印度皇

🇮🇳🍛🍸親切店員x 惹味印度菜小店✨小店位於1/F, 好近上環站，地方好大，老闆好親切，有問必答，細心話比我地知吾同烤餅嘅分別，服務幾好👍🏻✅前菜前菜係免費的，有幾塊薄薄嘅脆片同埋兩件咖喱角，脆片真係好正，本身已經有少少鹹味，另外再配咗兩款印度醬汁：酸酸甜甜嘅酸梅醬，同埋清新嘅薄荷醬。兩款醬都好特別，好味。咖喱角都炸得好脆，個皮唔會好厚，裏面係薯仔同埋雜菜，唔辣的，但係幾香口。✅燒醬雞 -$125呢個燒雞用鐵板上，一上枱聽到咋咋聲，店主會喺呢個時候幫你加啲檸檬汁上去。雞肉有六件，每件嗰邊都烤得香脆，而且好大件，但同時裏面嘅雞肉做到十分嫩滑。雞肉本身已經醃咗烤左，配搭左青醬，有雞嘅味道同時都有醬香，好特別，味道吾錯值得一試😉個底仲有啲蔬菜墊底，啲椰菜絲索晒啲醬汁都好好味。✅瑪沙拉燴蝦 -$118D蝦有5-6隻，仲要隻隻都大粒爽口。呢款係唔辣嘅，同時充滿香料味嘅咖喱，啱晒啲唔食得辣嘅朋友，就甘食已經好好食，但係配搭埋個飯同埋烤餅就更加完美😍✅椰汁咖喱牛腩 - $123呢款嘅咖喱同樣出色，有蕃茄嘅香味，同時有啲椰絲喺面，加埋吾同嘅香料，味道好豐富，吾會好辣，牛腩有好多粒，同埋已經煮得好稔。✅蒜茸烤餅 -$32一份有4大片，每片都好厚好軟熟，好飽肚，如果蒜蓉味再濃啲就會更好。不過點咖喱嘅時候都只會食到咖喱味🤣✅印式煎餅 -$32Naan 就食得多，呢款印式煎餅真係第一次試。係一個漲起咗，好有空氣感嘅大圓餅。外脆內軟，食落有少少煙韌，但好索汁，撈咖喱一流，個人認為比Naan更好食😋✅印度飯皇 -$78印度嘅長米好特別，有唔同嘅顏色，炒起上嚟粒粒分明，加上有唔少嘅香料同蔬菜，就咁食都已經幾好味，但撈埋咖喱又有另一番風味，同咖喱好夾。✅Mango Lassi -$39黎食印度菜點可以唔叫Mango lassi，呢杯芒果酸奶都好大杯，而且打得好幼滑，芒果味好濃又唔會好甜，解辣一流。✅Margarita -$62杯瑪格麗塔調酒上枱嘅時候好靚，有2片青檸喺旁邊，酸甜鹹香，味道都唔錯，鍾意飲酒嘅朋友唔好錯過！…查看更多

