又一戟 (已結業)

今日放工之後同朋友來葵湧廣場掃街，經過的時候見到呢間平時假期會勁多人的甜品店，難得見到冇咩人，就想買一個同朋友一齊食。買完之後就企系隔離同朋友邊飲奶茶邊等，我的等待號碼係90號，等咗5mins左右，聼到個女店員叫號90和91，我聽到之後立即過去拎，佢竟然同我講已經叫咗我好多次過咗號，去排多一次隊。我心諗可能就係冇聽到，算啦去排隊，我在排隊嘅時候收錢嗰女店員同我講：已經叫咗你哋好耐啦 唔好打擾我哋做生意啦。呢啲係咩服務態度啊，我已經系聽到就立即過去拎，條八婆點好意思噉講。在排隊途中，我還聽到一位男店員大叫：唔好問仲要等幾耐呢啲廢話。呢間店真係無藥可救，佢哋嘅野食又唔係話特別好食，點好意思俾客人噉樣嘅服務態度。…查看更多

本身日頭和妻子經過，發現佢一個班戟，其實和一田差不多，可能份量是大一點，有點雪糕，有點鮮果例如士多啤梨，再加一些忌廉，竟然要索價$47 ，其實一田都只是30多元已經有成交。不過晚上，和兒子去logon 之後，他表示有點兒肚子餓，就二話不說來了，他一見到士多啤梨多數都會叫，結果都是等了5至10分鐘，發現 份量都不算太少，忌廉亦都不太少，士多啤梨不算太甜，酸味比較強勁，忌廉份量不太少，另外可以配一個雪糕，因為其他味太古靈精怪，亦都不適合小孩，於是我要了個曲奇雪糕給他，他也吃得大快朵頤。:)又一戟Pencake，份量夠大夠長，下邊還有些朱古力醬，上邊的旁邊比較香脆，下邊的比較多忌廉，因此下邊的比較甜，不過配起雪糕以及忌廉，混合一起來吃，其實味道都相當不錯不過始終葵涌廣場非常舊式，旁邊那些椅子都只有六張長凳，已這兒這麼多食客，根本就容納不到這麼多的人在這兒堂食，因此每每連長凳都有啲人喺度等位，或者堆滿了客人。…查看更多

真係好失望由中學食到依家起碼都十幾年間唔中都會買黎食唔知係咪做起咗個名質素就下降左好多越做越差又越嚟越貴又唔好食態度又差真心唔會再食如果要購買請大家慎重考慮，唔好辛苦自己個胃…查看更多

態度差，而且唔好食……真心期待有其他新店可以取代佢個舖頭位。本人以前食過芝士蛋糕口味，嗰時好食到令我眼前一亮，但係最近食多次同款口味真係令人失望……加上店員態度惡劣，我好後悔買亦以後唔會再買🙂…查看更多

呢間舖頭我由細食到大，發現佢質素越嚟越差，叫個焦糖燉蛋雪糕班戟，食完舊雪糕入邊全部都係cream，起碼有一半係cream，之前好似冇咁差，加價加得咁犀利，成$47 $50個班班戟，但係就比cream啲客人食，希望可以做返之前嘅質素。…查看更多

熱辣辣的班戟，外皮香脆可口😋但個人覺得入面嘅餡料唔夠鹹，冇乜味道，同時煙肉嘅香味俾芝士蓋過，食唔太出個味🤨本身仲好期待食到煙肉🥓建議大家可以唔洗加芝士啦！總體來講，一般…查看更多

每次行到葵廣嘅3/F必定會見到依間舖，因為係電梯口同好多人排隊等食😂😂我之前有試過佢嘅鹹牛肉pancake，發現原來鹹嘅又幾特別😋😋今次試下甜嘅，食嘅係榴槤肉+雲呢拿雪糕pancake😎個人係榴槤fans😋不過依間嘅榴槤肉就唔係太香嘅🙈而且佢係岀面加左朱古力醬，所以我係有啲扣左佢分嘅🙈榴槤加朱古力個人認為唔太夾😅 有少少驚喜嘅係個皮，原來即食係仲暖暖地同脆㗎！👍🏽仲有初初以為得個頂有榴槤肉，點知一直食落去，原來入面都仲有㗎😍😍…查看更多

來到葵涌廣場當然要試下掃街啦，因為第一次掃街，當日人流比較多，所以都係隨機抽幾間咁食，遲下再去葵涌廣場會試其他未食過舖頭~~~多觀好吸引，叫左一個草莓+雪糕班戟，即叫即整，可以望住佢整，好療瘉!!!!草莓味道不酸但也不甜，忌廉搭配朱古力醬，整個搭配增加味覺感，食完唔會覺得有油膩感。不過整體味道個人覺得普普通通。…查看更多

