厚興瑜記手撕雞 (寶怡花園)

营业中

休息中

厚興瑜記手撕雞 @ 屯門呢間大部份分店主打做外賣…而且好都地方都有一間…非常方便。平時唔知食乜都會幫襯下…呢間最愛係佢地既手撕雞烏冬機緣巧合下經過屯門分店…發現呢度有堂食就坐低試下。 望下餐牌比外賣店多d款式點左霸王雞飯同麻辣雞絲烏冬霸王雞最正就係多蔥…個餐跟左白飯同老火青紅蘿蔔…好足料同飲到無味精。正…俾左脾位…份量都幾大…雞肉嫩滑麻辣手撕雞烏冬…呢個每次外賣必點…重點係無骨…麻麻辣辣雞絲配煙韌既凍烏冬…好味…店員介紹參加會員可以用coupon, $20就食到個下午茶…呢個優惠好抵#相機先食 #cameraeatfirst #foodporn #foodlover #yum #eating #instagood #foodgram #foods #foodstagram #foodies #foodphotography #fooddiary #food #foodblogger #hkfoodie #香港好去處 #香港美食 #厚興手撕雞 #手撕雞 #屯門 #外賣

間唔時都會去屯門寶怡花園，呢間「厚興瑜記手撕雞」記憶中大約食過6-7次，午餐/下午茶/晚餐都試過，一般手撕雞店都係只得外賣冇得坐低食，呢間係全港第一間有得堂食嘅手撕雞店，方便街坊！做咗會員有好多優惠券好多福利，試過$20食到份下午茶勁抵，亦試過有抽獎玩。個人推薦「麻椒手撕雞」，食過麻香夠味但唔會太過辣，好開胃！今日中午嚟，叫咗份「香蔥霸王雞」套餐，雞肉唔靭啖啖肉，勁多蔥油好香夠晒惹味，份量足飽肚。今日係粉葛豬骨湯，足料冇味精芒果涼粉係配黑白涼粉，好適合夏天食，清清爽爽解暑！

今日喺屯門寶怡花園附近搵lunch，發現咗一間小店「厚興瑜記手撕雞」，即刻決定試一試佢哋嘅招牌二人套餐！套餐內容超豐富：-🐔 招牌手撕雞半隻：雞肉鮮嫩入味，皮滑肉香，手撕嘅口感真係一流！-🐾 鳳爪 + 🐷 豬耳：冷盤小食，啖啖膠質，啱晒鍾意啃骨嘅朋友～-🍜 麵 + 水晶粉：麵條煙韌，水晶粉爽口，吸晒醬汁好惹味！-🐟 上湯魚腐娃娃菜：清甜唔膩，魚腐滑溜，娃娃菜吸晒湯汁好正！-🍵 住家靚湯 x2：暖笠笠好足料，飲完真係有種回家嘅感覺～-🍋 凍檸檬茶 x2：茶味濃郁，檸檬夠酸夠香，解膩一流！呢餐真係食得好滿足，份量足、味道好，價錢都算合理。最驚喜係手撕雞，真係值得一試！屯門朋友唔好錯過

最近我和朋友到屯門的厚興瑜記手撕雞，享用了一個非常划算的二人套餐。這裡是全港第一間專門提供手撕雞的堂食店，果然名不虛傳！✨我們的套餐包括：- 🍗 招牌手撕雞（半隻）- 🐷 自選雙拼小食：選了海蜇和豬肚- 🥬 上湯魚腐娃娃菜- 🍲 住家靚湯- 🍚 白飯加8蚊還能享用特飲，點了🥤 爆爆珠紅豆和爆打檸檬茶，超值！整個套餐份量非常足，每人只需約70蚊，這樣的價錢能享用到這麼多美味，實在太抵食了！手撕雞肉質鮮嫩，搭配特製的🌶️ 蔥油醬和麻辣醬，令人一試成主顧。自選的小食也相當出色，海蜇爽口，豬肚更是軟滑入味。住家靚湯清淡可口，尤其適合炎熱的夏天，搭配白飯更是滿足。特飲方面，爆爆珠紅豆冰的珠珠真的超多，喝起來清爽又消暑，讓人一口接一口。🧊餐廳內部非常乾淨整潔，給人一種舒適的用餐環境。服務也相當周到，讓我們感受到賓至如歸的感覺。😊值得一提的是，加入會員可享有多種優惠，例如用優惠券只需$20就能享受一個下午茶，真是划算！如果你也喜歡手撕雞，這裡絕對是你不能錯過的美食地點。🎉總之，厚興瑜記手撕雞的二人套餐不僅美味，還非常實惠，是屯門的平民食堂之一。下次我一定會再來，推薦給大家！

