吉野家 (寶發大廈)

如果你去快餐店買野食，但要等成1個鐘先有野食出到俾你，你會點諗？我今晚心血來潮想食牛肉飯，正常都諗住好快有就拎，點知喺部自助販賣機買完個飯先知中伏！見到個號碼牌啲number去得好慢，廚房又好似好耐先出到一份野食，出面櫃面嗰3個工作人員有2個都唔係好知做咩咁，又成日3個人一齊望住出單個mon又做唔到野。現在已經聽到有人話：「我等左成個鐘都未到我嘅！？」我聽到先覺得大鑊啦！跟住有個收銀員話今日太多單，做唔切，即刻俾人鬧：「做唔切就唔好接咁多單啦！」其實嗰個人鬧得好啱，因為要等1個鐘先有野食實在太過分！雖然我同好多人一樣，都只係默默咁喺度等，但內心真係鬧爆呢間分店！點可能有一間食店要客人等成個鐘先有一份好普通嘅飯餐/火鍋？結果，我同大家一樣，都係等左1個鐘先有飯攞！我真心覺得呢間吉野家要好好檢討佢嘅營運模式lor!…查看更多

已經好幾年冇食過香港既吉野家，見而家登記做APP會員，有D抵既coupon，所以就做咗會員買嚟試吓。最抵係$27汁燒豚肉丼（並盛）+炭燒雞串（2件）+ 16oz汽水。食完係好失望嘅，吉野家應該只係得牛肉飯好食。豚肉丼極多汁，最大敗筆係D汁好甜好膩，食幾啖都已經唔想食。肉同飯嘅份量都算多，食得好飽。炭燒雞串都係比較甜 ，味道普普通通。因為唔想飲汽水，所以轉咗飲麵豉湯。個麵豉湯真係啖到呢⋯⋯⋯以為自己飲緊水。雖然$27都唔要求得太多，但真係唔會想再食呢個餐。…查看更多

嗌咗一個外賣牛肉火鍋餐 本身都幾期待下因為有好多年都冇食過吉野家 結果食嗰陣先發現牛肉臭 粟米酸嘅 凍檸茶入面有隻烏蠅 真係唔知講啲咩好真係對吉野家好失望 差唔多成$60 1個餐食物質素差到咁樣…查看更多

5月4日有網友話冷氣壞咗成個星期今日是5月28日算起來冷氣已經壞咗成個月今日氣溫32度食嘢食到滴哂汗可能要考慮其他店等到秋涼後才回來看看可能因為要搬遷或者無利可圖索性唔做…查看更多

一星期嚟兩次都壞冷氣，點搞呀！點咗和風牛肉溫泉玉子丼，跟麵豉湯。食物一如以往唔貴又食得落，35蚊一個食得飽嘅飯仲想點？但係咁熱嘅天氣無冷叫人點食？買走要等都流到成身汗。…查看更多

今日我在元朗的吉野家食下午茶☑️點了牛肉烏冬和金菇牛肉串、一杯百事可樂。🫶🏻牛肉烏冬的味道非常出色，麵條非常韌性，牛肉的質地鮮嫩多汁，搭配上烏冬味道更加濃郁。金菇牛肉串也很美味，肉質鮮嫩，金菇的香味與牛肉的味道完美融合。搭配上可樂，更加消暑。賣相方面，吉野家的擺盤非常整齊，牛肉串的外觀很吸引人，牛肉烏冬的顏色亮麗，呈現出十分誘人的樣子。整體來講🦀牛肉烏冬和金菇牛肉串都非常美味，我強烈推薦給大家。…查看更多

＄68包飲品，唔相講野，自己比較。＃食評又要最少80字。＃唔識整唔好學人賣。＃見到實物眼都突埋。＃唔知講咩好。＃我肚餓，我食哂，你好野。＃商品說明條例。＃夠80字未？…查看更多

我本人一年4季都鐘意打邊爐 而且只係鐘意打一人邊爐😂😂😂緊係吉野家既邊爐最好食👍🏻👍🏻👍🏻今日再encore 相撲鍋 （價值$71）有雞排同肥牛 裡面有蟹棒 金菇 嗚門卷 一粒丸等等.............貪佢多肉食又夠大份 👍🏻👍🏻👍🏻飲品就飲百事 同埋要左韓式粉絲😁😁😁湯底係日式濃湯 甜甜地既 會愈煮愈濃郁71蚊有咁多野食 又可以打邊爐 應該只有吉野家不過呢間分店的冷氣有點弱 食到滿頭大汗呀😅😅😅 …查看更多

今時今日，20雞可以有個細牛飯、有杯嘢飲、仲有件甜品，咁嘅價錢真係超超超超值👍🏼牛飯係平時細牛飯嘅mini版，一隻黑飯碗size, 大人幾啖就食曬。牛肉汁較少，要另外取。件綠茶卷幾香綠茶味，蛋糕好軟熟及唔甜，又獨立包裝，如飽得滯，重可以拎走，正👍🏼最開心嘅係，呢個下午茶餐星期一至日都有做，晚飯前唔想食得咁heavy嘅, 呢個真係幾好嘅選擇。…查看更多

其實一直也覺得吉野家的牛肉飯挺好吃。雖然不是用特別貴價的靚牛肉，但牛肉經過特別的醬汁烹調，甜甜鹹鹹的，特別好送飯至少牛肉也不會煮得很鞋口。一定要額外叫一碗牛汁但現在吉野家越來越貴了，唯有早餐和下午茶時段才抵食，20多元就有交易下午茶野菜牛肉飯是23元，配日本茶，轉汽水或奶茶加$2。下午茶牛肉飯25元，配日本茶。洋蔥也煮得入味及軟身下午茶2x元來說牛肉也不算少。其實一直覺得吉野家的奶茶不錯，有少許港式奶茶的感覺，茶味突出，有驚喜。…查看更多

