2025年9月15日 星期一今晚难得约到旧同事食饭聚下，当然要揾返间火锅店一齐烚吓烚吓吹水倾计啦餐厅选择咗位于铜锣湾核心地段，大家都方便去到，而且餐厅装修得好有特色，恍如置身于宫廷之中，连围裙都整到好似古代嘅肚兜咁，玩味十足餐牌整到好似以前嘅报纸咁几特别，上面有好多食物同汤底可以选择，猪牛鸡、丸类、蔬菜应有尽有，最后我哋决定每种食物要少少，唔够食先再叫，以免浪费餐厅有一个位置放满咗唔同既调味料，可以自己调配专属酱汁，除咗有一般火锅店会提供嘅调味料之外，仲有麻辣红油、辣椒粉同指天椒添，啱晒钟意食辣嘅人士点完餐等左一阵鸳鸯汤底就首先黎到，一边系秘制沙爹汤，另一边系甘笋粟米白萝卜猪骨汤，两边风味截然不同秘制沙爹汤一入口就有浓郁花生香，微辣带少少甜，啱晒钟意重口味嘅人香料层次分明，渗透食材之余又唔会抢味，食到尾仲有少少回甘添而甘笋粟米白萝卜猪骨汤就清甜得嚟又够暖胃，啲蔬菜煲到出晒味，猪骨汤底饮落滑口唔油腻之后有美国手切牛颈脊，呢碟牛颈脊真系靓到冇得输，油花分布得靓靓哋，涮一涮就即刻释放出浓郁肉香入口柔嫩又唔失咬口，啖啖都系牛脂嘅甘香，唔使点酱都够味呢个系手打虾滑，质感弹牙得嚟又唔失鲜味，一啖咬落去有种爆汁嘅感觉，虾肉味浓而唔腥，口感滑溜得嚟仲带少少爽脆落锅涮一涮，啱啱熟就最正，食完有种唔够喉嘅冲动跟住系手打牛丸，牛丸咬落去够晒弹性，唔系𠮶种机器压出嚟嘅死实口感，而系有啲筋、有啲肉，啖啖都食得出手工嘅诚意牛味浓郁，涮完之后仲保留住肉汁，咬开仲有少少爆汁感添最后有脆爆苔条响铃，一咬落去就「咔」一声，外皮酥脆到癫，里面包住紫菜香气，咸香中带少少海味，口感层次好丰富唔使落汤，净食都已经好有风味埋单每人五百几蚊左右，食到劲满足！！…查看更多
