台蔡滷肉飯

難得有風假，落波後就去荷里活廣場行下，順便一試好多人都讚好，入選咗《2024 2025米芝蓮指南》嘅《台蔡滷肉飯》。佢嘅菜式唔算話好多，我聽過最多人讚嘅係「花雕麻油雞湯套餐」所以我哋點咗呢一個餐，再加兩款小食。套餐包括「花雕麻油雞湯」同「小碗滷肉飯」，飲品另外收費。「花雕麻油雞湯」嘅味道都有帶少少藥膳嘅味道，同時帶有花雕酒同麻油嘅香味，湯味非常濃郁，完全係台北嘅風味。另外套餐嘅「小碗滷肉飯」，豬腩肉肥瘦均勻，而且切得大小均一，肉醃得非常入味，好香好Juicy，米飯亦有咬口，撈埋個滷肉一齊就啱啱好。原本諗住係點兩個餐，但我哋又唔想一人一個滷肉飯，所以另外叫兩個小食好似仲化算。我地點咗店家表示香港第一嘅「九層塔鹽酥雞」，外皮鬆脆，雞肉十分鮮嫩，而且好Juicy唔乾，鹹香味濃郁，就好似去咗台北嘅夜市啲鹽酥雞嘅味道，我諗佢係我暫時食過唯一一間完全係台灣味道嘅炸雞，唔怪得佢咁有自信話自己係香港第一👍🏼。另一個小食係「肉鬆起司蛋餅」，响香港就冇食過，我去台灣時就不時都會食。佢個蛋餅好出色，蛋味濃郁，配合芝士同肉鬆，再加上面層嘅醬油，真係好邪惡，而且份量都唔少，只係$40蚊非常抵食。餐飲我點咗「柳橙茉莉綠茶」，加多15蚊，好過有嘢飲。店內有提供熱水，係自助式自己出去斟水。《台蔡滷肉飯》都幾另外大開眼界嘅一間台式餐廳，佢完全將台灣嘅味道帶到香港，特別係佢個「花雕麻油雞湯」，我曾經响台北一個夜巿食過係麻麻地，呢個湯係我想要嘅味道，我諗佢個「藥膳排骨湯」會更加不得了。佢最正嘅係冇加一服務費，响香港嘅餐廳係比較少有。…查看更多

好耐冇嚟鑽石山荷里活商場了，之前嚟都未有呢間餐廳，見門口貼咗啲米芝蓮貼紙，下午3點嚟到，入面都幾多人食。芋頭炆豬軟骨啲芋頭同豬軟骨好淋，豬軟骨都好入味個肉燥飯都算幾多肉燥豬扒肉燥飯豬扒份量都算好多，皮乾脆，又不會太硬，肉不會很乾很鞋粟米芝士蛋餅食台灣野一定要叫返份蛋餅，蛋餅皮唔會太濕太淋，軟熟，又有少少脆，入面啲粟米芝士都幾多幾濃郁。加錢有飲品，見唔係加太貴所以叫嚟試吓，飲品偏甜，一般叫正常甜嘅非常甜，連我媽飲開全甜都覺得甜。另一杯仙草鮮奶茶我就叫咗走甜，味道真係好淡，唔鍾意飲太淡嘅人要留意。喺收銀處埋單嗰陣，有貼紙可以免費攞，幾有台灣特色的。…查看更多

之前食過滷肉飯好滿意，今次想試下其他。花雕麻油雞湯麵我見唔多台灣餐廳有，飲落都真係掂，啲酒香唔會太濃，重中藥味湯底帶甜，雞肉煲過就唔算滑，飲完身體即刻暖晒。最驚喜係店員話上面曾油係麻油唔係雞油，又真係幾香麻油味🤔肉鬆起司蛋餅真係超好食！外層煎到金黃香脆，唔係嗰種濕漉漉嘅台式皮，反而有啲似酥餅咁香口。入面嘅起司多到會拉絲，熱辣辣咬落去又香又滑，蛋香同芝士味完美融合。最正係每一口都好有層次，咬到邊都足料，個蛋餅我俾💯🤲🏻台蔡調味唔會死鹹重口味，食完唔會口乾想飲水，食得出廚師有花心思，就唔係味精餐果種。個托盤、碟、餐具都幾靚🤩🤩，收呢個價錢都合理唔貴，環境都乾淨舒服…查看更多

