協奏坊西餐廳

之前喺優惠訂購平台買的優惠券，今日去了吃， 10分失望的一次經驗！我們一家人共六人，全都表示食物10分難吃。半自助餐的食物都是不新鮮，熱食中的炒飯應該是之前（很久）炒好！炸物也不新鮮！主食的意粉硬到吃不下！應該是未煮熟！漫魚飯中的漫魚口感奇怪，韌的！飯也是不新鮮，少少熱！雪糕很失望，看見就不想吃！2大盤不似雪糕！但值得稱讚的是環境還算可以，不是很多人，可以食好耐，地方也闊落，地方也清潔。但係食物真係太難食啦，完全唔值$118！因為個煮食鮮蝦意粉，太難食，廚師好似唔識煮嘢食咁！…查看更多

今次見E字頭個APP有半價優惠同網上幾多好評就去試下。地點唔算好方便，銅鑼灣站要再行十分鐘左右先到。主食叫咗松露野菌意大利飯&照燒𩶘魚。半價後連加一每位$113食呢間餐廳其實都係貪佢個semi buffet，但真係唔太掂講咗主食先。松露野菌意大利飯份量正常，味道淡咗啲，亦都比較稀，但係夠熱嘅。照燒𩶘魚讚一下就係魚夠大塊，底下有啲薯蓉同兩粒番茄仔。但個照燒汁真係破壞曬啲食慾。甜甜地，味道奇奇怪怪，唔似平時嘅照燒汁，比較杰身。啲薯條有燈照住，暖暖地，但硬身。試咗牛奶粟米，幾Juicy，好食。青口中規中矩，凍咗少少。關東煮裡面有幾款唔同形狀嘅魚糕，但食落都係一樣口感&味道，無白蘿蔔&年糕食，凍咗少少。呢間餐廳唯一我encore咗兩次嘅野食—麵包。夠暖同軟熟。佢有提供獨立包裝嘅Anchor牛油。湯有中湯同西湯。中湯係紅蘿蔔粟米湯，無試。西湯係番茄湯。呢個番茄湯飲落係茄膏直接溝水咁，幾酸，夠熱。仲有啲冷盤小食，計埋沙律菜大概8款左右。我試咗少少，無特別好食。亦無芝士提供。飲品有咖啡、牛奶、熱茶、檸檬片、橙汁提供。咖啡牛奶正常，有部機保暖，所以都係熱嘅。橙汁唔係鮮橙汁，唔推薦。甜品方面，有生果盤、芝麻糊、四款西式甜點加朱古力噴泉。生果盤係西瓜蜜瓜撈埋罐頭生果，正常。芝麻糊係開粉嘅，亦都唔香。西式甜點死甜，唔好食。雪糕完完全全就係雀巢三色雪糕嘅味道。總結，我都好耐無食過一餐係咁劣食，大部分野食質素好差，得少部份擺得入口。雖然話半價每位$113，但真係去普通cafe正常食一餐仲好。要講佢好嘅地方就係啲職員服務幾好，態度有禮同helpful。…查看更多

今天去了這間非常平價的半自助午餐，全院滿座，因為非常平價，所以很多人，但多是老人家。這間餐廳有一個問題，就是食物唔熱的，外面提供自取的食物竟然是凍的，所以感覺不太好，就連主菜都是暖的，唔熱，所以感覺唔好食，是一早預制的。但有提供蝦，煙三文魚，都唔錯，但沙律的菜，只是很普通，而且有些沙律是餐廳預備的，本人沒有試。而餐廳只提供有限食物，有肉丸，雞串，炒飯，薯條，仲有青口，只有青口比較好，其他的食物都是凍的，所以唔好食。這間餐廳最好的是西湯，好熱，又好味。至於甜品都是自助，有一個什果，味道唔錯，有雪糕，和少少糕點，芝麻糊，仲有朱古力噴泉。這間餐廳 refill 都好快，到最後都有食物餘下。但因價錢平，所以無什麼要求，只是因為用信用咭換了 open rice 的優惠券才來這間餐廳食午餐。…查看更多

網上睇左評價 又見人拍片 一心去試下 點知中伏 帶住一班老人家 訂左枱 成人$132 長者：118 呢啲價錢只可以話 寧願食冰室 都可以食到啲熱辣辣既新鮮食物 呢間半自助午餐 食到大家都擰哂頭 所謂半自助 出面有既得四五樣熱食包括過哂氣的炸薯條 炸薯餅 炸芝士 過哂氣既口感 究竟係點樣可以炸到薯條係稔 薯餅係硬？好高學問！熟食仲有烚栗米 極難食既關東煮既丸同紅酒牛肋肉 甜品有芝麻糊 相對已經係全場最正常 去到食主菜 仲失望 𨋢魚又咸又鞋 鴨胸係好硬死實實 意大利飯同意粉係一早煮好 上菜時都已經係放凍了 雖然價錢百幾蚊 真係只可以話將貨就價 但食物難食既程度係衰過茶餐廳 不值推介 貼錢買難受！…查看更多

我十月買卷,本來想十一月用但weekend好滿...要等到今天才能有位能用...很早已成功跟餐廳訂了今天 lunch buffet...今天出發前好彩電下他們,竟被告知今天餐廳已包場....完全O晒嘴....確認之後能取消?完全不通知? 我如果去到前台才知一定更火呢種是酒店級餐廳?訂好了能取消?完全沒通知....不會再夠膽再試......呢種先付錢買卷...再靠自己彩數去訂去食到的玩法.....不會再試了,只希望能盡快退錢....以後幾平幾正都唔試了....e + walk in大把選擇…查看更多

