南記粉麵 (金寶大廈)

今日要喺公司食外賣， 忙到無晒心情， 就諗起南記經典嘅腩肉米線嚟 填補心靈空虛，南記都係我嘅至愛之一，經典嘅味道真係令人回味無窮，腩肉惹味又軟熟仲唔會太肥，最最最重要就係一定要叫埋佢嘅招牌春卷。唔係跨張～真係冇其他地方食到南記春捲嘅味道。 腩肉加春卷，確係天作之合， 好味道，超飽，超滿足。今次我試下將米線轉米粉， 哇… 原來更加好味 OMG…… 全因外賣米粉吸曬啲湯味道， 啖啖夾著濃湯加上腩肉香味， 好食到唔停得口……真係好夾好正，真心推薦大家可以試下將腩肉米粉，相信試過一定會讚好👍🏼…查看更多

南記承認原本外賣兩袋食物，但南記只給車手一袋食品，賴外賣平台送漏，經與車手及南記核對之後，南記仍不認錯及態度惡劣再次致電，一直拒聽電話一小時，及後接聽態度仍然惡劣及不承認送漏已經不是第一次遇到這種情況，西灣河南記永不錄用，再不幫襯…查看更多

之前細個住香港仔，南記真係恩物價錢抵，又飽肚，跟住出嚟做嘢之後，有時都忍唔住會買外賣返屋企食而家公司附近網上外賣平台就可以嗌到，所以成日都同同事嗌。唔知點解佢嗰個春卷，真係出邊複製唔到佢嘅味道，就算其他舖頭話係南記春卷，食咗都唔係呢種味。所以每次都嗌春卷，但係又好貪心想食埋腩肉，兩條春卷又唔夠食。所以永遠都係嗌單拼春卷酸辣米線再加一份腩肉先夠。酸辣湯底冇得輸，佢嘅酸菜又係出邊複製唔到，今日嗌外賣，試吓將米線轉做米粉，估唔到都幾出色，反而覺得米線冇米粉咁好食㖭啊，下次又可以試吓轉河粉先。…查看更多

作為一個芫茜控，知道有芫荽湯底嘅米線，當然第一時間衝去試吓啦🍜炸豬扒．芫茜丸．皮蛋芫茜蓉湯底米線 $53好茜丫！湯底用大量嘅芫荽熬製而成，淨係聞到已經覺得香😋再加上芫茜丸，真係好癲😂不過可能係湯底嘅味道太濃郁，芫荽丸相對之下，茜味較輕，不過佢嘅口感彈牙，好食！仲有炸到鬆脆嘅豬扒，啱曬鍾意食茜嘅人😋🥤芫荽可口可樂 (跟餐)少癲😂芫荽配熱食一啲都唔出奇，不過配可口可樂又真係第一次😂可口可樂本身都係重甜味，所以第一個感覺都係似可樂，after taste先有淡淡的芫荽味，但係食完之後要見客嘅話，可能就要諗一諗😂 嗝出黎個下都幾重味😂…查看更多

芫荽控出動🙋🏻‍♀️! 所有芫荽控聽住啦，最近 •南記粉麵🍜 •推出期間限定「芫茜蓉湯底米線套餐🌳」，記得把握機會去試啦😂～用大量芫茜熬製的芫茜蓉湯底，除了綠得誇張，散發出來的芫荽味同樣濃得驚人～再配上芫茜丸、皮蛋和惹味的炸豬扒，大大滿足。最後不要忘記吃芫荽可口可樂，來個芫荽宴吧～📍 #南記粉麵西灣河筲箕灣道121-131號金寶大厦地下5號舖…查看更多

最近譚仔出咗好多新嘢，所以太耐冇食南記，經過佢間舖頭心思思想回味一下，所以叫左個外賣。點知。。。點咗個小鍋米線(中辣)酸辣。 個湯底除咗蕃茄味之外乜嘢辣味都冇 ，酸菜仲要係好似煲完湯嘅渣咁樣 ，一啲爽口都冇，又無乜味有唔少人食南記，除左因為佢個招牌春卷之外， 另一個 吸引人嘅地方 就係 佢個小鍋米線，貪佢酸得嚟夠辣。好可惜 味道已經不再。 春捲就還好啦， 雖然冇以前咁好食 。但最起碼keep到個樣。整體嚟講， 好難會再令我想再去南記買 小鍋米線囉…查看更多

今日番工前叫左碗酸辣米線，配料係春卷同貢丸，今次叫左中辣👍🏻好正好好味👍🏻👍🏻真係食到津津有味😋😋 份量岩岩好夠我一個人，餐廳職員都好好服務，等餐時間都係大概十分鐘👍🏻…查看更多

