叁不館

营业中

休息中

二訪呢間懷舊style港式火鍋店--叁不館 裝修貼合舊式香港城寨風，門口有霓虹大燈牌，仿照麗花皇宮夜總會嘅大門佈景，入到去收銀處係已絕跡舊戲院嘅前台，仲有啲街頭美食檔攤，播放住70s, 80s嘅經典情歌，邊食邊聽真係好似去番幾十年前嘅舊城路邊攤，同啲三五知己聚埋打邊爐咁熱鬧。椒鹽鱔球鱔嘅肉質鮮嫩，外層炸得好香，配上椒鹽粉調味好香口，鱔皮部分都炸得酥脆可口。火鍋湯底--胡椒豬肚雞湯呢個簡直係經典嘅湯底選擇！ 以大量爽彈豬肚同鮮雞件為主要材料，湯底明顯食得出用原粒白胡椒熬煮已久而成。，煮得越耐越香濃，重點係唔會過咸，食完都唔覺得口渴。出符意料嘅係呢個湯底附送左一整碟鮮雞件俾我哋打邊爐，可以自己落入去湯中，唔洗擔心雞件會浸到太老太"鞋‘"，係細心位嚟👍 火鍋食材極級本地手切肥牛👍👍👍優質食材真係要配上手切，肉質鮮紅嫩滑，煮到半熟即食啱啱好。草蝦👍食落好鮮甜，肉質彈牙，非常新鮮嘅食材。南非鮑魚👍👍整個鮑魚飽滿而有嚼勁。店員會提醒各種海鮮需要煮嘅時間，記得食前計好時間，就唔會怕過老啦✅️蘇格蘭帶子👍👍👍帶子幾大隻，咬落鮮嫩，非常新鮮係即日入貨食材。日本扇貝👍肉質鮮甜，仲有微微海水味幾好。Q彈鮮墨魚

走香港懷舊風格特色的火鍋店～有種大排檔打邊爐的感覺 但可以嘆住冷氣真係幾爽～仲要而家有$1 啤酒 🍻優惠（青島/喜士伯）🍺岩晒一大班朋友黎打邊爐隊啤酒！🤩推介湯底：卜卜蜆豬骨煲好足料 蜆份量多 食極都有隻隻都大隻鮮甜～豬骨湯香濃有老火湯的味道！紫菜炸響鈴•好酥脆 新鮮即炸牛魔王拼盤•共6款唔同牛部位 幾抵食 好大份 好新鮮呢兩隻肉真係好嫩 有質感的牛肉！•頂級安格斯牛頸脊&極級本地手切肥牛蟶子&扇貝•海鮮夠新鮮！用豬骨湯煲海鮮食真係絕配！最後仲有新鮮西瓜送🍉火鍋完食特別爽甜！算是好抵食 食材份量大 環境舒適又夠晒貼地！氣氛好好 最鐘意係有香港情懷 確係同朋友聚會好地方！

今日嚟到呢間位於天后嘅打邊爐餐廳，一入到去已經好多人果然係名不虛傳，一入嚟嘅時候就會有兩份小食，一份係拍黃瓜另一份喺花生，拍黃瓜非常之入味，酸酸辣辣咁好開胃🤤🤤我哋坐低就叫咗卜卜蜆豬骨煲，職員上菜嘅時候都好有心介紹咗要食咗蜆先，蜆好新鮮同好大隻值得推介，而且份量都好多，食極都有。另外我哋叫咗個大份嘅牛頸脊安格斯，擺盤好靚而且份量都多，食落去新鮮嘅牛肉味道好突出，又唔會太過肥膩。此外我哋仲叫咗海鮮，聖子同埋蝦都好新鮮，好彈牙🦐🦐呢度嘅小菜都好有特色，我叫咗黃金鮮魷，同埋椒鹽粟米，椒鹽粟米十分惹味，椒鹽鋪滿曬粟米上面，辣辣地又甜甜地。☺️☺️而且黃金鮮魷用鹹蛋黃醬製成，又唔會太過膩，不知不過我就食完成兜。🥰🥰呢度嘅墨魚丸同埋豬肉丸份量都唔錯，每兜都有八粒，笠笠都大大粒，墨魚丸食落好彈力，而且有新鮮嘅墨魚肉包入喺裏面。👍👍

