒飯，其他嘢全部未上。望吓身邊嘅茶客，好明顯係熟客，職員會特別招待，講多兩句，而且嘢食都上得好快係咪因為我哋唔係熟客所以要等咁耐？因為等得太耐，我已經唔記得咗仲有啲咩未你，就問下職員....佢完全唔需要check電腦，已經直接答我有咩未上。事實好明顯係熟客就好好招呼你，新客嘅就唔該你等下先⋯⋯總括嚟講，味道係唔錯，職員都會好有禮貌咁答你‘已經整緊’。如果你係好得閒嘅，又唔介意被歧視，絕對可以黎試吓。我自己就覺得，香港咁多好嘅餐廳，我唔會再嚟。…查看更多

尋晚嚟到幫best friend慶祝生日一行3個人，不過畀個無乜禮貌嘅女侍應破壞咗個驚喜...食物再好味都冇乜用啦講番食物先酸菜魚片 （$538）好好食又開胃配上薯粉一流👍🏻經典菜式順德生煎雞(半隻 $238)本來朋友想食鹽焗雞不過book嗰時冇預留所以就叫呢個👍🏻好香口我反而寧願食呢個多過鹽焗雞雙菇鮮竹豆腐煲 （$180）普通菜式不過又係做得唔錯仲有個蝦醬牛筋生菜煲冇影到 （$180）有少少鹹但個牛筋幾特別坐咗陣個女侍應就行埋你問我地食唔食甜品，我地就話唔使啦，而且我準備咗個蛋糕比朋友嘅。呢個女侍應一直啲態度都唔係特別好㗎喇，晦晦氣氣咁佢好似想我哋快啲走咁就係咁問甜品，問問下點知佢竟然大大聲同我地講”不過你哋都應該唔使甜品啦有個蛋糕嘛可？”。我哋三個聽完當堂打咗個突，聲都出唔到講真正常嘅都唔會咁大聲同人講有蛋糕啦係咪呀？我當佢唔覺得係個驚喜不過呢個應該係common sense? 因為我出去食飯幾乎從來都冇侍應試過咁樣同成台客講話有個蛋糕 (另一次係喺times square greenhouse)我當時係好想話佢有冇搞錯同講佢態度有問題...仲有提醒佢+經理講如果日後有客係有蛋糕嘅話真係唔好特登同成台客講，當然如果啲客坐左好耐咁你問我都明，可以細細聲同帶蛋糕嗰個講。其實食完野我都諗住行出去同啲侍應講話一陣攞得出嚟。食完啲正餐一兩分鐘之後佢已經行咗過嚟係咁問我哋食甜品，所以其實都唔係話坐左好耐喺度等。同埋我最不滿佢嘅態度，言語間好似想我地快啲走。公平啲講名廚啲嘢食係有水準我都會想再嚟食，係希望呢個女侍應嘅態度有改進。順帶一提有個好似男經理嘅全程好好笑容又有禮貌👍🏻…查看更多

星期六下午，女兒都想去食點心，老公在想去那間酒樓之際，忽然想到可以去北京朋友來是請客的地方，名廚，其實他已跟我說了好幾遍那裏的食物真的很好食，今次終於都有機會去試了，我們在樓下單位已好奇的問有沒有定位？我們說沒有啊，他們的眼神好像在告訴我們他們只做熟客生意，但這個眼神也給了我們很大的肯定，就是這間餐廳應該不錯的，我們叫了一對點心有叉燒包其他酒樓沒有的炸粟米，芫荽牛肉球，乳鴿⋯⋯，很少對飲茶會回味的，通常都是在鬧哄哄的地方開始和完結，這次食完後，已定了好幾位朋友一定要來吃。…查看更多

再次惠顧裝修後的名㕑，服務一如往常的好，地方舒適！酸菜斑片湯還是一樣美味無窮，花彫蒸海蝦、吉品鵝掌火喉恰到好處！唯份量較少，好吃的人，三人五個菜少了一點。下次要去試試下午飲茶先！…查看更多

要來這裡試一下一定是因為這裡的老闆啦！和朋友即興前來位於摩頓臺の這間食肆 還算好找啦 店面跟裝潢都很讚 超美der 朋友事先打聽了來過多次的朋友 所以點了他 n 超棒の餐廳主理人ling姐推介の幾道菜 味道絕對值得一試！餐後ling姐還給我們留了很美味の小驚喜 超讚的一餐 要常來啦😋😋😋…查看更多

