吉豚屋吉列豬扒專門店

第一次幫襯這間餐廳，下午三時三十分入座，坐咗十幾分鐘先有人招待，當時我枱上沒有下午茶餐餐牌，令我叫了午餐餐牌的滑蛋豬扒丼。一陣之後發現隔離枱有下午茶餐可以叫，不單只比午餐多幾樣野食，又有野飲，問店員可不可轉下午茶，因為我枱沒有下午茶餐餐牌，她說時間不啱，我話我下單時間係下午三時三十分，也給單據她看，她立刻放張下午茶餐餐牌在我張枱，之後她仍說不可以轉下午茶，只能送返杯$11飲品，食依餐背脊骨落＇好唔開心！！…查看更多

坊間的日式吉列豚屋越開越多之際，某日小人路經一連鎖餐廳，居然見到有三餸飯的出現，好奇心驅使之下一探究竟。這個名為和氣三餸飯的餸包括有吉列豬、牛肉以及雞肉。吉列豬乃店方的招牌菜，理應屬於水準之作，可是沒有預期中的效果，吉列皮過硬，而豬扒太乾，欠缺油潤及肉汁。牛肉不靭，可惜同樣很乾，沒多少汁，撈飯也不夠。至於雞肉則極度細碎，幸好肉質還算幼嫩，是三餸之中較佳的一餸。食完好飽，所以唯一好處只能夠說句份量夠多，可以填肚。和氣三餸飯，勞氣便不能食了。…查看更多

行完街經過旺角食宵夜，見呢間未收，就入去試下，呢度人手落單，唔係QR CODE，叫左個滑蛋吉列豬扒飯，份量係夠男人飽肚嘅，但係食物真係好普通，最好笑加一服務費，但水都唔會比杯你。都唔知服務左去邊，可能係人手落單所以要收加一啦。兩個後生侍應講野夠晒大聲，全場都聽到。你地收幾點有無客最尾先入黎無人想知羅。野食唔係特別好食，坐又唔係舒服，仲要加一服務費，真係第一次食亦都係最後一次，唔會再幫襯。食嘢唔習慣影相，所以無圖！…查看更多

一星期會嚟食一兩次下午 但唔同店員 講嘅下午茶開始時段都唔同，有女店員話兩點半，有男店員話三點，大佬啊！好亂呀！今日搞到我白等15分鐘，真心浪費我的時間！我得一個鐘時間食飯，咁搞法 前前後後冇咗半個鐘，係咪唔想做生意？…查看更多

🤍被天婦羅耽誤的世一烏冬店🤍呢間係我最鍾意食嘅烏冬 唔食一排就會掛住🥰🥹本身間舖係食天婦羅 不過有日發現佢嘅烏冬先係必食🫢<炸蝦雞扒天婦羅定食 🍤> 💲75個天婦羅真係好正呀！炸到外脆內軟，一口咬落去雞扒同蝦都好多汁。仲有份量好大 飽肚又滿足🤤<讚歧烏冬 🍜 > 💲6一定要加錢轉烏冬‼️呢碗烏冬真係好正呀 湯底嘅味道甜甜地，加埋彈牙烏冬麵條，食落令人非常滿足🥰<壽喜燒牛肉烏冬 🐂> 💲52呢碗壽喜燒牛肉烏冬真係好正㗎！湯底濃郁香滑，牛肉又鮮嫩多汁。最重要係性價比高，真係好抵食❤️大家仲可以加$18有埋碗大湯+飲品+兩舊炸雞‼️‼️…查看更多

成個飯有陣好濃烈既味道，就係直升機味。咩係直升機味！？ 即係伏伏伏伏伏伏！伏到離晒大譜, 黎到一打開見到個樣都唔開胃, 飯軟晒, 牛肉變晒色唔知擺左幾耐, 仲要份量勁少, 仲差過吉野家。食落D肉又硬身冇晒味, 醬汁有陣怪味, 絕對唔會推薦任何人黎幫趁。落單前請三思！好吃的還有很多！…查看更多

