吉之家

同事唔想再係東大街搵食, 話來天悅食拉麵, 此店都唔係單一做日式食物, 好似d聯合國又有中又有日咁大包圍.我叫左個辛辣豬頸肉拉麵, 個湯底帶少少辣味, 不過對於我好辣既人來講, 這種辣度過於輕微.豬頸肉醃得入味估唔到都幾好味, 反而個拉麵唔係我口味, 煮得偏淋, 好似無咩嚼頭…查看更多

總結:街坊小店, 服務唔錯, 味道唔錯, 抵食之選, 略嫌環境太迫但有機會會再去食其他野食 ================ 故事開始 ===============話說咁岩係西灣河放工成日聽朋友講話筲箕灣有好多好野食咁就二話不說上用APPS搵下有乜平野好食最後就用左5分鐘行去天悅廣場度食吉之家首先講講個環境先其實去到果度真係好似D食堂咁既形式其實都坐得幾迫, 同埋就算成8點半去食都唔少人雖然拎黎聚會溝女就唔岩但平平地依下肚都唔錯感覺上都幾街坊所以環境俾2分服務方面, 其實就冇乜服務可言因為都係自己行埋去點菜, 等叫號碼, 自己拎野食埋位不過都幾開心既係, 同佢地D服務員叫飯買票果陣佢地都幾好傾 唔多客既時候都會同你講兩句 或者開下玩笑我自己就幾BUY呢種人情味 唔好意思, 好似講左好多題外話最後就輪到講食物質素方面我就點左個 鹽燒鯖魚定食 (~$42) + 汽水($6)其實都有少少意外平時食日本料理都係得1塊手掌心咁大既鯖魚但係呢度收我40幾蚊, 竟然有2塊鯖魚 個鯖魚煮到岩岩好熟, 絕對唔會有乾身既感覺開頭唔知死, 成個鯖魚拎去浸鼓油, 點知真係好咸...其實絕對唔點鼓油都夠晒味道 多謝收看 …查看更多

呢間野越來越垃圾，我次次都淨係食鰻魚飯定食，以前三十幾蚊有兩大塊鰻魚同埋係用珍珠米，而家四十幾蚊得一塊仔鰻魚仲要係普通米！離唒譜。加價加咁多都俾好D人食丫。一加就加十幾蚊，仲要食垃圾。之前見佢抵食先食，今日後以後都唔食。…查看更多

同 媽 咪 出 街 買 野 . . 媽 咪 想 食 拉 麵 就 過 左 黎 天 悅 喇 由 學 生 時 代 到 依 家 咁 多 年 我 都 只 係 會 食 咖 哩 豬 扒 飯 . .但 最 近 幾 次 食 . . d 咖 哩 1 時 辣 得 濟 1 時 酸 . . 水 準 好 唔 穩 定 . .所 以 今 次 就 同 媽 咪 1 齊 揀 左 食 拉 麵 . . 哈 哈 媽 咪 叫 左 辛 辣 豬 頸 肉 拉 麵 ( 中 辣 ) , , 我 叫 左 麻 辣 雞 湯 拉 麵媽 咪 話 中 辣 唔 覺 得 辣 . . 可 能 因 為 佢 食 慣 辣 喇 ~ ~我 果 個 麻 辣 雞 . . 雖 然 係 冷 盤 ! 但 d 雞 好 有 雞 味 ~而 且 d 肉 唔 覺 得 老 之 餘 仲 幾 滑 不 過 我 覺 得 唔 夠 麻 辣 !食 食 下 聽 到 佢 地 好 似 話 d 野 食 既 價 全 部 + $2 ~希 望 我 聽 錯 喇 . . 如 果 唔 係 到 時 個 下 午 茶 變 左 $28 咁 貴 我 都 唔 知 食 唔 食 好 哩 個 麵 冇 粟 米 嫁 ~ 係 媽 咪 俾 我 嫁 咋 …查看更多

