同樂素食

同樂素食三餸飯$47真係一個唔錯嘅選擇，特別係想食素又唔想失色嘅朋友。呢個套餐份量十足，色香味俱全，性價比相當高。盤中嘅三餸包括一塊煎得香口嘅素雞，裹住一層誘人嘅麻辣醬汁，味道濃郁又唔會過辣，啖啖肉香（雖然係素食）令人滿足。旁邊配有炒蛋，鬆軟幼滑，帶點清甜，平衡咗麻辣嘅味道。蔬菜方面，有西蘭花同椰菜花，爽脆鮮嫩，保留咗天然嘅甜味同營養，煮得恰到好處。飯粒粒分明，吸收咗少許醬汁，食落去香口又有層次感。旁邊嘅清湯清淡可口，解膩又暖胃，完美收尾。環境方面，餐廳乾淨舒適，適合同朋友一齊享用。唯一小小缺點可能係醬汁有啲多，容易將飯浸濕，建議可以要求少啲醬汁。總體嚟講，$47價錢同質素相當匹配，係素食愛好者嘅理想選擇，值得一試！…查看更多

成日想食素都好難搵到平靚正素食路過都會置富canteen 有全素餐廳即刻想試試叫三送靚女職員自動已經送多個餸最後好多野食重點 味道岩岩好 唔油膩 送果個例湯好好飲 （酸齋甜齋南瓜素菜粉絲）…查看更多

店員阿妹負責舀湯+餸，阿妹去左舀湯，未開始舀餸坐隔離無野做嘅店主好惡叫我出聲啦！我就講我要咩，但係無人去舀甚至阿妹舀完湯，仲要我講多次要咩唔知催黎做乜，所以我問佢心情唔好呀？店主鼠返入廚房，香港人好大壓力😊…查看更多

前幾日中午想食素，行咗去紅磡foodcourt，買左飛就行去d間素食鋪，當時有個呀嬸(應該係老闆）洗緊野，我只係企係櫃面等同睇下有咩餸揀，冇出聲冇吹佢，佢突然用極差既語氣叫我排隊，大佬呀，除左我之外跟本就冇其他人，排咩隊啫？仲同我講‘係咁架啦，呢度d文化係咁架啦！！！’ 跟住繼續洗野，然後慢慢入返去廚房，完全冇理我，同之後排隊既客，直至另一個員工返埋位先出餐俾我哋，如果我做d野得罪你，你串我我冇野好講，但問題係我根本乜都冇做過，只係企係度等都要俾人話，有冇攪錯，仲有d餸少得可憐，一個咁既人煑d齋菜都食得出個種仇恨感！要唔要去試吓食你自己諗下……查看更多

嗰個唔知係咪老闆娘， 態度超差， 食過三餸齋你揀完餸咪下一位囉咁燥咗乜嘢啫， 以後都唔會幫襯. 味道一般，佢嘅心態就係少你一個唔少， 係，你裝完個三個餸根本都唔需要點交流，咪下一位囉， 個態度唔使好似鬧人咁樣慢少少又發脾氣， 咁嘅態度冇下次…查看更多

我睇過啲comment話有個態度好差嘅女人，今日我去買飯就唔見，但就見有個靚女店員，佢好nice喎，好好笑容又有禮貌😊講返食物質素，呢幾日我要食齋，咁啱搵到呢間，啲餸勁多，每款餸都好好味，最鐘意個木瓜湯，可能有啲人會覺得淡，但我覺得好清甜，甜味來自木瓜同紅棗，肯定冇味精，最後一提佢哋係用珍珠米嘅，啲飯都好好食😋👍🏻👍🏻…查看更多

