古今二 (The ONE)

营业中

休息中

古今二嘅創意卷物一向大受歡迎，今日黎到尖沙咀分店，試咗兩款卷物，擺盤同配搭都好靚好match！值得推介比大家！東京爆脆賣相好得意嘅卷物包著吞拿魚、蟹柳，面頭仲有微辣沙律醬，輕輕炙燒過，食落層次豐富之餘仲好有口感，夠哂特別！紅龍卷粉紅色嘅卷物好吸晴！面頭係吞拿魚，內餡有炸蝦同芝士，味道一流！櫻花蝦原條茄子燒超多櫻花蝦舖滿原條開邊茄子，入口有軟綿茄子搭配鹹香櫻花蝦，層次十足！原條金目鯛刺身鮮味肉嫩既金目鯛脂肪豐厚，魚身呈淡淡粉紅色，入口鮮甜嫩滑，肉質細緻鮮美，味道相當濃厚，富油脂部分肥而不膩，食落細滑有嚼勁！

呢間餐廳環境幾清幽優雅,非常適合同朋友家人黎聚餐。佢哋嘅彩虹卷好吸引,有三文魚、吞拿魚、牛油果、青瓜同蟹柳,材料好新鮮,口感豐富。我哋都叫咗佢哋嘅頂級刺身拼盤,實在唔錯！三文魚嘅肉質細緻柔軟,恰到好處嘅油脂更添風味。八爪魚又韌又爽脆,入口甘香。牡丹蝦肉質飽滿鮮甜,清脆可口。帆立貝Q彈飽滿,甜味十足。最令我嘆為觀止嘅,非數頭吞拿魚刺身莫屬 - 赤身吞拿魚肉質鮮嫩多汁,脂肪適中,入口即化;而中腹吞拿魚更是鮮甜滑嫩,實在難以置信!最後加上油甘魚,清新爽口,令人回味無窮。總括,呢間餐廳十分值得推介,絕對係食家必到之選!

約了一班朋友到來到古今二聚會，要了壽司，小食，剌身。金龍壽司卷是古今二的招牌壽司之一。三文魚和炸蝦十分配合，壽司飯的口感綿密，非常美味。金龍壽司卷的外觀精美，最喜歡脆脆的炸蝦。另外也要了其他壽司卷，卷物結合了牛油果，三文魚，芝士，經典組合，鮮美非常，三文魚的鮮甜和牛油果的滑順相得益彰，味道令人愉悅。最推介橫綱力士龍蝦卷，是一道別具特色的壽司卷。這款卷物結合了鰻魚、龍蝦、牛油果，極度豐富的味道層次，獨特的口感和風味。鰻魚和龍蝦的鮮嫩帶來令人滿足的味覺體驗，留下深刻的印象。 不得不提原條刺身魚，這𥚃提供新鮮的原條刺身魚。金目鯛十分之新鮮，師傅將其以精湛的技巧切成薄片，保持食材的原汁原味。每一片刺身都展現了魚的鮮美，口感鮮嫩，提升了味覺的層次感。

今次同朋友去咗尖沙咀行街，到夜晚搵嘢我就介紹咗古今！食過數次，嘢食種類有多選擇超級龍捲風好欣賞呢度嘅卷物連個名都好特別，超級龍捲風包括 鰻魚、海老、芝士、青瓜同脆片，炸蝦尾見到已經覺得好吸引，加埋芝士同脆片成個口感好得意，亦都食得出蝦嘅鮮味火山呢一個係好IG打卡able!! 熊熊烈火圍住捲物襯啲火未熄影多幾張相。卷物面頭鋪滿海量嘅蟹柳同三文魚子加埋沙律醬口感好豐富又夠味。另外仲嗌咗兩串串燒，燒牛舌(唔會好韌燒得好香)同埋白鱔(好新鮮，質地比較爽口)

今日同朋友慶祝生日，平時鍾意食西餐嘅佢竟然話想食日本菜，所以就揀咗間有得食卷物嘅日本菜店，又有得寫靚靚happy birthday俾個驚喜佢😣😣😣兩個女仔食唔到咁多嘢，食咗個沙律🥗，有豆腐，蟹籽，同埋蕃茄仔，都幾豐富㗎，又健康，啱晒我哋呢啲怕肥嘅女仔，之後食咗個海膽炒飯，其實食咗一碗已經飽飽地，份量都好大份，兩個人分其實都食到兩碗，除咗海膽之外，入面仲有少少蝦肉，炒得好香，下次嚟都會再揀食佢！最後嗌多一碟卷物已經好飽了，驚喜就梗係留喺最後啦，店員好貼心幫我安排這個驚喜，我朋友都好開心，估唔到日本餐廳都有得咁樣寫Happy birthday

