友口馥 (已結業)

四日假期,決定留港消費.由香港一早去大埔食洪記豬潤粥,腸粉. 好味然後去大埔熟食市場,食東記炸豬扒雞翼再去火車站博物館消化一下. 之後行去太和火車站路經＂ 友口馥＂。見到一家人企係街度食芝麻糊. 食到 lamlam脷。店舖小小，多多小吃。 如砵仔糕，糖水我最後即吃了一碗綠豆沙。綠豆沙有臭草海帶綠豆。材料很豐富。很有家的味道我最後買了芝麻砵仔糕，檸檬薏米雪耳水回家，仲可以揀多渣小渣，只係收$1５一枝。今時今日價錢好抵，比起動輒要幾十元一碗糖水。真係性價比高良心制作。有一間＂ 友口馥＂在家附近，咁就真係有口福了下次要試下紅豆沙和之芝麻糊，桃膠…查看更多

石磨腸粉係好抵而且好滑叫左朱肉同冬菇，朱肉好吃過冬菇。首推係芝麻糊，不澀口, 滑而不甜膩。紅豆沙係高水準, 好多豆。最誇張係樽桃膠, 買左兩支, 一支當日飲, 不太甜但好足料。第二支放在雪櫃, 隔左兩日拿出來翻熱, 加左少少糖, 有兩碗多, 好滿足, 好滋潤，售15大元，到大埔必買之選。另外，也買了四種砵仔糕,蝶豆花係藍色好特別, 另一鹹味就普通怪怪地唔慣。蓮藕炆豬肉, 本身諗住做晚餐嘅餸, 點知一打開就畀人食曬,變咗下午茶。咖哩魚蛋都係中規中矩, 咖哩汁好食, 食淨啲咖哩汁攞嚟炒雜菜加少少糖, 正！荃灣友上…查看更多

山長水又遠入到大埔睇跌打，特登過來幫襯。性價比都仲係極高，家庭手作，即叫即做，味道依舊好。四點鐘去到，好彩仲有腸粉！今日試咗新嘅xo醬腸粉，雖然好味，但有啲鹹，下次都係試返雞蛋腸！…查看更多

不枉我喺大埔拎返將軍澳行過路過見到咁平咁足料冇理由唔買啊一買就買咗一個大嘅糯米飯 雲耳兩個人都食唔晒個糯米飯都偏向比較重口味因為佢真係好多料過雲耳 酸酸辣辣非常開胃再買咗桃膠 黑芝麻糊 綠豆沙同埋白色嘅椰汁涼粉真係好食到不得了佢仲要係勁多料🤤足料好食！一定推介俾朋友 💛大埔就好啦咁多好嘢食好羨慕呀如果將軍澳都可以開到分店就好啦咁我就唔使拎黎拎去🤣🤣🤣🤣🤣🤣因為全部都係外賣淨係掛住食唔記得影相…查看更多

做完運動餓餓地，不如走去食腸粉啦，諗住試下呢個所謂既石磨腸粉啦，一去到有幾個人排緊隊買，叫左個牛肉腸食啦，諗住應該唔會差得去邊，對於我個垃圾肚黎講，衰極都應該有個譜既...原來石磨腸粉既口感係鞋烚烚，又幾粗糙，又無米味，好厚...我真係...失望到飛出宇宙。理應肚餓既時候食咩都覺得好好食架麻，但係呢...我夾硬食，都食剩半盒，剩低果半盒最後我請左垃圾桶先生食，你話我浪費都係咁講架啦。呢間石磨腸粉只此一次，完。…查看更多

住荃灣 慕名而來。 先牛肉食腸粉。 味道好好 摺痕令口感豐富。腸粉米很香 。 十分有誠意。牛肉好鮮。 豉油甜香再叫多個蝦米腸粉。很好味。 之後食多個西米露。 甜度適中。。 極力推薦。 …查看更多

早前在網上見到這店可歌可泣的故事，專和由遠處來到幫襯小店。購買了糕點和糖水。當我滿心歡喜品嘗時，吃到的只是變壞的味道，吃了一口就拋了，浪費了的的心機和金錢剛巧幫襯時，老闆在大叫減價，推銷食品，我見食品擺放在近門口位置，不知道食品是否放得太耐了，在烈日當空下曬著，真的很容易變壞。。。今天再次徑過這店舖，發現該店鄰近是大型公厠，又鄰近垃雜房，難怪店內，店內都有曱甴出現...真的很污糟邋遢，無下次。。。…查看更多

今日經過呢間鋪頭見有人係度排隊，胃食既我就上前去八下有咩好排，原來係間買糕點同糖水既鋪頭，見佢啲食品每樣都勁平，而且有啲食品我都未見過，砵仔糕都有五六款味道，幾特別既口味都有，真係估佢唔到，望望下見到有樣叫桃膠既飲品，即刻黑人問號❓咩嚟架呢❓所以膽粗粗買咗一支嚟試吓。桃膠 ($15) : 顏色有啲似羅漢果龍眼水，就眼睇有蓮子、百合、紅棗、蜜棗等等。。。。。。口感黏黏地，味道甜得嚟一啲都唔膩，而且飲到啲紅棗，蜜棗既清甜味道，加上又有渣食都係賣咁平，真係抵過去糖水鋪，估唔到原來桃膠係咁正。🥰…查看更多