最近同朋友去咗「厚興瑜記」試左佢哋招牌嘅手撕雞二人餐真係超出預期！成間餐廳主打手撕雞而且係全港第一間以手撕雞做主角嘅堂食店啲雞肉一絲絲拆得好靚口感嫩滑唔乾身啖啖都好入味自選雙拼小食嗌左海蜇同麻辣豬耳麻辣好開胃！另外個例湯都唔馬虎用料足仲有好多舊蘿蔔成個套餐有雞有菜有小食餐湯配埋飯真係飽到上心口～紅豆冰有爆珠😂最正係Join埋會員就可以$20 食到個下午茶真係超值！仲有唔少會員優惠添餐廳環境乾淨企理簡約設計好舒服無論你係鍾意食雞定係搵平靚正嘢食呢度都可以一試

呢間手撕雞超抵食！佢竟然有個套餐選擇！當買個餸返屋企都抵～～唔使諗煮啲咩幾方便隻手撕雞肉質好幼嫩 唔會食到有渣 最鍾意都係手撕雞嘅醬汁 喺舖頭自己特製嘅 佢有韓式辣醬同埋紅油麻醬 聽落同事起嚟都好特別 平時喺出邊好少有咁多選擇有手撕雞之餘，仲有個雙拼小食拼盤 都幾大份喎 今次揀咗海蜇同鳳爪 兩個都咁入味爽口上湯魚腐娃娃菜個湯超甜 而且啲菜嘅份量都大份 基本上去咗我一半胃口 係健康之選新出咗仲有個芒果涼粉 芒果冇想像中咁甜，但係成兜啲料都好多 最緊要係有花奶配搭！甜甜地都幾可口😄出邊食一個甜品都唔止呢個價錢個菠蘿冰特飲真係好甜🤣🤣打卡效果冇想像中咁好登記埋會員仲即送現金券添！！仲抵呀

寶怡M記隔籬嗰間厚興手撕雞坐得闊落冷氣勁涼！二人餐有半隻雞、兩款小食、魚腐娃娃菜、湯/飲品、白飯，特別一讚個湯真係無味精住家湯，小朋友用嚟撈飯，食吓雞絲、魚腐食咗勁多😆 $145一家三口食都唔係幾好意思，叫多個小食蝦餅好食！下午茶仲抵20幾蚊，不過我哋12點等唔到了手撕雞加幾蚊差價可以轉其他風味，叫咗檸檬味酸酸甜甜好清新勁啱夏天食，洋蔥、芝麻、檸檬都恰到好處小食揀咗雞腎同麻辣豬耳，放埋咗同一碟，如果唔食辣請注意！雞腎爽口，超正！好好送飯！

厚興瑜記手撕雞，全港首間手撕雞堂食店，環境舒適又充滿地道風味，專攻手撕雞嘅正宗滋味最正係join會員即享多重優惠，$20就食到精選下午茶，性價比爆燈！檸檬手撕雞飯清新又美味！手撕雞肉軟嫩入味，配上檸檬味，酸香撲鼻，帶點微甜微辣嘅清爽滋味，食落好似夏日微風咁舒服！飯粒軟硬適中，青瓜絲清甜爽脆，平衡雞肉嘅濃香，食完完全唔膩！手撕雞熱乾撈麵真係惹味到爆！雞肉手撕成絲，嫩滑多汁，保留晒雞嘅鮮甜，配上特調醬汁，鹹香好開胃！麵條彈牙，掛滿醬汁精華，青瓜絲清脆爽口，解膩又增添口感！雞腎煮得軟嫩，帶點咬口，調味鹹香惹味；海哲爽滑彈牙，滿滿海鮮鮮甜，兩者混搭好有層次！份量啱啱好