呢間餐廳既設計好有創意同心思，用左老香港做主題，播住香港經典歌曲，濕紙巾、點餐紙都有特別設計，連碗碟餐具都係傳統港式，細個食豆腐花果隻鐵羹都有😆呢到除左設計之外食物一樣有心思，醬汁比起平時既邊爐店更多選擇，特別既係自家製沙嗲醬同埋蔥油，兩樣都係港式既感覺，沙嗲味同蔥味都係好濃，搞到好想攞黎送飯🤣呢個椰子雞湯底不得了，可惜miss左侍應哥哥倒椰子水落去果下冇影到🥲佢會提我地飲左湯先再落雞，我仲諗緊點解唔係熬左啲雞味出黎先飲個湯，但一飲落就發現個湯底本身已經超好味😋之後落雞又可以每次酌量落唔洗驚煮到變老雞，好正👍食材一啲都唔馬虎，頂級安格斯牛頸脊一擺入口好香牛油味，而且有厚度，海鮮類全部都好新鮮，羊肉臊味都幾重中意臊味既可以嗌，牛脷托就煙韌啲。啊仲有前菜個青瓜都好好食，野飲嗌左個銀菊露，唔會好甜好好飲😍呢個食物環境氣氛質素真係對得住價錢，見到有啲客人帶左外國朋友黎食，可以感受舊時既港式情懷又可以食到高質素既野食，有機會我都想帶外國朋友黎呀。

醬油費 $18開胃小食$20/一碟蘇格蘭蟶子 $$116/2隻日木扇貝$76/2隻卜卜蜆豬骨煲$238黃金鮮魷$98檸檬薏米水$48牛魔王拼盤$468紫菜炸響鈴 $68海中蝦滑$88白帕葉$48餐廳具香港懷舊特色，令人仿似回到90年代，排檔特色。更設有特色房間，私隱度高，適合一班老友暢飲聊天。食物方面，有多種特色窩底選擇，我同朋友就試左卜卜蜆豬骨煲。啲蜆又多又大隻，鮮甜美味，令湯底增添鮮美。食物款式種類繁多，海鮮亦都非常新鮮。除左一般打邊爐嘅配料，仲有多款特色小食，加上餐廳正進行1蚊啤酒優惠推廣活動，小食加啤酒，非常盡興。

位於天后嘅叁不館，一間裝修極巨懷舊味道嘅火鍋店，無論一枱一櫈都有舊式大排檔風味，牆上更掛住一張張五、六十年代嘅廣告插畫，好有特色。火鍋店如果食材新鮮，就已經贏左一半，另外湯底都係重要一環，今晚order左卜卜蜆豬骨煲，真係材料十足，豬骨份量絕不嬉場，軟糯嘅豬皮蚊得入味冧滑，骨膠十足👍🏻，白蜆好大隻，乾淨鮮甜，起動前最緊要先飲碗豬骨湯，白如牛奶色水嘅湯底，鮮甜黏滑，咸咸香香，非常夠味。朋友鍾意食貝類，就order左蘇格蘭聖子、日本扇貝，扇貝非常巨大，貝肉豐厚鮮美，聖子脆彈爽口，兩者都非常新鮮👍🏻。白鱔片，色澤雪白光亮，一睇就知新鮮，廚師刀工唔錯，入口完全冇碎骨，食得非常放心，只須係熱湯輕灼數十秒，肉身卷曲入口，黏住豬骨濃湯咸香味道，更加釣出鮮味。花枝片都係厚切，入口軟嫩，越咬越香。頂級安格斯牛頸脊，滿滿一盤，份量十足，油花分布均勻，入口帶咬口，係我鍾意嘅口感，牛味亦好重👍🏻。牛脷托 呢個好有驚喜，原來牛脷用黎做火鍋食材都一樣咁好味，值得再次一讚個豬骨湯底，濃稠黏滑，咸香掛汁，令所有食材都能釣出鮮味。時間差不多到7:00左右，已經全場爆滿，可見叄不館真係用真材實料，食才新鮮換來口碑👍🏻。值

