台蔡滷肉飯

路德圍除咗米線、拉麵，我個list得台蔡同新開的越南法包好味啲之外，其實真係無咩選擇嘅美食沙漠。住附近，諗唔到食乜就會食台蔡。平時lunch我多數order大碗滷肉飯，因為大碗好味抵食又飽，埋單$52左右唔會肉赤💸。食豪啲就食鹽酥雞滷肉飯，鹽酥雞係招牌唔會中伏。呢間鹽酥雞係食過最好味唔係講笑。除此之外如果多人排隊可以take away 蛋餅、奶茶，埋單都係50幾蚊。台蔡算係我同屋企人嘅荃灣飯堂😋😋，通常一個星期會食一次，3年都無加價，價錢合理。…查看更多

台蔡滷肉飯啱啱開業果陣，除咗老闆娘識笑😳🫢，其他樓面都好呆滯，話就係話台灣餐廳但服務態度唔算太好。最近黎食，雖然唔見老闆但黑色衫經理都幾helpful，見隔黎老人家唔識用電話落單，都幾有耐性幫手解釋。員工好似有返啲笑容，見大家有講有笑氣氛好過以前。我估老闆都係有心經營🧐，因為之前一直都無意見收集，呢家檯面就多咗QR code比客人反映意見。做開餐廳我都知香港餐廳請人好難，出黎食飯如果唔收加一，都唔敢要求得到啲咩服務，正正常常就算。台蔡呢度feel到服務態度有進步真係幾難得，加油！…查看更多

朋友極力推介呢度嘅芋泥燒排骨，初時仲驚芋泥會好假活著好膩。點知先知芋泥係用真芋頭打成，唔係常見過啲化學芋泥，絕對唔係粉開！豬軟骨🐖燜到超級腍滑入味，幾乎入口即化。再加埋面頭啲炸蒜，香口得嚟又出奇地夾！不過講到驚喜，反而係碗細滷肉飯。滷肉嘅肥膏部分燉到黏黏的，有齊「上唇黐下唇」嘅效果，香濃滋味，我覺得出色過碗豬軟骨！另外order咗招牌鹽酥雞，大大件總共有7-8舊雞好juicy入味，先$42好抵！以咁嘅質素，播住台灣歌🎵，有幅台灣大插畫🖼️幾好氣氛。唯一缺點就係環境比較窄，坐得比較逼。Overall體驗唔錯可以encore！…查看更多

台蔡開咗3年，無論平日假期、夏天冬天、曬死/落雨都好多人排隊👫👬，夏天排隊就不了💦💦，呢排天氣轉涼，排隊都仲可以接受。咁辛苦排隊入黎，梗係要食曬台蔡名物【九層塔鹽酥雞】【滷肉飯】【肉鬆起司蛋餅】【甜不辣】！鹽酥雞🐔係我食過最好味，十分入味兼juicy，美中不足就係九層塔隻味唔算好出。蛋餅係脆皮厚身，加埋肉鬆甜甜地唔會膩，甜不辣彈牙有咬口似魚漿薯條、細碗滷肉飯肥瘦均勻嘅肉燥煮到黏口，滷汁香濃得嚟唔會死鹹。整體唔錯，如果人龍唔算太長，都可以試下，因為路德圍選擇真係唔多😳。…查看更多

朋友大力推介這一間米芝蓮指南的台式滷肉飯。據聞非常多人排隊，難得去荃灣，而且下午茶時間沒有什麼人馬上入去試吓。裝修簡單，還可以望到街景，驟眼看真的很像Café。墙上掛住大大的「滷肉飯」 ，看來是必點 餐單圖文並茂，非常清晰。爆蔥滷肉飯 $76蔥花鋪滿了整個大碗，蓋住了滷肉飯，還有一隻溏心蛋滷肉香軟，滷肉味濃郁，配上蔥花，非常好食，溏心蛋也很精彩。大紅袍珍珠奶茶 $18珍珠奶茶可以走甜、走冰、原本以為只是普通的珍珠奶茶，想不到大紅袍茶底配上珍珠，感覺比紅茶底更好飲。藥膳排骨麵 $93是一種使用十多種中藥材燉製而成的湯品，價錢比較貴一些，排骨燉到軟淋，湯入口藥材味並不濃烈，沒有中藥的味道，入口舒暢舒服。九層塔鹽酥雞 $42號稱「世一鹽酥雞」 ，入口內脆內嫩，並沒有太油膩的感覺，的確不錯。的確是值得米芝蓮，價錢不是太貴，看得出是非常用心製作，小店有誠意，真的值得推介。…查看更多