名廚是出了名的名星食府，是由前海都的班底出來開的高級粵菜食府。很多名人名星會來幫襯，都是因為主持人Ling姐，全盛時期的海都是由她一手管理的，對於食物質素，她素來非常嚴格。名廚最善長於泡製無味精的家常餸菜及貴價的鮑參翅肚，格局亦寬敞高級，難怪深受一眾上年紀的食客愛戴。名廚的例湯是必喝的，因為極足料及濃味。平時我最愛喝這裡的超清甜粉葛鯪魚湯，今天的猴頭菇湯也不錯，火喉十足，是真材實料的味道。Ling姐推介我們吃今天才由有機農場新鮮運到的炒沙葛。我是第一次吃沙葛這植物，原來是這樣清甜的一種食物，口感亦非常爽脆，有點像在吃水晶梨的感覺。Ling姐從廚房拿出沙葛給我看，爸爸說他兒時會隨地挖掘沙葛來吃，說是窮人的鮮果。今天有罕有的新鮮立魚，Ling姐建議香煎，喜歡吃魚的爸爸舉腳讚成。煎魚最考師傅功夫，我們的立魚煎得皮脆肉嫩，整條魚都脆卜卜，非常impressive。名廚的鹽焗手撕雞是媽媽的最愛，她喜歡這雞的鹹香，連海蜇、青瓜絲及芝麻一併吃，口感豐富，而且啖啖肉。鹽焗雞的雞皮也非常好吃，有彈身及夠厚身，是用新鮮雞才能達到的水評。冰梅骨亦是這裡的名菜之一，用冰鎮話梅醃肉排，令話梅味道更突出。軟腍鬆化的肉排多了份酸甜，吃起來毫不油膩。雲腿絲浸菜心是一貫的用心製作，菜心細嫩。敬送的糖水亦絕不馬虎，紅棗雪耳糖水燉至起膠，蛋白杏仁茶就中規中規。名廚是J爸媽常來的飯堂，大家也不防帶爸媽來吃晚飯吧！只要點餐牌上的普通菜式，價錢也不會太貴，是物有所值的粵菜。…查看更多

名廚是位銅鑼灣中央圖書館的對面, 沿著摩頓臺一直走, 快便到銅鑼灣交界, 便可看到"名廚"的大名, 好密封的門面, 飯堂跟名廚是同一個老板, 所以跟飯堂一樣私隱高, 很多中資老板喜歡到飯堂包廂晚飯, 這次到名廚, 因為離家裡很近, 家中老人家不喜歡到太遠吃飯。由於本小姐牛一將至, 家姐提議提早慶祝冬至和生日,  這裡有點像私房菜, 許多小菜亦需要預訂, 姐姐訂了杏汁豬肺湯, 咕嚕肉, 胡椒蝦和炸子雞, 其餘的都在店內才點。一到名廚的門口, 已有服務員迎接我, 帶領到旁邊的百富中心乘電梯上二樓, 此層有些廂房, 沒有那麼嘈吵, 又有電視, 私隱度又高, 不錯!因為人未齊,先來兩道前菜, 皮蛋青瓜這裡的皮蛋青瓜一點也不便宜, 索價$110元, 幸好青瓜清甜爽口, 混合皮蛋和一些醬汁, 酸酸甜甜, 前菜比較開胃。和味粉絲煲不知道為什麼粉絲煲是一道前菜, 但一端上來便聞到陣陣鑊氣, 瓦煲煮出來的好處是火路均勻, 夠鑊氣, 粉絲炒得乾、爽, 絲絲分明, 配上韮黃、蔥花和蛋絲, 一道簡單的菜也變成上菜。杏汁豬肺湯終於有湯飲, 一般我們外出吃飯例必點的一個湯, 杏汁豬肺湯, 因為工序繁複, 我們也懶得費時間去弄, 奶白色的湯汁, 有豐富的杏仁香氣, 南北杏的比例好, 不致有苦澀味, 中國人相信「以形補形」認為豬肺有補肺之功, 一入冬乾燥時候最適合潤肺, 廚房的功力不可小窺, 白肺全完去除血水, 不帶半分腥味, 看見湯渣的豬肺, 白澄澄的, 入口還帶點爽, 白菜應該後加, 不致菜因煮的時間長而變黃了, 但湯亦有菜的甜味。但價錢不菲, 7百元一鍋!胡椒蝦和豉油王大蝦一早預訂了的胡椒蝦, 一人有兩隻, 店員非常細心, 看見有小孩, 便提議小孩那一份換豉油王大蝦, 可見這店對顧客細心有靈活性, 這才是香港人的精神! 讚! 胡椒蝦, 味道一流, 用上上等胡椒, 第一口還未爆發胡椒味, 但慢慢滲出來, 蝦肉入味, 殼仍然好脆, 肉質都爽口, 難怪是這店的名物!豉油王大蝦, 雖然沒有胡椒蝦的惹味, 較軟身, 可能沒有炸過的關係, 一般大酒家的水準。煎焗班頭腩因為這裡海上鮮, 動輒700元以上, 所以點了煎焗班頭腩, 有些椒塩味道, 煎焗得香脆誘人, 魚肉還鮮嫩, 不是雪藏貨, 喜歡香口東西的我, 拍案叫絕!炸子雞炸子雞, 一般飲宴必食, 但很多時候都是沒有靈魂的, 肉質過熟變鞋, 冰鮮雞沒有肉味。這裡端上來的時候熱呼呼的皮脆肉嫩, 雞肉彈牙, 不太肥, 炸子雞最高的境界, 炸出的雞塊皮脆肉嫩, 尤其是表層嚐出准鹽之香味，再配合絕佳的風乾到炸脆的功夫, 對於當晚的菜式水準，已是無容置疑。咕嚕肉咕嚕肉反而有點失望, 雖然去掉了鳳梨換上貴價的無花果, 但沒有半點的果香甜美, 可能把新鮮的無花果混合會更有好的效果, 再看咕嚕肉, 咬下去好像沒有肉的質感, 師傅故意把肉切薄了, 又不見得香脆, 但反而缺乏了咕嚕肉的神髓。魚湯魚滑浸皇帝菜吃完了許煎炸的肉類, 應該換一換清淡的蔬菜, 魚湯魚滑浸皇帝菜, 魚湯跟海都的魚湯米線的湯底不相伯仲, 雖然魚滑就一般, 加上有獨特香氣的皇帝菜, 就變得不平凡, 皇帝菜有點像唐萵, 不是人人接受到。甜品-杏仁茶甜品作結, 完全忘了已經喝過杏汁豬肺湯, 又點了我的最愛杏仁茶, 但可能是跟杏汁豬肺湯的杏汁同出一徹, 沒有甜味, 清淡得很。甜品- 家鄉煎薄罉以前外婆在生時, 很喜歡下午茶時間弄一個咸和甜的薄罉, 廣東人很喜歡這個小食, 把家裡日常有的東西拿出來便可做成, 但很久沒有吃過了!這店的跟外婆的不一樣, 這裡的皮有點糯米粉加進去, 所以帶點煙韌, 餡料有花生砂糖, 還加上豆沙, 煎得外有點脆, 可口美味! 為這頓冬至生日飯劃上完美的句號。平日家人對外出吃飯的要求特高, 今次每人也對菜式, 服務, 環境都十分滿意!…查看更多

