南越南咖啡廳

营业中

休息中

扎肉米紙卷，口感清爽，🥢美味可口，米紙的輕盈質地使其成為一道受歡迎的開胃菜。咖啡豬軟骨，🍖以豬軟骨為主要成分，配以咖啡調味，口感香脆，☕風味獨特。咸檸豬頸肉，🍋鹽和檸檬清香，豬頸肉爽口，與檸檬清新味道的完美結合。招牌金邊粉，🐮牛筋，肉丸，牛尾，🍜層次豐富，強烈推薦！我們週末lunch time來食，中午都很多人，想食得special啲，佢哋係mongkok一間人氣高嘅fusion越南菜餐廳。

今日得閒嚟咗旺角食間越南餐廳，之前都食過幾次，今日又再嚟食，質素保持到水準，而且餐廳內部設計保持型格有玩味✌🏻扎肉心內美米紙卷食落非常之清新，好爽脆，個扎肉鹹鹹香香非常之惹味😆NVN咖啡骨非常特別，棉花糖造型好啱影相，而且甜甜嘅咖啡香滲晒入啲排骨肉入邊，好入味😋 惹火上身鹹檸豬頸肉都好特別，豬頸肉鹹鹹香香，而且肉質有夠滑嫩，好爽口好正😘越式野味粟米條最有驚喜，甜甜嘅粟米，配搭鹹鹹香香嘅調味料，好開胃🤤嫲嫲藍月湯招牌金邊粉非常之出色，咁金邊粉非常之索湯，而且個牛腩特別好食，質感好有咬口🥰接骨木花蘋果茶非常之好飲，有少少似花茶，而且清清甜甜，咁凍嘅天氣飲佢一流☺️斑斕龍眼茶都非常之好飲，斑斕味好出，而且龍眼茶底香香甜甜，非常之好飲🤩

喺旺角咁多選擇都唔知食乜好，突然發現呢一間新式越南菜。呢間餐廳傳統嘅越南餐廳都幾唔同，佢可能材料一樣，但係擺盤做法造型都好新穎。就好似米紙薄餅咁樣，可能喺越南，米子通常係包住鮮蝦同埋一啲配菜捲埋一齊做春卷，但係呢一度就用Pizza嘅形式做出嚟，呢個一定要趁熱食，啱啱上嚟最好快快脆脆食咗佢擺耐咗就會林哂，變得唔好食。另外佢啲嘢飲都幾特別，通常就係比個名吸引咗，見到荔枝雲朵咖啡，忍唔住叫返杯，嚟到係真係有個泡泡好似暈咁樣喺個杯頂上面，純粹打卡，味道上就冇咩特別。額外都叫咗蟹肉醬配脆球餅、湯粉、小多士，但係味道上其實都冇乜特別，只係佢用一個新嘅形式同做法呈現出一啲越南風味。

呢間之前都食過好幾次今次試下唔係食越南粉叫左一個苗族椰汁淡咖哩扎肉配炸蝦卷湯米線個咖哩味好香 又唔會好辣炸蝦卷入面係有原隻蝦 同D粟米好特別 推薦大家試下烤牛肉串(2串)牛肉燒得好香點埋個花生醬個味好夾南越滴漏咖啡真係會慢慢滴個咖啡味好濃郁岩哂中意飲齋啡既朋友仔

星期日瞓晏咗想搵間好坐又唔重口味嘅餐廳雖然過咗Lunch hour但係第一次試仲要喺假日都驚要等位所以都有電話book定先入到去完全唔使等 大概有3成枱滿職員都儘量打散客人坐 座位寬敞舒服如果想打卡坐窗邊都幾靚我哋得2個人就淨係嗌咗2個主食:😋 招牌金邊粉 $88 (⭐️5/5) 個湯嘅味道啱啱好 作為第一餐完全唔會覺得重口味金邊粉同啲餸差唔多1:1🤣 好抵!啲粉保留到有少少爽口 唔會太腍啲牛肉牛筋牛尾… 全部都好軟好入味 又唔漏重點! 油炸鬼吸曬啲湯精華正! 極推!!🉑NVN南越法式麵包 $78 （⭐️3.5/5）好貼心可以被客人揀切開2份/3份上碟個法包表皮好鬆脆👍🏻但係個陷就冇咩特別🙈如果鍾意紅蘿蔔嘅話會好開心好似我咁係食肉獸就會有少少失望🌝回頭指數:4.5/5🫃🏻飽肚指數:5/5💰抵食指數:4/5下次都係兩個人食嘅話會encore 招牌金邊粉 試埋辣嫲嫲招牌金邊粉 + 滴漏咖啡多啲人先可以試小食睇隔離枱食都好正咁題外話1.佢哋張墊枱紙嘅meme 好搞笑2.Toilet好乾淨 地下有個腳印用嚟自動感應沖廁可以留意下（成日留意埋啲奇怪嘢🙈）