從前中學的時候曾結伴與同學仔一起享用該店的午餐……想不到這次內進，價錢竟然沒有大變，而且家庭味道依舊呢！分別叫了一客滑蛋雞扒飯定食和一客燒牛肉飯定食，各自都備有腌辣大豆芽菜(本身好辣，送飯剛好，幾惹味，註: 不好辣者會覺有點太辣)，還各自有一碗淡味豆腐海帶味噌湯，最喜歡飯是熱熱的(某些連鎖食店即使冬天，飯也是半暖不熱)，滑蛋雞扒賣相不太討好(有點水水的，出水了？)，雞扒味道感覺甜中帶脆，可口不錯，唯獨那個滑蛋雖滑但蛋白蛋黃混雜有點不討好; 男友的燒牛肉試了味道，沾上醬汁和燒牛肉的香氣，味道很不錯，不配飯單獨吃也不會太膩口，而且中間剛好帶粉紅色，不會太老，唯一要說的是筋的部分需要有牙力嘴嚼，以此價錢很好。分量方面，普通成人會稍微覺得不夠，所以事後到另一食店購買好吃的小吃，請看另一食評，謝謝。…查看更多

有個朋友以前住筲箕灣一直同我講話筲箕灣有間野好好食今日有機會同佢去食下去到只係一d普通街坊商場，一間學校式餐廳，唔覺有咩特別同朋友分享左舊雞舊雞好滑，而且唔會煎得老佢有個冷盤豆芽我個人唔係咁鍾意呢種食飯，但ok的我碟拉麵我同我fd講笑話會唔會係「麻辣，雞湯，拉麵」得麻辣同拉麵無雞，哈哈最後當然係有雞啦haha先講一講碟雞真係好好味，好滑個口感同我自己屋企整o既一樣所以我可以斷定佢唔係烚，係囉去蒸加上佢唔係係雪櫃囉出黎，d肉質唔會實，同埋聽講佢地d雞(炸個d)一日唔會整太多，賣哂先再整而且好入味，唔肥，如果可以去埋骨就最好啦...佢下面墊左d青瓜...可能浸耐左有少少「林」，但都唔錯咬d麵一上黎就聞到好香麻油味加上唔會煮過龍太「林」/ 太硬arm arm好加上湯底都幾清(應該有落味精，但好少，唔會咸)同埋唔貴先36蚊(好似...唔記得左sor...)加罐可樂先6蚊係貴左少少，但覺得物有所值如果你話得閒無事無野做特登黎食個飯都唔錯(本人住九龍所以一般唔會過海...)…查看更多

話說我係小學果陣,我媽媽就會帶我落黎呢度食飯,食完飯就去學野,好記得當時我淨係食蟹柳湯拉麵,最近突然興起,想黎番呢度食拉麵。入到去,見到d野食都係冇加價,我以前食開既蟹柳湯拉麵依然都係$26,其他拉麵都冇加價,冇諗過,一間小小既日本快餐店,係呢十幾年入面都完全冇加過價,不過可惜既係,下午茶由本身既$20加到去$26。今次去食.我試左個炸雞扒湯拉麵,本身都好期待果塊雞扒,但點知d雞扒炸到好乾,食落去果陣好難咬開....感覺好似麻麻地,如果再比我揀多次,我會選擇食番蟹柳湯拉麵。環境都ok既,不過坐位總係覺得有d奇怪,例如2個人去食,如果坐由入面,行出行入都要麻煩到坐出面果個人。…查看更多

比起小學個陣食，水準差認真差左吾少咁岩系樓上番工，又醒起好耐無食過呢間野，就去買左個日式牛肉飯。呢間鋪有得叫外賣，不過要自取，所以唯有自己落去買喇等左差吾多５分鍾，之後就番上去鋪頭食喇。個賣相都吾錯，牛肉汁好味，而且牛肉都幾多。飯系用日本既珍珠米，讚！一星期之後，我如是再落去買外賣，諗住轉下口味，叫左個炸豬扒拉麵。可惜個拉麵令到我訝異。。。個湯底落左好重味精，鹹到好似飲豉油咁。至於啲麵，我估應該系煮得太耐，好淋，唯獨讚既就系個豬扒，另有有盒裝住。整體黎講，我對呢間日本野既鋪頭評價都系不過不失喇。但勸告大家一句，食拉麵吾好抱太大既希望。。。…查看更多