聽朋友仔話天后開咗間好正嘅打邊爐，咁啱經過附近就一於嚟試吓！果然好介紹我哋選擇兩款湯底，沙嗲湯底同埋蕃茄湯底，沙嗲湯底好惹味，鹹鹹辣辣，湯嘅質地亦都比較濃稠我哋特登嗌咗一盤響鈴，響鈴充分咁吸滿咗沙嗲湯底，一咬落去濃郁嘅沙嗲味喺口內並發出來！真係好正！另一款蕃茄湯底其實都唔輸蝕，湯底好足料，裏面有好多新鮮蕃茄，成個湯底好清新，個人認為咁樣搭配兩種湯底，一種比較濃味一種比較清新，就可以一次過享用晒兩種美味另外都要讚吓佢特色嘅牛肉丸同埋餐肉餃，牛肉丸真係好Juicy，一咬落去啲汁爆出嚟，而且肉質好新鮮，可以睇得出係用咗靚牛肉打成嘅！餐肉搞到好特別，完全唔會過鹹，無論配沙嗲湯底定係蕃茄湯底都別有一番風味！呢間餐廳叫叁不館，佢哋嘅裝修都好有特色，係九龍城嘅懷舊設計，喺裏面食飯就好似穿越去舊時嘅九龍城寨一樣，別具一番風味！

朋友推介天后嘅叁不館，懷舊風格嘅邊爐店，入到去枱同枱之間擺得好闊落，地面乾淨唔痴笠笠，first impression好好～醬料選擇幾豐富，必揀自家製沙爹醬同葱頭油，加咗葱頭油個醬即刻香十倍！揀咗雙拼湯底，蕃茄清清地幾舒服，沙爹香濃但唔會過鹹。手切牛頸脊爽滑好食，蔬菜都唔貴又新鮮，海鮮擺盤靚又冇沙，重點推介蝦膠油炸鬼，出面好少見，好有特色。仲有必食嘅就係即炸響鈴喇，一啲都唔油，吸滿沙爹湯就更加好食。

一直都覺得天后很多間特色餐廳，所以間中都會去覓食一下😆今次放工就約了朋友去了這間充滿舊香港情懷的火鍋餐廳食晚餐餐廳位於金輪天地7/F，一出𨋢果然不負所望，裝修已經很充滿舊香港情懷而裏面的裝修及木製枱凳更甚😎充滿懷舊氣氛店員也很快遞了一大盤醬料給我們自由調配，有齊晒基本的蔥蒜、芫荽、辣椒，仲有自家製的沙嗲醬及蔥油👍為火鍋配料增加更香口的調味咯咯雞花膠湯$298首先飲左湯先再食火鍋，個湯充滿香濃花膠味 飲落滿滿骨膠原好順口😋黃金鮮魷$98包圍着滿滿嘅鹹蛋黃再去炸，香口彈牙👍打邊爐又點少得牛肉😎點了頂級安格斯牛頸脊（例牌）$268牛肉味香濃，油脂比例令到入口即化打邊爐點少得海鮮😝點了蘇格蘭蟶子兩隻$116&日本扇貝兩隻$76冰鎮住擺盤好靚😍以及味道好新鮮同大隻足料蝦膠油炸鬼$78有創意的製法👍分別釀了滿滿的蝦膠在油炸鬼上，一款很多蟹籽，另一款就充滿紫菜，味道好有新鮮感好夾鮮墨魚滑$88同樣滿滿的蟹籽，墨魚味香濃新鮮，墨魚控的我很喜歡🫶🏻仲有好有創意嘅飲品餐牌🤣另外還點了蜂巢豆腐$42，油麥菜$42食到好飽好滿足，這餐廳也很合適一大班朋友食好有氣氛！下次人多點可以多點幾款火鍋配料🥂一齊飲到啤啤

