吉野家 (已結業)

我諗我真係太耐無幫襯「吉野家」喇😏 仲以為廿蚊鬆啲就可以買到一個 #下午餐 嘅 #小秘書 真係食米唔知米貴😅 #小秘書 唔係好習慣 #下午茶時間 都要隊會飯落肚，所以呢日就揀咗個「煎雞一丁」做我嘅late lunch🤪 比完錢之後唔夠兩分鐘，我碗麵已經急不及待喺廚房跑咗出嚟😅 當我接過食物盤，見到碗「發水即食麵」就知道個呢個 #廚師 對食物無咩要求😌 而用嚟淋喺 #煎雞 上面嘅 #醬汁 味道太咸，更顯得用嚟配即食麵嘅湯底無咩味、而且湯底又唔凍唔熱咁... 成件事真係好求其！唔通呢種就係快餐店文化😅？…查看更多

作為一名健身教練, 食乜都中意加隻蛋今日又趕住上堂, 唔洗諗就快餐店啦, 就附近吉野家啦。京蔥牛舌don哩排出左依個新野喎, 牛舌同京蔥我都中意, 撈埋一齊正合我心水, 實物賣相都not bad。薄牛舌細細塊, 乾左少少, 不過將佢同京蔥撈埋d飯黎食既話係唔錯既。食親吉野家都中意加隻蛋撈飯, 有時肚餓仲會加夠兩隻, 唔肥之餘又健康又飽肚, 覺得佢既温泉蛋其實做得唔錯, 質感同味道都好, 6蚊一隻同你係街買隻茶葉蛋咁上下價錢啦都ok既。…查看更多

吉野家我已經好多年都冇幫襯過，但今晚凌晨時份路過油麻地，睇到呢間係開24，而且我又有D肚餓，所以就同朋友一齊行咗入去準備醫肚，好老實講~款式並唔多，來來去去都係牛肉飯或者係煎雞飯，我最後叫咗個煎雞牛肉飯，珍珠米我真係麻麻地，燒汁味道還可以，不過D煎雞嘅味道確實偏淡(又乾爭爭)，而且雞皮又唔脆，認真一般，牛肉嘅水準亦都比以前差咗，但唔算嚴重，不過我都係唔會再幫襯吉野家喇，因為已經食唔番以前嘅水準:)…查看更多

如果想打邊爐但又覺得太heavy，不如去吉野家二人一鍋，可以過下口癮。芝士竹輪雖然加十蚊先有三粒，不過始終係芝士怪嘅最愛，食完個鍋最後落埋個巑歧烏冬，份量啱啱好。…查看更多

話說今晚想一人火鍋，貪佢方便又唔貴，點知入到去得小半範圍係火鍋，迫都唔緊要，行到出去點餐，個螢幕餐牌全部都係晚餐，關於火鍋既餐單完全冇！收銀機前就只係放左一張追加火鍋配料既餐單！我埋去問收銀個四眼肥姐組有咩火鍋揀，佢就串串貢咁話今晚火鍋得一個餐揀你要唔要，我問佢咁個餐有咩食有冇相睇，佢話冇相睇架你食就食唔食就算！呢d咁既服務態度我仲以為茶記先會有，如果係我要求多多都話啫，宜家連餐牌都冇得俾人望下真係垃圾食肆配垃圾員工！！…查看更多

未去英國留學之前都會食吉野家不過一年兩次咁😂因為覺得佢好普通好似食M記咁有其他選擇都唔會食佢不過難得今次返黎香港咁耐無食日本野又有啲掛住🤤所以今日就去咗食午餐我由細到大都係忠情於和風牛肉飯💕為咗尋求回憶就叫咗個學生餐-和風牛肉飯(細) 跟日本綠茶 ($33)另外加咗碟整菜 (扮健康😂) ($9)咁多年黎個味道都唔變不過今次食先留意到其實佢啲牛肉好鬼肥❗️一路食一路整走啲’肥膏’最後得返超少牛肉不過都理解既依家牛肉咁貴佢個飯又唔可以賣咁貴同埋可能有肥膏令啲肉食落淋啲好味啲只係我個人唔鍾意姐🤭點都好咁耐無食食返都覺得好味既😌可能下次試下食照燒雞肉飯會好啲…查看更多

