南豐餐廳

別小看香港屋村的美食魅力，這家在九龍南山邨的茶餐廳經營之道，實在贊。早上的早餐，走進去亞姨會說早晨，找好位置，不急不忙的落單。早晨沒有特別之處，迷你菠蘿包，外皮爆脆熱辣辣的，早上吃過傳統新鮮菠蘿包，太滿足了吧！老香港茶餐廳的沙嗲牛肉的沙嗲味保持香濃厚汁，並加入少許現代人喜歡的紅辣椒味，牛肉嫩滑嚼口，水平到位。絲襪奶茶，細緻嫩滑，沒有太濃正合適現代香港人所需。碰上友善有禮的人情味服務，感覺是親切老街坊的招待，是香港人茶餐廳精神。…查看更多

冇咩人講 但其實呢間茶記水準好好小菜未必樣樣好食 但就好大碟如果食小菜都係比較多人食品香樓呢個全日特餐真係好好食湯底就我揀蕃茄湯/老公食擔擔湯擔擔湯少少麻辣帶啲花生味蕃茄湯係茄蓉，我自己比較喜歡鮮茄，算唔差，仲有其他湯底選擇必點雞翼，老公話係南乳炸雞翼，唔怪之得咁夠味👍🏻原來係南乳醃特餐仲可以配吞拿魚芝士脆豬個脆豬鬆軟，烘得好靚，加埋吞拿魚沙律芝士根本係兩個餐黎🥹有時我會叫雜果沙律配丹麥多士凍飲🥤$3我幾鐘意呢間個揚州炒飯，太耐冇食原來轉左新menu宵夜轉左菠蘿雞絲炒飯🍍菠蘿煮熱好香甜雞絲就冇味 但個炒飯好好食飯粒粒分明仲唔係死咸 就係有底味呀呢度店員全部好nice好親切 老闆請返黎嘅人全部都好好👍🏻我真係未試過去一間茶餐廳全部啲店員都咁開心咁落力會再幫襯嘅小店👍🏻…查看更多

叫咗兩個午餐，蔥油雞飯完全無味，好似雪藏雞白拾，因為有雪味仲又凍又肥，非常難食，最後叫職員拿豉油送飯勉強食咗😖最恐怖係個所謂蔥油（其實係油浸住嘅薑溶、蒜溶）無味唔香都算仲要係苦的，我老公食完個口臭咗成日🤢個奶茶又酸又鞋口，實在飲唔落，同員工講咗都換咗杯奶茶比我不過態度就麻麻，換咗雖然無咁酸但都係鞋口，茶太老，飲咗兩啖無再飲，其實兩個餐都想換但驚會被“加料”所以無換到，辛苦老公幫我啃咗個雞飯，個吉列豬扒飯又乾又薄，但比起雞叫做好小小，碗飯就好似隔夜飯，食過最難食嘅飯🥲從未食過咁難食嘅餐廳，見到好多客都係中學生，果一刻覺得D學生如果日日要食D咁嘅質素飯餸真係好可憐，有時做餐飲雖然要掙錢但都需要有小小良心，唔好去到咁盡，咁樣做生意真係一次過，絕無下次😓…查看更多

南豐餐廳(香港) 地址: 香港九龍灣宏光道80號麗晶商場地下G1號舖電話: 九龍灣呢邊有個好大架運動場同仲有個單車徑，見今日涼涼地就過左來運動，中年反而變好動戶外化，因成日坐同煲劇好易變肥發福。因附近都是工廈，去左麗晶住宅個邊，食個lunch 先有力氣簡單架茶餐廳，點了個叉燒拼燒鵝飯，再點杯凍飲！蜜汁叉燒夠甜，燒到焦糖化，燒鵝有油香！加鹹蛋$10 包飲品$69 凍iced lemon tea $3 菜不能缺$22 加菜心（出單變$24？）…查看更多

早幾日老公喺附近踢波，踢完同佢黎咗南山邨食lunch知道呢度有間叫品x樓嘅餐廳都幾出名，去到見到同呢間南豐係黐埋一齊，好似呢間仲多人食😅 同埋呢間嘅午餐啱心水啲，就揀咗呢間試吓⭐️京都豬扒飯（午餐）是日星期三，晏晝一點鬆啲去到，想食嘅蜜椒牛柳粒同埋蒸䱽魚已經賣晒😭 就求其叫咗個京都豬扒飯佢嘅醬汁係螢光色，完全就係傳統茶記style，我都好耐冇見過😂豬扒有啲硬，可能傳統煮法無乜落鬆肉粉😅汁就⋯⋯一般啦😂😂不過碗湯超大碗同足料，都幾好飲👍❤️常餐沙嗲牛通粉呢個真心出色，有驚喜！😍通粉彈牙，牛肉量多嫩滑，最重點係個沙嗲濃郁帶少少辣味，撈勻個湯都係好夠味好惹味😋（遺憾地我唔記得咗影張撈勻咗嘅相🙈 淨係掛住食😂）已經好耐冇喺普通茶餐廳食到呢個水準嘅沙嗲牛👍👍可能舊村多老人家，感覺店員都係熱情啲有人情味啲，服務係幾唔錯👍兩個餐埋單一舊水都唔使🤑有機會黎開呢頭會再翻兜沙嗲牛😋…查看更多