🔖 劍魚腩 魚腩很厚肉 而且都很新鮮 油脂分布平均 入口即溶 口感嫩滑厚實！🔖 鹽燒鯖魚便當便當好豐富 入面 鯖魚、玉子燒、胡麻豆腐及柚子沙律。燒鯖魚的 外皮夠薄 又燒得酥脆，調味不重，燒香後令魚鮮更為突出。玉子燒的蛋非常清甜，食落超濃郁，而且佢好厚蛋口感非常好。另外胡麻豆腐及柚子沙律則中和了以上的膩，很清新。🔖迷你三文魚親子丼親子丼有三文魚、三文魚腩、三文魚籽。三文魚有油香，魚腩油脂豐富，魚籽咸香好適合配飯。不同嘅三文魚一次過滿足到三文魚控！🔖京都九條蔥汁燒豚腩便當便當很豐富及包肚！有齊豚腩、玉子燒、炸豆腐及柚子沙律！豚腩用左蔥汁特製，所以非常濃郁很下飯！玉子燒的蛋非常清甜，而且口感很好！豆腐炸得金黃，很香脆可口！

職員叫客人用QR Code 下單，下完單之後等了半小時還未上菜，於是我再次查詢，當下有位職員只是問一句是否我未送出，再次檢查發現他們是比錯了一個「電話外賣」二維碼。當下的我已經十分憤怒，作為職員你看到我手機顯示我的訂單已送出，為何不是立刻叫廚房做，反而不停地檢查系統！ 這種服務態度是對的嗎？當下完全沒有道歉，直至我跟職員說是你們給我們錯的二維碼，職員才跟我們道歉！因為我已經浪費了半小時的時間在餐廳等候，當下的時間已經是九點。其實當我們進入餐廳時職員已經只是擺了餐具，沒有提供水要我們出聲才給我們

The ONE 5樓有個寧靜小角落，商場人流唔多，但古今二已經陪伴我哋幾年，大家都認識呢個品牌，仲有幾間分店，所以想得去都係特登排隊食創意壽司卷物。招牌玉子燒有灸燒過，玉子甜味更香，質地好軟滑，仲有蟹子同少量沙律醬味道更突出另外叫咗三份卷物，份量都唔少，我哋兩個人食再加埋其他小食啱啱好。鰻魚卷除咗有鰻魚肉同青瓜絲，面頭仲有脆脆同埋淋上燒汁，食落層次豐富倫敦橋即係海膽卷，一大堆海膽下面埋藏住三文魚，味道好鮮甜。紅粉佳人係辣味吞拿魚同辣味三文魚蓉，再加上蟹柳同牛油果襯托辣魚鮮味燒牛舌厚身多肉汁都好好食，佢哋唔少卷物都好有特色，仲有部份係獲獎，仲要燒物都咁正，下次要試更多款式

嚟到呢間尖沙咀好有人氣嘅居酒屋，果然嚟食嘢唔會失望🥰！嘢食味道夠濃郁，而且同出邊日本餐廳感覺好唔同，感覺餐廳有花心思加入fusion元素。卷物裏面有忌廉芝士，食落味道更加綿滑香濃，配埋天婦羅炸物嘅脆身油炸感又幾夾喎🫶🏻。呢度嘅刺身都好靚，用晒原條魚拼成一條條刺身船✨！有晒造型好特別，屋企人都話睇得又食得。串燒味道都唔錯，醬汁香香甜甜，而且火候控制得幾好，食落外香內軟😚。而且位處商場裏面，環境都幾好。

今日去尖沙咀食午餐，見呢間好多食評，就去試下。 點左： 什錦壽司盛 （包味噌湯，凍檸茶）- 加配吉列炸蠔(2隻) 蕎麥麵.套餐A （包味噌湯，熱日式即磨咖啡）- 加配香菇蝦肉天婦羅(2件) 食左少少， 開始明白點解睇到既食評都係讚串燒熟食...確實，以午餐什錦壽司盛價錢，壽司是真的很麻麻，魚生質量麻麻，壽司飯味道一般，所以未飽但都無食哂。 反需加配既香菇蝦肉天婦羅同吉列炸蠔呢類熟食比較好啲。整體壽司性價比麻麻，可以的話，只點熟食比較好。