從來冇諗到喺印度餐廳都有新鮮海鮮食，以前最多食吓咖喱魚及咖喱蟹，今晚喺上環嘅 Basmati 首次品嚐天多利燒馬友魚及咖喱蟹，全部都是附近街市的海鮮貨，新鮮肉彈，吃得滿意！Basmati 在現址超過10年，寫明冇味精冇添加，佈置得靚靚，印度風情洋溢，長方形大廳，盡頭一個大酒吧，很適合開派對。芝麻餅．咖喱角餐前小吃，配備自家製特色醬汁；咖喱角有驚喜！Mango Lassi 芒果拉西 $39味如芒果奶昔，與印度咖喱合拍，有助平衡，是我必點的飲品。Mojito $58朋友點了冇酒精的 Mojito，新鮮薄荷葉配合青檸汁，她說非常可口。Tandoori Fish 天多利魚 $178冇睇錯，係燒馬友，有 farm-to-table 的感覺，就地取材，自然相比用雪藏魚好得多！天多利燒馬友魚，皮脆肉嫩，肉質肥美，充滿炭火香，水準之上！馬友本身脂肪豐富，燒烤適合。Crab Curry 咖喱蟹 $288真係未試過喺印度餐廳食咖喱蟹，竟然又係用街市的貨，相信是即日新鮮蟹，肉質有彈性，味道鮮美，吃到滿手咖喱也不介意，尤其有手套供應。Tongue Masala 瑪沙拉牛舌 $118用牛舌做瑪沙拉咖喱，我都係第一次食，我鍾意食牛舌，呢度係厚身牛舌，完全滿足我的要求。Garlic Naan $32馬沙拉汁濃郁惹味，配蒜蓉薄餅是既定組合。Pullau Rice $78黃薑飯有特色，配合以上兩款咖喱。Indian Masala Tea $37最後再飲杯印度奶茶，優質錫蘭茶加上肉桂及姜等香辛，非常出色，是我飲過中最好飲的印度奶茶，真心推介！樓上店，環境寬敞舒適，佈置有特色，約朋友傾偈食飯非常適合；難得冇味精，價錢公道。印度籍店主更是非常健談，住港已經三十年，懂得廣東話單字，令我們對那些年的印度年青人發𡚒史加深了解。 #印度皇 #上環美食 #印度菜…查看更多

[ 印度皇 ]「印度皇」藏身於唔起眼嘅大廈裡面，原來餐廳有唔少正宗嘅印度菜式食😲😲。✿ 印式燴茄子 $88茄子🍆燉煮得軟爛入味，搭配濃郁番茄咖喱，香料層次豐富，微辣中帶酸甜，適合配烤餅或者印度飯🙌🏻。✿ 牛油雞🐔🐔 $115經典北印度菜，雞肉嫩滑，裹上奶油醬汁，帶淡淡奶油甜味，風味濃郁。✿ 烤三文魚 $188三文魚🐟外皮烤得焦香，用鐵板呈上，熱辣辣🔥，另外可加檸檬🍋汁提鮮🆙。✿ 瑪沙拉燴蝦 $118鮮蝦彈牙🦐，瑪沙拉醬辛香濃稠，蒜香🧄&薑味突出，辣度溫和，送飯一流！ ✿ 印度飯皇 $78長粒香米🍚炒得香口，入口鬆散不黏膩，係食咖喱菜餚嘅最佳搭檔‼️✿ 芝士烤餅 $44餅皮酥脆帶焦香，單食或沾咖喱都出色👍🏻。✿ 芒果酸奶 $39濃稠酸奶加入新鮮芒果泥，味道帶微酸，清爽解辣🥭。✿ 印度拉茶 $37茶香濃郁，奶泡綿密，甜度適中。總結🫦「印度皇」環境低調但菜式夠正宗，推薦牛油雞同芝士烤餅嘅組合，香料運用細膩👍🏻👍🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿印度皇地址：上環干諾道中137-139號三台大廈1樓電話：9420 3094✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…查看更多

我們於19/6（五）約中午十二時前🕛到達餐廳，當時沒有客人，只有2個店員。由於好少食印度菜🇮🇳，所以乜都好想食，叫了幾款。①set lunch: ❶瑪沙拉牛舌TONGUE MASALA（$125）：都幾多牛舌，又軟淋又吸汁，加上香料，洋蔥🧅及綠椒🫑，超級好味😋❷轉SPRING ONION NAAN（+$28）：有4塊，好多蔥，點汁一流②單點❸SAMOSAS 雜菜咖哩角（$72）：有4隻，大大嚿，入面有薯仔🥔，三色豆，少少辣，但脆卜卜❹PANI PURI 炸米餅配薄荷汁（$88）：有8隻，沒有配薄荷汁就辣些，加上薄荷汁，一口吃，爽😊❺PANEER PAKODAS酥炸奶酪球（$88）：有6隻，不過奶酪球沒有很大芝士味，反而有咬口，好得意❻CHICKEN MOMOS尼泊爾餃子（$88）：有8隻，用碟上，皮已經好快涼，不過皮好薄❼Indian Masala Tea（$37）：店員拎住一個鐵壺來，在我們面前拉茶表演🫖☕️，飲完一杯，仲可以斟多杯又有清清香料味餐廳食物不算太重口味，與想像中的印度菜🇮🇳不同餐廳食客本地人比印度人多，環境舒服，吃得開心又飽肚埋單要加一…查看更多