飲茶是香港人常做的事，所以當然有要求。今日決定到名廚一試，星期六午市樓下無開，直接上一樓。眼見不太多人，富空間感。先來點小食點心有二十多款選擇，另二十多款廚房特選。先來酥炸ＢＢ鴿($98)，香口脆身，肉也夠嫰。咖哩魷魚($33)好食，味道也夠陳村粉蒸排骨($33)，陳村粉夠滑好食，但排骨沒甚麼肉，沒質感，排骨入口很多碎骨，食到成口都係，感覺很差。黃橋燒餅($33)，好食，外層芝麻香口加上豬肉餡，十分好食。香煎粢飯($33)，外層香脆入面米飯軟身加上腊味香，好食。檸檬叉燒酥($33)，檸檬和叉燒味也不突出。…查看更多

名廚，個名好似好吸引好勁，朋友約食飯，就建議呢間。順德煎焗班頭腩：有獲氣，新鮮，好香口追住食！無花果拔絲咕嚕肉：酸甜味恰度好處，食落依然脆身酒燒全蠔：望到去香口吸引，但食落偏咸，好一般芝士炸芋盒：同去酒樓食炸芋頭酥一樣，未見突別整體係合格，但如果就腳就去啦，否則好少少嘅酒樓都食到。…查看更多

今日老闆萬歲，當然要食貴嘢，老闆最後決定去"名廚". 我哋成2點鐘先去到，所以冇咩人，廳面得我哋一枱，房就唔知啦！而且老闆好似同經理幾熟，又介紹我哋食咩好，又幫我哋人頭計出點心份量，幾貼心我哋一行6人叫咗啲點心，蝦餃燒賣唔少得,仲有生煎飽，腸粉，炸粢飯，錦滷雲吞，咸水角等，計計埋埋都有10數款。當然我哋都有叫小菜，包括生煎雞，水煮牛，炒時蔬，老總炒飯，臨尾俾我見到有豉蒜杭椒， 當然叫埋啦, 我愛辣嘅嘢食嘛老實講，點心可以，但都幾貴。至於小菜就幾失望下。首先生煎雞冇咩香味，煎過嘅雞皮唔夠脆口。水煮牛除咗啲牛夠滑之外，碟嘢冇香味唔辣，雖然成盤辣椒係面，但似係用嚟裝飾多，浪費咗啲辣椒，僅僅合格。最失望係個杭椒，原本係好辣嘅杭椒，唔知佢哋係貨嘅問題定係處理手法特別，碟杭椒似炒四季豆多啲，一啲都唔辣，如果唔係食到有啲椒味，我諗我會當佢四季豆咁食.咁樣食完埋單要千9蚊，唔怪得係名星食堂！整體來講冇咩出眾之處，一般貨色，可能夜晚食要預定嘅菜會好啲。但睇嚟都要老闆再萬歲先會再嚟!…查看更多