首先，間野開到12點啲野食都冇話感覺得整定左擺好耐咁算ok啦，除左火鍋啲牛肉有啲血水之外整體都ok，但係服務真係好差，我住油麻地果邊所以經常幫親，但間野有個收銀係一個帶眼鏡既肥婆，我去咁多次佢每次都係掛住同啲同事傾計連啲客企左係到望住佢佢都照傾，唔止我係咁，我坐低食野都見到佢對其他人係咁，咁有次我去食火鍋，佢同我講火鍋賣晒，咁我就諗住叫過第二樣野食啦，點知佢講完之後就即刻無視我問下一位食乜，我真係好無奈，有冇咁中意傾計搞到啲客入黎買野食好似左住您咁我唔會再去呢間幫親，收銀服務真係差到爆🖕🏻…查看更多

想起兩年前，我有生之年第一次，亦是暫時唯一一次到日本東京旅行，除了見識過日本著名景點、交通工具之外，還曾經試過不同的日本的料理。當中尤其是以天婦羅為令我印象難忘。當中他們有一款出名的丼飯，「天丼」，即是以天婦羅方式炸蝦和蔬菜，然後放在丼飯上面，就完成了。天婦羅的食物處理手法，恰巧配合日本人的發展歷史和飲食習慣，以前的日本人靠海吃海，除了吃海產外，就是靠吃野菜存活。但是幾百年前的日本，還未有電力和雪櫃，要妥善保存處理食物，就只能靠炸物，亦即是靠「天婦羅」的製作來保持食物新鮮。香港亦是流行食日本菜的地方，所以亦不乏以製作「天婦羅」見稱的日式餐廳，但是大多屬於中高價檔次的日式料理，在一般市井的地方餐廳，可以吃到優質天婦羅的機會就少之又少了。上個月，有一晚我剛在油麻地電影中心看完電影，正準備在附近找個地方食晚飯，然後才搭港鐵回家，結果在彌敦道給我找到「吉野家」，門口有個推廣套餐，吸引住我的視線，正正就是「御丼黃金大蝦配深海魚柳唐揚雞飯定食」。當然我絕對明白，天婦羅就是天婦羅，唐揚就是唐揚，我在「吉野家」吃的「御丼黃金大蝦配深海魚柳唐揚雞雞飯定食」，並非日本人最愛的「天婦羅丼」。但是，見到整碗丼飯上面，鋪滿大量唐揚炸雞和炸蝦炸魚柳，給我一點點幻想的空間都可以吧。至於「御丼黃金大蝦配深海魚柳唐揚雞飯定食」，另外可以選擇配的醬汁，日式咖喱汁我已經見識過，而且日式的咖喱汁大多有豬肉混雜在裡面，所以我知道後對日式咖喱汁已經興趣不大，改點了蕃茄汁。不用等候十分鐘，我的「御丼黃金大蝦配深海魚柳唐揚雞飯定食」就準備好上檯了。不過，既是說是「定食」，「吉野家」可不可以考慮先把炸雞炸蝦炸魚柳，和丼飯分開另上呢？「吉野家」的定食另外有味噌湯和汽水，只是差了一兩個前菜頭盤，如果「吉野家」可以像新蒲崗「定食X」的定食一樣，飯和菜分開上，另外有前菜頭盤小食提供，還可以有無限量白飯味噌湯添食的話，「吉野家」這餐飯就可以跟「定食X」相提並論了。整碗「吉野家」唐揚炸雞飯，主要有兩大隻炸蝦、一塊炸魚柳，還有幾塊唐揚炸雞，再在旁邊淋上蕃茄醬，就大功告成了。沒有頭盤前菜，就先急急喝下味噌湯，然後開始試食外型不算小的黃金炸蝦。黃金炸蝦雖然不算細隻，但炸蝦的外層都用上不少粉漿。「吉野家」的黃金大蝦唐揚炸雞飯既然用上兩大隻炸蝦，沒有理由可以這麼快，不到十分鐘，便可以「快馬」準備炸好所有唐揚炸物吧。所以我有點懷疑，炸蝦、炸魚柳和炸雞，會不會是吉野家預先炸好，到有了客人落單之後，才把炸物再翻炸呢？但吃完第一口黃金炸蝦後，我的疑問就暫時被排除撇清了，因為炸蝦還未算炸得太油膩，只是未夠脆未夠熱而已。黃金炸蝦肉質勉強能保持彈牙，仍保留到爽脆口感，作為晚餐的主角，黃金大蝦雖然不是我吃最美味，但是亦已經不差了。至於深海魚柳，我始終分辨不出，深海魚柳跟普通的炸魚柳有什麼明顯分明。應該說，深海魚柳內的魚肉顏色深淺各有不同，應該是魚肉跟脂肪的分明。如果是普通的炸魚柳的話，由雜魚製造成的魚柳，顏色應該比較一致，粉漿亦應該比較多和生硬吧，「吉野家」的可不是這樣。「吉野家」的深海魚柳，肉質都算新鮮，吃不到有腥味，即使「吉野家」用的不是頂級魚柳，但是給五六十塊吃個炸蝦炸魚柳定食，魚柳沒有腥味，已經算是合格了。至於唐揚炸雞，「吉野家」其實只是給了幾塊，不算有很多炸雞塊。不過既然今次丼飯定食的主角，還有炸蝦和炸深海魚柳，那麼唐揚炸雞即使數量不多，也可以既往不咎，試食味道算數好了。唐揚炸雞數量不多，只是嫌唐揚炸雞份量不夠大件。每塊炸雞都只有「炸雞粒」的份量，吃到「到喉唔到肺」，儘管「吉野家」已經炸得很脆，只是感覺炸雞太少，吃得不夠盡興，如果不是有炸蝦和炸魚柳的話，這餐就可能不合格了。…查看更多