今日我同朋友去咗呢一間位於上環嘅印度菜食飯，餐廳裝修得非常之有印度風格，提供一系列嘅特色印度菜。炸米餅配薄荷汁米餅炸得香脆，入口唔會覺得太過油，沾上醬汁一齊食，係一道好有特色嘅印度小菜。串燒雞柳雞肉烤得好香口，入口充滿肉汁，加上因為已經預先調味，所以非常好味。印度炒飯炒飯炒得唔好太過油，飯粒粒粒分明，加上幾足料，所以呢個炒飯都幾滋味。芝士烤餅烤餅烤得好香脆，每一啖都帶有少量嘅芝士香味，製作好認真。整體嚟講，餐廳嘅用料唔錯，當中有唔少特色菜式都值得一試。…查看更多

上環嘅美食真係多，今日朋友就帶左我去食印度菜🇮🇳正宗嘅印度菜，我可以話呢間一定係，由正宗嘅印度人主理，真係超正宗嫁👍🏻我地就叫咗二人餐，當中包咗餐湯，正宗嘅印度湯真係唔同啲，好多香料，鹹鹹甜甜，又唔錯wo👍🏻薑蔥烤餅，好鬆軟，又有好香嘅薑蔥味，齋食或者點醬食都好好食㗎👍🏻印度皇飯，主要用咗三色豆黎炒，炒得好乾身👍🏻味道唔會太濃，都好啱香港人口味😋印度奶茶一定要叫，鍾意飲奶茶嘅我，雖然同港式奶茶有唔同，印度奶茶有好多香料，飲落仲有少少辣辣地，好暖身，建議一定要飲熱呀😍…查看更多

上環美食款式多，今晚想食印度菜🇮🇳沒問題👌正宗印度🇮🇳餐廳🍴Namaste最佳推薦😎👍首先一定大讚呢度環境同服務真系超級好，環境色彩繽紛正宗印度特色風情，打卡亦都靚靚，岩曬鍾意打卡同食正宗印度菜的朋友😋今次點左幾款我喜歡的口味1. 炸米餅配薄荷汁 $88 好特別好有特色既印度菜，屬於好多印度人的前菜小食首選，酸酸辣辣好開胃有特色😁2. 青瓜🥒乳酪 $49 yogurt 口味，撈買咖喱食真系好正👍 開胃必食3. 椰汁🥥🍛咖喱羊肉 $132 呢個正啊，鍾意食羊肉必食咖喱羊，撈飯撈薄餅超好味🤤4. 芝士🫕烤餅🥞$44 濃郁芝士口味夠曬香5. 印式串燒雞柳炒飯 $132 呢個飯都吾錯，雞柳都大大舊啊🤤記得撈乳酪同咖喱6. 芒果🥭酸奶 $39 正宗同好飲😁7. 印度🇮🇳拉茶 $49 呢個拉茶特別，有服務有人拉比我們飲，夠曬體驗有特色🥰…查看更多

