南대門3號

之前都有幫襯過南大門燒烤，好好食。今次試吓隔離呢間「南大門 3號店」，佢冇燒肉食嘅，不過其他正宗韓國家常菜式都應有盡有。呢度燈光柔和，環境冇咁嘈，同燒烤店嘅煙火氣截然不同，傾偈都舒服啲。海鮮辣豆腐湯 $85一上枱就聞到嗰陣泡菜香辣味，湯底用大蝦同蜆熬到勁鮮，辣勁係慢慢滲上喉嚨嘅後攻型！豆腐好滑又索晒湯汁，撈飯食簡直係驅寒神器。花蛤刀削麵 $95個湯底先係精髓 —— 花蛤同超多新鮮蔬菜熬到奶白色，飲落勁鮮甜！手切刀削麵掛湯力一流，咬落煙韌有麵香，加埋份量勁多嘅海蝦同花蛤，誠意十足。韓式煎餃子 $75絕對係驚喜！外皮煎出金黃香脆蕾絲邊，入面係粉絲肉餡，滲出淡淡胡椒香，點少少醋更加惹味！紫菜包飯 $66飯粒用麻油撈過閃令令，清脆嘅青瓜同醃蘿蔔，加埋鹹香嘅腸仔層次分明～最抵讚係飯溫控得剛好，食得出新鮮製作嘅溫度。最後嗌咗韓式米漿同韓國梨汁（各$18）。米漿濃稠得黎帶甜香，梨汁清甜潤喉，正好平衡返啲濃味菜式。總括嚟講，呢度將韓國家常菜昇華到另一個境界，味道好而且份量都算好多～等天氣涼啲再想食暖心韓國菜，肯定再嚟encore！…查看更多

韓式小食堂覓食記 🇰🇷暖笠笠韓式小店和朋友相聚，吃美味料理～快樂輕鬆之感覺開胃前菜一坐低，三款精緻前菜送上！韓式泡菜爽脆又酸辣，發酵時間剛剛好，淡淡白菜香味。涼拌茄子蒸到軟腍 ，入味，調味很惹味。前菜好吃，配合得剛好，未吃主菜已經期待感滿分！主菜大滿足鐵板炒八爪魚蓋飯 上桌時滋滋作響，八爪魚彈牙鮮嫩，辣醬香氣撲鼻，拌飯吃停不到口！炒豬肉蓋飯豬肉嫩滑，甜辣醬汁下飯，簡單滿足紫菜卷韓國味道滿滿，材料豐富，米飯有芝麻油味，清新中有飽足感辣冷面降降溫～冰涼湯底配上爽滑彈牙蕎麥面，酸酸甜甜，瞬間清新，爽！💫 小店由前菜到主菜亦滿滿驚喜，價錢親民，味道正宗，和朋友聚會，自己一人吃晚餐，是不錯選擇…查看更多

南大門3號喺尖沙咀金巴利道，屬於南大門系列入面比較新嘅分店。地方比想像中大，裝修乾淨簡約，有少少韓式居酒屋感覺。今次點咗鐵板烤牛肉蓋飯、海鮮辣豆腐湯同海鮮煎蔥餅。鐵板牛肉蓋飯好香，牛肉片厚薄適中、炒得入味，醬汁甜中帶鹹，飯粒吸晒汁，熱辣辣上枱好滿足。海鮮辣豆腐湯湯底濃郁，辣度適中，豆腐滑、海鮮新鮮，特別係蜆同魷魚幾鮮甜。海鮮煎蔥餅係驚喜位，外層煎得香脆、入面厚身軟滑，蔥香同海鮮味平衡得好。份量足夠兩三個人分，食落飽而唔膩。整體味道穩定、火候準，價錢中等但質素對得住，係尖沙咀韓食入面表現幾出色嘅一間。…查看更多