今次 5個人，人少少就一心諗住搵間🤭茶記級別價錢嘅「平靚正 」嘅餐廳聚下、食下飯、傾下計 🤭跟住喺OpenRice就俾呢間餐廳嘅熱門嘢食相🤩吸引咗我呢個餵食妹 🤪 全部「人氣美食 」都試暈一round後😍😍😍心心眼就出現咗 🤣 款款都好好食，冇令人失望！！！另兩點要讚嘅係： 1. 餐廳細細，但5人座位都唔算逼，算係坐得舒服☺️2. 店員服務態度幾好👍對打卡📸✨人士有耐性、幫手追漏單嘢食效率快💙🥳總體而言，可以返轉頭幫襯嘅餐廳少之又少，幾個人開心聚下，又唔想食太貴，認真推介呢間 🤡掃曬D人氣款式落肚都唔會肉痛丫 🥴✌️✨✨✨

自從上次食過呢間越南餐廳之後就念念不忘，菜式總是有驚喜，味道創新，永無失望，今日同朋友出去旺角，梗係想去坐吓。脆米子薄餅- 脆米紙薄餅顛覆你嘅想像，卜卜脆米紙上面放咗青瓜條和蘿蔔條仲有臘腸粒，加上秘製醬汁，出奇地夾。Shake Shake 雞軟骨 - 雞軟骨都做到shake shake 薯條甘， 微辣香口，令人食完一粒又一粒。惹火上身鹹檸豬頸肉 - 真正惹火， 店員係你面前點火，豬頸肉juicy ，菠蘿超甜，又係必食推介。烤蔞葉雞配青蘋果條 -青蘋果配上辣醬，超有驚喜又清新，意想不到的組合，烤雞外皮香脆，雞肉嫩滑，朋友都食到嘩嘩聲。 招牌金邊粉 - 湯頭清甜， 用料豐富， 有牛丸，牛腩，牛筋⋯⋯越南蛋咖啡 - 必試推介， 咖啡上邊放了一層法式焦糖燉蛋Creme brûlée , 同咖啡超級夾，集飲咖啡同食甜品於一身。荔枝雲朵咖啡 - 打咭好靚

這天和朋友來吃晚飯，因為很晚，不想吃太多，只點了三款菜和飲品最好吃是豬頸肉，職員首先會點火營造效果，豬頸肉蜜味甜，口感較肥，醬汁很好味，爽口彈牙法包比較失望，蘿蔔絲實在過多，雖然有調味，但比例不太好，豬肉帶有咸香也不錯，法包也脆口，但整體不太美味。米紙卷看圖片以為有蝦，原來是沒有的，整體也是很一般，沒什麼味道。飲品方面也不錯，很清新，賣相也美觀。服務本來都正常的但距離關店尚有20分鐘仍有數枱客人，職員大大聲說：我也很想收工，但客人未走。我明白返工想收工，但這樣說不太好吧？

因為喺網上見到呢間越南食店有好多好評，所以今日就同家人嚟咗呢度試吓。入到去見到裝修都幾好，環境唔錯，坐得幾舒服。坐低後，我同家人叫咗四款食品，包括1) 招牌金邊粉 (2) 炸豬肉春卷配檸檬扎肉湯檬 (3) 順化豬肉串撈檬 (4) 脆米紙薄餅 食物嘅賣相都幾吸引，尤其招牌金邊粉嘅料都好足。但可能自己期望太高，覺得金邊粉、炸豬肉春卷配檸檬扎肉湯同順化豬肉串撈檬嘅味道都只能算係一般。家裡人係長者，唔太食得酸嘅嘢，但餐廳喺金邊粉同湯檬入面都加咗添青檸，食落去湯底有酸味，對有啲人嚟講，可能會覺得好解膩，但對長者就唔太合口味。唔知道餐廳係唔係主打年青人市場，但如果想照顧埋長者嘅話，個人建議餐廳可以考慮將青檸另放。係四款食品入面，我最鍾意嘅就係脆米紙薄餅，呢款食品好新穎，而且味道都好好。但我都有啲小建議想提，呢款薄餅如果大家想分享食，就會覺得有啲唔方便，因為薄餅嘅底好鬆脆，切開嗰陣就容易散。再者，薄餅上嘅食材同底部唔黐實，所以食材同薄餅底好容易分開。我覺得如果可以將食材固定喺薄餅上面，可以一齊食落去，味道會更好。我食緊嗰陣，就諗緊如果可以將一大塊嘅薄餅，分成四小塊，每一小塊都有各自嘅食材，咁樣就可以