𓉱𝐁𝐚𝐬𝐦𝐚𝐭𝐢 印度皇 位於上環地鐵站出口一分鐘步距，店入面位置寬躺闊落，今次坐窗邊望住街景慢慢食感覺好放鬆，由咖喱角到𝐌𝐚𝐬𝐚𝐥𝐚 𝐂𝐮𝐫𝐫𝐲，燒醬雞到咖喱什菜炒飯，都充滿印度地道風味，香料味惹味得嚟幾溫和，相當容易入口✦雜菜咖喱角 𝐒𝐚𝐦𝐨𝐬𝐚𝐬即時炸起非常之熱辣辣，咖喱角外層好酥脆，入面係綿密咖喱薯仔蓉加埋少少蔬菜，沾上薄荷醬又有另一番風味✦印式咖喱蟹𝐂𝐫𝐚𝐛 𝐂𝐮𝐫𝐫𝐲食咖喱蟹就要唔顧儀態先可以完全享受，蟹好新鮮，肉質結實，每啖都包住咖喱醬食好滋味✦椰汁咖喱牛腩 𝐁𝐫𝐢𝐬𝐤𝐞𝐭 𝐌𝐚𝐝𝐫𝐚𝐬 咖喱牛腩會比較辣少少，將香料味道更加帶出，質感濃稠，用來點𝐍𝐚𝐚𝐧就最適合不過，牛腩唔會炆到過火乾身✦燒醬雞 𝐇𝐚𝐫𝐢𝐲𝐚𝐥𝐢 𝐂𝐡𝐢𝐜𝐤𝐞𝐧 𝐓𝐢𝐤𝐤𝐚 食左幾款咖喱味道為主嘅主菜之後，呢個燒醬雞有少少唔同，以牛油同香草味為主，鐵板上熱辣辣，雞肉嫩滑𝐣𝐮𝐢𝐜𝐲，非常之推介要試呢個燒醬雞！✦薑蔥烤餅𝐒𝐩𝐫𝐢𝐧𝐠 𝐎𝐧𝐢𝐨𝐧 𝐍𝐚𝐚𝐧 呢度嘅𝐍𝐚𝐚𝐧算係食過嘅印式餐廳入面數一數二，面層嘅葱碎係好香好新鮮，烤餅口感蓬鬆柔軟✦印式煎餅 𝐏𝐨𝐨𝐫𝐢 煎餅比起烤餅口感較為實在，無咁鬆軟，但都係唔錯嘅選擇✦印式什菜炒飯 𝐕𝐞𝐠𝐞𝐭𝐚𝐛𝐥𝐞 𝐁𝐨𝐫𝐲𝐚𝐧𝐢 每一粒炒飯都被超惹味嘅咖喱醬汁包住，入面有西蘭花、椰菜花、菜、三色豆等什菜，爽脆嘅口感令到個飯唔會好膩，就算已經食到好飽都忍唔住一口接一口清曬✦特式香料茶 𝐈𝐧𝐝𝐢𝐚𝐧 𝐌𝐚𝐬𝐚𝐥𝐚 𝐓𝐞𝐚 帶溫和嘅香料嘅奶茶，飲落好舒服✦芒果酸奶𝐌𝐚𝐧𝐠𝐨 𝐋𝐚𝐬𝐬𝐢 甜度比較高，好適合配濃味料理𓄢𝐁𝐚𝐬𝐦𝐚𝐭𝐢 印度皇上環干諾道中𝟏𝟑𝟕-𝟏𝟑𝟗號三台大廈𝟏樓…查看更多

Chef Ecy’s Dining Experience:🥰 Food | Ambience | Service | Price | Easy Access | Easy Parking | Cake Cutting Fee | Restroom Cleanliness | Wheelchair🙂😠 Pet Friendly | Corkage FeeThis Indian restaurant is located in Sheung Wan but close to Central. It is easy to access there by tram, bus, minibus, MTR at Sheung Wan station exit C. If you drive, there is public parking lot opposite to this restaurant at Shun Tak or next to it. It is a very traditional indian restaurant, not fancy, with big window on one side facing Connaught Road. So it is bright and the ambience is good. The restaurant is not too big in size but they provide buffet on one side for lunch. They serve many dishes and I like their appetizers - Samosas, Masala Chicken, Poori etc… Curry is good too. We ordered grilled lamb and tandoori are great too. The taste is very rich with many spices. Lassi is yummy! I like their appetizers mango flavor! There is restroom inside the restaurant and is clean. There are lifts from street level in the building or walk staircase directly to first floor, so wheelchair is also convenient. They do charge corkage for alcohol but no charge for cake cutting. Overall, the price is reasonable and food quality is good.…查看更多

