南記粉麵 (翠屏花園商場)

雖然公眾假期但為食貓依然要去上堂，今日繼續係大埔區搵食😋但係因為遲出門口，要食個快餐，所以最後選擇左係翠屏商場樓下的南記粉面。平日午餐食得多，早餐我都係第一次。即刻睇下有咩事先🤔選擇都算多，加上早餐其實都可以叫午餐既粉面，所以林林種種，睇到我花多眼亂。最後因為好想食米通，所以揀左個簡單雙拼，要做個蕃茄湯春卷米通，再加魚皮餃湯，連杯凍豆漿！咁豐富都只係$37大元，認真相當抵食啊！味道中規中矩啦，連鎖快餐粉面味。但價錢相當進取，有時想平得來多選擇，絕對推薦大家考慮下南記🤭…查看更多

收銀阿姐服務麻麻哋，手腳慢搞到成日排隊條龍好長，見到入邊嘅員工個個都冇乜表情，不過下午茶就真係抵食，而且魚蛋牛丸，彈牙有味道。下午茶超多人，有時可能要等位，有卡位，最緊要係舊冷氣，坐得舒服啲，有自助水。炸魚角必食，呢個要讚吓幾有誠意，即刻整返熱俾客人，是其中一款追加小食，幾蚊雞好抵食。辣椒油油係夠晒香，辣得自然招牌河魚蛋彈牙，牛丸味道濃郁，蝦卷果然係招牌菜。湯底味道幾清，河粉份量多。幾個人share一匙羹辣椒油，撈埋湯河食特別正最後飲埋杯豆漿爽晒。…查看更多

除咗譚仔米線同三哥米線之外，而家都有好多唔同米線連鎖店。而南記粉麵就係其中一間，喺香港好多唔同嘅地方都有佢嘅分店，而且都開咗一段時間。南記粉麵最出名嘅就係佢嘅辣豬腩肉同埋魚卷，以前魚卷會脆卜卜同埋另外分湯上，今時今日佢嘅魚卷已經直接放落湯度。所以，魚卷令人感覺上質素已經大不如前。記得豬腩肉以前係比較大塊嘅，而家就薄切，但調味亦都係非常入味同埋出色。至於湯底方面，佢都有酸辣湯，麻辣湯，蕃茄湯底等等可以選擇。麻辣湯底相對濃味，而且辣度充足，大家可以一試。…查看更多

經外賣app落單。胡椒豬肚套餐，有杯菠蘿特飲。加餸：大腸，辣豬肉，春卷共$121.6佢可能落錯單，比多左塊雞扒我。但又幾好食噃。講返個套餐。湯底有酸菜味，但唔夠胡椒味。菠蘿特飲有菠蘿肉唔太甜，幾好。…查看更多

來到南記要點最愛既辣豬肉+春卷配酸辣湯🍜，暫時最鐘意既酸辣湯都係南記，酸菜好食湯又好飲，辣豬肉一啲都唔韌塊塊都仲要好大塊，好入味好好食，而春卷唔洗多講啦，哩個必必必必必食🤤如果有好味既酸辣湯可以同我講，去試試佢～…查看更多

完完全全吾辣吾酸，個湯底完全係冇味。但係有紅色又有酸菜喔春卷完全係冇煮過，食唔到又熱，要我等得耐，不過大把位吾需要等，下次吾再黎同出邊嘅南記唔同，下次試吓清湯先…查看更多

唔知乜事呢間南記，酸辣湯底同其他完全唔同叫小辣就辣得極叫走辣就真係走辣。。。其他間都是默認酸辣湯底，就啱啱好。。。求總部卑啲指導呢間店啦卑個默認酸辣湯底啦唔該啦…查看更多

南記終於開到大埔，有日午餐專登黎試下，叫了魚卷酸辣米線，仲有新出的芫茜米線，午餐時間人非常多，芫茜米線芫茜味非常重，如果喜歡食芫茜一定要選，另外魚肉春卷都是很好吃的，非叫的餸，一定會再食…查看更多

食晏晝嘅時候就去咗近嘅一間餐廳，南記之前上網都聽好多人食，喺大埔都開咗幾個月最近新出左個芫荽湯底米線就咁睇個樣其實都唔係好吸引🙈未到嘅話都冇乜芫荽味麻辣味嘅湯底係朋友嘅自愛，麻辣味有得選擇辣道蕃茄味幾好飲亦都好濃嘅蕃茄，最鍾意食就係招牌春卷，真係幾好食😋…查看更多

小編聽聞南記好出名，但一直都未試過，難得係大埔開左間就去試下啦，佢哋都好似係好出名春卷？好似每個餐都有🤫會令小編想再去食既我琳只有辣🐷肉小窩，味道甜甜地，又唔會太辣，都有頗多份量，但其他就覺得係正常發揮，冇乜特別，未去到話會再去食🤔…查看更多