經常都會嚟食晚飯, 因為好抵食, 而家加咗價都係$32, 一碟夠晒飽, 吉列豬扒+咖喱汁真是絶配, 好好味!!! 今天更是中午去食, 午餐更抵$26, 一樣咁大碟, 咖喱汁撈飯, 正呀!!!我亦都試過呢間的拉麵, 唔好食, 真係食一次就夠啦!!滑旦豬扒飯: 啲豬扒一樣, 滑旦都好食, 但不及配咖喱汁咁好味, 香口!!!西冷牛扒飯: 牛扒有啲實, 汁唔夠多, 份量少(相比豬扒) 佢哋冇飲品送, 但有茶同綠茶供應!!!…查看更多

星期日上午要去筲箕灣看大夫，老公提議我不如先上「開飯網站」看看有甚麼人氣食店，完醫生可以前往一試，真估不到連老公也給我這個為食貓感染了，連吃一頓簡單的午飯也不放過嘗新的機會。本打算和老公去東大街走一趟，事關那裡短短的一條街有逾 50 間食肆，甚麼中式小炒、魚蛋粉、印尼菜、泰國菜、甜品、點心小吃等應有盡有，肯定不會讓人失望，不過心想這天是假日，暮名而來的食客定必不少，到訪大計看來還是留待下次吧。撇除了東大街的食店，在筲箕灣區最多笑面的食肆頭三位是「越華會」、「吉之家」、「金記冰室」，見這間在天悅廣場的日式快餐店，食評不俗，決定到來一試。由於來到時尚未到正午時份，店內人客不多，店員還不停地忙著準備當天的食材。這裡採用一般快餐店的形式，就是先購票付款，再等叫號碼自取食物。先看看餐單，店舖以售賣拉麵和定食為主，一向對豬頸肉情有獨鍾的老公先點了份燒豬頸肉定食 ($40)，內裡包括大豆芽菜一小碟、麵豉湯和白飯各一碗、與及燒豬頸肉一份。作為前菜的辣大豆芽菜，有點像韓國料理的小碟醃漬菜，味道頗辣，入口還帶有微弱的豆腥味，幸好豆粒咬落都幾爽口。至於麵豉湯，味道雖然有點偏鹹，但因內裡放入了大量的豆腐粒和海帶，口感也算豐富，誠意可嘉。不過作為主食的燒豬頸肉就真的令人十分失望，從外貌看來，豬頸肉燒得色澤金黃，初頭還以為會很惹味，誰知這些豬頸肉入口與慣常吃到那些帶爽口、甘香豐腴的質感絕不相同，咬落乾瘦如柴，毫無肉汁可言，味道更乏善可陳，縱然廚子已墊了爽口的椰菜在碟底，亦發揮不了任何起死回生功效，好彩老公肯捱義氣幫手清碟。進店剛坐下時見店員正處理一盆盆的雞肉，詢問服務員這些是甚麼，獲回覆是新推出的小食麻辣口水雞 ($32)，連餐牌都未列出這款小吃啊，既然是新出品，咁就點嚟試試看。其實口水雞的做法看似簡單，只是將白切雞斬件、拌醬即成，但實則易學難精，好吃與否，在乎雞件是否新鮮，另醬汁要調校得宜，能否令人流口水，就全靠它了。至於這日式食肆做的經典川菜口水雞，看來倒是有板有眼，雞肉的肉質吃來雖然稱不上軟滑甘腴，但食落質感都算幾嫩，而且亦沒有過肥，入口還帶有一點點雞味，不過唯一美中不足的是味道辣多麻少，用來佐酒還是不錯的。回家後看看其他食評，原來這裡出名的定食是燒牛肉和咖哩吉列豬扒，未知是我們今天運氣不濟，或是錯點了其他食物，又或是食材出了點問題，只可說整體食物質素，水準實屬一般。…查看更多