Lunch首選價錢經濟實惠之餘味道有驚喜，定食仲有好多唔同選擇👍🏻👍🏻🍱［吉列豬扒定食］$75金黃色嘅吉列豬扒炸得外脆肉嫩，炸漿適中唔會太厚粉，配埋特製吉列豬扒醬簡直係絕配。吉列豬扒定食除左配飯、野菜豚肉湯仲配埋沙律菜，椰菜新鮮爽脆可以中和豬扒嘅油膩感😋 必食之選！🍱［吉列雞扒牛肉壽喜燒鍋定食轉烏冬］ $81唔想食飯可以加$6轉讚岐烏冬，甜中帶鹹嘅壽喜燒牛肉配埋酥脆嘅人氣吉列雞扒，一次過品嚐2種料理雙重享受👍🏻吉列雞扒炸得岩岩好，肉汁豐富juicy，加埋滑蛋肉質口感更加滑嫩環境⭐️⭐️⭐️ 性價比⭐️⭐️⭐️⭐️推薦度⭐️⭐️⭐️人均消費:$85.8整體分數:89.13分…查看更多

今日喺旺角通菜街發現咗一間餐廳，叫做「吉列豬扒專門店」。呢間餐廳嘅環境唔算一般，不過佢嘅豬扒真係好酥脆好好味，令人回味無窮。我今日食咗炸蝦豬扒泡菜鍋定食，只係$87，真係物超所值。炸蝦好新鮮，豬扒好juicy，泡菜鍋仲有啲辣辣嘅味道，好開胃。食完之後，我覺得好滿足，成家人飽晒暖笠笠。如果你鍾意豬扒，真係要嚟試下呢間餐廳嘅豬扒，物超所值！吉豚屋吉列豬扒專門店 (旺角)旺角通菜街142-146號啟運大廈地下A號舖…查看更多

難得同好耐無見既朋友去睇電影優先場，結束後，都9點幾10點，好多餐廳都開始收舖，見到呢間開到比較夜，所以就黎食個晚餐加傾計。呢間出名係吉列豬扒，其他地區都有分店,之前都有食過，印象中沙律菜任添，今次叫左壽喜燒牛肉配吉列豬柳，上菜好快，整體味道不錯，但係牛肉感覺比較鞋，吉列豬柳正常發揮，唯一希望飯可以轉沙律菜，對於晚上減米飯或者唔食米飯既朋友比較多選擇。如果比較夜，想揾個地方食晚餐好坐少少，可以同朋友聚下，呢個都係一個好選擇。…查看更多

吉豚屋係一間日本著名連鎖式吉列豬扒專門店，2012年由日本黎香港開分店亦都係我中學時期經常幫襯嘅一間鋪頭。  餐廳行簡樸路線帶少少日本風。而價錢都十分貼地，一份定食都係$70至$90不等，以呢個價錢係香港地可以食到一份日式定食已經算係十分實惠。今日中午黎到旺角通菜街分店，人流唔算好多，一入去就已經有位可以坐低。望完餐牌，即刻叫左一份定食慢慢品嚐。  吉列豬扒定食 ($75) 一份定食除左主菜之外，仲會隨餐有埋新鮮椰菜絲，豚肉野菜湯同白飯。食物一黎到,我以經俾大大嘅吉列豬扒吸引住，豬扒炸到金黃色食落香脆，唔會太乾。隔離嘅椰菜絲加上胡麻醬，爽甜之中帶一份芝麻香，特別好食。 豚肉野菜湯，有好多蘿蔔片同豚肉片，好觧甜。最後白飯用上日本米，為成餐飯畫上完美嘅句號。  食完呢餐飯，令我中學時期嘅回億全部返晒黎。…查看更多

今日突然見到呢間超抵食嘅吉列豬扒店，平均60~80蚊一個定食，真係好抵重點質素唔錯，一啲都唔差我呢個泡菜鍋烏冬，連兩隻炸蝦及吉列豬柳都係$75, 你話 而家去邊食近排開始轉涼，呢個時候食個暖粒粒嘅泡菜鍋烏冬真係無得頂不過，佢啲飲品好甜（真係甜～）螞蟻人好啱，要慎選🙊7點鐘要排一陣陣，我就排咗10分鐘佢限時，6點過後得50分鐘食，當佢快餐咁食囉🤣🤣🤣可以mark 低，係飯堂嘅好地點👍🏻👍🏻👍🏻…查看更多