今晚同bf 係上環唔知食咩好突然想食Momo 又唔想搭去堅尼地城佢朋友咁岩係人肉openrice 即刻打電話問佢邊度食Momo好？先發現原來上環地鐵站附近有間咁大的樓上印度菜 。（正常好多都係take away)平日夜晚冇乜人， 基本上可以隨便揀位因為窗邊的已經坐滿人 ，我哋就選擇咗卡位食物種類好多，有各種各樣嘅小食同埋咖喱，燒烤扒類。我地揀咗一個咖喱豆會另一款印度薄餅(P 字頭）似牛油軟饃我係第一次 我bf 教我係要撕開少少出嚟 接到好似肉夾膜d 包咁樣 乘住啲咖喱一齊食非常香口好食 鬆鬆軟軟好夾咖哩的味道！同Nan 又係另一種體驗 要試下但33 蚊已經好大塊叫左3塊配咖哩真係會太多因為點完菜就會每枱送一盤小食（鹹脆餅？）配兩個汁都非常之好食（薄荷汁同埋可能係茄汁配蔗糖，酸酸甜甜好好食🤣）當然有雞肉momo 都好有水準最後 店員仲好好每人送咗個甜品-牛奶椰子糯米（少少甜）俾我哋， 聽講係Punjabi food 非常特別係其他地方未試過整體來說是一餐有特色嘅印度菜#撐特色小店…查看更多

出街會想試唔同嘅菜式，印度菜就真係N耐先吃一轉。經朋友推介嚟試呢間印度餐廳，成個場的環境舒適寬敞，還播放住輕柔嘅音樂，令人好放鬆。菜式選擇亦都多，而且價錢唔算貴😊📌📌📌1.青咖哩蔬菜忌廉 （非常濃郁 好味）2.尼泊爾雞肉餃子（同普通餃子差不多 口開有好多汁 重點配上香辣醬汁吃😃）3.Pani Puri炸米餅配薄荷汁 （餅炸得香脆可口 入邊有薯蓉洋蔥同肉碎 另外按個人喜好配搭薄荷汁食 食落去口感豐富😋👍🏿）4.印度薄餅 （好乾😬要沾醬汁嚟吃）6.牛油雞（雞肉夠滑，仲夠掛汁，用醬汁沾烤餅食很掂👍🏿）7.芒果酸奶（質感濃稠細滑 清甜酸爽 不錯）🌟Encore 指數：7/10————————————————————🧮🧮🧮Total 約HK$400左右, 10%服務費另計(2人)…查看更多

今日出上環做嘢，早排同朋友推薦印度菜，朋友又推薦多一間俾我哋試，試吓唔同印度菜式先🥰Soup是日餐湯係南瓜湯，有香料，有薑味，鹹鹹甜甜的，唔錯，估唔到印度湯都咁正😍Naan 薑蔥烤餅：烤餅好鬆軟，果然好香薑蔥味，可以齋食，又可以點醬食🫓Pulao Rice 印度皇飯乾身炒飯，主要用三色豆炒飯，唔會太濃味，適合大眾口味！😃Butter Chicken 牛油雞$112：有少許辣同牛油味，個汁偏甜，蕃茄味濃，都好啱香港人口味，感覺上融合咗印度少少風味，都唔錯！😋Chicken Tikka 串燒雞柳$125串燒計算好大碟，好香BBQ味，少少辣，未熟thankyou加啲檸檬汁，唔乾身唔鞋肉，肉嫩有汁，正！😍Flank Madras 椰汁咖喱牛腩$118唔同香港一般咖喱牛腩，加咗印度風味，味幾特別，Mango Lassi 芒果酸奶$39好香芒果味，飲落好滑，真材實料，仲喺上面拉咗個芒果醬嘅花，值得推薦！🥭Indian Masala Tea 特色香料茶$37係印度奶茶嘅味道，佢幫我拉出來的，風味特別！☺️咖喱角:好濃咖喱味，都幾辣的，有粟米，蘿蔔，有蔬菜，同埋好大隻，好有印度風味😙胡椒餅:胡椒餅好薄好脆口，仲有見到胡椒粒甜，食落去鹹鹹地，好香😍酸梅醬：好濃烈嘅酸梅味，好似酸梅湯濃縮版，帶少少辣，點薄餅幾開胃👍🏼薄荷醬：酸酸辣辣帶薄荷味，幾特別😋…查看更多