今天要去拿回鄉證,所以就近在樓下吃了個午飯進去的時候都2:30了,不是繁忙時間,不用等位叫了一個咖喱雞扒飯,$26$26這個價格以下午茶來算,在這區有點貴,還要不包飲品咖喱汁和一般日式咖喱差不多,沒什麼特別好食或不好食飯,水太多了,而且感覺煮了很久(就像在家自己煮,不小心落多了水,飯煮好了1小時後才拿出來吃),和著咖喱汁,結果糊著一堆..不太好吃雞扒,不是新鮮炸的(點了餐不到3分鐘就能拿,怎也不可能即炸), 食落已經涼了,炸粉很多,肉也有點老,不是滑的(吃下去的口感就像食緊豬扒的肉質,大家可以想像),很油個人意見是,$26食個這樣的下午茶,還不包飲品,有點貴還不太好吃,物非所值,我以後也不會再去這間店吃的了…查看更多

呢間日式快餐店係我中學生時代既摯愛，一來價錢平，二來夠快手，而且味道仲唔差，所以通常午市時段黎到好多時都要等位～今日趁返學之前１１點幾就黎左，緬懷一下中學時代既歲月～不過無黎一排，發覺好多野食都加左價‧‧‧早幾年仲係＄２０既特價飯同下午茶，而家已經要＄２６，可想而知呢幾年既通漲係幾咁犀利～平時食開既燒牛肉拉麵都由＄３５加到＄３８，不過質素好似仲下降左少少添，拉麵淥得淋左ｄ，咬落無乜口感‧‧‧燒牛肉既肉質有ｄ韌同埋「鞋」，燒得乾身之餘無乜肉汁‧‧‧原本想比ｏｋ既，不過見幫襯左咁多年，最後都比返個笑臉，希望加價之餘可以保持返以前既水準啦～…查看更多

依定食嚟講，我較為喜歡選擇滑蛋雞扒定食，因為要做到每件雞扒上都有滑蛋而唔令雞扒失去脆口的感覺並非易事！今次的滑蛋雞扒未算好成功(可能因為正值午餐高峰時段)，滑蛋未算做到半生熟，有D已經過熟，而滑蛋亦未能黏在雞扒上，幸好雞扒係脆身嫩口，但唔知咩原因個飯較為濕(唔知係唔係蛋汁造成呢?!午餐高峰時段仍能保持高效率出餐速度，保持食物水平(雖未係最佳)，服務態度尚好，值得讚好！…查看更多

這家店已經由我小時候開始吃的一家日式快餐店...因為這家店的下午茶是十分低食.....由最開始的時候$20到今天看到的$26....這個加價,我是理解的....但是....已經不再有物美價廉了...我最喜愛是吃炸餃子拉麵....這幾年間每一次加價,就換一次食材...是越換越差....上一次加價...就換了餃子...變得細小,而且比較實....到這一次加價真的很失望了,因為連拉麵都換了...變得軟軟淋淋的,而且沒有口感.如果已$26作為一個下午茶.要等到2:30才有得食,相對上就不太低食了~…查看更多

24 Jan 7:00p.m.Piggy Couples 筲箕灣拉麵時間前言：Piggy Girl 細個嗰時好鐘意泥呢間野食烏冬，今日行過，就拉埋Piggy Boy 入去食個晚飯。點選餐單 & 食物評價：咖哩雞扒飯定食 (餐牌價HKD30) - 包括前菜(芽菜)、麵豉湯咖哩味道似係一包包開嗰啲咖哩，叫做Standard啦！吉列豬扒拉麵 (餐牌價HKD35)拉麵略嫌煮得過淋，有啲糊糊地...個豬扒個炸漿怪怪地，麻麻。環境質素：服務質素：賬單價錢：HKD65 (每人平均消費HKD32.50)輪候時間：0分鐘抵食指數：推介指數：整體評價：番兜機率：*所有評分以五為最高分…查看更多