吉野家個芝士竹輪一人邊爐，約59蚊，材料都算豐富，有蟹棒，生菜，金針菇，冬菇，芝士竹輪，豆干，豆腐，粟米，牛肉或雞肉，粉絲或烏冬，和包一杯飲品 (溫馨提示：一次過買5個人的份量，飲品可免費加大，茶除外)。可是，湯底沒有什麼味，我和朋友的日本茶在未喝之前，杯面已泛上一層油，應該是杯未洗乾淨。仲有，原來芝士竹輪就只是指果一粒芝士丸，有啲失望。建議整個芝士湯底。服務方面，可能是因為我們一次過點5人的份量，收銀落錯單，食物也分錯了，拿去換時職員多次欲表示錯在我們身上，錯不在他們。=.= 我唔理你認唔認錯，我只是想要返我原本點的食物囉！另外，可能是因為星期日晚上的關係，我們叫了人和等了半天也沒有人幫我們點爐，結果我們點爐 ， 加水和熄火也是親自親為的。總體來說，食物味道正常，普通沒有驚喜，價錢 ok, 服務就麻麻。…查看更多

以前吉野家既學生餐牛肉飯好抵食 $25 就有牛肉飯、一杯野飲同埋一舊啫喱 雖然而家加曬價 好似要三十幾蚊 又冇埋甜品 但有時為左啲牛肉 我都會同朋友返兜～🐮 牛肉好香 又唔會太蘇 每次食都例牌要碗牛汁 冇左牛汁真係食唔落飯 而且佢啲飯係珍珠米 口感好好😁 三十幾蚊一個牛肉飯 絕對係窮苦學生既恩物😂 吉野家既邊爐都係我同一班朋友既回憶 最中意食日式濃湯湯底 個烏冬配埋蔴醬極好味 啲蟹棒就不過不失啦～次次食完都飽到暈低😂…查看更多

同朋友係附近行完街，之後就去到快餐店食lunch.依家d快餐連鎖店可以話係一個商場個度搵到幾間，我地最尾決定食吉野家。因為我個朋友話好想食牛肉飯我叫左一碗野菜牛肉飯(大)，之前記得係34蚊但係依家加左價變為36蚊，感覺唔算好抵。大細同平時食開既差唔多，但係今次既野菜無落茨汁所以好鞋口，牛肉都ok好食，都係平時食個隻味 ,但係牛肉分量一般主要俾差評係因為個牛肉汁，平時果牛肉汁好有味同埋比較杰身，但係今次個牛肉汁真係退步左好多好多 面頭成層油 ，根本都拌唔到飯食 個味仲怪怪地，同平時唔同，平日係鹹鹹地幾香架，所以最尾都冇撈埋食加上價錢有d貴，加左價，所以最尾喊評…查看更多

