南山白汁冰

次次經過都大排長龍，不過條隊都算好快。食過幾次，有次咁啱聽到個姨姨講，如果當日嘅芒果唔靚，佢哋寧願唔開舖🤣唔知係真定假呢？不過都真係幾好食，就好似今次咁！啲芒果夠甜、啲冰夠凍，雖然無乜花巧野，但唔出事都係一種美味～話說，其實佢哋個西米露都幾煙靭，同埋好水準唔會好飄忽。難怪係附近讀書嘅人必備回憶！附近仲有其他車仔檔，但呢度keep住都係勁多人，不過好似請多咗人幫手，所以先會條龍咁快，如果唔係都唔知要等幾耐haha…查看更多

今次第一次嚟到南山白汁冰，最令我印象深刻的是他們的白汁芒果西米冰。芒果肉大顆飽滿，甜度剛好，入口多汁清香，完全沒有酸澀感。白汁質感細滑，和芒果的果香融合得非常自然。西米粒也煮得彈牙。我覺得分量十分足夠，一碗吃完相當滿足，而且價錢合理，性價比高。雖然店舖沒有堂食位置，只能外賣或立食，但這種街坊式的氛圍反而讓我覺得親切。雖然只是小小的街坊店，但人氣相當旺，我去的時候是高峰時段，人流不少，不過出餐速度快，等候時間不算長。…查看更多

每次去南山村地方，都會有種熟悉又溫暖嘅感覺，好似返到舊時咁。以前我成日會去食品香樓食野，但後期變左先食品香樓之後再食白汁冰，幾乎隔一段時間就會突然好想再食，尤其係炎熱嘅夏天，食一碗即刻解暑提神！呢個白汁芒果西米糖水，碗面舖滿新鮮芒果肉，每塊都鮮甜多汁，一啲酸味都無，好夠甜。白汁冰係雲呢拿味，配埋大大粒嘅西米，煙韌有嚼勁，入口彈牙又唔會太硬。所有材料加埋一齊，層次感超強，芒果嘅鮮甜同雲呢拿嘅奶味完美融合，西米再加少少Q彈口感，成件事好夾好平衡另外，白汁冰係無堂食，只有限外賣或立食模式，每次星期五六日去，都見到店舖有人龍，但佢出餐快等候時間唔會太耐大多客人都係拎住糖水企係舖頭側邊食…查看更多

喺隔離食完品香樓 食完飯專登去試吓個南山白汁冰先走🥭白汁芒果西米$35呢個價錢嚟講真係好大碗芒果份量夠 大大粒又甜一啖西米加埋啖啖肉芒果真係正！同埋之前一直唔知白汁原來係指雲呢拿我仲喺到諗緊白汁係咪椰汁但佢又無椰味睇完openrice啲食評先知原來係雲呢拿佢啲西米都大大粒 但夠咬口唔會話因為發到太大/煮到溶溶爛爛咁口感唔錯食過兩次有次係外賣咗返屋企夜啲先食因為佢嗰邊係無堂食位置唔想企喺到食嘅話就可以外賣返去食擺咗落冰箱一陣變咗做沙冰咁食更加透心涼！…查看更多

之前成日聽人講南山邨白汁冰，但一直都冇試過，嗰日咁啱喺石硤尾食飯，食完飯專登去試吓個白汁冰！小編去嗰日係平日夜晚去，不過都係好多人，證明佢係幾有人氣！！🥭白汁芒果西米一直都好好奇究竟有咩令到佢咁出名，一試又真係好驚喜！呢個價錢嚟講真係好大碗，同埋之前一直唔知白汁原來係指雲呢拿冰，亦冇諗到會同芒果西米咁夾🤣 夏天食返碗即刻透心涼❄️ 而且芒果都俾得好多，又好食又足料！ -味道: 8/10回頭率: 8/10…查看更多