南越南咖啡廳 旺角😋扎肉米子卷非常清爽而美味，米紙的輕盈質地使其成為一道受歡迎的開胃菜，不錯🤪😋扎肉沙律包括烤肉、生菜、蔬菜和調味醬，具有豐富的口味和多種食材的結合😆😋咖啡豬軟骨以豬軟骨為主要成分的菜品，配以咖啡調味。是一道口感酥脆且帶有獨特風味的菜品！！打卡一流🤣😋鹹檸豬頸肉烹調過程中添加了鹽和檸檬等調味料，具有豬肉的香氣和檸檬的清新味道，打卡一流🤣😋招牌金邊粉超豐富的口味和多種食材的結合，推薦！😋荔枝雲朵咖啡是一種特色咖啡飲品，以荔枝為基礎，添加了雲朵狀的奶製品，有著荔枝的甜美風味和咖啡的香濃口感。😋接骨木青蘋果花茶以接骨木花和青蘋果為主要成分，具有清新的口感和花香！

餐廳嘅菜式唔同啲傳統越南菜，有啲新派同埋特別少少，當初我就係因為見到佢哋嘅椰子奶凍😂，所以先忍唔住想去試吓～💛脆米紙薄餅 $58佢哋嘅薄餅底係用脆米紙做嘅，好脆好香，上面再加上青瓜🥒絲、蘿蔔絲同埋臘肉，再淋上啲千島醬，呢個組合真係好正，口感非同凡響，一啖落去，酸酸甜甜嘅味道真係令人回味無窮。💛招牌金邊粉 $88金邊粉有一小條油炸鬼，再加上牛丸、牛筋同埋牛肋肉等等。個粉本身好滑好彈牙，湯汁都好鮮甜，加埋油炸鬼同埋牛肉，真係增加咗啲口感同埋層次感，呢個金邊粉係我一定會再嚟食，真係好好味！💛南越蛋咖啡 $38咖啡上面有層焦糖燉蛋，下面嗰層就係齋啡☕️嚟嘅。個咖啡上到嚟嗰陣，waiter同我講話就咁飲會比較好飲，不過可能因為我唔鍾意飲齋啡，就咁飲嘅話齋啡嗰陣苦味會好出，所以最尾我都係mix埋一齊飲，會帶返少少甜味。💛富國島之椰子🥥奶凍 $55最後，我最期待嘅就係甜品～佢嘅甜品真係好夢幻，底下有乾冰，出煙嗰陣真係好吸引眼球🥰！奶凍係白雲形狀，隔離有啲蝶豆花cream，裏面有芒果🥭、爆珠等等（其實就係楊枝甘露嘅材料），但成個視覺效果真係好勁，打卡一流！不過整體嚟講，餐廳嘅份量偏細，但飽肚程度還可以，

之前見到openrice咁多個讚好，於是就約埋班friend嚟試下佢。南越蟹肉醬配脆球餅蟹肉醬既味道鮮甜清新，脆球餅脆口，兩者夾埋都幾特別。南越炸豬肉春卷(6條)一口嘅size食得十分方便，入面豬肉亦非常之鮮甜多汁，外脆內軟。烤雞肉串(2串)／烤牛肉串(2串)／順化豬肉串肉質會比較嫩滑，唔會烤得太乾，沙嗲醬花生味濃，十分香口。惹火上身鹹檸豬頸肉上枱果陣，職員首先點火，不過好快就熄左🤣🤣🤣，著完火都好似冇乜特別。By tye way，豬頸肉烤到少少濃邊好惹味好香口，肉質亦非常爽口。燒蔞葉雞配青檸蘋果條上枱果陣仲熱辣辣架，啖啖肉好入味，而且外皮十分香。 青蘋果條口味清新爽甜，好match。 Shake Shake 雞軟骨雞軟骨炸到非常香脆香而唔會乾爭爭，連埋炸蒜同金不換等唔同既材料預先已經放入紙袋入裡面，再自己加埋辣椒粉同青檸汁，搖呀搖呀搖，搖勻之後倒出嚟食，又有得食又有得玩，非常惹味。招牌金邊粉湯底十分濃郁，好似有一棚牛喺個口度咁🤣🤣，金邊粉爽口彈牙，連埋湯食絕對一流。佢配埋條油炸鬼俾你，勁鬆脆索晒湯汁，perfect。香茅青蘋果茶感覺清新，唔會太甜，香茅既味道令味蕾十分舒服，唯一只係青

