台蔡滷肉飯

难得有风假，落波后就去荷里活广场行下，顺便一试好多人都赞好，入选咗《2024 2025米芝莲指南》嘅《台蔡卤肉饭》。佢嘅菜式唔算话好多，我听过最多人赞嘅系「花雕麻油鸡汤套餐」所以我哋点咗呢一个餐，再加两款小食。套餐包括「花雕麻油鸡汤」同「小碗卤肉饭」，饮品另外收费。「花雕麻油鸡汤」嘅味道都有带少少药膳嘅味道，同时带有花雕酒同麻油嘅香味，汤味非常浓郁，完全系台北嘅风味。另外套餐嘅「小碗卤肉饭」，猪腩肉肥瘦均匀，而且切得大小均一，肉腌得非常入味，好香好Juicy，米饭亦有咬口，捞埋个卤肉一齐就啱啱好。原本谂住系点两个餐，但我哋又唔想一人一个卤肉饭，所以另外叫两个小食好似仲化算。我地点咗店家表示香港第一嘅「九层塔盐酥鸡」，外皮松脆，鸡肉十分鲜嫩，而且好Juicy唔干，咸香味浓郁，就好似去咗台北嘅夜市啲盐酥鸡嘅味道，我谂佢系我暂时食过唯一一间完全系台湾味道嘅炸鸡，唔怪得佢咁有自信话自己系香港第一👍🏼。另一个小食系「肉松起司蛋饼」，响香港就冇食过，我去台湾时就不时都会食。佢个蛋饼好出色，蛋味浓郁，配合芝士同肉松，再加上面层嘅酱油，真系好邪恶，而且份量都唔少，只系$40蚊非常抵食。餐饮我点咗「柳橙茉莉绿茶」，加多15蚊，好过有嘢饮。店内有提供热水，系自助式自己出去斟水。《台蔡卤肉饭》都几另外大开眼界嘅一间台式餐厅，佢完全将台湾嘅味道带到香港，特别系佢个「花雕麻油鸡汤」，我曾经响台北一个夜巿食过系麻麻地，呢个汤系我想要嘅味道，我谂佢个「药膳排骨汤」会更加不得了。佢最正嘅系冇加一服务费，响香港嘅餐厅系比较少有。…查看更多

好耐冇嚟钻石山荷里活商场了，之前嚟都未有呢间餐厅，见门口贴咗啲米芝莲贴纸，下午3点嚟到，入面都几多人食。芋头炆猪软骨啲芋头同猪软骨好淋，猪软骨都好入味个肉燥饭都算几多肉燥猪扒肉燥饭猪扒份量都算好多，皮干脆，又不会太硬，肉不会很干很鞋粟米芝士蛋饼食台湾野一定要叫返份蛋饼，蛋饼皮唔会太湿太淋，软熟，又有少少脆，入面啲粟米芝士都几多几浓郁。加钱有饮品，见唔系加太贵所以叫嚟试吓，饮品偏甜，一般叫正常甜嘅非常甜，连我妈饮开全甜都觉得甜。另一杯仙草鲜奶茶我就叫咗走甜，味道真系好淡，唔钟意饮太淡嘅人要留意。喺收银处埋单𠮶阵，有贴纸可以免费攞，几有台湾特色的。…查看更多

之前食过卤肉饭好满意，今次想试下其他。花雕麻油鸡汤面我见唔多台湾餐厅有，饮落都真系掂，啲酒香唔会太浓，重中药味汤底带甜，鸡肉煲过就唔算滑，饮完身体即刻暖晒。最惊喜系店员话上面曾油系麻油唔系鸡油，又真系几香麻油味🤔肉松起司蛋饼真系超好食！外层煎到金黄香脆，唔系𠮶种湿漉漉嘅台式皮，反而有啲似酥饼咁香口。入面嘅起司多到会拉丝，热辣辣咬落去又香又滑，蛋香同芝士味完美融合。最正系每一口都好有层次，咬到边都足料，个蛋饼我俾💯🤲🏻台蔡调味唔会死咸重口味，食完唔会口干想饮水，食得出厨师有花心思，就唔系味精餐果种。个托盘、碟、餐具都几靓🤩🤩，收呢个价钱都合理唔贵，环境都干净舒服…查看更多

根据本人试过台蔡好多次，可以话系荃湾食到钻石山😎资深食家。出得黎钻石山，梗系选择荃湾menu冇嘅椒盐炸猪排喇🐷个椒盐粉十分台，椒盐味唔会太咸，入口啱啱好，肉质嫩滑唔干柴。好邪恶但好好食🤤跟著落黎就系椒盐盐酥鸡，呢个系台蔡名物，好食过好多台湾餐厅，鸡肉腌得入味，唔油唔腻啖啖肉。当然如果有椒盐杏鲍菇、百叶豆腐就更加完美啦💯钻石山好少有咁真心餐厅炸物唔贵又好味，啲炸香味真系可以传到隔离枱都闻到🫢。食完𠮶一刻，我只想讲香港真系要多啲咁嘅台湾餐厅！如果觉得太油腻热气，我个人就会拣白桃乌龙茶，几fresh。…查看更多

有朋友推介我试佢哋嘅芋泥烧排骨，我起初仲怀疑会唔会太腻芋泥太假🤔。点知一食落又完全唔系！个猪软骨已经焖煮得好入味又软滑，芋泥食得出系真芋头搅拌到绵绵糊糊咁，猪软骨煮得好腍，入口即融化。上年好似有啲炸蒜又几夹👍🏻碗细碗卤肉饭我就觉得仲出色过焖猪软骨，因为啲肥猪肉已经煮到有少少痴口，上唇痴下唇咁，好香。埋单79蚊我觉得好抵食啊，因为都花功夫。呢间台蔡可以再黎试下其他嘢食，下次试下盐酥鸡。呢个70-80蚊既价钱接受到，无加一服务费，就系要水就要自己斜。自己QR code落单上菜速度快✔️个环境播台湾歌，安静又有幅台湾巨型插画，都几local，个地址系荷里活广场2楼，前身系越栈。…查看更多