今日星期日放假上近近哋食吓住家菜，聽聞寶怡花園有間出名嘅手撕雞好耐，仲要係全港第一間手撕雞店有得堂食。今日二人行食咗招牌二人套餐，包招牌手撕雞半隻，雙拼小食，上湯娃娃菜，兩碗飯同兩杯飲品。1. 霸王香蔥雞：這道菜以嫩滑的雞肉搭配香濃的蔥油，味道鮮美，香氣撲鼻。通常選用雞腿肉或整雞，經過特製醃料處理，再用大量蔥段慢火烹調，讓蔥香充分融入雞肉中，口感嫩滑。2. 海蜇拼雞腎：海蜇具有爽脆的口感，經過醃製或簡單處理後，搭配嫩滑的雞腎，常用於涼拌或清燙，口感層次豐富，既有海味又有肉香，適合喜愛海鮮和內臟料理的食客。3. 上湯娃娃菜：這道菜以娃娃菜為主要材料，加入高湯慢火燉煮，湯頭清淡鮮甜，蔬菜保持脆嫩，營養豐富。臨走時見到join會員有好多優惠，享用coupon優惠，$20就食到個下午茶，下次要嚟試吓！📍好興瑜記手撕雞📕屯門良德街11號寶怡花園地下3號舖

厚興瑜記係全港第一間手撕雞堂食店，作為一個手撕雞迷點會唔去試吓呢？😉現時舖頭仲推出左Join會員，做左會員有好多優惠包括coupon,仲有而家$20就食到個下午茶‼️大顛勁吸引，$20既tea set可以去邊度搵🤩二人套餐$145🫶🏻招牌手撕雞（半隻）手撕雞肉質鮮嫩，搭配特製蔥油，更是提升左整體風味🤤雞皮香脆與雞肉多汁形成完美對比，十分誘人👍🏻🫶🏻 鳳爪鳳爪醃製得恰到好處，口感滑嫩，帶有微微的香料味😋🫶🏻雞腎雞腎口感鮮美，經過精心烹調後，保留原汁原味。係喜愛內臟料理者必試之選🥰🫶🏻 上湯魚腐娃娃菜湯底清爽，魚腐既滑嫩與娃娃菜的脆口相得益彰。十分適合係重口味菜肴之後作為清淡選擇❤️

建生田景邨附近街坊有福啦!全港第一間手撕雞堂食店終於登陸寶怡花園!新開張即刻衝去試真心超值! 招牌二人套餐 $145包你飽肚有齊靚湯、手撕雞、雙拼小食、上湯娃娃菜配白飯，半隻 招牌手撕雞之前試過好味，我地今次轉香蔥霸王雞都有驚喜! 上檯已傳出明顯的香蔥味，雞件入口好滑溜，而且豉油汁調味啱啱好。 每件都肉質嫩滑，雞皮保留原有彈性又不油膩，送飯一流。自選雙拼小食有11款選擇，雞腎配點辣椒油好食，海蜇就一般正常表現。上湯魚腐娃娃菜份量都唔少，入味爽口。住家靚湯無味精，甜美有雞味值得推介。而家Join會員有更多優惠，下午茶餐就更抵食。 香港分店逾五十間，屯門已有三間，街坊人氣店實至名歸。

朋友住附近，今日約咗佢一齊去食飯。呢間外賣食過好多次，今次終於第一次試下堂食。環境幾企理，光猛乾淨，座位都坐得幾舒服。二人餐選擇都幾多，我哋揀咗豪華鮑魚二人套餐，包括有。✨️招牌手撕雞雞肉好嫩滑，食得出用料唔錯，雞皮爽口，調味啱啱好，唔會太鹹或者太淡，幾有水準。✨️自選雙拼小食（豬耳＋海蜇）份量都幾足，豬耳爽口，海蜇清爽彈牙，兩樣都好開胃。✨️鮑魚拼小冬菇鮑魚同冬菇都炆得好入味，加咗花椒油，帶少少麻香，幾惹味。✨️上湯魚腐娃娃菜出街食飯有菜已經加分，娃娃菜令上湯多咗份清甜，魚腐滑溜，湯底都唔錯。✨️住家靚湯－粉葛紅蘿蔔豬𦟌湯真係有住家老火湯嘅味道，材料落得足，湯好鮮甜，飲完好暖胃。今次堂食體驗都幾滿意，食物質素有水準，服務都幾好。下次會再嚟試下其他菜式。

