南記粉麵 (謝斐道)

我準時到達你哋灣仔謝斐道分店取餐#PU0983 43分到達 等到56分 還沒有取餐 之後按退款 為什麼不能退款給我？？？你哋分店經理給我的回覆是你們已經出餐不能退款，就算退款前也應該通知他們導致他們現在出了餐不能退款。現在我要求退款 因為我沒能準時取餐已經買了其他餐廳食物 因此我要退款已經打去南記詢問 他們說只有平台可以幫忙做退款 請幫忙解決另外 我另外兩位同行 都用外賣平台點南記，訂單號碼是64689771他們也是遲到餐點但是退款成功？為什麼我不能退款？外賣平台程式40幾分的時候 也顯示可以取餐 但是店員說還沒有？我要求退款…查看更多

鍾意食芫茜嘅朋友仔有好西食！南記最近推出期間限定茜莉豬套餐，分雙併或三拼。主打炸豬扒拼扎肉,豬扒好大塊，好腍，連骨，面頭有茜蓉，札肉亦有芫茜🌿，湯底是芫茜蓉，可加$選更濃芫茜蓉！湯粉的份量不算多，配菜有幾棵芫茜、皮蛋、豆卜。芫茜味唔算濃，我覺得就算唔食茜嘅朋友都接受到。飲品可揀芫茜可樂或雪碧，芫茜蓉中和得好好😌 ，好refresh ! 熱🔥辣辣飲啖透心涼！套餐仲送一款貼紙！我哋抽到「正茜人」幾過癮架！😂…查看更多

最近試咗南記嘅春卷腩肉米線，真係好正！呢碗米線酸辣少辣，味道非常開胃。米線滑溜，湯底清爽，帶有一絲酸味，讓人一口接一口！🥢✨腩肉燉得剛剛好，肉質軟嫩，超入味，配上春卷，外脆內嫩，增添咗口感層次。春卷裡面嘅餡料豐富，咬落去真係好滿足！整體上，呢碗米線真係好適合鍾意酸辣嘅人，絕對係一個好選擇！如果你想試下新嘢，南記肯定唔會令你失望！🥳🌶️…查看更多

今日放飯去咗南記粉麵食午餐，叫咗招牌精選小窩套餐米線，另外叫多咗碟生菜。😎每次食南記都會一定叫招牌春卷，嗰種味道同口感都係出邊食唔到。其他餸菜味道一般，對比其他連鎖式米線差唔多,就唔喺度多講。Total 呢餐$70, 價錢唔係特別平，但久唔久食一餐都可以。…查看更多

今日早晨留留又要去灣仔工作，要找個地方食早餐才算有一個好開始的一天。上次來工作時，下大雨到紅色signal 。。。南記原本都幾多分店的，看到有將軍澳分店，我都無試過，有機會去試下先。試了個沙嗲肥牛，和平時食開沙嗲汁不同。說是沙嗲汁，不如説是豆瓣醬似d，因為有不小黃豆的。但是沙嗲味，有趣有趣。中式早餐要個豆漿才算數，個豆漿有豆味。不過，我覺得唔錯的是個 croissant 法式牛角包，都幾香的，一定有牛油味。彩蛋了，記得台灣食的牛角包，很中式的。（想看看怎樣是台式牛角包，便要看回台灣的食評了）而且，在香港食速度很快，食完便行，和台灣的有一點似，想起台灣時食的包手 幸福豆漿 在台中的速度。…查看更多

成日落大雨，所以就決定咗叫外賣，呢一間餐廳喺屋企附近嘅外賣用app叫非常方便，而且好快手就會有！今日就叫咗兩個餸，另外多一個生菜，由於係下午茶時間，所以有豆漿餸同埋生菜，只係需要$5！個生菜份量非常多，一打開嘅時候真係冇諗過咁多，不過我就冇落過任何蠔油又或者腩汁，想食比較清淡啲，整體就好似白灼青菜咁，我冇話太大特別，但係份量就非常多，呢個價錢真係抵到爛🙈佢係春卷，當然係佢嘅招牌菜，入口非常好食，充滿魚味，係我最鍾意食嘅口感，腩肉就非常夠味，辣辣地加埋米線食非常配搭，下次有機會再會叫呢一間餐廳嘅外賣！…查看更多

Lunch time 諗唔到食咩，最好既選擇就係米線，食南記必食佢既春卷，今次叫咗招牌春卷牛腩酸辣湯米線第一啖食佢啲芽菜同米線，一個字：正👍🏻 好入味，啲芽菜都有酸辣味，叫酸辣湯底最鐘意食佢啲酸菜，酸酸地好開胃啲牛腩算多同埋佢已經預先調咗味，味道剛剛好，又夠淋招牌春卷依然保持到世一水準，同米線超match，浸落米線到唔會太熱氣，亦都唔會有太大罪惡感試過咁多南記餸都係春卷最出色…查看更多