依家天氣咁熱，小女子都鐘意食冰凍嘅甜品今次就去試近來好多人討論南山邨嘅南山白汁冰白汁芒汁西米碗面舖滿芒果肉，芒果好甜，完全唔洗驚酸仲伴有好多西米，值得一提嘅係佢嘅西米幾大粒，而且口感軟糯，同平時食開嘅比較嚟講幾特別而個雲呢拿沙冰甜度適中，好清爽，好適合熱辣辣嘅夏天食不過小女子星期六夜晚去食都好多人排隊，所以要試嘅就要預返等候嘅時間啦…查看更多

夏天嚟講一諗起甜品就諗起石硤尾白汁冰雖然冇堂食嘅位置，但係30幾蚊一碗同其他人企喺門口食都別有一番風味。次次都係嗌白汁芒汁西米，芒果份量好多，而且好甜配細滑冰，食晒成碗都唔會覺得好膩，好消暑。每次過嚟都唔使等好耐，順便食埋隔籬個格仔餅🧇Keke …查看更多

🤩成日見到人地打卡好吸引，今日終於慕名而來😝平日夜晚9點幾去到南山邨勁多人，南山白汁冰勁多人排隊，隔離間$10雞蛋仔格仔餅都人頭湧湧，仲有炸雞髀店都好多人食緊😆😆⋄⋄====—====—====—====—✦ 白汁（雲呢拿味沙冰）系列 ✦🥥白汁芒汁西米｜含芒果🥭（$35）🥭🍨雲呢拿味沙冰底打得超綿密，西米大大粒好煙韌，配埋香甜芒果汁同埋粒粒芒果超正，最正係勁夠凍，消暑解渴一流👍🏻👍🏻====—====—====—====—.📌店名：南山白汁冰 (石硤尾)’📍地址：石硤尾大坑東道111號南山邨南山商場平台CCC9號舖…查看更多

食完品香樓飯後梗係要食甜品4人冒着雨各自擔一把遮都願意排隊等買完等大概5分鐘左右好快就有雖然落雨，但係都有唔少人流同3個朋友叫咗同一款芒果白汁冰原本叫咗堂食，但係因為落雨冇可能喺嗰度迫住食，所以即刻轉外賣自取餐廳嘅姨姨好好人即刻幫我哋轉，而且好好服務態度因為大家都想食到芒果肉，所以就一定要叫有芒果嘅白汁冰，冇叫到楊枝甘露或者係涼粉第一次食，冇中伏，芒果唔酸不過我食嗰碗冰就比較多，西米都唔錯夠煙韌有機會下次試埋其他款因為飽得滯已經食唔到其他嘢呢個價錢真心算唔錯香港人平甜品最高境界:唔算好甜…查看更多

呢碗白汁冰真係童年回憶返晒嚟👶🏻 簡單到極致但超治癒💖 牛奶冰底🥛 打得超綿密☁️ 入口即化唔會水汪汪💧 最正係個煉奶白汁🍶 甜度剛好唔會膩👌🏻 撈勻之後每啖都奶香爆棚💥 傳統到不得鳥🏮 配料只有西米同大大啖既芒果🥭同牛奶冰超夾💯 芒果新鮮清甜 😍見住佢五六位職員即叫即剝😵粒粒皆甜無得輸🥰$35蚊碗夠一個人食都好正🤭阿姐手勢好快⚡ 門面職員唔明會好好咁解釋俾我聽個分別☺️雖然鋪仔細細但乾淨企理✨ 夏天行到身水身汗💦 食碗白汁冰即刻降溫❄️ …查看更多

慕名為這個出名白汁冰而黎南山邨，雖然門口都目測十幾二十人，但買完飛直至可以拎大約5分鐘內，好快手。白汁芒汁西米 - $35白汁冰係雲尼拿味，出面多數都係椰汁，心諗會唔會好唔夾？？ 點知好okay，芒果香甜，西米大大粒好煙韌楊枝豆腐花 - $27楊枝甘露好好食但少少偏甜，豆腐花滑滑的，好後悔無加球白汁冰，呢個冰真係重點令個糖水更冰凍更好食，而且佢可以發揮中和無咁甜清爽啲，夏天食一流。P.S.一定要加白汁冰！！…查看更多