走進金巴利道65-67號太平洋大廈地下3號舖的「南大門3號」，撲鼻而來的是濃郁的人篸雞湯香氣，瞬間驅散香港潮濕的悶熱。這間低調的韓式小店，以家庭式經營的溫暖氛圍，成為附近上班族與韓迷的私藏食堂。 招牌**人篸雞湯**用足料燉煮，湯色金黃清澈，雞肚內塞滿糯米、紅棗與人篸，一勺舀起還能拉出絲絲雞肉。入口鮮甜中帶藥材回甘，尤其適合熬夜後補元氣。同桌的韓國阿姨笑著提醒：「先喝湯，再拆雞肉拌飯！」隨湯附贈的泡菜微辣脆爽，恰好平衡湯頭的溫潤。 另一驚喜是**海鮮煎餅**，厚度足有硬幣直徑，邊緣煎得焦脆，咬開卻見魷魚粒與蔥段層疊。蘸上特製醬油，海鮮的鮮甜瞬間爆發。老闆透露秘訣在於粉漿比例和現點現煎，難怪上桌時總伴隨「滋滋」聲響。 …查看更多

🤩鐵板烤豬肉蓋飯豬肉香氣撲鼻，帶住少少甜辣醬嘅味道！蓋飯下面仲有微微吸收咗醬汁嘅白飯，咬落啖啖香～🤤 鐵板上仲有啲蔬菜伴碟，清新又解膩，完美配搭！🤩泡菜煎餅薄薄脆脆嘅煎餅，咬落去爽口又帶住陣陣泡菜嘅辣香味，仲有少少酸味吊住胃口，食完忍唔住想再嚟多一塊！😋 配埋佢嘅蘸醬，鹹香適中，真係完美combo！👍🤩雜菜牛肉炒粉絲粉絲彈牙得嚟又吸晒精華醬汁嘅味道，牛肉嫩滑又有肉味，啲雜菜仲炒到啱啱好，保持住爽脆口感——一啲都唔油膩！✨成碟色香味俱全，絕對係愛韓食人士嘅必點！🤩🤩韓式飲品最後梗係要飲返啖韓式飲品嚟解辣啦～提子汁甜甜地，入口仲有濃郁嘅提子香；雪梨汁清甜又透心涼，飲完即刻覺得好refreshing！🍹兩款都好正，睇心情揀就得！😄…查看更多

尖沙咀韓國街有好多好正嘅韓國餐廳，今次揀咗南大門三號食🤪佢哋價錢都好抵食，全部都係幾十蚊就有交易！首先係紫菜包飯，入邊有紅蘿蔔、青瓜、腸仔等材料，口感好豐富✨每一口都咬到海苔嘅香味，配上少少醬油，更加提升咗味道🍣海鮮豆腐湯，呢碗湯熱辣辣好正啊，湯底清甜，仲有蝦、貝類同埋滑滑嘅豆腐，食落去好暖心🌊鐵板雞肉飯，雞肉煮得恰到好處，外脆內嫩，同埋搭配埋熱辣辣嘅鐵板，真係食得好開心😍米飯吸咗雞肉嘅汁，味道更加出色，每一啖都令人想再嚟一碗🍚最後，芝士辛辣麵真係唔可以唔試！麵條嘅口感彈牙，配上濃郁嘅芝士同埋微辣嘅醬汁，食落去真係好過癮🤪總括來講，南大門三號嘅菜式真係好味，環境又舒適，非常適合朋友聚餐或者情侶約會❤️如果你鍾意韓國菜，記得去試下！🎉…查看更多

今晚與女性好友相約這間韓式小館，三道人氣料理加上親民價位（總消費$399），讓人驚喜連連。 韓式炒粉絲（$90）~以晶瑩的薯粉為主角，醬油香氣溫潤不膩，搭配香菇、胡蘿蔔絲與黑木耳，口感彈牙中帶層次。粉絲吸飽甜鹹醬汁卻不過濕，份量足，作為主食十分飽足。友人特別喜歡其中的芝麻香氣，畫龍點睛。 煎餃子（$75）~外皮金黃酥脆，內餡是經典的豬肉粉絲組合。咬下時肉汁輕溢，蘸點附贈的醋辣醬更提味。雖非韓式傳統菜，但火候控制得宜，作為開胃小食頗受好評。 鐵板醬醃牛肋骨（$198）~令人驚艷！牛肉軟嫩，韓式辣醬醃得入味，甜辣交織。鐵板餘溫讓醬汁持續滲入肉縫，唯獨份量稍少，兩人分食意猶未盡。 整體而言，這頓飯CP值不俗天。若牛肋骨能增量，會更完美。推薦給追求口味與荷包平衡的食客！ …查看更多