宜家人人都話要北上搵食，香港的又貴，又不唔好食，服務態度又差，今日朋友請我食日本菜，去咗古今二，真係有驚喜，服務員友善又醒目，食物又好食1.龍捲風沙律，好香帶少少辣好惹味2.串燒雞中翼,朋友食完，話未試過日式串燒連中間都入晒味的燒雞翼，同生啤係最好朋友3仙台牛舌拼鐵板牛小排牛肉肥美，我唔知佢係咪和牛，都雪花分布均勻超軟滑，牛脷香甜不鞋口4.自選壽司，燒左口魚裙，油香勁正又滑；鰻魚，超多汁；拖籮滑；特別推介☆☆☆蟹膏壽司；蟹膏咸香鮮味，一d唔腥，超級勁好食5海鮮拼盤☆今☆勁新鮮6.日本生蠔，雖然唔記得係咩產地，咪睇佢瘦瘦地，佢係勁鮮甜朋友買咗個蛋糕俾我，服務員仲係隻碟到寫咗日文的生日快樂，很有心的呢間日本餐廳係可以再食，鄭重再講多次一完要蟹膏壽司P.S.唔係太識用相的功能，放錯咗仙台牛舌拼鐵板牛小排第二張相，請見諒

尖沙嘴出名既日式手捲飯餐廳🍴無錯，又來到日式既飯堂醫肚——古今二🇯🇵🍣🥗古今二乃出名食特色壽司飯，壽司料理樣樣有新意思新搞作，想食得健康又特別，就會同朋友來呢度食晚飯。1. 日式麻醬豆腐沙律 $98 必吃古今沙拉🥗調配的味道好棒，健康又好吃😋2. 鹽燒白鰻 $38 鰻魚鹽燒好滋味3. 龍卷風 $72 這款壽司有芝士🧀在裡面好好吃🤤4. 彩虹卷 $119 好多不同顏色的魚生形成的壽司🍣每一塊都有不同的魚生，可以吃到不同的口味。5. 鹿兒島黑豚荔枝卷串燒 $32 有荔枝卷的串燒味道👅就是特別甜

今日同屋企人嚟尖沙咀呢頭，喺The One搵食。5樓呢間日式壽司居酒屋食物質素不錯👍🏻坐得又舒適，同朋友約呢邊食飯傾偈幾唔錯👍🏻豆腐沙律呢盤沙律真係好足料！有大量沙律菜之餘仲有好多海草，蟹籽，蝦籽，豆腐！調味都調得好好👍🏻無失望！呢度嘅串物好出色！我哋試咗鹿兒島黑豚荔枝卷串燒同埋鹽燒白鰻！超級好味😍黑豚肉鮮嫩又多汁，加上清甜荔枝，加少少焦烤味道，絕配！壽司來講，東京爆脆好味！鮮蝦天婦羅配濃濃cream cheese!飯質亦做得不錯👍🏻

我和姊妹來尖沙咀覓食，她讚美食材優質美味，受顧客喜愛，老友難得聚在一起，來到新派創意日本料理，卷物出名的餐廳「古今二」，遠離急促的生活節奏，享受廚師精心炮製的美食，那一刻我覺得很幸福和高興。蒜香牛油燒帆立貝厚切帆立貝，來到時熱辣辣，肉質有彈性，配上蒜香及牛油，細滑芳香，味道可口。超級龍卷風龍卷風有八件卷物，材料相當豐富，入面有蝦，芝士，青瓜，鰻魚及脆片，各款都美味，口感衝擊味蕾。東京爆脆爆脆的外層是紫菜，入面有吞拿魚及蟹柳，食落十分之夾，加左醬汁，味道絕對不俗。古今二（尖沙咀）地址：尖沙咀彌敦道100號The ONE5樓502號舖

首先，我叫咗龍卷風沙律。呢個沙律入面有蟹柳同中華沙律，再加上新鮮嘅沙律菜。每一口都有蟹肉嘅鮮甜同沙律菜嘅清脆，令味道更加豐富，好開胃然後，我試咗鹿兒島黑豚荔枝卷串燒。豬肉片包住荔枝，味道酸酸甜甜，真係好特別。接着，我叫咗紅粉佳人。呢個壽司卷入面有好多辣味吞拿魚、辣味三文魚，仲加埋少量嘅蟹柳同牛油果。每一口都帶有少少辣味嘅刺激，配合牛油果嘅濃郁口感，味道絕佳。最後，我叫咗黑龍卷。呢個壽司卷中間係炸蝦，卷上面仲有鰻魚同牛油果。炸蝦外脆內嫩，配合鰻魚同牛油果嘅組合，唔錯。