昨日中午朋友經過大埔間食店「友口馥」見到有海帶臭草綠豆沙及砵仔糕，就買咗嚟請我哋食，我一個人食哂一碗綠豆沙，感覺好足料，好多綠豆，臭草及海帶嘅份量配搭得啱啱好，唔會搶咗綠豆嘅味，最欣賞嘅係唔會好甜，亦唔會好多水，超抵食，仲有件黃糖砵仔糕，都好好味，紅豆都分佈得好平均，口感唔錯，好滑，唔會太軟，亦唔會太實。總結：好味抵食，特別係依家炎熱嘅夏天，食碗海帶臭草綠豆沙感覺都舒服啲，有機會一定要再試埋其他特式糕店。…查看更多

聽聞大埔有不少隱世小店，朋友推介這裡的腸粉，豆漿和甜品，所以專程過來試試。小店很有風味，沒有坐位，地方很細但也算乾淨。老闆娘很 friendly. 看得出很有心機和熱誠，連豉油也用暖水瓶保溫，非常細心。我怕等得久，所以非繁忙時間才來，有兩三個人排隊。點了义燒腸，蝦米腸，黑糖砵仔糕，芝麻砵仔糕和芝麻豆漿。腸粉很滑，令我勾起兒時回憶。黑糖砵仔糕很美味。芝麻豆漿新鮮美味，絕對驚喜！豆漿沒有防腐劑，可放雪櫃一兩天。絕對會再來幫襯…查看更多

平時經過, 都好想試下這店的食物. 下午六點多鐘, 好多時都見到她們在速銷. 除了甜品和腸粉外, 在疫情下還有多款自家制的餸菜供外賣的, 如不是家裡已準備好餸菜, 都會買來試下的. 難得今天經過, 就買了一個椰汁西米露回家作飯後甜品. 外賣碗盛載得好, 一點也沒有漏出. 椰汁不夠多, 微香+微甜. 但西米都幾多的, 不會好稀. 我幾鐘意食這些西米, 食起來比較煙韌, 可以趙下, 不會一入口就溶化, 有口感. 再撓一下底部, 原本重有芋頭, 都有7-8粒, 又腍又”粉”, 幾好味！ 食完呢碗糖水, 真是飽到走不動！…查看更多

早兩日經過大埔，肚餓諗住買d野食醫下肚，咁啱見到呢間賣腸粉既鋪 心諗腸粉應該好難中伏，於是就買咗份蝦腸點知我錯咗 可能天氣熱，粉漿好易變壞，D腸粉食落酸酸宿宿咁，心諗中伏 ！d味道都唔似平時食開既石磨腸粉，蝦都好乾咁，唔彈牙，真係有d失望，可能真係一分錢一分貨。同埋見到佢d材料都唔係裝得好好，就咁露天，疫情下始終唔係咁好，好易受到污糟㗎嘛！食嗰陣都有d驚！由於唔新鮮同懷疑變壞咗既關係我都冇食曬，不過之後都肚痾咗3次，真係冇下次！…查看更多

叫咗個叉燒腸粉，如果石磨腸粉嘅特色係粗鞋，佢都算石磨腸粉嘅表表者，咬落口又鞋，又唔滑，又唔係重米味，叉燒又係平時果d點解我要食埋呢啲鞋腸粉？？ 仲講到好似話好多明星幫襯....又話用石磨唔用機，點知又係花巧野，我寧願食返茶樓果d 滑腸粉。真係唔明點解要用返啲舊時代嘅機器就當一個賣點，依家啲人點解唔用舊時代嘅機器就因為啲機器已經俾人淘汰，唔係失傳，你用返啲俾人淘汰嘅機器梗係唔夠人哋好食。所以依間野，不了。…查看更多

今日同大埔朋友聚舊，佢話口痕想食甜品，所以走左去食一間叫友口馥嘅鋪頭啦，咁眼見前面啲人都叫芝麻糊黎食，咁我地兩個都跟風叫黎食啦點知一食第一啖，就覺得奇怪，點解有啲酸酸地，之後問下我朋友啦，點知佢都話有啲怪味，覺得有啲唔對路，會唔會放左好耐望埋其他人食成點啦，個個都停曬手，咁我地就心裡有數囉。 我朋友話想同老闆講叫佢換個碗，但其實咪又係佢個煲唔知放咗幾耐嘅芝麻糊“畢”出黎，所以叫佢算數啦，可能真係“口味”唔同啦:(食到無mood 第一次食酸嘅芝麻糊，真係天大嘅笑話。 最大嘅問題係，我地各自返屋企之後就肚瀉痾7彩，痾到呢明明無食啲咩野，回帶諗起最有可疑嘅都係個碗野，越諗越火滾，一定要上黎同大家講，千其唔好食哩間嘅劣食，食完包你清腸胃…查看更多

剛看完nowtv的新聞過來的 想起不久前曾經食過 平常不常寫食評 但這間食物質素不太好 衛生麻麻老闆娘講野九唔搭八 仲有撐警真係不了overall i would rate this restaurant 3/10 after knowing that it is a 藍店 id say it is 1/10food hygiene as well as quality are not satisfactory. i will never ever visit this restaurant again. …查看更多