這間餐廳，在Google地圖上看到照片已經覺得好吸引，今天終於到荃灣拜訪這間餐廳12:00到達時候，剛剛開門，當時門口已經有10多人在排隊我們入內後坐在狹窄的座位，用QR code自己落單食物真的比想像中的普通，我和朋友也點了他們的藥膳排骨，藥膳湯底比想像中的淡，排骨有雪味，而且唔好味我們叫了蛋餅，蛋餅還算可以我們點了黑芝麻奶茶加仙草，仙草比我想像中的少很多很多，感覺只有5分一杯，但是3分一杯是冰，麻麻哋…查看更多

今個冬天❄️終於唔使再糾結食咩滋補🤲🏻一次過試晒台蔡「麻油雞湯」同「藥膳排骨湯」，再加份鹽酥雞，暖身又好味😽一坐低就先飲麻油雞湯，浮上面嘅油店員話係麻油，薑味🫚都重飲一啖真係由個心暖出嚟！湯底仲有好淡花雕酒香。跟住試藥膳排骨湯，湯底溫和唔會藥材味過重，排骨炆到超腍滑，飲完成個胃好舒服～兩個湯一濃一清，輪住飲唔會唔夾。見到湯入面有枸杞、當歸。。。仲有好多唔知叫乜名既藥材飲湯又dry咗啲，所以order份鹽酥雞，外脆內嫩，咬落仲有肉汁，凍嘅天氣飲啖熱湯再食件香口炸物先正🤪！我地等咗大概20分鐘，出面都仲有人排緊隊。200蚊左右食到兩個餐加小食，都算抵食。…查看更多

台灣朋友之前看到媒體報導和YouTube知道這家店的老闆是台灣人🇹🇼，創業故事蠻感人，一直bookmark下來。加上台灣人在香港開台灣餐廳還得了米其林，這一切讓身為台灣人覺得很光榮🥹🤩這次台灣朋友來香港旅行，還特地叫我帶他來吃看看，支持一下。我們點了鹹酥雞、滷肉飯、麻油雞湯、黃金木耳，整體來講真的不錯吃，看菜單嚇一跳😱，怎麼整個夜市的東西都集中在這家店裡🤣😂真實不容易耶我想最感動的還是老闆的創業經歷，讓台灣朋友難得來香港都要吃台式料理🤣加油加油👏🏻👍🏻…查看更多

荃灣街坊睇住Beans離場，台蔡喺Beans舊址開舖，由佢哋一開舖幫襯到依家已經3年幾。甚至依家擴張到鑽石山有分店，會擔心台蔡keep唔keep到，幸好台蔡目前為止都無令人失望🥺🥺，甚至我覺得滷肉飯仲好味過一開舖。我最常order招牌九層塔鹽酥雞，出面脆入面juicy 3年保持一貫水準，炸粉唔厚、炸油乾淨👍🏻藥膳排骨湯就唔同一般中藥味好重嗰種，反而係淡淡甜香，湯頭清爽但有層次，飲完整個人暖晒，特別係個腐乳醬真係畫龍點睛滷肉飯夠香，豬肉有肥膏但唔會太肥，就好似甜品唔會太甜一樣要掌握得好好🤣🤣真心恭喜台蔡入選米芝蓮，我都周圍同人講呢個消息🤪🫢證明自己識食…查看更多

來到荃灣區平時要排隊先食到嘅台蔡滷肉飯感恩今日6pm 順利入座👏🏻🥢九層塔鹽酥雞🥢滷肉飯🥢芝士肉鬆蛋餅🥢花雕麻油雞湯麵🥢炸花枝丸眼見差唔多枱枱都會有鹽酥雞同滷肉飯呢個招牌combo set，盬酥雞酥脆香口肉柔嫩滷肉飯肥瘦均勻醬汁調味夠濃稠花雕麻油雞湯麵看似有少少油浮面但湯入口帶點薑同藥材味感覺幾滋補經經濟濟食到米芝蓮推介排隊店幸福感滿滿~…查看更多

全港最好味台灣菜我就唔咁講🫢，但荃灣最好食嘅台灣餐廳就絕對係台蔡！有時中午唔想食得太heavy，我會揀碗藥膳排骨湯加個滷肉飯。嗰碗湯一上枱已經聞到藥材香，好似有當歸、黨參同紅棗，飲落唔會有苦味，反而帶少少甜，好順口。排骨炆得好腍，輕輕一咬就骨肉分離，啲肉仲保持嫩。配埋佢個滷肉飯真係無得輸，肥瘦比例完美，滷汁濃得嚟唔死鹹，啲飯吸晒精華，酸菜仲幫你解膩。食完整個人暖晒，好似打咗個強心針咁。天氣轉涼或者想補一補，呢個組合真係最啱。台蔡真係有係食得出用心煮出嚟嘅味道丫🫰🏼🫰🏼良心店家價錢公道…查看更多

