合發茶餐廳

原本打算去吃下午茶之餘，仲可看看貓貓😸😻😽。想不到到店時沒能看見牠們，有些失望🥶!  惟有坐下開餐😅😂。二人行的我們，共叫了三個下午茶餐 :1) 火腿芝士西多士 $462) 雪菜肉絲燘米 $50; 和3) 星洲炒米 $50對自己好些，加 $ upgrade 特飲，分別叫了凍檸七和凍檸蜜。實在很久沒去幫趁了，裝飾改了，更可看到廚房師傅整餸😍呢!絕不接受預製菜的我，尤其於小型餐廳，難得可看到廚房傅整即席煮餸👍👍👍👍👍!不好甜的我們; 對咸味的火腿芝士西多士極滿意; 我倆連同有鑊氣的星洲炒米，全部掃光😂!  總覺雪菜肉絲燘米咸了少少，可減些咸; 而凍檸蜜的蜜糖可濃些就 perfect 了😅!希望下次能見到😸😸!…查看更多

工作關於1個星期都有1日會到旺角，而每次都會幫襯合發。以茶餐廳來講食物我覺得絕對合格，份量來講如果個餐係跟白飯係可以多飯 (其實都有唔少人反而係要少飯)，午飯有湯送 (如果未沽清)。今日又到旺角開工，竟然見到午飯有最鐘意的叉燒蛋飯。叉燒質素唔錯，芙蓉蛋啱啱好，而且份量都算多。送的例湯飲落都知道足料，午餐時間差唔多個個都要湯。合發的炒飯及炒粉都好夠鑊氣。論座位方面係有少少迫，不過個人認為食物的質素取勝。…查看更多

❤️今朝起身好想食西多士，search吓見人推介合發，行過去試試！叫咗個厚西多加冰奶茶，仲加咗炒蛋多士😍西多好厚身，外脆內軟，花生醬流心，好邪惡但勁滿足！真係一解我成朝心掛掛想食西多士既情意結。奶茶香滑唔澀，杯身仲有層奶泡，好正。炒蛋嫩滑又有蛋香～重點唔會炒到油淋淋咁。打卡環境就冇乜，不過老香港feel都幾有味道📸侍應哥哥都幾有趣，落單好快，唔會扯線～整體平靚正，CP值高！下次會帶埋朋友再食其他野食先😋…查看更多

的服務態度比以前差左個，我有個餐明明比其他台叫先，個長頭髮四眼呀姐放左落黎又要拎返去個餐，我話我叫先架喎仲要吱我一聲，唔好意思都無，我知你地係做開熟客，我都幫襯左好幾年，差唔多放假都落黎食既，我唔知老板良係咪入左的鬼返黎～仲有多客時間最近比的一個人既客坐car位，唔知咩玩法，未試過食到一肚氣，以前個靚仔一個頂咁多台都好好態度，唔好意思，唔好意思後，而家的呀姐不如以後果個後生仔，希望佢有更好既工作前途…查看更多

好難得過到嚟旺角食早餐呢一間係第一次食環境感覺都不錯😽當日10點幾去到，唔使點樣排隊叫咗個A餐要出前一丁、火腿、煎蛋同埋牛油多士出前一丁個湯底幾好食，火腿都好足料，會話係食得飽嘅早餐👍🏻…查看更多

蕃茄濃湯叉燒意粉整體嚟講都幾好味。蕃茄湯整體偏甜有蕃茄肉，但湯底偏稀，如果再濃啲掛汁就仲正！而叉燒方面，個人覺得肉質有少少柴，如果用肥叉就正好多🥹🥹對於下午茶嚟講，呢個價錢真係性價比高。如果你唔介意叉燒質地，呢間嘅叉燒意仍然係一個唔錯嘅選擇！…查看更多

這間位於旺角廣東道街市旁邊的茶餐廳，雖然最吸引的巨型橫幅壁畫已由舊的換成新的，但新的壁畫原來比舊的更加美麗，這天我在這茶餐廳裝修過後首次到訪，就對這裡的新壁畫留下深刻的印象，特別是這幅新壁畫上寫著的一段激勵人心的說話 Even the darkest night will end and the sun will rise，道出了即使在最黑暗中的夜裡仍要堅持信念，懷抱希望的訊息，我更是由衷喜歡。這次我幫襯吃的是這裡的「醒神早餐」中的五香肉丁湯意+煙肉煎蛋+牛油餐包+熱阿華田（$38）。坦白說，這港式早餐跟其他茶餐廳的沒有甚麼不同，無論湯意粉、煎蛋或牛油餐包，都只是中規中矩，沒有甚麼與別不同的地方，就只是那兩片煙肉煎得幾香和有兩塊，比我預期的多。不過這茶餐廳既是香港為數不多的有心茶記，即使我不能經常來幫襯，有時間的話，總還是要來支持支持一下它的吧！…查看更多