店名: 叁不館地址: 天后電氣道68號金輪天地7樓天后站A2出口，行2分鐘環境: 4.5/5價錢: 4/5味道: 4.5/5參不館主打懷舊港式風格，有霓虹燈牌裝修，令整間餐廳嘅氣氛都好似係60、70年代嘅舊香港咁🇭🇰佢地依家仲做緊優惠，$1/支啤酒🍻Follow 佢地IG @city.of.darkness就可以享用，詳情可以參考翻佢哋IG🔎咯咯雞花膠湯❤️❤️❤️❤️❤️$298打邊爐前店員建議先飲碗湯，湯底味濃郁，鮮味不足，忍唔住一直飲🙈之後再加半隻雞同大量花膠，雞肉十分嫩滑😋必點嘅湯底‼️牛魔王拼盤❤️❤️❤️❤️❤️$468有手切封門柳、鮮牛肉粒、極級本地手切肥牛、頂級安格斯牛頸脊、牛胸尖、牛脷托各6片，最推介手切肥牛，肉味濃郁又軟腍，牛胸尖同樣爽口，而且好少地方有得食😚蘇格蘭蟶子❤️❤️❤️❤️❤️$58@1隻蟶子大大隻，肉質爽口，煮1-2分鐘十分鮮甜😙日本扇貝❤️❤️❤️❤️❤️$38@1隻扇貝超巨型，同樣非常鮮甜，嚼勁十足，新鮮又好食😍手打五寶丸❤️❤️❤️❤️❤️$98有豬肉丸、鯪魚丸、牛丸、墨魚丸同蝦丸各2粒，粒粒都彈牙爆汁🥰最推介牛丸、墨魚丸同蝦丸😋黃金鮮魷❤️❤️❤️❤️❤️$98炸至脆口，鹹蛋味超濃郁👅魷魚彈牙又有咬口，份

Love The old school Hong Kong theme! Filled with nostalgic sights, this restaurant brings back the rich Hong Kong cultural heritage. Food: It has more than 20 different types of soup base, a variety of leafy green vegetables, mushrooms, meat & seafood and some rice or noodles, All the ingredients are rather fresh! Highly recommended their cooked snacks as well. You don’t want to miss out the Typhoon Shelter Corn! Price are very reasonable, and now the restaurant offers a hkd$1 beer promotion! J

環境5分：懷舊香港裝飾，懷舊音樂由八十年代聽到現代，實有首你識唱。枱櫈有大排檔feel格局，可以畀五分。衛生5分：枱面有煮食餐具同紙巾圈，有很多種調味料任君選擇，有幾種仲要係自家製，非常有心思，乾淨企理畀五分。服務5分：侍應生非常後生，爽手唔囉唆，落單上菜加湯全部都好快，態度好好畀滿分。味道5分：1)   菜乾雞腳湯非常足料，除咗菜乾同雞腳之外，有紅蘿蔔，蟲草花，粟米，飲落非常鮮甜，雞腳好淋，紅蘿蔔要煮多陣先得。2) 牛魔王拼盤有六種，牛胸尖好爽脆；牛脷托爽彈；鮮牛肉粒依個要煮耐一陣，唔係中間唔夠熱；手切封門柳師傅起雙飛，切功一流，食落好有牛味；頂級安格斯牛頸脊最嫩滑；極級手切本地肥牛好鬆身。3) 蘇蘭蟶子分半鐘搞掂，非常新鮮彈牙。4) 日本扇貝就要耐少少，兩分半，一雌一雄，肥大又鮮滑。5) 皇帝菜新鮮爽嫩。6) 海帶結結起黎食好得意，仲有芽菜仔墊底。7)  蘿蔔片煮到最尾夠淋仲入哂味。抵食5分：六百零蚊可以食哂六款牛肉，又有兩款海鮮，加埋啤酒蔬菜，有靚雞腳湯底，飽肚滿足，抵食一定滿分。