根據本人試過台蔡好多次，可以話係荃灣食到鑽石山😎資深食家。出得黎鑽石山，梗係選擇荃灣menu冇嘅椒鹽炸豬排喇🐷個椒鹽粉十分台，椒鹽味唔會太鹹，入口啱啱好，肉質嫩滑唔乾柴。好邪惡但好好食🤤跟著落黎就係椒鹽鹽酥雞，呢個係台蔡名物，好食過好多台灣餐廳，雞肉醃得入味，唔油唔膩啖啖肉。當然如果有椒鹽杏鮑菇、百葉豆腐就更加完美啦💯鑽石山好少有咁真心餐廳炸物唔貴又好味，啲炸香味真係可以傳到隔離枱都聞到🫢。食完嗰一刻，我只想講香港真係要多啲咁嘅台灣餐廳！如果覺得太油膩熱氣，我個人就會揀白桃烏龍茶，幾fresh。…查看更多

有朋友推介我試佢哋嘅芋泥燒排骨，我起初仲懷疑會唔會太膩芋泥太假🤔。點知一食落又完全唔係！個豬軟骨已經燜煮得好入味又軟滑，芋泥食得出係真芋頭攪拌到綿綿糊糊咁，豬軟骨煮得好腍，入口即融化。上年好似有啲炸蒜又幾夾👍🏻碗細碗滷肉飯我就覺得仲出色過燜豬軟骨，因爲啲肥豬肉已經煮到有少少痴口，上唇痴下唇咁，好香。埋單79蚊我覺得好抵食啊，因為都花功夫。呢間台蔡可以再黎試下其他嘢食，下次試下鹽酥雞。呢個70-80蚊既價錢接受到，無加一服務費，就係要水就要自己斜。自己QR code落單上菜速度快✔️個環境播台灣歌，安靜又有幅台灣巨型插畫，都幾local，個地址係荷里活廣場2樓，前身係越棧。…查看更多

台蔡滷肉飯每次光顧都人龍很長，這次大概等了十分鐘，算是可以接受，因為畢竟是中午時段，其實不太明白為什麼這間店那麼受歡迎，最欣賞是用是沒有加一收費。這次試了新口味，點了麻辣滷肉飯，跟上次肉鬆滷肉飯相比，餸的份量明顯少了，其實味道頗辣，建議不能吃辣的注明小辣。另外點了一個小吃，大腸包小腸，味道不錯，很惹味又不會過鹹，糯米亦不會煮得過軟，但份量偏少。感激店員沒有因為我們消費未滿100元而額外收費，果然充滿人情味和同理心，完全明白為何這店那麼受歡迎。見到有新產品，芋泥豬軟骨，但可惜不能單點，炸豬扒亦然，如果能夠單點就更好了。…查看更多

📍 台蔡滷肉飯（鑽石山荷里活廣場）滷肉飯好香，肥瘦啱啱好，唔會太油。好多好多蔥! 醬汁夠濃，飯粒吸晒汁但唔會濕𣲷𣲷。加埋溏心蛋一齊食，蛋黃流心，超夾！份量唔算多，但味道夠晒台灣feel。鹽酥雞都好正，炸得香脆，九層塔味好突出。嘢飲有一般餐飲 / 台式飲品。裝修好光猛。最好等齊人先入去。…查看更多