雖然大家都總係少韓國嘢嚟嚟去去都係嗰幾味，但事實上我又好鍾意食韓國嘢，因為我覺得每一道菜都真係好好食而且愛甜辣。而近來尖沙咀金巴利道韓國街，有一家頗具特色的韓國餐廳——南대(大)門3號，呢間小店屹立咗喺韓國街，足足有11年，走進這裡，你會立即感受到一股濃厚的韓風。雖然餐廳的裝潢簡約，但每一個細節都流露出韓國的文化魅力，讓人彷彿置身於首爾的小巷中。這次我們點了幾道招牌菜，首先是海鮮辣豆腐湯。這道湯品不僅熱辣鮮香，還有著滿滿的海鮮和嫩滑的豆腐，每一口都是味蕾的享受。緊接著是泡菜煎餅，外皮酥脆，內餡則是泡菜的酸辣，讓人忍不住一口接一口。當然，怎能不試試他們家的飲品呢？柚子燒酒是必選之品，清新的柚子香氣與燒酒的微醺完美融合，讓人陶醉其中。最後，我們還點了一份牛肉粉絲。這道菜裡的牛肉嫩滑多汁，搭配著Q彈的粉絲，在口中演繹了一場美妙的味道交響曲。南大門不僅僅提供美味的韓國料理，更是一個讓人放鬆的好去處。無論是與朋友小聚，還是獨自一人來享受一頓美食，這裡都會讓你感受到滿滿的韓國情懷。下次有機會，不妨來這裡一試，體驗一下這片韓風小天地吧！…查看更多

同朋友傾開想食韓國菜，所以搵下尖沙咀有冇地道韓國人開嘅食店🥰又比我地係韓國街搵到😍所以就入去試下😌店舖連個裝修都好有韓國feel🤤睇下餐牌入面有唔少傳統嘅韓國菜😋🌸海鮮蔥餅，海鮮有鮮魷，有蜆肉同蝦肉🤤加埋蔥一齊去食口感超好😋又鮮味👍🏻🌸石鍋飯，入面蔬菜種類好多，仲有燒牛肉，我地加左少少韓式辣醬一齊食，食完好滿足🥳🌸水冷麵，夏天食水冷麵真心透心涼🥰佢個麵質岩岩好😋味道酸酸甜甜🤩好開胃🥳…查看更多

今晚去紅館睇演唱會，未睇之前要食啲嘢，就過咗嚟依間食…..依條街本身都多韓國嘢食，但今日唔想食燒肉，又俾個門口老細熱情咁邀請，咁所以過咗嚟食…..舖頭唔係好大， 得10張枱左右，我哋五點幾嚟都係得我哋，但到咗約莫六點半七點左右都差唔多full晒，見到有韓國人也過來食…一坐低已經有傳統三小碟食，叫咗支韓國米酒，另外叫咗個燒餅，一個牛肋骨同埋一個燒豬….三樣嘢都食得出韓國人嘅味道，同埋真係唔錯，燒餅其實我麻麻，但係食第一片就覺得好好食。另外個鐵板牛肋骨都中上，個豬髀就好出色，點埋個醬汁更加好食，如果嚟到呢條韓國食街，都可以一試吖，三個人$820都幾抵……查看更多