生意難做，連下午茶都有火鍋食。吉野家推出兩款下午茶火煱，分別是芝心丸及肥牛金菇。28.5元包飲品，好抵。所以坐無虛席，人山人海鍋爐早己安裝在枱下，好骨子。但不是每張枱都有鍋爐，如你買以上两款食品，你一定要揀一張有鍋爐的枱才好坐下。我買了金菇肥牛，一串有三件。仲有溫泉蛋-只。由於第一次吃，不懂開爐，侍應很快便走來幫我。湯不太多，好快便滾了。先放麵，後放牛肉。個麵好正，麵身好厚，麵質好彈牙，好有咬口，湯有少少辣，但味道又不似辛辣麵。肥牛都好大塊，我对吉吉的牛肉好有信心，好好味。吉吉的温泉蛋可算是数數一數二好。凍凍他，又大隻又有蛋味，I like…查看更多

(又係忙到過左兩個半月都未寫完，當係我自己一次record啦，唔知以後仲會唔會有)是咁的, 吉野家近黎都會係唔同分店搞放題火鍋, 一開始係西環果陣實在太多人所以冇去食, 今次既然細佬叫到，個價錢又吸引，就即管試下啦！同平時打邊爐一樣，係一人一鍋入座時先揀湯底，而第一碟牛/雞肉同野飲就係坐底之後即刻上，唔使埋位之後再慢慢落單同等 雖然配料同其他任食邊爐比係少啲，但係款式都叫吸引落單紙上面冇嘅都可以出去自己拎，就算要等落單都有野可以即刻拎黎煮醬汁、額外餐具、加湯同埋水都可以出去自己拎個爐係新款，比起舊款淺左好多，相信係因為要用呢隻電磁爐，不過對於任食黎講食得切就冇所謂埋位等左陣，有爐有餸可以開始食lu美國牛肉、切件雞腿肉、丹麥豬腩片同平時打邊爐差唔多，煮完口感及格打邊爐可以飲麵豉湯都係第一次，就同平時食吉野家飲嘅湯一樣有香辣泡菜都幾特別，個人覺得用黎開下胃都ok鍋物款式比較多，比較特別係油揚同粟米墨魚餅食呢類嘅作用主要係填飽個肚同埋可以食住先至於菜其實都及格，唔係太特別而值得一讚嘅係流心芝士球，芝士味幾濃，咬落去啲芝士即刻漏晒出黎！當然芝士系唔少得芝士竹輪啦，但係相比之下芝士竹輪就冇咁濃味啦係Facebook打卡有神秘配料(扇貝?)，食落口都唔錯嘅，只係上枱果陣雪到一舊舊咁，要直接放入鍋度煮...呢$138抵食在於比較平，同埋有平時打邊爐都冇嘅配料加上吉野家幾重視呢個promo，除左食之外仲會搵MC搞下抽獎，食客都會食得開心呢兩點令到今次放題加晒分…查看更多

見到廣告有芝士雞窩，個海報鬼死咁吸引，雖然貴貴地，但都入左去試下。一入去，一大陣燶味撲面而來，全個entrance都係𤓓味，揮之不散。係咪太耐無入吉野家呢？宜家座位有埋電子爐！追加湯底，醬油配料可以喺自助區自己搞掂。芝士雞窩，其實係已熟雞，上面鋪滿碎芝士&芝士粉。七十幾蚊，係好貴的，得幾舊雞。芝士竹輪窩，湯底無以前咁好味，淡左。牛肉比較厚身，有d會有筋。雜菜，幾時都咁好食。餃子，肉有d鬆散，好淋。響鈴都ok。開爐，芝士雞久久都未滾，個爐壞壞地？叫姐轉個火爐，點知呀姐話"芝士雞唔用得電子爐！" 點解買果時無人講過？張poster都係用電子爐架喎轉左火爐，好快d芝士就溶喇！最期待的芝士雞，點知第一啖，係燶燶地既？！OMG！原來搞完一大輪，個底已經燶左，之後食咩都有陣燶味。如果唔燶，應該係好好既，最後個烏冬都要放落另一個窩，個烏冬係煲幾耐都係唔會淋既。…查看更多

去吉野家，多數係為左食牛肉飯，我當然係其中之一喊左一碗牛肉飯，薄薄的牛肉鋪滿碗面，我特地叫多一碗牛肉汁，以便可以撈飯。挾一塊牛肉入口，醃得入味既牛肉滋味係咀嚼間慢慢滲出來，食一口飽浸牛肉汁的圓潤煙韌白米，哇，正呀食完一碗，狠狠飲一啖冰可樂，唔錯既一餐!…查看更多