台食館

今日踩入荃湾新开半年嘅「台食馆」，装修ok，冷气够劲唔会食到身水身汗！试咗招牌卤水豆腐便当，卤肉肥瘦黄金比例，珍珠米吸尽琥珀色卤汁，每啖都系骨胶原暴击，胶原蛋白多到食完成个嘴黐笠笠，正宗到以为自己去咗士林夜市！豆腐嫩到一夹就穿，卤水咸度调得啱啱好，唔会死咸抢喉。绝对系白饭杀手。珍珠奶茶先系惊喜位，茶胆唔会浓到似港式茶走，奶香滑到一啖接一啖，珍珠咬落好似食紧QQ糖咁弹牙。街坊温馨提示：餐厅冷气长开唔会焗身，怕冻嘅可以拣卡位。唔想食炸野嘅朋友，呢个卤水便当绝对系良心选择，完胜商场连锁店！ …查看更多

同同事揾食最紧要快，今日冲咗入呢间台湾店，午市居然唔使点等，五分钟即刻有枱！二话不说叫碗招牌三宝牛肉面，同事就拣咗番茄牛肉面，两碗上枱热辣辣，睇见都流口水！个三宝牛肉面真心唔错，牛丸咬落好弹牙，一咬爆汁；牛肉大大条，炆得够淋，完全唔使点咬，唔黐。牛肚吸饱卤汁，入味得嚟又唔会韧到似橡筋。个汤底先系精髓，好浓郁，饮得出系落足料熬。真材实料！试咗同事个番茄牛肉面，番茄味好出，酸甜适中，牛肉同样炆得软淋，两种汤底都各有特色。最后我同同事都不不约而同饮晒成碗汤，真系几好味。七十几蚊碗，分量足够，食完成个下昼都够饱。味道正宗，唔会太花巧，系一餐实在嘅午饭。以后lunch又多个选择，值得再来。…查看更多

昨日路过铜锣湾呢间新开台湾餐厅，忍唔住入去试水温！点咗个炸猪排卤肉便当，一上枱就闻到香喷喷。块猪排炸到金黄色，咬落「咔嚓」声，外皮脆得嚟唔油腻，肉质juicy唔干身，正过唔少日式吉列店！最惊喜系佢哋用咗台湾珍珠米，饭粒饱满烟韧，吸尽肉汁，斋食饭都已经好满足。跟餐嘅配菜ok，豆干都好地道。天气咁热，紧系要叫杯芒果沙冰降下温啦！芒果大大粒，香甜冰凉，饮完成个人爽晒。同个便当绝配。总括来说，呢间绝对系有诚意嘅台湾店，猪排控同芒果迷必试！已经mark低咗，下次要带班friend再encore～…查看更多

这店的台式下午茶非常抵食，价钱公道，味道也不错；怪不得这店不乏捧塲客。台式下午茶精选三重奏非常丰富，既有一款主食和饮品外，还可选择三款小食。喜欢的话，食客亦可加钱选自己喜爱的食物或饮品。～小碗卤肉拌面+盐酥鸡、酥弹花枝丸、垦丁虾卷+鲜柠红玉 （$45）作为下午茶，拌面份量刚好。面质弹牙，卤肉惹味；再伴上清新青瓜🥒𢇁和脆口花生，质感和味道也很好。盐酥鸡外脆内嫩，惹味可口；花枝丸弹牙爽口；虾卷有咬口。餐后一杯热柠檬茶为这顿下午茶划上句号。～招牌红烧牛肉面+鲜柠檬水 （$58）红烧牛肉淋滑，份量也不少，药材味浓。粗面挂上浓汤，味道浓郁。配料中的酸菜、红萝卜🥕和小棠菜也不能放过，味道也不错呀！餐后来一杯清新柠檬水清一清口腔，非常满足。…查看更多

谂住新开去试吓 见到都几多人食点知冇下次🫠价钱唔系特别平 但猪扒薄到纸咁 食唔到肉味 系粉味 盐酥鸡就还好 至少咬到唔嚡嘅鸡肉算系唔太差 鸡肉冇味 系面头洒粉嘅味碟好细 成日惊住跌😮‍💨因为叠晒好难拌肉燥同饭…查看更多