📍#荃灣 #吉豚屋吉列豬扒專門店#羊羊在荃灣#羊羊在新界中學食到宜家出嚟做嘢幾年，見到有優惠就去試下啦，懷緬中學回憶🥹🐷吉列炸蝦豬柳定食 (原價$79)款款都有豬扒，呢款就豐富啲，有埋炸蝦🍤跟餐仲有白飯，湯同前菜😄呢間吉列豬果然係招牌，超酥脆嘅外皮🤩之前食過豬扒少少瘦同柴，但係豬柳非常juicy💦炸蝦有啲厚粉，基本上唔係太食到蝦，但係喜歡炸粉嘅就會鍾意❤️🦐吉列豬柳鮮蝦味噌烏冬鍋定食 (原價$82)吉列豬柳唔多提，仲係咁好味🤤烏冬都係推薦之選，湯頭好香濃，烏冬吸哂啲汁😍面頭個撻醬真係畫龍點睛，有啲辣同蝦味😋烏冬包咗三隻笑蝦蝦，應該真係新鮮，易甩殼同食落唔霉，不過冇清蝦腸囉🙄人均價錢 － $55+10% 評分－回頭草指數（🍀🍀🍀🍀🍀滿分）食物：🍀🍀🍀🍀🍀環境：🍀🍀🍀🍀服務：🍀🍀🍀🍀#hkfoodie #吃喝玩樂 #原相直出 #荃灣美食 #寶琳美食 #油麻地美食 #九龍美食 #新界美食 #吉豚屋 #丼飯 #日本菜 #日本料理 #美食推介 #朋友聚餐 #家庭聚餐 #高質午餐推介 #中菜 #香港美食指南 #香港美食 #香港 #香港好去處 #美食日記…查看更多

今日做野晏左收工經過呢間吉列豬扒專門店就去試吓，我見到外面門口啲相好似好靚俾啲吉列豬扒吸引咗入嚟，跟住見到餐牌都好多選擇，跟住就嗌咗滑蛋吉列豬扒丼😂😂滑蛋吉列豬扒丼：賣相都唔錯，每一件豬扒都炸得好平均，豬扒肉質唔韌幾好咬口👍🏻而且佢用日本蛋撈飯一流👍🏻同埋佢有幾個份量嘅選擇俾你，如果覺得份量少仲可以加飯，所以都幾啱大食嘅人😂所以都幾值得再試其他😃下次都會再過嚟試吓😃📍地址：旺角通菜街142-146號啟運大廈地下A號舖…查看更多

今日同男朋友係旺角諗唔到食咩，行過見到呢間吉豬店，之前都係其他地方食過，記得都ok既就入去食啦。好過食茶記咁悶😌我叫左個經典既吉列豬扒定食，比想像中大份黎到先記得有椰菜可以落芝麻醬食，都幾好可以換下口味唔洗咁齋。吉列豬扒就so far so good啦，而呢個價錢黎講我覺得交左功課，係岩岩炸起，脆口👍🏻值得讚下個味僧湯，好足料👍🏻又唔係死咸，飲左都唔口渴，係我鍾意飲既味僧湯男朋友就叫左吉列三重奏，有吉列豬柳、吉列蝦同唐揚炸雞🍗我稱之為貪心小狗套餐😂咩都有啲不過佢碟野就唔係岩岩炸起，只係少少熱。炸雞相對黎講都幾好食，我鍾意個皮硬硬地有少少咸香口，幾惹味😆求其食黎講呢間都幾ok，下次無特別諗到想食咩，都可以再食下。…查看更多

週末太子街上都非常人多間間都咁多人特別揀咗一間門口，相對上少啲人排隊嘅😂😂😂😂主打吉列菜式，鍋物吉列豬柳泡菜烏冬鍋定食吉列豬柳外皮好脆不過不失正常嘢白湯泡菜牛肉壽喜燒鍋都係不過不失，有個鍋有火煲住啲餸菜同烏冬都係熱辣辣咁食感覺不錯環境座位10分狹窄接近人貼人以呢個價錢食到呢個質素，確係不錯覺得佢嘅飲品都幾特別有養生系列，同時覺得有d搞笑Kylian Mbappé食吉列炸嘢配養生茶個味道有啲不搭😇😂😂上網睇返呢間嘢，原來有好多分店…查看更多