台蔡滷肉飯最好味又抵抗食既唔係滷肉飯！！係鹽酥雞同埋蛋餅呀🌮🍗！芝士蛋餅都係38蚊就買到，而且好好味！入面cheese好似同出面台灣餐廳隻味唔係好一樣，好香！依家物價38蚊都未必買都杯latte，但蛋餅就夠飽肚可以當一餐飯食。雖然係食客，但覺得呢個價錢太良心，就算貴返少少都可以接受！我覺得台蔡最識食就係order鹽酥雞+蛋餅+珍奶🍗🌮🧋，100蚊都唔洗就可以滿足食慾。呢個combination我以為好食人知，點知見到同場有客人自己一個人都係咁樣order滷肉飯係好食既，但2選一都係會選擇蛋餅‼️‼️呢兩樣野，唔敢講話成個台灣，我去過幾次台北，都覺得台蔡好食啲！所以住大圍都會專登出鑽石山食～台蔡係我唯一出荷里活廣場既動力🤪🤣希望有日可以開大圍please🙏🏻😽…查看更多

位於鑽石山廣場，屬於有質素嘅餐廳之一；而晚餐價格可在100元以下，當然唔少人排隊光顧。環境算乾淨衞生，上餐超快，效率極高。人客雖多，但流量亦快，所以人客唔需等太耐。食物方面，鹽酥雞即叫即炸，調味調得很好，外皮香脆，粉漿唔太厚，內裡嘅雞肉鮮嫩多汁，亦很入味。比唔少台灣食店賣的又硬又乾的鹽酥雞，真係好食好多。魯肉飯的肉肥瘦均勻，味道唔差。藥膳湯的藥草味唔夠濃烈，但可以入口。最差莫過於台式奶茶，冇奶茶嘅香味，亦偏淡，有待改善。咁嘅價錢，食到咁高嘅質素，絕對超值。推介：鹽酥雞…查看更多

作為滷肉飯控，試過唔少台式餐廳，但呢間小店嘅滷肉飯真係一試難忘！唔係誇張，食第一啖已經有種「終於搵到」嘅感動。佢哋嘅係手工切嘅，唔係機攪肉碎，每粒都保持到微微咬口。肥瘦比例啱啱好，肥膏位入口即化，瘦肉唔會柴皮，燉到淋哂但又唔會散開。個真係精髓——深色得嚟唔會死鹹，帶啲微微甜味，仲有香菇同紅蔥頭嘅香氣，掛喺每粒飯上面真係無得頂！都唔馬虎，用咗台灣米，煮得粒粒分明又帶啲黏性，完美索晒啲滷汁。最正係佢哋嘅，滷到連蛋黃都變成深啡色，入味到呢⋯⋯仲要係流心嘅！一啖飯、一舊滷肉、少少滷蛋，個味道層次豐富到呢～嘅醃蘿蔔都好加分，酸酸甜甜好清爽，可以平衡返滷肉嘅濃味。雖然鋪頭細細，但老闆好用心，堅持每日新鮮煲滷汁。$80幾蚊碗，但質素拍得住台灣當地嘅名店。如果你同我一樣係滷肉飯fans，呢間絕對值得專登去試！我已經諗緊幾時再去encore了～…查看更多

睇完OpenRice大部份人推薦麻油雞湯，今日午餐是佢嘅麻油雞湯配滷肉飯 ard $80。麻油藥膳味不突出，雞肉質地鬆散，毫無雞味，必定係雪藏雞，但香港餐廳用雪藏雞其實都好普遍，但佢呢個質地鬆散得過分，點解啲人話好食㗎 滷肉飯的飯煲到太粘連，又唔係軟糯，成個餐都要用難食應用 另外再加錢要咗一杯茉香珍珠奶茶，味淡，食完呢個不平凡地難食嘅午餐，再望一望更多個笑哈哈食評，大家對台灣食物嘅要求咁低嘅⋯胖子台灣料理嘅滷肉飯好味過呢間好多…查看更多