星期六當日我同阿妹+朋友仔一行三人大概12點零鍾左右到葵廣, 掃街, 經過3樓見到呢間讀書年代已經喺度嘅小店, 見佢未開, 我地行左入面逛左圈再出黎, 到左大概12點9左右番到, 個男店巽話冇咁早開, 我就同阿妹佢地睇下等陣開舖果陣叫d咩, 我地一行3人, 喺店面睇, 想食個回憶姐, 結果極度失望!!! 個女人(相信係老闆娘)好惡咁苦笑講, 我地冇咁早開架, 你地係咁企喺度, 好大壓力阿! 你地企喺度我都整唔到野俾你地! 咁大壓力! 我唔想做!!想食個回憶姐, 結果俾人鬧住走, 我地都講明唔急住落單, 都咁樣俾人對待!! 真係極度失望!! 難怪d港人咁多上晒大灣區消費喇... 可悲…查看更多

今日行過「又一戟」，心諗點都要入去掃一轉。啱啱好肚仔餓，就叫咗份咖喱雞班戟同香草雪糕榴槤醬班戟。講真，兩者都嘆為觀止嘅好味！咖喱雞班戟外皮煎得啱啱好，啖啖肉嘅雞塊同咖喱嘅香辣味，夠晒惹味得嚟又唔會辣到喊，內裡嘅班戟皮又軟熟，幾正！食埋嗰幾件馬鈴薯，真係欲罷不能。轉個口味，嚟個香草雪糕榴槤醬班戟。嘩，第一啖嘴香草雪糕，涼快嘅感覺直沖腦門，簡直醒神！班戟皮同淋上嘅榴槤醬，味道夾得好，甜而唔膩。榴槤控嘅朋友一定要試，榴槤醬既香又濃，送上去個個都話讚。行過葵芳，不妨試下「又一戟」，保證唔會令你失望。光係諗返個咸淡適中嘅咖喱雞味，同甜到心坎嘅榴槤香，已經足夠滿足！🍴😋👍…查看更多

一上到葵涌廣場3樓，就見到又一戟依然屹立，營業十多年，歴經疫情，仍能捱得過。即使已晚上10點，葵廣許多店家已關店，3樓這層仍有不少人流，又一戟是其中一家吸引食客買甜品的店舖。又一戟的人氣班戟大致分成鹹食的熱班戟及甜食的凍班戟，現今的班戟口味比以前更加多，例如有乳酪班戟，紐約芝士蛋糕+雪糕班戟等等。這次我試的口味是提子冧酒雪糕味班戟，班戟即點即製，因此班戟皮夠熱夠脆！提子冧酒雪糕面層擠上許多忌廉，並曬上朱古力餅碎。提子冧酒雪糕是普通款式，算不上好香滑，帶微微冧酒香，甜度適中。加上忌廉及朱古力餅碎，也不會太膩。雪糕及忌廉分佈平均，班戟被吃掉了一半也仍有餡料。雪糕的凍與班戟皮的熱，一冷一熱，相映成趣！比起在日本當地食crepe，又一戟的班戟質素是未及得上，但當現在食一碗甜品或糖水都40元以上，30元左右食又一戟的班戟做甜品都是不錯的選擇。…查看更多

由細食到大既小店今日心血來潮去encore想重溫一下我的最愛熱香蕉朱古力醬pancake 咁耐以黎我都中意叫呢款pancake因為我中意熱食既甜pancake(凍食pancake食完會咳🥺) 今次用左外賣自取，20分鐘前落order去到即刻有得拎唔洗等係正既 不過店員既態度一般啦😅一份pancake大約有2條香蕉左右?每一口都食到有香蕉同埋大量既朱古力醬加埋有少少煙un 既pancake皮配搭好match又健康…查看更多

以前得兩個人嘅時候還算okay 依加請多左個人之後 係三個人嘅態度都好惡劣 非常冇禮貌 連基本尊重都唔識可能因為近年生意好 唔憂做 已經越嚟越貴 又越嚟越唔足料 本身諗住買回憶 點知係買氣嚟受…查看更多

因為情意結而買但而家服務態度極差，買到一肚氣，實在唔明係咪做到出名小小就要咁對啲客？以後唔會再幫襯！以往只有一男一女做態度okay, 而家多個女收銀就3個人都態度又串又冇禮貌。其實唔想做可以執咗佢，冇需要揾人做出氣筒🤷‍♀️…查看更多

I recently indulged in a mouthwatering takeaway pancake and I must say, it left me completely satisfied. I ordered the hot pancake with banana and pistachio sauce, and it was a delightful combination. The portion size was generous, ensuring that every bite was a perfect balance of fluffy pancake, sweet banana, and nutty pistachio goodness. The pancake itself was cooked to perfection, with a golden-brown exterior and a soft, melt-in-your-mouth interior. At just $33 HKD, it was an absolute steal for such a delectable treat. If you're craving a satisfying and affordable pancake experience, this is definitely the way to go.…查看更多