南記粉麵 (青衣城1)

見到即將出已經好興奮，第二日中午即刻去試。成碗綠色一攞埋枱嚇親左右嘅大叔C奶，做咩啫屋企平時都會滾吓湯㗎啦，應該唔陌生㗎⋯⋯唔理咁多，一飲啖湯真係好正呀個湯底，直頭係碗芫荽皮蛋滾湯一樣咁濃郁，仲要連餸料都係先用芫荽煮過，唔係揸流攤👍😋痴線㗎咁有誠意用埋芫荽扎肉，一路食諗緊個老闆係咪都好鐘意芫荽呢？！成碗嘢個整體都好有feel。仲有杯芫荽雪碧OMG勁清新，我覺得夾雪碧會fresh過可樂。多謝🙏好滿足😁…查看更多

## 食評：高性價比湯米線今次我哋兩個人去咗一間火鍋餐廳，真係好開心，因為只需要119港元就可以享受到一頓豐富嘅餐！餐廳提供兩款湯底，一個係酸辣湯，另一個係蕃茄湯，兩種口味都唔錯，酸辣湯特別開胃，蕃茄湯則係濃郁又香甜。最出色嘅就係佢哋嘅丸，同埋春卷，丸子鮮嫩，咬落去有肉汁流出，春卷食落去都好滿足！另外，轉餐都有跟埋豆漿同埋一碗蠔油生菜，真係好有誠意。總體來講，呢間餐廳嘅性價比非常高，如果你鍾意米線，而且又想唔使花太多錢，呢度絕對係個好選擇！下次一定會再嚟！…查看更多

今日嚟到青衣呢一邊做嘢最後諗唔到食乜。見到有我最鍾意食嘅南記！就即刻入咗去，通常去到我都係叫春卷米線酸辣，再加多一份 腩肉！南記嘅腩肉同埋春卷，簡直係佢最出名嘅名物！每一次去到真係必點！幾鍾意食佢嘅米線，因為佢唔會煮得太耐，所以本身都做得非常挺身，唔會太林嘅口感，喺火候方便都控制得幾好，當然唔少得佢最出名嘅春卷，我加咗少少佢本身餐廳嘅辣醬，所以令到成個味道更加突出，鍾意食辣嘅朋友都可以試吓，整體嚟講都覺得保持到一貫嘅水準，同其他分店都係差唔多！…查看更多

由細到大都喜歡食米線特別係酸辣米線呢間米線冇得輸辣豬肉米線My 飛佛😋😋😋加配春卷魚片頭更加正飽到上心口下午茶時段好底比正常餐平啲豆漿當然係絕配青衣冇乜米線食店呢度都算係我飯堂👍🏻👍🏻…查看更多

離開了香港很久，一直想念南記春卷的味道，今天終於可以吃了！蕃茄湯底配少許辣椒油，就是一個人食飯的享受！最喜歡南記內每個食客自己顧自己，就算搭枱也不用尷尬，可以盡情享受一個人的浪漫，這就是香港生活的味道！希望這個味道不要改變啊！…查看更多

📍 南記粉麵 (青衣)青衣青敬路31-33號青衣城1地下G15-G16號舖==============================青衣南記開左一段時間都未試過，今日放工經過見無咩人排隊就入去食個晚餐🍲==============================食物⭐️⭐️⭐️⭐️1️⃣肥牛春卷小窩套餐（中辣）$62湯底咪道濃郁帶微酸香辣，肥牛份量都算多而且有牛味👍🏻春卷好彈牙同埋好濃魚味😋2️⃣水煮鴨血$26南記呢個水煮鴨血就不過不失，無咩特別👌🏻…查看更多

一早預咗去食南記，既然預先知道就喺個app嗰度預先落單啦。去到唔駛等， 即刻有得拎走外賣，係幾方便嘅。今次叫咗牛魔王嘅中辣麻辣湯底，辣到有啲勉強，同埋牛肉嘅質素好似比以前低左，春卷就keep得到係好食嘅，以呢啲大型連鎖米線🍜鋪嚟講，佢嘅水準都算唔錯嘅。雖然都係一分錢一分貨，佢又真係比其他人貴啲啲咁囉…查看更多

簡簡單單食碗粉南記其實係一個唔錯嘅選擇三十一/二蚊食一個招牌河有三款餸相比四十幾五十蚊嘅魚蛋河呢度真係一個平靚正嘅選擇今日買外賣返公司食之前食係兩粒牛丸、兩粒魚蛋、兩條春捲今次唔知係咪冇魚蛋所以畀咗兩個魚片我覺得魚蛋好食啲，魚片就冇咁好食不過重點係呢個春捲，春捲係值回票價另外南記粉麵都有一個好幾好嘅位，係佢啲河粉唔會好似 一般街嗰啲咁碎，可以 一條條夾返上嚟，但係要留意，如果你係隔得太耐嘅話，成個河都黐埋一嚿， 感覺就冇咁好食…查看更多