南記下午茶都算係全香港最抵食 $2x有個麵 仲有野飲 當然凍飲+錢啦今次嗌咗沙嗲牛公仔麵 改春卷 再改右面🤣 改曬 但全部都唔使加錢 額外再加多五件魚片頭 都係+$11 所以搵南記下午茶真係好抵食 講返食物質素 依度嘅春卷我覺得係幾好食嘅 至少厚肉 但因為係下午茶緣故 剩係得兩條 正常餐有四條 沙嗲汁係偏甜 都幾濃 幾杰 雖然睇圖唔係太多沙嗲 但係撈完個湯底都保留到沙嗲味 最緊要咁嘅價錢 魚片頭係跟餐加嘅小食 見着廚房即刻炸 然後加椒鹽粉 小編每次都會叫多粉🤣 如果唔係唔會咁多…查看更多

提起南記，相信係好多人嘅集體回憶相信最經典嘅一定係佢個招牌河，包兩粒牛丸、兩粒白魚蛋，再加兩條春卷我呢就最鍾意食佢個招牌河餐，除咗包招牌河之外呢，仲包埋蠔油生菜，同個嘢飲，價錢都好實惠清清地，樣樣有，又食到好夠飽南記嘅質素有一定嘅保證牛丸好彈牙，白魚蛋好爽口，春卷有咬口，同一般喺超級市場買到嘅春卷係冇得比嘅佢嗰餐除咗可以揀豆漿，我都好鍾意飲凍檸茶由於南記非常之受歡迎，所以餐廳經常都勁多人🙃🙂🙃🙂…查看更多

每次嚟到香港仔南記魚蛋粉，必定點招牌河粉，有魚肉春卷，魚蛋，牛丸，價錢平唔再講，味道都非常好食，佢個牛丸唔同出邊嗰啲普通牛丸，咬落去爽口彈牙，好有牛肉嘅味道，配上佢嘅招牌辣椒醬，簡直一流🤤…查看更多

講起香港仔南記，依碗粉真係由細食到大！😋味道真係無變 都係咁好食👍🏻尤其係春卷 無一間粉面店可以好食過南記。雖然佢越出越多唔同嘅粉面，招牌河真係無可代替🙋🏻‍♀️…查看更多

今日下晝早咗收工，去咗灣仔附近之後打算食下午茶諗咗好耐究竟食咩好，咁啱經過呢一間南記，又好耐冇食過 就決定入去食一碗佢下午茶都幾抵，$30就有交易，我就叫咗一碗招牌米粉 配料就有兩條春卷兩粒魚蛋同埋兩粒牛丸 下午茶再會送多一杯嘢飲，我就揀咗凍嘅豆漿 米粉嘅份量都算幾多，軟硬亦都適中，唔會話有太林嘅情況出現，算合格 春卷不嬲都係佢嘅招牌，兩條有啲唔夠喉，點埋佢嘅辣椒醬食，味道更佳 牛丸亦都非常爽口彈牙，亦都充滿牛味，下午茶嚟講非常滿足 大份又抵食…查看更多

lunch既時候最鐘意食南記 前排天氣凍🤣🤣🤣例牌酸辣湯底🤣🤣 好暖身😋😋肥牛 春卷係膽 然後再加個餸 其實都幾貴 都要$6x 不過食得好飽 可以skip一餐🙈🙈🙈…查看更多

今日同同事食lunch，我嗌咗個蕃茄春卷牛腩米線，牛腩簡直硬到一個點，究竟我食d咩 ?  同事問我做咩唔食牛腩，我話超韌，根本咬唔開!忍唔住返黎寫第1次食評，大家唔好再食佢既牛腩，真心呃錢，成碗嘢要$52，同事嗌咗招牌河先$30，我倒不如叫招牌河，一樣有春卷，魚蛋同牛丸好過佢垃圾牛腩，早知睇咗上面2個評論先嗌，咁就唔會中伏…查看更多

見今日又凍翻，諗住去南記買個外賣翻屋企開餐(*¯︶¯*)滿心歡喜去餐廳攞外賣，一望張單就發現漏左杯豆漿，咁佢都有補翻比我。終於翻到屋企，拿拿聲去開餐，一打開蓋，明明叫左3個餸，搵哂成兜麵都無左辣豬肉，大佬啊我係想食辣豬肉先會加錢比$9，點知依家要加錢買個餸都無埋，已經心灰意冷⋯⋯一食啲麵同牛腩硬既？？ d麵未整熟就唔好拎出嚟比人食啦！睇上個post話牛腩唔好食，我都唔信，經過今次我都幾肯定唔會再幫襯。依間南記真 係 好 差！！！破壞哂今日個心情，以後都唔會幫襯！…查看更多