今日突然變凍左好多。雖然今晚得自己一個人,但都想去吉野家打邊爐。我叫左一個芝士竹輪鍋,另加一份娃娃菜, 一份金菇, 同一個茶碗蒸。合共$79.5。如果成日食嘅朋友不防裝佢地個app做會員,儲分可以換食物。芝士竹輪鍋好老實講, 我食左好多年,我覺得d料係愈來愈少的。好多間快餐店都係咁,呢度都算係咁, 係少左, 但未至於好誠張。娃娃菜因為我覺得鍋內娃娃菜份量比較少,而我又喜歡食,所以叫多份。$6.5, 有一大碗,都算抵食。肥牛餐可以揀肥牛/雞肉。今日因為得我1個人食, 我就冇加多份了。叫係食跟餐嗰份肥牛。吉野家肥牛唔係咩靚野, 但勝在都幾好食, 唔差。BUT!!!!今晚唔知做乜鬼, 我份肥牛竟然得4塊...平時會多D的..真係有D少囉今晚..金菇對了, 我加左份金菇,原因都係因為鍋內金菇份量少..得一條仔, 又因為我喜歡食, 所以我加左一份。$5, 都OK。跟餐仲有個烏冬,係讚歧烏冬, 獨立包裝。濃湯然後我想講下個湯,呢個濃湯, 大概10年前, 真係好濃好深色好甜的。然後時間一直過, 佢就一直變淡..今晚呢個.. 比平時仲要更淡..淡到我最初懷疑佢係咪畀錯清湯我...真係好淡..後來我仲要加多份菜落去..真係淡而冇味...然後講下舊粟米,細細的一舊, 點解我都要講佢?因為其實我周不時都來呢間分店食,而幾乎有50%機率, 火鍋入面舊粟米係變左味, 變壞左的。我冇專登去換(畢竟只係咁細舊?)但既然打開食評, 就講下,有望吉野家人員睇到, 可以留意下粟米的儲存方法。茶碗蒸最後我仲叫左個茶碗蒸,一向我都幾喜歡食,因為真係好滑。但今日呢個有少少失手,佢都一樣滑,但唔知點解好多水, 仲要有其中一兩啖唔知點解食到少少生雞蛋嘅腥味..總括,其實我真係周不時都食佢,一向都OK,,但今晚唔知點解真係失左水準。不過我之後都會食佢嘅,希望之後唔會再係咁啦。…查看更多

吉野家有家的感覺，是我的飯堂！今天突然想去食吉野家，發現了有3點3時間的特惠下午茶是$20！小食可以選擇雞串或者司華力腸。但如果要選揀司華力腸，就要早啲去！牛肉飯十分迷你，足夠一個女仔的份量！正，又底食！會再回頭！…查看更多

叫了極尚的天婦羅丼，職員話要等下，因為即炸，我當然話ok啦，即炸最好可惜出到黎一食就知係翻炸，d粉漿唔止厚，仲硬，完全睇唔出蝦的形狀做食物嘅，你自己食得落肚先好整比人食㗎？！簡直係食垃圾而呢間吉野家好多人黎打邊爐，d枱、地下油淋淋咁，感覺好唔乾淨只係食個飯手肘掂到下張枱借力，手肘已經痴立立...D沙發又爆開爛晒咁...雖則邊爐係主打，其他食物都唔可以差到咁架....成間鋪嘅感覺好差，好似d大排檔咁，快d大裝修影響吉野家形象…查看更多

樓梯超漫長，走一條長長嘅樓梯先可以到餐廳帶住小朋友就有啲唔方便，BB車都要放樓下餐廳面積都比較大，枱都比較多，有好多公公婆婆都會喺度消磨時間，所以噪音比較嘈吵不過收銀同埋取餐處就同一地方比較擠迫，但係服務員好有禮貌等餐時間唔算長效率好快服務員有提出幫忙送餐唔知係咪空調唔足夠關係，有加設冷風機其實見到漫長嘅樓梯已經唔想行😂😂😂小朋友堅持要食牛肉飯如果唔想食咁多，可以選擇同小朋友食個細牛肉飯都係$33蚊轉飲凍檸茶加$2蚊$35蚊細牛肉飯牛肉飯的牛肉汁已經可以比小朋友撈飯食，牛肉半肥瘦、洋蔥吸晒牛肉汁味適合小朋友食用…查看更多

夏日炎炎🌞求其揾間餐廳食飯，黎到吉野家我都係食細牛肉飯$40.5，加温泉蛋$5。大温泉蛋牛肉飯都係$47，碗大隻啲，不過我覺得其實差唔多。加包酸薑，酸酸甜甜，又夠辣，同埋凍，開胃。🥓牛肉好淋唔算肥，牛肉汁清得黎不失美味。洋蔥煮得好淋，不過就冇乜洋蔥味。🍚飯係粒粒珍珠米，撈埋牛肉汁好開胃，份量適中。👍🏻🥚温泉蛋大隻滑溜，送飯同牛肉都一流，令牛肉更滑身😋😋機檸檬茶，好甜🤧🤧環境唔知係咪冷氣壞左，好局好熱，開左大風扇吹下好少少。比起下午茶餐貴差唔多一倍，唔抵食😵…查看更多