韓國街11年小店﹣﹣﹣﹣﹣﹣﹣﹣﹣﹣﹣﹣﹣﹣﹣﹣呢間韓國餐廳由韓國人主理已經開咗超過10年，行開韓國街應該都有食過，喺門口睇緊餐牌已經用韓文同我打招呼，好親切😆● 鐵板烤豬肉蓋飯 $89○ 花甲刀削麵 $95● 海鮮煎蔥餅 $143朋友極力推介話每次都會食嘅辣炒豬肉，用鐵板熱辣辣上枱，口味有調整過唔會太辣，但係又好惹味，豬肉油脂超香，配埋白飯真係人間美食，每啖都好滿意好好食🥹刀削麵唔係想像中咁厚身，不過食落去都有咬口好煙韌～花甲同蝦嘅份量幾多，最正係個湯底真係好鮮甜，係飲得嘅湯底☺️呢個大推！外皮煎到金黃香脆，大大塊全部都係海鮮料，配埋韭菜超級濃味！建議幾個人share兩個人根本食唔晒🤣整體嚟講價錢合理，味道出色，餐廳keep住有聚會嘅客人但唔會太嘈，真係有韓國嘅感覺✔️✔️✔️﹣﹣﹣﹣﹣﹣﹣﹣﹣﹣﹣﹣﹣﹣﹣﹣南대門3號尖沙咀金巴利道65-67號太平洋大廈地下3號舖…查看更多

韓國人主理嘅小店，性價比高韓式料理，價錢唔貴，份量又多，2個人都食唔曬。前茶醃得好食，特別鐘意食佢嘅椰菜花，爽口又入味，泡菜芽菜都好味！🥟 煎餃子 ($78)外皮煎得金黃脆口，內餡韓式粉絲混豬肉，調味清淡不油膩。附自家醋汁提鮮，份量足5件。🍚 石鍋牛肉飯 ($92)上桌熱氣騰騰，牛肉片嫩滑，配菜有菠菜、蘿蔔絲等。飯焦量適中，拌韓式辣醬更惹味。🍜 炸醬麵 ($85)炸醬麵超掛汁，唔係豉油味。黑豆醬濃郁帶微甜，麵條粗身有嚼勁。配料以洋葱、肉碎為主，整體順口，啱晒夏天食…查看更多

今晚喺尖沙咀約咗朋友食晚餐，傾咗一陣間就決定食韓國野，於是就決定來食屹立韓國街11年嘅韓式小店😋烤牛肉辛辣麵嘅味道完全係夜市回憶，以前夜晚開夜車就係食呢啲，不過呢個係更加提升，始終有埋烤牛肉，牛肉好香，烤得好入味，肉亦都唔會鞋石鍋拌飯熱辣辣咁上枱，一上枱已經聞到勁香，菜種類好多，肉嘅份量都唔少，調味剛剛好！雪龍牛骨湯真係屬於超級comfort food，清淡但又足味，最緊要就係個味道，真係勁似韓國舖頭會食到嘅味道！紫菜包飯份量都好多，而且餡料好豐富。…查看更多

$198  鐵板烤醬醃牛肋骨 很入味，送酒送飯一流，肉質軟嫩多汁但是份量偏少，性價比不高⋯⋯味道也沒什麼特別，就是一般韓式醃肉醬的味道 $92 水冷麵 正常發揮，湯底夠凍，但味道較為平淡，未有驚喜。$143 海鮮煎餅口感酥脆，海鮮料豐富，是整餐最出色的一道，值得試！$90 一支覆盆莓酒 ⋯⋯  藥水味重，唔知點解可以收呢個價錢 :(…查看更多

喺OpenRice求其搜尋嘅韓國餐廳，睇落唔錯就決定入嚟食。入到嚟就發覺冷氣唔夠大，行到身水身汗，食到一半先開大咗冷氣即係咁講，小妹係個好鐘意韓餐嘅人，食過嘅韓餐都唔錯，但呢間真係救命，個泡菜湯係超級酸，酸到我第一啖都唔想吞，個泡菜煎餅都係好酸，唔明點解要揀咁酸嘅泡菜煮湯，仲有佢哋舖頭嘅嘢飲定價偏貴，出面賣$10嘅提子嘢飲，呢度賣$20。啲EE態度都可以，btw前菜嘅椰菜花同豆芽好食早知就食上面嗰間Red chicken…查看更多