I came across Tai Tsai after seeing it listed in the Michelin Guide 📕— apparently the only Taiwanese spot in Tsuen Wan with that honor. It’s a humble place, but the food speaks for itself.I ordered their Signature Fried Popcorn Chicken, Braised Pork Rice and an Egg Pancake to share.The fried chicken was the clear winner — crispy on the outside, juicy inside, perfectly seasoned with a kick of salt and pepper. It’s the kind of snack that feels straight out of a Taiwan night market. You can tell they’ve mastered the balance between crunch and tenderness.👍🏼👍🏼Then came the Braised Pork Rice — rich, silky pork belly braised to perfection, drizzled over fluffy rice and topped with a bit of Taiwanese pickled mustard greens. Every bite felt nostalgic, like proper comfort food made with care.The Chesse Egg Pancake was surprisingly good too😳🤤 — thin, golden, slightly chewy, filled with melted cheese that tied it all together. Simple, but addictive.They even have an English menu, and the staff were friendly enough to recommend pairings. 😻After trying so many trendy spots around Hong Kong, it’s refreshing to find somewhere that serving satisfying Taiwanese food.💯💯…查看更多

第一次食台蔡滷肉飯，平日12:15分🕚到唔洗排隊有位。今日唔太想食煎炸野，所以order涼拌蒜泥豬頸肉餐，再加碟秘製涼拌木耳，兩碟都係涼拌感覺fresh啲豬頸肉有麻油香，點個辣醬🌶️麻得黎又唔會太辣好嗆口果種，overall幾清爽。滷肉飯都幾好食，個肉汁幾香口。酸菜balance得好好，一個人一個set都算飽。最驚喜係個秘製涼拌木耳✔️✔️，個金黃色食落係甜甜小小辣好爽口開胃，好奇問下店員究竟係點整。店員話個醬係用蘿蔔、蒜頭、蘋果落去攪。呢個dish真係有心思，新界比較唔會expect食到呢個菜式。👍🏻👍🏻呢間台灣菜由盤碟、食物質素都真係幾驚喜，估唔到荃灣都食到港島質素嘅餐廳✨…查看更多

入秋轉涼🧣❄️食台蔡就要試下【花雕麻油雞湯+滷肉飯+熱黑芝麻奶茶】呢個組合✅好多人食台蔡都係為咗鹽酥雞，但我個人就真係覺得麻油雞湯🐔🍲先係台蔡名物。麻油雞湯底香得嚟唔燥，薑味突出但唔辣喉，雞肉滑嫩入味，飲一啖就覺得全身都暖。搭配招牌滷肉飯一齊食更滿足，滷汁黏口又香濃，每啖都係幸福感💕💕。跟餐加一杯熱黑芝麻奶茶，芝麻香得嚟唔甜膩，飲落口順。呢個「冬日三寶」食完真心滿足。有次我試過夜晚8點黎食，麻油雞湯已經賣曬，莫非好多人用我係同好🥹🥹…查看更多

路德圍好似半年就會轉一次手咁，好多舖開幾個月未有機會試下就執咗🤣唯一奇觀係台蔡滷肉飯長期排隊🙀，今次晚市排咗25分鐘終於食到我叫咗佢哋嘅招牌滷肉飯，選配溏心蛋。飯上枱嗰陣都幾美觀，肥瘦交錯嘅豬腩肉切得唔厚亦唔太薄，飯粒吸晒汁，撈起隻溏心蛋食都幾新式，酸菜鋪咗一小撮，微酸帶甜，令整碗飯平衡唔膩。個人覺得碗滷肉飯喺台灣都算好食，後來見到個牌先知係台灣廚師開，果然係台灣人先做到陣味，唔係周圍都食到咁好味嘅滷肉飯🤔。之後我order咗肉鬆起司蛋餅🌮🧀因為網上見到好多人話唔錯，蛋餅蛋皮煎得金黃，邊位酥脆，入面嘅cheese會拉絲，肉鬆份量唔少，蛋餅切開唔係濕濕爛爛，而係脆口，呢個蛋餅份量足有水準。Overall算係一間好味嘅台灣餐廳，排隊時間雖然要等，但翻枱快，店員效率唔錯，排隊25分鐘都接受到。…查看更多