點解可以撈米線可以冇俾醬，想問下check外賣個個check咗啲咩，唔係應該check齊曬先出架咩，留咗個餸都冇咁嬲，嗌撈米線你留咗個醬，我想問係咪要我食白烚米線？？？？定係要個客自己特登買支醬？連自己基本工作都做唔好，麻煩檢討下…查看更多

點早餐 一邊點餐 一邊隔離個應該係經理嘅男人問收銀員嘢 我已經就晒眉頭好嘈 收銀嗰個又要一邊答佢 一邊落單 最後當然落錯單 到出餐 我話我唔係E1係E2餐 個廚房叫我自己行去同佢講改餐 個阿姐又話唔洗改同廚房講改就得 個經理再次人點餐就同收銀講野 極唔尊重…查看更多

南記早餐🌸A餐春卷鮮茄米通餐$32 ⭐️⭐️⭐️☆☆魚皮餃生菜湯鮮茄湯夠味，米通比較硬身，春卷好味。傻婆T去襯南記都吃春卷的。魚皮餃有三粒、生菜超多呀！🌸D餐豬扒沙嗲公仔麵$36⭐️⭐️⭐️☆☆牛油餐包，炒蛋豬扒夠大塊而且唔嚡口，沙嗲夠濃郁，公仔麵比較林身。餐包鬆軟，炒蛋比較老🌸凍奶茶+$3🌸豆漿跟餐免費======詳情======南記粉麵 (青衣)青衣青敬路33號青衣城1期地下G15-16號舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #青衣美食 #青衣好去處 #美食 #RnT青衣 #RnT茶餐廳 #炒蛋 #餐包 #生菜湯 #魚皮餃 #蕃茄 #鮮茄米通 #春卷 #豬扒 #沙嗲公仔麵 #南記粉麵…查看更多

今日dinner 吾算話好肚餓，又想食下米線，就去左附近樓下買南記外賣，叫左三個餸，南記都算又抵食又好食既連鎖米線。招牌春卷係必叫既，永遠都吾會令人失望。仲叫左牛丸同豆卜，豆卜都幾入味，米線份量略少，如果大碗啲就好了。…查看更多

剛收工，朋友説來青衣城1期地下南記下午茶。我趕到，見她已在吃一碗【麻辣魚片墨魚丸米綫】，正吃得津津有味。我在門口買餐票，點了一個【清湯河粉加招牌春卷魚餃】$30，飲料轉檸茶加$3。先看看朋友哪碗米綫，不用嘗已感覺到辣，湯濃郁，一定很惹味，下次來嘗嘗。到我餐票號了，要自己去拿，看湯奶白色，春卷金黃，外表幷不怎麼吸引，但魚肉餡韌香，味道很鮮，不錯，魚皮餃，咬一口，有大地魚的香味，餃皮和肉餡非常夾，鮮甜，河粉有咬口。餐廳玻璃門面，可見里面裝潢簡約舒適，燈光柔和。出品實在料足，味道可任選【麻酸，酸辣，麻辣，清湯】，適合不同胃口。免收加一服務，價格實在。招牌春卷確實好味。…查看更多

聽聞趕客既收銀換左人，於是番左去買外賣但原來係成間舖既staff 都服務態度世一咁差不嬲買左南記十幾年叫春卷另上，都係用膠袋放今日個阿姐仲要發老脾，話你買得一碗點同你另上呀比佢兇完仲要教番佢南記practice點處理春卷另上呢個order比錢買野仲要比人鬧，鬧完仲要教番佢遞餐個staff 都係好悔氣其實間舖係咪management 有咩問題，點解可以服務差得咁一致至於碗米線同春卷既質素同其他店都一樣好食既…查看更多

好鬼熱，吾想煮飯既晚上去左食南記，想食芫荽米線套餐$55米線加可樂，比平時既套裝價平。人多關係搵到位都要等成十多分鐘先有得食。芫荽湯底米線🍜米比佢綠色嚇親，跟平日屋企煲既芫荽皮蛋魚片湯差不多，濃味些少。講湯底講下餸。米線有4個餸：豬扒幾入味，不過今次食比上次細塊左。每碗米線都幾多芫荽，吾夠可比多$3增量。炸豆卜好乾脆。最後芫荽魚蛋有粒，份量算係咁，但就吾算太有芫荽味。整體份量算足夠，對得住個價錢。另外跟餐既芫茜可樂，起初有點擔心，但飲落幾清新，有點青瓜汁既清新口感。…查看更多