天氣反反覆覆又轉涼又係時候季尾打多個邊爐呢間真係兩年內食過最好食嘅邊爐每一樣嘢都超級高質😍可惜兩個人叫唔到超級多首先係佢講咯咯雞花膠湯底湯底超濃郁 花膠同雞味十足起碼飲左5碗最有誠意係佢成碟雞都係分開上叫我哋飲晒啲湯先落雞啲雞每一舊都係超級嫩滑唔似出邊其他鋪整啲老雞俾你花膠都係超級大嚿懷疑佢哋會蝕錢🤣打邊爐梗係要叫牛叫咗個大嘅牛頸脊雪花紋超級靚有牛味得來油脂分布非常平均完全係入口即溶100分牛頸脊一定要叫🥹🥹見佢哋有海鮮，叫咗兩款嚟試吓分別係蟶子同埋扇貝好貼心，幫你起晒肉海鮮超級新鮮鮮甜完全唔係雪藏貨係新鮮係大海捉返嚟嘅味道兩個都好好味聖子更勝一籌再嚟係我最愛嘅桂花蚌去到邊間邊爐都會食呢間特別爽口鮮甜食完仲想叫多個🤣記得滾30秒就好食，唔係會太老再嚟係佢嘅鬼馬油炸鬼蝦滑上到嚟店員同我哋講要滾3分鐘心諗咁啲油炸鬼咪冧晒囉點知煮完出嚟，佢係外軟內脆😍大家一定要配麻醬嚟食 好似炸兩😍呢個係我最愛！再嚟叫咗佢嘅牛脷托係一個薄切牛脷牛味十足又係入口即溶超級驚喜😍最後就叫咗個稻庭烏冬雖然個烏冬係平時街市買嗰啲烏冬但係烏冬加埋呢個湯 真係變咗必叫🥹🥹🥹呢間舖係行懷舊香港風見到好多70-80年代嘅產物

呢間打邊爐餐廳嘅醬料真係出色，自家製嘅蔥頭油同沙爹醬，香氣撲鼻，食材亦都新鮮又美味，選擇多，店員服務親切。👍🏻👍🏻一坐低就感受到懷舊大排檔嗰種情懷，呢度裝修好復古，但冷氣又好足，環境又乾淨，可以緬懷下舊香港同時又舒服。❤️❤️我地點左卜卜蜆豬骨煲湯底，湯汁鮮甜濃郁，每一口湯都係鮮味十足，入面有好多蜆，又大隻，豬骨經過長時間熬製嘅湯底。🐖🐖另外，佢地嘅小菜都相當出色，椒鹽粟米炸得香脆，粟米嘅甜味同椒鹽嘅微辣完美結合，一啖接一啖，食到停唔到口。🌽🌽海鮮方面，非常新鮮，鮑魚彈牙，蟶子同扇貝都好鮮甜。🌊🌊全餐飯最正嘅係頂級安格斯牛頸脊，肉質鮮嫩多汁，每一口都充滿牛肉嘅濃郁味道，入口即化。🥩🥩最後，佢地自家製飲品都不錯，竹蔗茅根清爽解膩。🥤🥤

又有朋友要去移民，老朋友約咗喺港島區食飯，一上到去間餐廳，被這個餐廳的裝修吸引，很像我們而是到大排檔的感覺。以前讀書嘅時候，我哋有時候會去渣華道街市，食吓小菜，打下邊爐。唉，近排直過咗N年，望到枱上面嗰張餐墊，都忍唔住有啲感觸。好彩朋友醒目，一早book咗枱，上到去全場full晒，嚇鬼死我！依間餐廳應該冇限時，我哋四個女仔由去晚市6:00食到夜晚10點幾，一路打邊爐一路吹水，講返以前啲嘢，又講吓將來點，咁就快活，不知時日過。（搞到有啲嘢食同埋飲品都忘了影相……😅）我哋叫咗個花膠雞湯，冇諗過佢成碟花膠同雞咁上，超正！我哋每個人都飲咗兩碗雞湯，日日先叫佢加豬骨湯水，啲花膠滾完都仲可以好大嚿，正！ ！碟安格斯牛超好味，又大碟！如果下次我哋可以再嚟到最後，一定會再叫！ （只係唔知幾時先可以齊人😞）啲海鮮可以俾我哋就自己鍾意嘅逐件落order，都幾好，而且好鮮甜，超鍾意啲聖子！魚皮餃、雲吞、手打丸同蝦膠油炸鬼，都唔錯！我個人對於午餐肉餃就一般啦。不過，我覺得如果淨係選一款火鍋材料，我一定會揀炸新鮮響鈴，超級超級超級好味！似係佢哋用腐竹自己卷完再炸嘅感覺，超厚身，好有口感！食嘅嘢，我哋又好似唔係食