今日趁2天假期開始同老公仔到來南豐，因為誤打誤撞及好評之下被吸引前來，今日同老公都是點了星期套餐，味道唔錯，另外，本人最注重自己所光顧的地方是否提供到優質的服務態度，今日第一次光顧此已覺得這裡的侍應姐姐下單的態度好好，雖然只是除了重複問我們可以下單叫嘢食之外，其餘的感覺良好（最重要是不會急於下單的），又另一方面，裡面的裝潢也相當懷舊（沒有拍照），感覺到了童年時回憶，哈哈，由於是開設在屋邨內，給我感覺相當有人情味，我希望下次會有機會再幫襯及推薦給朋友。…查看更多

勁香花生醬味勁濃郁，星期日早上石硤尾球場踢完波，跟住波友去附近南山村，食早餐，隔離果間最出名嘅無去到，2號餐火腿炒蛋，好滑好香無溝水，凍咖啡好香好濃，迷你菠蘿包真係好鬆化同埋香，同埋仲係熱! 38幾蚊性價比勁高💯😋…查看更多

During our visit to Nam San Estate, we had the opportunity to stop by Nan Fung, a bustling restaurant located nearby. It proved to be a popular spot, especially during lunch hours, with a constant flow of customers. Despite the initial impression of a crowded space upon entering, we soon discovered that there were additional tables located behind a partition, allowing the restaurant to accommodate more guests.One of the standout aspects of our experience was the warm and friendly welcome we received from the staff, including what appeared to be the owner. Their hospitality helped create a welcoming atmosphere and put us at ease. It's worth noting that the restaurant's popularity might initially seem intimidating, but the staff's friendliness made us feel comfortable and well taken care of.We were pleasantly surprised by the efficiency of the service. Despite the high volume of customers, the staff worked diligently to ensure orders were taken promptly and dishes were served in a timely manner. This quick service allowed us to make the most of our limited time before beginning our volunteer work.When it came to the food, while it may not have been exceptional or outstanding, it was still enjoyable. It's possible that the restaurant's emphasis lies more in delivering a quick and convenient dining experience rather than aiming for culinary perfection.However, what truly set Nan Fung apart was the friendly service attitudes displayed by the staff. It can be a rarity to find such genuine warmth and attentiveness in many local restaurants in Hong Kong.In conclusion, our visit to Nan Fung during our elderly home visits at Nam San Estate provided a convenient and satisfying dining experience. Friendly staff attitudes made it a memorable stop on our volunteer journey.…查看更多

其實石硤尾個個都食品x 樓，我自己就中意食南豐餐廳多d, 首先佢杯奶茶真係好唔錯，我差唔多每日經過都會飲1杯。今日又黎食lunch, 揀左自選麵：辛辣麵+擔擔湯底+豬扒，小食就揀左芝士吞拿魚豬仔包。其實好鍾意食麵轉辛辣麵，但係佢個擔擔麵湯底實在太濃了，加埋辛辣麵嗰種辛辣口感，真係太濃稠喇！成碗麵嘅感覺就好似變咗沾麵咁，所以如果下次揀擔擔麵湯底都係要返普通米線咁就算， 或者可以試下辛辣麵配佢個酸辣湯底，應該都會幾出色。然後塊豬扒好大塊， 又好嫩滑，58蚊嘅餐真係好抵食！最值得讚就係佢個芝士吞拿魚豬仔包，外皮超脆，吞拿魚有好多，完全係可以單點嘅一份小食。另外嗌咗份午餐， 揀咗佢當日嘅快餐：章魚雞粒燴飯， 個口感好似福建炒飯大大份又濃味！佢啲午餐都唔錯，真心值得推薦。…查看更多