去到旺角，如果想輕鬆食個下午茶或者晏，我一定會去合發茶餐廳食。中午通常有五個餐選擇，連埋湯都係$40-50, 同埋早餐都有常餐。我最鍾意食佢個咖喱雞扒飯，超級好食，食咗好多年都係咁嘅味道。When I go to Mong Kok, if I want to have a quick afternoon tea or dinner, I will definitely go to Hap Fat .At noon, there are usually five choices of meals, including soup, for $40-50. They also have regular breakfast. My favorite dish is their curry chicken chop rice, which is super delicious. I have been eating it for many years and the taste is always the same.…查看更多

晚上，旺角街頭的人並不多，包括這間不在大街的茶餐廳。食物雖然都係大路茶餐廳的食品，但食落發現每件食物都是廚師用心製作，絕對高質，這個價錢非常抵食。豉汁牛肉 $54 轉炒米粉底 +$15 （另餐跟飲品）豉汁調味得恰恰好，牛肉份量又夠多。加錢（$15）轉米粉煎面底，配豉汁一齊食好惹味。豬扒煎蛋飯$56 （另餐跟飲品）豬扒煎得好香脆，肉質又夠淋，估計廚師是用慢火慢慢煎的，配上葱油及太陽蛋，一下子忍唔住把整碟吃光光。…查看更多

裝修好新，店面好整潔，座位闊落，坐得舒服，侍應爽手又有禮五香肉丁炒飯，好大碟，好夠味，五香肉丁同炒蛋都夠多，啖啖飯都食到啲料，加埋蔥花同紅椒炒，食落更香口，味道更豐富薯仔炆雞碟白飯，都好大碟，好夠汁撈飯，夠味得嚟唔會太濃，雞滑，薯仔炆得夠淋，好好食凍檸茶茶底香濃，檸檬新鮮，好飲茶餐廳嚟講，合發好抵食…查看更多

試過三次，分別係早餐，下午茶同晚飯，早餐 沙嗲牛膠膠哋，得個“淋”字，並無傳聞般好食，下午茶雞肶薯條，薯條OK但雞就”’鞋颯颯“”，晚試海南雞直頭係垃圾，唔會再有第四次幫襯。…查看更多

合發係一間成日都會去食早同午餐嘅茶餐廳，裝修新淨，座位舒服，今次嚟係食早餐五香肉丁通粉、腸仔太陽蛋、多士同茶走碗通粉好大碗，五香肉丁多，多士脆得嚟唔燶，太陽蛋同腸仔都煎到香脆，茶走個茶底夠濃，煉奶夠多夠甜，港式早餐嚟講算唔錯，而且合發個位唔喺大街，唔會話好多人，慢慢食慢慢坐慢慢嘆杯奶茶同碌下電話都ok，唔怕阻住人張枱雖然去得茶餐廳都唔預會係五星級服務，但佢哋兩個姐姐都係有少少串嘅，個後生仔就好好多…查看更多

本身純粹入嚟食野 冇咩期望坐底諗左陣嗌左個沙嗲牛肉麵出期地個沙嗲牛肉好好食味夠濃 牛肉又唔會un跟餐既多士又唔會乾爭爭帶點鬆軟讚當然都係食下環境 裝修靚餐廳侍應姐姐好人 又帶點豪邁支持呀！…查看更多

<🇭🇰我有少少鍾意咗你>📍合发茶餐厅旺角广东道981号地下兩星期前喺元朗食完#合发茶餐厅本身唔係特別鍾情#沙嗲牛肉麵 的我有少少鍾意咗佢🤪🤪嚟到#堅尼地城 士美菲路熟食中心入面的誠記試咗沙嗲鮮牛肉鹹牛肉炒蛋通粉惹味香濃 性價比高又邪惡的comfort food而且集合好多客人寶貴意見，我地將受歡迎的款式亦放到午餐內😍大家就知道心目中想食的幾時會出，可以提早約定朋友過黎食中午😉📍合发茶餐厅旺角广东道981号地下…查看更多

點了兩份茶餐#雞蛋鹹牛肉三文治 + #熱檸水三文治比想像中大份, 但麵包有些粗糙. 手機點餐可以選走牛油, 挺細心的安排. 炒蛋跟鹹牛肉融合得很好吃#西多士 + #茶走 很普通的一份茶餐, 多士裡面是沒有餡料的, 有提供煉奶. 這個西方士很好吃📌服務態度不錯📌餐廳搭枱也有磨砂隔版…查看更多