台豐台灣牛肉麵

202209月平日-聯和墟街坊覓食-台式下午茶餐台豐台灣牛肉麵，地址位於粉嶺聯興街23號地舖下午茶時間，一個人食咩好? 遊遊蕩蕩到左聯興街台豐台灣牛肉麵，門口餐牌有下午茶選擇，就食過台式下午茶餐台式休閒下午茶，可選A吐司+小食+撈麵($38)，配台式飲品加($3)下午茶時間3-6PM點餐:椰香酥吐司+墨魚餅+肉燥撈麵+珍珠奶茶($43)椰香酥吐司，厚切唔太脆，椰香味不濃，墨魚餅細細件，味道普通，只像普通魚餅肉燥不少且惹味，但有點難把麵拌勻，味道一般珍珠奶茶，奶茶大大杯，黑色珍珠軟糯有咬口，茶味不錯埋單: $43A+B+C+飲品，茶餐來說感覺豐盛，平日下午茶價錢相宜，味道就平平無奇，飽肚一餐之選…查看更多

我食咗咁多次湯麵，我最鍾意嘅都係呢一間，佢哋整啲湯麵真係搵唔到啲咩唔好嘅地方，料又足，價錢又平，上菜又上得快，有好多嘢俾你揀，唔係好明點解生意唔好，總之我幾乎可以日日去囉…查看更多

2022.07.14叫左碗涼拌米線，碗米線黎到，啲米線係生既🤮🤮食唔到落去，叫佢換左個紅薯粉，叫做好啲，真係以後都唔會再黎食落單個個又係落錯哂，大家千其唔好黎食，真係搞唔掂…查看更多

鹽酥雞粒肉燥飯($44)：1. 餸太少 飯好多 2. 鹽酥雞好乾好柴 以為我食緊雞肉乾😅3. 肉燥好咸 食完要洗腎嗰隻4. 難食過cc can😅大家可以自行想像5. 鹵水蛋正常 巨峰提子特飲(+$7)：1. 隻色好噁心2. 飲落勁香精味 好似飲咗成個元素週期表落肚咁3. 超甜 我平時飲開全糖黑糖珍珠鮮奶都覺得佢太甜4. 蒟蒻/椰果(?)好少環境：正正常常不過不失 都乾淨既 幾乎冇人 可能因為太難食😅服務態度：都ok 正正常常 冇咩特別Overall($51)：唔會再食 千祈唔好中伏 血的教訓…查看更多

建議：想加埋台式茶飲都只係加6️⃣蚊本身打算食聯和墟馳名既豬手麵，不過路經台豐又想食台灣野 🇹🇼😂 就算過左午市，無論係街坊、學生定附近既工人都算多人陸陸續續入黎食野，所以落單到上菜都好快，而且係份量超足👍 今次試左：▫️招牌紅燒牛肉麵 (HK$49)價錢唔包飲品，不過想加埋都唔係好貴，想加杯珍珠奶茶都得🥤熱飲加HK$2/凍飲HK$4/台式飲品HK$6/汽水HK$8一上枱估唔到都幾大碗，有成4/5舊牛肉，啖啖肉而且唔嚡🐂 麵底亦都好多，食完真心飽😂 麵質唔會煮得太淋，幾有咬口🍜餐牌上既食物選擇都算多，如果就岩時間，下午茶餐都好抵食。3️⃣款野食加埋先HK$38蚊 👍…查看更多

成日經過呢個台灣牛肉麵都好想試，不過因為之前食過佢隔離間米線真係好難食，所以過咗一段好長時間先至克服到再行過嚟呢個位，認真我都係第一次覺得間野難食到會影響到隔離間餐廳都覺得難食(我講緊隔離間餐廳)今日係下晝時間嚟食嘅，下晝時間冇乜人坐得幾舒服，我自己叫左個台灣牛肉麵，賣相真係唔錯，其實都幾好食，如果💯分係滿分 我會比80分，啲牛肉好林，個湯濃度適中，很有台灣嘅風味男朋友叫咗呢個雞飯，你睇張相已經覺得好好食，不過我試過就覺得啲雞冇乜雞味，而且有啲韌，味道比較淡一啲，總括嚟講都合格嘅，不過會比較推介台灣牛肉麵😋…查看更多