花雕麻油雞湯麵就唔多見，整得好食更加少有。今日好想食麵就order左花雕麻油雞湯麵，入口係舒服既中藥材味，見到枸杞浮喺面，花雕酒味唔係太出，但麻油味、姜味又幾出幾香。我第一次試呢種麵既材質，店家話係台灣關廟麵，都幾索到湯既。Overall唔係話驚為天人咁好食，但食落肚都舒服既，都有4-5件既跟個麵夠飽朋友就order左涼拌蒜泥豬頸肉，麻油涼拌豬頸肉，個辣醬好味，朋友話滷肉飯都OK好食，不過我個人就麻麻地食飯，所以下次黎再試下個藥膳排骨湯麵，好似都幾溫補，見隔離檯有order過繁忙時間用餐時間只有60分鐘，但上菜速度都快，所以都夠時間食，有自助水吧唔收加一，價錢合理。店家都算有heart我見有QR code收集客人意見。環境舒服，音樂好聽，店員算幾nice。〰️地址：鑽石山荷里活廣場235-236號舖（以前越棧個位）〰️營業時間去到20:45 不過荷里活餐廳幾乎都收得早 平日黎2樓零售都靜…查看更多

想俾個仔安安靜靜食完餐飯都唔容易，但我發現台蔡碗大碗肉鬆滷肉飯個仔有可以乖乖食左3/4🤣🤣可能因為肉鬆係小朋友至愛，甜甜地好味。怕麻煩我都會喺下晝17:00帶佢黎，可以避開排隊人流，快速食碗飯真係唔洗咁勞氣🤭個最低消費係大人50蚊，小朋友30蚊，所以我通常會叫被野飲加多個蛋餅，食埋阿仔剩啲既都夠飽。咁樣輕輕鬆鬆夜晚可以搞少啲嘢😮‍💨但大家記得碗滷肉飯上面啲酸菜係辣既🥵有啲辣親小朋友先知，所以家長要夾走酸菜先晚餐埋單差唔多百零蚊搞掂一餐，偶爾食下，但如果過左18:00我就唔會選擇因為好多人排隊。搵樓下間Antoshimo烏冬頂住檔先…查看更多

嚟到呢間超人氣米芝蓮 主打滷肉飯嘅餐廳夜晚6:00開始就已經要排隊 人龍冇停過！▫️芋泥燒豬軟骨+小碗滷肉飯 豬軟骨份量超足 好入味好腍芋泥整得好綿密 配搭得好好 甜咸甜咸 滷肉肥瘦均勻 味道濃郁 加埋酸菜更加開胃▫️花雕麻油雞湯+小碗滷肉飯上菜即刻聞到花雕味同少少藥膳味湯底好飲 唔會膩 麻油味都好足雞肉好嫩滑 煮得啱啱好▫️肉鬆起司蛋餅 即叫即整🩷每一啖都食到肉鬆餅皮做得好脆好香 面層加左醬油芝士仲有少少拉絲！好味！價錢好合理 食物質素唔錯 仲要唔收加一🥹🤍📍台蔡滷肉飯 (鑽石山)鑽石山龍蟠街3號荷里活廣場2樓235-236號舖…查看更多

講真鑽石山荷里活除左開左10+年既Antoshimo同夏麵館比較啱我口味，就真係得台蔡台灣野食係我comfort food..新蒲崗都有幾間茶記唔錯，但夏天行過去真係熱死人🥵🥵食左台蔡4-5次，都係食鹽酥雞滷肉飯，鹽酥雞係招牌唔會中伏，呢間真係我喺香港食過最好味既鹽酥雞，滷肉飯都比好多台灣餐廳好味，算係over average服務就不過不失，香港地商場食個飯70蚊唔收加一都唔敢要求太多，平時諗唔到食乜就會食台蔡可以話係一種習慣之前問過店員話會出下午茶，但過左半年都仲未有，希望喺度期待下有用啦😂🙏🏻…查看更多