好耐之前喺其他分店都有食過，估唔到依家開喺屋企附近，做gym嘅朋友仔食呢間都幾好，健康又飽肚，味道唔會太鹹幾推介，係真正家的味道招牌二人套餐 $145入面有半隻招牌手撕雞，仲可以揀兩款小食招牌手撕雞手撕雞份量都幾多，芝麻滿滿地撒係面，雞肉口感幾滑，有些少鹽調味，另外附上蔥油 香味再升級小食雙拼鳳爪可以揀辣或者唔辣，鳳爪口感爽彈，味道唔會過鹹，勁似我媽咪整嘅口味，另外佢係斬開兩件，所以都比較容易入口唔會食得太辛苦麻辣豬耳份量多 豬耳爽 涼拌夏天一流不過小編唔算食得好辣 佢嘅辣度大概係五小辣左右，大家可以參考一下上湯魚腐娃娃菜娃娃菜好鮮甜，魚腐吸收咗上湯同娃娃菜嘅甜味同鮮味仲有兩碗住家靚湯紅蘿蔔粟米豬骨，個人覺得出街食，最緊要就係一碗靚湯，因為真係唔係度度都有。小編覺得呢度最大嘅優勢就係不論食物定係湯品都非常住家！

平日中午來到這間厚興瑜記手撕雞開設的全港第一間手撕雞堂食店🐓點了兩款鮑魚手撕雞套餐, 一碗是配白飯🍚 另一碗是配撈麵🍜配柔韌的罐頭鮑魚仔令一絲絲的手撕雞肉昇華不少.手撕雞肉🐓肉質頗嫩，雞胸肉都不乾不柴🐓 有保留了彈性不油膩的雞皮.簡單拌麻油已夠調味🫶🏻 不需要額外醬汁都夠香醬油撈麵質地軟腍🍜 飯量很多🍚兩者比較味道的話個人喜好覺得雞肉絲配撈麵🍜口感更佳，如果男士們食量較大就選白飯🍚更佳。打算下次來吃下午茶餐🍱 當我臨離店時, 店員叫我去join做會員會有好多優惠🤳 E1鮑魚手撕雞三寶飯 $82E1包括一款套餐小食 $0豬肚E2鮑魚手撕雞撈麵 $82

📍 厚興瑜記手撕雞（寶怡花園）着住街坊look ，瞓醒之後落去樓下食個飯！呢個二人手撕雞套餐，真係食到飽😌雖然只係二人餐望落去好少嘢食不過唔知點解食吓食吓就已經飽咗有菜，有肉，有靚湯，仲有兩款小食，有白飯🍚$145依個價錢簡直超值🩷仲有住家靚湯飲 真材實料🐷除咗湯之外，仲有湯渣，唔會剩係得湯水！毫無味精，每日嘅湯都唔同，飲得出係加嘅味道👅仲有時令蔬菜，係娃娃菜 雖然好似只係水煮咁，不過都有鹽味🫙而且仲有魚腐，真係咪話唔飽啊🫕手撕雞嫩滑，而且唔會乾身，亦都唔會好嚡，細心地將幼嫩多汁的雞肉慢慢撕出，本身都已經夠晒多汁，仲有半隻雞咁多，兩個人絕對夠食！另外仲會有薑蔥同口水雞汁，本身以為口水雞汁係辣嘅，但係有花生醬味中和，原來同雞肉都幾夾😍兩款小食，我就嗌咗鳳爪同埋麻辣豬耳🥢豬耳切到好薄身，但係勝在份量夠晒多，但有少少麻辣，都幾開胃🤤