家住大埔，最近常常到粉嶺覓食，無他嘅，大埔食到厭厭地🥴咁啱見到呢間台灣野，覺得一試無妨～當日係星期一lunch time，都幾full。限聚令下不用撘枱，等左一陣就有位。我同老公被安排坐喺店裡尾二入嗰張枱，最尾嗰張就係比員工嘅。唔知點解，最尾嗰張枱超多蒼蠅，佢哋好乖，全部停喺枱面，直頭乖到好似間鋪養咁😆不過，作為食客，就唔係咁開心囉⋯講翻啲野食先，我叫左肉燥豬頸肉米粉👇🏻賣相唔錯呀，而家夠大碗，豬頸肉另上有點驚喜。湯底呢，個人覺得淡左少少。米粉用左傳統新竹米，軟硬度適中。肉燥唔算太油亦唔咸👍🏻豬頸肉燒得唔錯，仲有個泰國辣醬調下味，高要求啲講句厚切少少口感更佳。老公叫左碗牛肉麵👇🏻我試左啖湯，好濃好夠味，麵質算彈牙。牛肉都唔錯，有三大件，我食左一件🤭好淋而且濃味，若然你係重口味嘅人都可以一試。lunch time價錢唔算貴，每個餐$50包一杯台飲。不過⋯⋯⋯⋯杯台飲(香芋珍珠奶茶)好垃圾⋯⋯作為一間台灣食店，我接受唔到台飲咁差！啲珍珠難食到我食完一粒之後無法再食第二粒🤢所以比唔出好評。飯後甜品一宗：當我哋食到尾聲時，有個員工忽然大叫，然後癲左咁不停鬧佢同事，愈來愈大聲，愈來愈失控⋯呢個時候都係一個字⋯⋯⋯⋯閃🤐…查看更多

本身北區都唔係好多台灣美食嘅選擇最近就開咗呢一間新嘅牛肉麵店就如佢個名所講就係主打食牛肉麵嘅舖頭😍😍😍面係我最鍾意食嘅闊條麵🥳而且個湯都幾好飲 係偏向鹹香類型嘅湯頭而且牛肉嘅份量都唔少 都有三四舊大大嚿嘅 整體都幾滿足🤩而且見到舖頭都主要宣傳佢哋嘅牛肉麵作為新店都有唔少人幫襯唔小心冇影到珍珠奶茶🤭🤭🤭個珍珠奶茶就算係不過不失比較普通嘅一杯嘢飲勝在跟餐㗎都幾平 所以都會推介大家試一試但係珍珠就冇出邊飲嘅禁煙韌啦🤣…查看更多

入到去其實最深刻係個紅外線探熱器探極都探唔到但店員都好盡心盡力去探清楚，以免影響其他食客有位後生女店員仲試下探完我，再探下自己，睇下係咪個探熱器壞添，好不屈不撓，非常盡責！😂😂至於食物方面，賣相其實都係一碗普通嘅牛肉面，但食落味道好濃郁，湯底本身都好夠味，再加上肉燥嘅味道，好香好濃，唔會話食落蓋過哂湯嘅味道。我嗌嘅係豬頸肉肉燥湯面，豬頸肉係分開上，一邊就味濃，另一邊豬頸肉，雖然唔係清淡嘅食物，但相較之下，就會係帶到清爽味道出黎。最後加杯香芋雪香，脆脆嘅胚芽，加上甜得黎又唔會過份濃味嘅香芋味道，呢個夏天。。。正啊！So Far見入黎買外賣嘅街客都多app外賣個啲又有而店員對佢地態度都好好唔會呼喝佢地最篇野最可惜係我無影相😢😢始終疫情下廢事被人話我影到人或影人啲食物，造成誤會。。下次再食會問問店員補影番。…查看更多

在北區台灣菜的選擇比較少，今次卻在聯和墟意外發現間台灣菜餐廳。今次點了牛肉麵，份量足，價錢$47就可以配熱飲。而且有配料，滷蛋同蘿蔔，味道不錯。套餐加$4可轉任何台式飲品，如百香果紅茶/珍珠奶茶。 整體性價比高，在粉嶺和上水都算是不錯的選擇。…查看更多

識我嘅朋友都知我台毒，疫情關係冇得去台灣，突然；想食台灣嘢，台式餐廳係呢區唔多，路過見到招牌大大隻字寫台灣牛肉麵，所以就入嚟試吓心態，唔好食就冇下次😅見到餐牌個價錢又唔貴，就叫一碗試吓，湯底夠濃，蘿蔔一大舊好清甜冇根👍👍紅蘿蔔又係甜👍👍 牛肉入味夠淋，麵條軟硬適中，整體嚟講好食😋😋4.5/5 一口芝士都ok 嘅 4/5鹵水雞翼肉燥飯，我個仔話好食，見佢食得好乾淨🤣 4/5飲品叫咗珍珠奶茶，我個仔話OK, 4/5愛玉水蜜桃綠茶，好飲嘅唔會太甜，愛玉少咗啲4/5…查看更多

星期三送左日頭8至3共7個鐘熊貓，先得嗰10張單，嬲嬲地試下新餐廳。台豐喺聯和墟唔係開左好耐，但都唔少客同單。佢下午茶有三種嘢可以揀：麵款、小食同多士醬款。我揀左肉燥麵、炸雞同朱古力醬多士。朱古力醬搽多士好少有，我未食過，食左之後覺得好正。佢另有我最愛嘅花生醬嘅，但朱古力醬未試過，果然無令我失望。嘢飲我叫左杯薑母茶，暖下胃，驅下胃寒。杯茶夠薑嘅辣味，正！成個餐38蚊，價錢ok。食完後，居然去到十一點幾先肚餓，下午餐夠頂一個正餐，抵！…查看更多