諗咗好耐都唔知食乜，听讲而家米線好食今日就同朋友一齊嗌左外賣，一個牛魔王小窝同埋個招牌滋选小窝，由於我哋係下午茶時間嗌嘅佢同我講冇呢兩個餐，咁我就叫佢幫我配呢兩個餐比我下午茶嘅。外賣係分湯嘅，咁樣就唔會將啲粉泡得冧晒！攞返屋企之後先試左個湯，味道幾好飲吓很濃郁，有豆瓣醬同火鍋底料嘅味道還不錯！！牛腩幾入味，牛丸就麻麻哋！米線嘅軟硬程度啱啱好！我朋友嗰個外賣就執漏野啦🤦‍♀️另外就係下午茶竟然比晚市仲貴😓…查看更多

世事就是咁神奇，以往一向都好喜歡吃南記，所以去到旺角、尖沙咀、銅鑼灣，都會去南記吃東西，又或是買春卷回家煮麵吃。想不到，幾個月前先在這個舖位的<<好爸爸凍肉舖>>買過飲料、蔬菜等等，想不到這麼快它就結業，然後真的開了做香港仔南記粉麵。現在的南記，種類繁多，就連沙嗲麵都有。:)開了一個月左右，都已經吃了四五次，試了它的河粉，份量非常多，通常河粉份量有好多，浸完湯之後又再更加發脹，因此都是米線比較穩妥。不過春卷都算不錯，可能因為這間分店夠多人，貨如輪轉，非常多食客，因此春卷夠脆，又夠熱。另一次試了沙嗲春卷公仔麵，公仔麵浸得來當然會比較林，不過春卷亦都是夠爽，脆皮，味道相當好。再有次買小窩麻辣火鍋春卷，辣而帶香，久久沒吃，原來辣味挺盛的，也夠麻香這間店舖做了餐廳之後座位都挺多，兩邊在位度寬闊，門口又有收銀處，有時有人龍排到出來。…查看更多

從來無幫襯過，大埔開咗就嚟食下，都唔知有咩出名，只係揀兩款想試下嘅 😋 賣相就一般啦，明白圖片只供參考 🤣🤣~ 蕃茄牛腩春卷河 $50 ... 無餐都幾貴下蕃茄湯底好味，差唔多飲哂 😍 屋企人話甜咗啲，所以啱我 😂 牛腩都算淋，春卷正常，但河粉呢 ... 無辦法夾到一條，全部碎碎嘅 🤷🏻‍♀️ ... ~ 胡椒豬肚湯雞翼米線 $53 (包香蘭葉桂圓茶）呢個湯底完全唔掂，完全無胡椒味，屋企人想攞胡椒粉自己加，係無嘅，不過就算加咗都係兩回樹嚟，呢個一定唔會做 encore 🤣🤣 米線唔錯嘅，豬肚就少啲啦，雞翼就普通啦，豆芽就得兩條，嗰隻豆泡係幾好食嘅，打邊爐我哋都會買 🤣🤣 包嗰杯桂圓茶就幾好飲 👍🏻…查看更多

我喜歡麻辣，亦喜歡酸辣，但偏偏不喜歡米線，純粹係我個人口味問題，我覺得河粉比較滑，而且掛湯能力比較高，所以我一向喜歡河粉，如果想減肥就會食米粉，可惜有提供選擇的麻辣店鋪並不多，所以好高興南記粉麵在大埔開新店!!我今次試咗 辣豬肉春卷河粉(酸辣大辣)辣豬肉幾入味，所謂春卷，唔係廣東式茶樓的春卷，而係用腐皮包住魚蓉，成條炸香佢，唔錯，幾有特色!!至於酸辣湯底亦好味，但辣度不足，大辣唔係好夠勁!!仲有試咗  大什錦河牛丸，魚蛋，魚皮餃，墨魚丸，稍嫌普通，丸類偏淋，唔算彈牙小食  辣爽爽大腸亦係無乜辣味，而且切得好薄好細塊，仲墊咗好多芽菜，26蚊好似有啲貴…查看更多

地點：翠屏花園商場L1層7號舖店舖：香港仔南記粉麵（大埔分店）我相信大家對南記都10分熟悉👍🏻好難得新界區開咗分店 梗係要試吓啦👍🏻今次嚟到大埔分店 地理位置都好方便 👍🏻預先15分鐘叫定外賣☎️☎️ 然後去到直接拎得🏃🏻‍♂️🏃首先我自己都試過好多間南記✌🏻✌🏻銅鑼灣,香港仔,紅磡,灣仔等我試吓大埔分店有咩特別👍🏻外賣會主動分湯👍🏻包裝得好好唔會怕倒瀉今次我叫咗辣豬楠肉春卷米線👍🏻 酸辣大辣返到屋企即刻試食我自己就覺得堂食好食好多😅首先我叫大辣個湯底一啲都唔辣我感覺佢好似比錯咗湯底我咁😅😅個湯底失敗基本上成碗米線都會質素下降☹️春卷同豬腩肉都保持到水準嘅餸嘅份量都正常 米線略嫌少咗少少我自己覺得如果食南記嘅話 就唔建議外賣大家可以堂食😂🤣🤣其實我次次去都係嗌辣豬腩肉春卷酸辣米線大辣 唔知仲有啲咩係好食嘅呢？😄😄推介：⭐️⭐️…查看更多