影片
以上资料只供参考，请与餐厅确认详情
年轻女店员态度万分恶劣，对各顾客都是一视同仁的劣品，对所有顾客的提问都十分晦气，像厌世一样，眼见年老的顾客询问他们单点或跟餐的事宜，他们10分冇礼貌，年长顾客听得不清楚再问他们态度更差，我今天点的外卖回家发现给错了食品。难道在吉野家工作真的那么丢他们脸？难道吉野家的福利真的咁差？让他们要将对工作的不满发泄在顾客身上？
继续阅读
个男性服务员态度非常恶劣，先唔讲态度，个杯野得个半杯咁多，大佬，个杯野要加钱架，比咗钱杯野得半杯？同个服务员讲，佢反问番我「系唔系要加茶！」，我只系好奇问下，佢洗唔洗咁臭脾气。
继续阅读
我同我朋友系9:20倒入去嘅 咁我哋嗌咗个边炉食 佢收10点 都谂住快快手手食完走 跟住佢个炉等咗成20分钟都未滚 有够夸张 电磁炉又冇个 真系等到9点50几分先真系叫有得食 都知人哋收10点 都有啲唔好意思阻人收工咁 但佢真系啱啱先滚我哋都冇法 都尽快食 有个男职员 系咁俾面色我哋睇 得返我哋一台 个男职员企定定企喺我哋前面望实我地 再唔耐烦咁样望自己手表再望返我地 然后系咁大声同其他职员讲打卡啦！收工！已经讲咗5次+ 分明讲俾我哋听 已经快紧 想我哋点 仲要俾我地听到佢同其他职员讲仲打紧呀？背后讲啲客都冇咩都正常😂但呢个音量分明知道会俾啲客听倒 想点先 后尾佢就冲过嚟指住佢只表话快少少我地收 呢句嘢冇问题 如果礼貌地提点客人系完全冇问题亦都正常 但系前面𠮶啲嘢可以唔使做咁啰 超bad experience 主要系乌冬变得好难食 变咗面粉乌冬 大家千祈唔好嚟呢间
继续阅读
夜晚9点返到南昌，好似都无乜餐厅仲有得食，但又想打边炉，经过吉野家，谂起以前成日打，一于回忆一下🤭。叫咗个火锅套餐，有饭有乌冬拣，份量同以前一样充足，有菜、有肉、有饺子，最重要个芝士狮子狗仲系到。不过个肉可能喺雪柜攞出嚟，仲系硬既，分唔开，不过放咗阵就可以啦。个浓汤好浓郁，味道较哂味，食到最后渌埋个乌冬，入哂味，好好味！除咗好味，个份量够哂饱😆。如果唔够食，仲可以自己额外加唔同既𩠌，就算几大食都一定够哂食。
继续阅读
屋企附近开咗间吉野家，终于可以近近地食番我至爱嘅和风牛肉丼🍱。时间下午两点🕑，吉野家入面咁多人嘅😱？！原来佢地出咗全新嘅早餐及下午茶系列，惊喜价低至$2️⃣0️⃣起！除此之外，盐烧和牛丼🍱亦正式成为吉野家常驻美食😳！「盐烧和牛丼」采用了M8-M9优质和牛🐃，经过烹调后，再淋上特调盐汁，更突显出其独特嘅口感鲜美 🥰， 每一啖都能感受到和牛🐃嘅鲜嫩与盐汁嘅咸香 ，简直是完美配搭🥰 。只需$78即可享用盐烧和牛丼🍱，另加$5升级加配温泉蛋及鲜嫩时菜！和风牛肉丼(大) +饮品 $52一番和风牛肉巨丼(特大) +饮品 $63招牌和风牛肉丼🍱系必点食物，肥牛🐂一贯的软滑香口，每一啖都充满牛肉及油脂香，加上香甜洋葱及double 牛肉汁(可以另外添加)，每食一口，都感觉非常满足😍。野菜煎鸡丼(大) +饮品 $45另一招牌煎鸡丼🍱，鸡肉🐓煎得香口，肉质嫩滑，配上香甜照烧汁再伴埋甘笋片、椰菜花、西兰花及四季豆，好食又健康😋。和风牛肉迷你饭加嫩滑炒蛋 $26肠仔嫩滑炒蛋米粉 $21除了招牌的和风牛肉丼和野菜煎鸡丼，吉野家更推出轻食之选 / 下午茶餐同样吸引，佢地份量不太多，价钱实惠，最啱饭前医肚😂。任何主食/轻食及下午茶 +$5 都可升级套餐；小食加配价比之前便宜，超抵😍。追加小食炭烧鸡串🍡，鸡肉软滑，照烧汁味道香甜。金菇牛肉卷，牛肉卷至少有两层肥牛🤩，金菇吸收咗肉汁嘅香味，特别好食🥰。炸黄金鳕鱼卷，味道有点像鱼蛋但质感较结实，啖啖肉😋。所有餐品都配有饮品 (包括汽水)，而且价钱好亲民，罐装气水只系+$6，其他特饮如奶茶红豆冰及抹茶红豆冰+$12，2️⃣款红豆冰🫘都好饮，红豆香甜粉糯，奶茶及抺茶味道香浓，重点系唔太甜🤩。等下次试埋个早餐，平成咁，即刻带来无限活力嘅一日，人都精神啲😂。
继续阅读