🎈Nam Viet餐廳主打創意越南菜式，賣相精緻而且質素唔錯，醬汁配搭上亦好有心思❤️🔖脆米紙薄餅配料有青瓜🥒甘筍絲、香味十足嘅越式臘腸同千島醬，薄餅輕薄鬆脆，食到多重口感🔖扎肉心內美米紙卷色彩繽紛，蔬菜比例頗多，感覺好清新☘️越式扎肉口感爽彈，配上花生醬，香味更提昇🥜🔖惹火上身鹹檸豬頸肉上枱時店員會點一點火，儀式感滿滿😚豬頸肉煎得金黃，帶少少肥肉食落更有油香以菠蘿伴碟🍍酸酸甜甜幾時都咁鍾意🫶🏽🔖烤蔞葉雞配青蘋果條烤雞幾有驚喜✨外皮薄脆無肥膏，雞肉嫩滑多汁，醬汁亦好特別，裡面有蒜、芝麻、花生等材料，整體幾香口👍🏽🔖NVN 南越法式麵包法式麵包裡面有醃蘿蔔、青瓜、扎肉，配上沙律醬、肝醬，落單時可以揀切開上，方便分享🤗🔖香茅青蘋果茶🔖柑桔檸檬綠茶味道易入口，甜度剛好，飲落好清新

越南菜係香港唔算好多，難得試到依間又好啱胃口，小食款式多到好想有多個胃試哂佢🤣味道配搭好有驚喜，傳統之上加入創新，價格仲好親民，會再去試埋其他菜式😎—— 脆米紙薄餅 $58成個組合都好夾，除左青瓜同蘿蔔絲，仲有臘腸加埋甜甜鹹鹹咁，又有米紙薄脆口感，係好開胃嘅前菜—— 惹火上身鹹檸豬頸肉 $70Fire!!!!🔥🔥🔥一上枱店員就會點火，不過係燒豬頸肉上面有團黑紙🤣反而豬頸肉就唔係偏焦香嗰種，單食會比較膩，配埋個醬汁就啱啱好—— 招牌金邊粉 $88湯底正！濃味得黎又唔鹹，超足料，有齊牛肉片、牛筋條、牛筋、牛尾，牛丸一咬成股牛味湧埋黎🐮🐮🐮—— 越式惹味粟米條$48好好食！真係超惹味，加埋炸蒜好香，粟米仲好juicy食到停唔到口😋—— 扎肉沙律 $50沙律菜底主要係蘿蔔同青瓜絲，扎肉份量幾多，鋪滿花生碎，清爽酸甜—— 斑斕龍眼茶 $28好甜🫠🫠🫠味道一般，唔係好有斑斕味🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 #南越南咖啡廳 (#旺角)旺角彌敦道726號1樓

今日去咗「NAM VIet NAM」食lunch，真係食得好滿足！🍗🦀🍛🐔🍋☕️🥚「NAM VIet NAM」係一間以越南菜為主打嘅餐廳，環境舒適又有越南風情，令人感到仿如置身於越南。佢嘅菜單有好多fusion 越南菜式可以揀擇，真係特別又好味🍽️🇻🇳🌟Shake Shake 雞軟骨，雞軟骨脆口多汁，配上獨特嘅調味料，味道香脆可口。南越蟹肉醬配脆球餅係一個特色小吃，蟹肉醬濃郁鮮美，配上脆口的球餅，味道絕佳。NVN 咖啡骨，咖啡汁香氣四溢，加上嫩滑嘅豬骨肉，口感豐富。烤蔞葉雞配青蘋果條係一道創意菜，蔞葉烤出的雞肉香嫩多汁，配上清爽的青蘋果條，口感平衡。鹹檸豬頸肉撈檬，鹹檸調味的豬頸肉鮮嫩多汁，撈檬的酸爽與豬肉的香味完美結合。南越滴漏咖啡和南越蛋咖啡係絕對不能錯過嘅飲品，滴漏咖啡濃郁香醇，蛋咖啡濃郁順滑，兩者都係越南咖啡嘅經典。☕️🍋🥚🌟「NAM VIet NAM」真係一間令人愉快嘅越南餐廳！如果你鐘意越南菜，「NAM VIet NAM」絕對值得一試！我一定會再去「NAM VIet NAM」品嚐更多精彩的越南美食！🍽️🇻🇳🌟😋