南山白汁冰喺網上面好出名，呢排終於去到試喇🥳！ 咁啱嗰日去到嗰陣冇乜人，所以好快就攞得👍🏻不過之後就見到條隊冇停過，所以排隊都要睇彩數！白汁芒汁西米 $35 ⭐️⭐️⭐️⭐️⭐️嗰日天氣好熱，食冰就最消暑喇🧊🍧！白汁係雲呢拿味，唔算好甜，啱啱好😋！芒果都幾多，都好甜，唔酸🥭。西米都好多，大大粒，幾煙韌。好大碗，幾抵食，食完仲想再食多碗呀！😋白汁西米（配芒果）$30 ⭐️⭐️⭐️⭐️⭐️呢碗只係冇芒果汁，但都有芒果🥭，呢碗更加食到白汁冰嘅雲呢拿味！各有各好！😋…查看更多

早前因為揸車入油，發現南山邨開了一間南山白汁冰，但當時不肚餓所以沒有食，今次再來是為了一試南山白汁冰！經了解後，白汁冰原來是雲呢拿沙冰，他的沙冰真的幾好食，不過外賣回家時沙冰開始溶，否則應該更好味。個人覺得即食會更好，難怪這樣多年輕人企在店外即時食。其實一班年輕人聚集在一起食，都幾有氣氛。另外，我見芒果類的甜品都幾多人叫，雖然我沒有食，唔知是否好味，不過見到份量十足，都算抵食。今次忘記照食物的相片，下次有幾會再補回。…查看更多

Blingbling美食推介✨📍石硤尾🥭南山白汁冰✨本地老字號｜獨家秘製白汁 × 芒果控必去💠💠💠💠💠💠💠💠入夜微涼，走入石硤尾嘅街角老店「南山白汁冰」，尋找一份童年嘅味道～呢間小店主打自家製白汁甜品，好多街坊一食就食咗十幾年，今晚終於嚟打卡試吓佢傳說中嘅白汁芒果系列！💠 白汁芒汁西米 $35一接到碗冰，已經聞到芒果香撲鼻而來～白汁係佢哋嘅靈魂‼️似煉奶又唔太甜，又有vanilla味，食唔出係咩味，總之就好好味🤣而且芒果汁超級濃郁香甜，撈埋冰凍西米，口感超有層次，夏天食啱晒～✨💠 白汁芒汁豆腐花（加芒果）$40呢碗真係芒果控必試！豆腐花超滑，又香豆腐味，配上新鮮芒果塊，加上白汁＋芒果汁combo，甜度啱啱好！好凍但口感又香又滑～每啖都係幸福感爆棚🥹✨貼士：記得要快啲食，真係冰黎架！唔好等佢溶晒先食～冰涼口感先係精髓呀！餐廳環境：💎💎💎💎/5（街坊風情滿滿）服務質素：🌸🌸🌸🌸/5食物味道：😋😋😋😋😋/5性價比：💰💰💰💰💰/5…查看更多

-同班朋友喺深水埗食完飯，順路行咗去石硤尾食糖水，聽店員講無論係白汁西米定係白汁芒汁西米都係有芒果肉，我最後叫咗最多人叫嘅白汁芒汁西米，兩者嘅分別就係白汁芒汁西米有芒果汁另一款冇，入面勁多芒果，而且芒果同埋芒果果汁都唔會食落覺得好酸，再配有雲呢拿沙冰底，冰係人手打嘅😂，口感咬落一片片，同雲呢拿西米好夾，食完會仲想再食多碗-。《白汁芒汁西米》 | $30-📌#sorriso_石硤尾 #sorriso_深水埗區-👅【南山白汁冰】📍石硤尾大坑東道111號南山邨南山商場平台CCC9號舖🕑星期一至日 15:00 - 01:00-…查看更多