預先資料搜集中，發現此屋邨中小店有不少正評，有機會在石硤尾朝早醫肚，便一試。早餐餐單選項：腐竹雞肉米線 + 煙肉 + 炒蛋 + 菠蘿油 + 凍奶茶。首先送到係凍奶茶。喺冇指定奶與茶比例情況下，呢杯奶茶茶味偏重。指明要少甜少冰，餐廳做到。轉個頭其他食物都送到。全餐份量真係唔少，好豐富。炒蛋正常質素。煙肉如煎至脆口會更佳。等食物上菜時，聽到餐廳職員講外賣落單電話時有特意說明「有菠蘿包供應」，相信菠蘿包係小店嘅熱門產品。作為牛油狂熱喜好者，我有向餐廳要求菠蘿包「多油」，相信廚師係有特意滿足要求。但咬落，個菠蘿包非開口處係唔夠牛油去滿足我。味道與質素方面，菠蘿包符合性價比，溫度則微暖。不多茶餐廳 serve 腐竹雞肉米線配搭，個人十分欣賞此配搭。南豐餐廳此米線多料，令人滿足。清清哋魚湯暖胃，食落感覺幸福。滿意的去找數。…查看更多

今日行咗去南山邨食午餐，你係間餐廳裝修一般但係好多街坊幫襯，我估係因為呢度嘅侍應熱情、價錢合理我嗌咗一個常餐，但佢係非一般嘅常餐，因為佢係魚湯雞肉皮蛋米線；皮蛋有大半隻，好有誠意；湯底嘅魚湯有少少甜，好清甜；上面仲有好多雞肉，呢個價錢真係算唔錯；米線分量足夠，但可以硬啲另外呢個餐仲可以配唔同嘅嘢食，我叫咗火腿蛋加多士，都整得幾香口，多士都幾脆佢仲有好多唔同嘅嘢食例如每日都唔同嘅午餐，唔怪之得咁多人嚟食…查看更多

今日黎左呢度買外賣返公司食，有同事推介佢地既炒粉麵，話鑊氣好夠同好食，今日就黎買乾炒豬扒炒烏冬。外賣大概等左10分鐘，拎到返公司既時間野食仲係好熱既。豬扒份量好多，好有驚喜，食落最後發現有5大塊，而且做到外脆內軟，因為豬扒偏肥，油脂香味出眾，個人黎講幾中意但如果有人唔中意食肥豬扒既話就要留意烏冬個調味都滿意，味道香，有鑊氣，但又唔會太咸，而且口感都好，唔會好腍啤啤連埋凍飲$57，我覺得係好抵食，因為佢好大份整體來講滿意的…查看更多

住石硤尾區，最出名嘅係品香樓，但係其實南豐餐廳都係唔錯嘅選擇，經常會去堂食或者外賣。今日朋友嚟屋企玩，本身想去品香樓，但係實在人太多，南豐餐廳有位就入去坐低啦。 價錢相對較便宜。 合掌瓜湯味道夠濃，合掌瓜煲到溶曬，入口即溶， 應該冇味精。 奇妙雞煲食過好多次都好好味， 甜甜地嘅醬，雞好嫩滑，好惹味， 送飯一流。 鄉下佬炒雜菜菜係鮮綠色，好爽脆魚香茄子茄子仲係深紫色，賣相好靚，食落有啲咸，又係送飯之選。 京都豬扒好大碟，肉質都係腍嘅，唔會硬掘掘好難咬咁，酸酸甜甜，幾好味。…查看更多

今天到了南豐餐廳吃午餐 ，午餐非常抵，要了一個蒸倉魚飯，包一杯嘢飲，都只係$45，條魚非常新鮮，沒有腥味，健康的一餐！朋友叫了蒸肉餅飯，佢話都好味，附上一張相。另外個朋友叫了常餐，有腸仔、炒蛋、丹麥多士，多士勁好味！仲有一碗皮蛋雞肉米線，都係健康之選！三個人食都係$185 ，真係好抵食，所以經常會來吃，價錢真係抵！環境都算OK，午市比較逼夾，通常都要等位，不過都值得嘅。服務都OK，上菜速度快，最啱我呢啲急嘅人。…查看更多

在我的補習社對面的南豐餐廳真是很美味如果不是早點去都已經排長龍了我嗌咗一個沙爹牛肉麵炒蛋腸仔多士沙爹牛肉畀多個驚喜沙爹牛肉麵夠濃夠味配埋軟淋淋嘅牛肉就最好吃了,奶茶又唔會太澀個炒蛋炒得夠曬淋夠曬軟但係腸仔就麻麻地還有服務態度超好今日我原先那個位置滴水那個少服務員毫不猶豫地說不如你轉位呀那個時候想現在有那麼態度好的工作人員都算是「稀有人員」了。呢間餐廳是我少數好到我要直接寫食評我通常會寫太多字今天這一篇食評算是破紀錄了…查看更多