我網上外賣一個雙拼麻辣米線（魚皮餃及另加$3豬扒），來到之後發現換成了牛腩與春卷！ 我打電話去問，落單員工韋小姐說+3價錢不可要豬扒，自行決定幫我換了牛腩與春卷！ 明明網上點餐點得到又付了錢，點可以突然話價錢不對不通知聲就換了第二種食材？我不食牛，又對春卷麻麻，然後我問就算你唔給我豬扒都可以給我魚皮餃，員工聽後無言以對。員工又辯護說沒有我電話，明明我網上點餐時候有個選項我選沒有該款食材的時候就「以電話聯絡我」，所以我好肯定餐廳是可以聯繫得上我，只是太懶沒做，自把自為要你食你唔食的牛腩春卷。實在太離譜。…查看更多

最近新出嘅酸菜石斑魚米線，睇落去好似好好味，所以就去咗食。我唔知一食落去啲湯過酸同埋好鹹，最後要加隔哂啲湯嚟食…. 啲魚又淡而無味，同埋唔知點解全碗嘢都發現唔到辣椒，酸到我都食唔到…查看更多

在后面公园做完运动经过这个南记粉面小吃店，在外面看上去不错，决定一试，好多人在排队。结果叫了一个石斑鱼，只有5片一片收费是53元，觉得分量特别少，鱼片的口感好大的腥味。这个汤底酸的不行。吃不了酸的人都不用试。有人说那个炸春卷是最出名的。叫了一份打包走。当时一看是冷的。没想到吃完了之后。一个晚上又呕又吐。就这样一个晚上都没有睡。一直在拉肚子。后面把那个吃的鱼和粉条都吐出来了。直到7:00就不拉肚子了。好辛苦。就是那个炸春卷是冷的，太油了。非常的生气和不开心。…查看更多

今日心血來潮想食米線，講起米線就諗起南記，真係由細食到大，價錢方面又唔會太貴，我本身中意食酸辣，所以每次order既時候一定會叫酸辣湯，而且食南記一定要叫春卷食，佢地既招牌就係春卷。-春卷魚片酸辣湯米線我今日叫左春卷和魚片2個餸，我本身中意食酸辣，湯底方面係酸辣湯，魚片爽口彈牙，件數方面有4塊，而春卷就有2塊，我特別最中意食腐皮和芽菜，因為吸收左酸辣湯汁精華，仲有要落埋辣椒醬，令碗湯既辣度再次昇華，提提大家，辣椒醬要主動問佢地拎。最後每一次叫外賣都一定要分湯，因為咁樣春卷先唔會”冧”。…查看更多

港島人一定有食過南記，我覺得最抵食嘅就係佢哋嘅招牌河粉。有牛丸魚蛋仲有春卷添又多餸又平好抵食。最近佢哋出咗一個上網落order嘅優惠，外賣仲有折添，折完之後仲平。…查看更多

同事成日都叫南記外賣，今次我第一次跟佢地嗌😂😂。叫咗清湯竹笙木耳春卷米線😂😂$45.5連運費😂😂。湯底夠味，一般上湯味(但又唔系雲吞麵個種)，偏向似魚湯但又唔系😂😂無咩鮮味個種。餸嚟講呢，個竹笙有少少失望，可能我先入為主以為佢系譚仔個隻淋身索湯可以無限吸。佢系圓碌碌好似一塊豬皮圍咗個圈咁，滑潺潺有啲怪。木耳絲系加咗$8拎嘅第3個餸，份量唔太多，但爽口好食。春卷系呢間野嘅名物😆😆，果然系最好食的，本身有調味，有煎香，夠彈性唔會太淋，同埋每條好長。米線嘅話好滑，不過我覺得太淋又唔系好索湯，但系有米香。總括嚟講食物質素中等，如果每樣野份量多翻少少就好。…查看更多

未到summer，已經hot！hot！hot！ 阿叔講嘅唔係而家嘅天氣，而係我叫佢呢碗米線！墨魚春捲、魚片小鍋米線。真係不得了！唔係講笑，堅係好辣，我平時都算食得辣下，但係呢個真係頂唔順！ 成個湯底都係紅卜卜「 有圖有真相呀」，一飲啖湯真係辣到跳舞！ 嗰種辣，係辣到 叫十三么都唔會笑得出口。因為辣得太勁，墨魚春捲或者魚片嘅味道都試唔清楚，淨係咬得到個魚片應該幾爽口，但係我食唔到魚味; 個墨魚春捲對我嚟講，咬落就好硬。真係覺得冇以前咁好食。 超級失望。…查看更多

最近逢星期日到小西灣上堂，落堂後都來南記食個有春卷配搭的套餐，是日是春卷魚片小窩米線配豆漿。以前住新界少機會食南記，來來去去要不”譚X" 就"雲X川”，既然有機會連食了六星期，未厭。下午茶$36,下次要將魚片轉埋春卷。…查看更多