Intro: 相信唔少理大嘅學生都會去到都can食飯，想健康少少都會幫襯素食飯，佢地三餸素食飯都成45蚊，但依然吸引唔少人排隊，菜式都幾多，而呢次揀左茄子、苦瓜煎蛋同薯仔絲～___________________🍽 三餸素食飯（送湯）💰 45 ⭐️7.5/10✍🏻 茄子好厚肉，醃得好夠味，菜汁豐富，唔會太鹹；✍🏻 苦瓜煎蛋嘅份量真多，餡料為苦瓜，絕對唔會苦，帶點甘味，同蛋嘅配搭真係唔錯；✍🏻 薯仔絲比較辣，口感爽口，作為開胃菜一流；✍🏻 整體嘅份量偏多，湯就比較細碗，應該無味精，細食嘅建議預先叫少飯。___________________🏠 同樂素食📍 紅磡都會道6-10號置富都會8樓17號舖。⭐️ 7.5/10___________________…查看更多

放飯又唔知食乜嘢好，簡簡單單可以揀個兩餸飯食。今次lunch時間嚟到紅磡，成個商場都係呢度最多嘢食，因為係food court。不過準備嗌嘢食嘅時候，發現原來所有檔口都冇得獨立咁樣俾錢嗌嘢食，反而係要統一咁用 food court門口嘅自助點餐機，等咗超級耐，都有差唔多三四個字。一路等嗌嘢食嘅時候，預先喺OpenRice望吓呢間餐廳嘅食評，發覺好多人都講埋啲姐姐態度惡劣。去到攞飯嘅時候都打定心理準備，點知又冇呢個情況出現，反而潷飯嘅姐姐仲會同客人傾閑偈，有啲出乎意料。而素食唔係特別出色，係普通餸嘅味道，不過味道比較淡。特別值得一題係麻辣薯仔絲嘅花椒味，超級濃，最後食到成個口只係有麻味。…查看更多

老太婆直接從我手裡搶其他食肆的票，要回的時候說已經丟掉了，其他員工恐嚇我，且眼睛盯著我看，進而威脅。再也不會去幫襯，味道極差。老太婆直接由我手度搶其他食肆嘅票，返嚟嗰陣話已經丟掉咗，其他職員威嚇我，仲一直望住我，再威脅。再都唔會去幫襯，味道好差。The old woman snatched the tickets of other food corner directly from my hand. When I asked for them back, she claimed to have lost them. The other staff members intimidated me and kept staring at me, even threatening me. I will never support them again; the taste is extremely poor.…查看更多

呢度嘅素食菜式真係多到爆。每款菜式都有廣東菜嘅獨特風味。「素腐皮卷」係一個唔可以錯過嘅開胃菜。佢嘅腐皮酥脆，裡面包住香氣撲鼻嘅蔬菜同香料，食落有層次又好好味。另外，「素酸辣土豆絲」亦都好出色，有正宗嘅麻辣風味。脆口嘅土豆絲配埋酸辣調味汁，食落又辣又酸，真係令人回味無窮。最出色嘅菜式當然非「素麻婆豆腐」莫屬。豆腐嫩滑得嚟，再配埋麻辣醬同豆瓣醬，味道濃郁得令人難以置信。真係好難相信呢啲都係素食。呢啲菜式成功嘅原因係因為佢哋嘅食材選擇同埋烹調技巧。「素腐皮卷」裡面嘅蔬菜唔單止豐富，切割得啱啱好，令口感更加豐富。「素酸辣土豆絲」度嘅土豆片切得均勻細薄，煮熟嘅時候更易吸收調味汁，又保持到土豆嘅脆爽口感。至於「素麻婆豆腐」嘅豆腐就更加出色，好滑嫩，同埋醬汁嘅烹調真係恰到好處，令味道更加突出。除咗菜式好味之外，用餐環境亦都好舒適。餐廳嘅裝潢好雅致，創造出一個溫馨同和諧嘅氛圍。…查看更多

其實真好耐無去置富個food court , 唔知原來改左用售賣機賣飛， 仲要原來出兩張，第二張先比舖。 去到比姐勁鬧，叫我即去拎返 ，唔係當懲罰我！ 其實只係食個lunch, 無必要受氣。 我以後都唔會再幫襯。 留返比鐘意受氣既人食啦！…查看更多