一入到呢間餐廳，首先吸引我注意嘅係佢舒適嘅環境。裝修簡潔而又時尚，燈光柔和，擺設得宜，令整體感覺十分愜意。同時，店內仲播放住輕柔嘅音樂，令人感覺好放鬆。Garlic Naan 蒜茸烤餅🍞🧄蒜茸烤餅好鬆軟，蒜味香濃，配埋咖喱真係一流，必試之選！Tandoori Chicken 香燒春雞🍗🔥香燒春雞外脆內嫩，醃料味道入哂去，好有層次感，每一啖都好juicy，配埋啲香料仲更加出味！真係不得了。Aloo Gobi 薯仔椰菜花🥔🥦薯仔椰菜花煮得好入味，椰菜花脆嫩，薯仔軟滑，兩者配合得天衣無縫！Fish Madras 椰汁咖喱魚柳🐟🍛椰汁咖喱魚柳咖喱汁好香濃，魚柳煮得好嫩滑，香味同味道都係一流！Lassi 芒果酸奶🥭🥤芒果酸奶好清爽，酸甜適中，飲完真係好解渴，好推薦！而且佢嘅質感好順滑，真係一杯好好味嘅飲品。Indian Masala Tea 特式香料茶☕特式香料茶味道濃郁，香料嘅味道好有層次，飲完暖哂個心，好適合餐後飲用！…查看更多

餐廳環境充滿住濃厚印度氣氛，全晚播放住唔同嘅印度歌曲。餐牌選擇亦都好多而且價錢唔貴。多款印度小食同主菜都好有特色。  Lamb Knee Masala ($236) 羊膝肉質滑嫩多汁，腿肉肥而不膩。老闆話係經過慢燉後先可以變到咁幼嫩整，有入口即溶嘅感覺。  Mixed Grill ($198) 有選擇困難症嘅朋友叫呢道芋菜就岩晒，可以一次食到三款印度烤鷄肉、羊肉同魚。  Grill Salmon（$188） 大大塊厚身三文魚放係鐵板上，咋咋聲。三文魚肉質嫩滑，外皮燒到好脆，加上檸檬汁，令魚肉鮮味再提昇。  Cheese Naan（$44） 芝士口印度薄餅，食落每一啖都有芝士同香烤過嘅味道。  Mixed vegetables curry ($102) 原來印度雜菜係三色豆加西蘭花。  Mango lassi ($39)  Young Coconut ($49) …查看更多

幾年前食過，一直想再去食嘅印度菜，我嚟啦🤩因為平時好少去上環，去開食飯第一時間就諗到呢間餐廳啦😍食開印度菜嘅人都一定會鍾意食咖喱，尤其係唔同口味嘅咖喱，有偏酸嘅，有偏鹹嘅，亦有奶油味重嘅。。。只要揀啱自己口味嘅，就會覺得印度菜非常好味😌尤其係配Naan餅食真係一流👍🏻今次試咗Chicken Butter Masala，呢款結合咗Masala同埋平時嘅牛油雞，個汁好好味，應該大部份香港人都會鍾意食呢款，用嚟配芝士Naan餅同埋比較少有嘅千層餅食，真係一流😌另外要推介呢款鐵板羊肉—Sheekh Kenab,印度嘅做法係將羊肉打碎變成一條條再放上鐵板度燒，之後加上唔同嘅醬汁食，非常滋味，而且一啲so味都冇👍🏻另外佢都有好多蔬菜選擇，我哋揀嘅呢款kadhi pakoda ，係有少少酸嘅咖喱，入面加咗Yogurt，食起身比較清新。佢lunch time有好多set，我見好多香港人食，睇嚟大家都越嚟越鍾意食印度菜👍🏻…查看更多