【九龍城區】【同樂素食】自從呢個 IG 開咗之後，我都好少機會走去食吓素食，差唔多日日都啖啖肉。曾經喺 1am0461 度食過常悦素食，感覺都唔錯，當時討論緊係同一位朋友爭女嘅問題。最後所有女都係呢位朋友嘅，我亦都冇咩好講。而今次講嘅呢間嘢，除咗係素食之外，亦都係以類似「兩餸飯」咁嘅形式去經營，喺呢樣嘢未係好 hit 之前佢哋已經係咁。通常佢都係一隻碟，然後一殻飯一嘢車落去，應該係可以略為調節白飯份量嘅，然後仲送個例湯，幾好。除咗係素食、兩餸飯呢兩個特性之外，佢仲係喺紅磡置富都會裡面嘅 food court 度，即係價錢比較實惠，而且仲係 1am紅館 系列嘅一員。不過佢喺呢個 food court 裡面似乎得「快」呢個優勢，亦都未必係一般演唱會客首選。以下呢啲係佢寫出嚟有嘅餸菜，不過由於我次次去親都好鬼夜，所以有好多其實我都未見過，姑且同大家講一講：甜酸齋自製素餃子齋鴨腎清炒芽菜涼拌青瓜雲耳炒勝瓜素壽司彩椒釀豆腐釀節瓜時令蔬菜炒沙角粒豉汁南瓜香辣薯仔絲炸薯餅雜菜炒粉絲咖喱薯仔釀茄子魚香茄子花生炆蓮藕苦瓜煎蛋蕃茄炒蛋三絲腐皮卷欖菜四季豆麻婆豆腐我就去過兩次，兩次都係跟師傅去食「三餸套餐送例湯」飲可樂，係呀佢有雪櫃有汽水。咁樣食嘅價錢係 $45，嗰五蚊係汽水錢。味道上只能講係不過不失，對得住個價錢。不過要小心嘅一點就係個阿姐有時會收錯錢，睇實啲。。。（地址：紅磡都會道6-10號置富都會8樓FS05號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #gohappyveggie #globaleats #tastyfood #dessert #foodpics #followforfollowback #love #eat #1am九龍城區 #1am紅館 #紅磡 #置富都會 #同樂素食 #三餸套餐送例湯 #可樂 #三餸套餐 #例湯 #素食 #1am0736 #1ambackup…查看更多

唔夠人手係你地問題, 唔好吓吓搵d食客黎出氣, 商場送既$20蚊優惠券寫明要係店舖兌現, 付款系統流程龜速唔係食客問題, 你發脾氣鬧d客用優惠卷唔自助買飛真係打橫嚟, 又想要做多d生意但又要發晒爛渣鬧走d客, 你玩晒佢啦, 唔怪之得d客越黎越少, 就算幾好食都冇用啦, 呀姐你真係要好好自我檢討下啦🤬🤬🤬…查看更多

I went near closing time so whilst you normally select 3 veggie options the kind woman ended up giving me some extras given it was close to closing time.The aubergine, omlette with bitter melon and the green beans are my go too. With a soup on the side all for $45 you really can’t go wrong! My go to when eating in this food court…查看更多

我第一次幫襯呢間嘢，見到有腐皮卷我想食，咁就走去撳飛俾錢啦。點知我去到嗰陣時唔見有腐皮卷喎，咁就問個阿姐有冇腐皮卷呀？咁佢就答我冇啦。排我後邊個女仔見到好想食腐皮卷，佢就指住遠處一碟嘢用個碟蓋住嘅，佢話嗰碟可能係喎，可能阿姐見唔到，你再問吓佢啦。因為好想食腐皮卷嘅關係，咁我又再問阿姐嗰碟係唔係腐皮卷呀？點知個阿姐就發癲大聲鬧我話我唔信佢，同咗我講冇就冇啦。（基於限制唔可以打粗口）我第一次幫襯點知啫，原來做客幫襯係唔可以問野，如果唔俾人問就唔好學人做生意啦。我成碟有食㗎，因為我有衣食。但唔見得好食囉。一世人只有蠢一次，但唔會再幫襯，真係傻仔先幫襯。我好後悔食之前冇睇open rice 食評。…查看更多