大致上OK啦，抵食，但不要求太多，睇付出幾多也享受收獲幾多，算好㗎喇👍🏻。食物質素以這付出的價錢已超值；招待及服務員態度也好好。上次我叫餐廳安排小生日旦糕俾同學，也OK仲寫埋字，值得一讚！不過，講環境就睇運氣（餐廳本身是唔錯），要睇下当日D客斯不斯文囉。例如，那天有枱巴巴閉閉咁；我遲左少少，同學話之前有对夫婦，將陳列的三文魚，一掃就掃了大半碟，去到我也取不到；幸而有添加才取到。後來生果甜品，攞遲D也所剩無幾。🤷🏻‍♀️🤦🏻‍♀️😅…查看更多

星期六約了朋友，所以想找個地方靜靜地傾計。當日客人不多，環境舒適，以百餘塊錢在銅鑼灣區來說，地點方便，食物合格，性價比高，當日有沙律，麵包，南瓜湯，關東煮，蝦，煙三文魚，豬扒，水果，蛋糕，牛奶公司雪糕等等。 最好味是南瓜湯，可惜麵包較硬，如果是熱的就完美，另外是主菜青衣魚柳比較鞋，希望酒店注意。下次可以試另一款。經openrice或打電話訂位都有6折優惠。…查看更多

環境舒適👍🏻門口有職員拉門，職員態度親切。自助區好闊落，食物唔算多，但午餐好夠食。以$188食個半自助午餐性價比高。主食選了比目魚、黑松露軟殼蟹意粉。比目魚大件好味的，有配菜墊底。黑松露軟殼蟹意粉都好味😋自助吧沙律菜幾款、車厘茄芝士波、有凍蝦、火腿、芝士，有餐包。有中湯（蓮藕豬肉湯）西湯（南瓜湯）、咖啡茶果汁奶、少少炸物（薯餅炸雞炸天婦羅菜）熟食（焗雜菜、炒飯、鴨胸）有甜品（蛋糕焦糖燉蛋麵包布甸）🍮雪糕。帶長輩來食好開心👍🏻😬好抵食啦…查看更多

假日週末去幫襯自助餐，未食過一間咁嘅質素嘅自助餐，仲係睇電視介紹話OK先去試，點知中伏！平日半自助餐有一個主菜$168 ，假日每位$208變咗冇主菜！大家一定諗價錢貴咗食物應該會更加好啦，點字當日嘅菜式係：1.沙律菜得兩款，而且經常都冇貨，2.湯有兩種麵豉湯及中湯，平時有得選擇係唔會飲的3.日式壽司有三文魚，蛋壽司，帶子壽司共四五款，前日見佢只係換過一次4. 熱食得六款兩款係炒飯同炒麵即係得返四款菜， 5.肉車有牛肉同豬肉，牛肉永遠都咬唔開果種6.凍飲只有橙汁，熱飲係咖啡茶檸檬，完7.甜品幾款也唔好食嘅，仲有唔知乜嘢牌子嘅雪糕其實可以收貴少少，又或者其中一兩款，主打好食都冇問題，何必要將價就貨比一啲咁難食嘅嘢啲客，叫人哋點樣再下次幫襯…查看更多

食物種類少，味道差，壽司飯又凍又硬😡之前睇食評係有半自助餐有主菜，都係百零蚊，性價比高，諗住試吓啦⋯⋯，點不知中伏，訂枱時都知道改咗全自助，又加左價成2佰蚊，但都試吓啦，平時我都唔寫食評，咁次真係頂唔順要出聲🤑差…查看更多

見到網上話每日有set加半自助午餐,book左諗住試,去到佢話今日假期冇set, 心淰算啦唔好令小朋友失望,点知入到去仲失望,openrice入面嘅食評嘅食物好多都冇,食物只有麥樂雞,薯塊,炒飯,炒米粉,雞,仲一碟唔知乜,一碟似係薯仔牛腩嘅物体,沙律菜,罐頭鷹咀豆同罐頭雜果,甜品好少,小型芝士蛋糕,小型栗子撻同4款雪糕,話假期冇主菜提供,所謂性價比高根本唔係,我覺得被騙,唔會再泥, 有橙汁,擰茶咖啡,水的助…查看更多

見到網上呢間餐廳性價比都幾好，個日啱好係附近，就直接上黎食。一開lift門就見到自助餐檯，個空間都幾闊落。.半自助午餐 $188沙律吧: 都有幾多款唔同嘅沙律🥗，還有醃三文魚。前菜都ok豐富，重點係都好新鮮。.中西式湯: 中湯係豬骨湯，西湯係羅宋湯。中湯好好飲，朋友飲左兩碗，可見真係好正！.熱盤: 炸雞塊，薯條🍟和章魚小丸子。好值得稱讚嘅係，d熱盤都好熱辣辣，新鮮出爐咁。章魚小丸子和炸雞塊都好好味。仲有唔少中式菜，炒飯炒麵等。中式菜嘅豬骨好好味，炆得好淋，超級入味。.自選主菜: 揀左哥頓布豬扒配意式茄蓉汁 & 香煎比目魚配露荀豬扒好juicy，一d都唔會鞋口。比目魚皮脆內滑，魚皮好惹味。甜品:平日會平d $168食完自助美食都已經有7分飽，再加埋主菜，就9分，最後配埋甜品，已經11分飽了。…查看更多

公司派既lunch buffet coupon，前2日打過電話黎話唔駛book，黎到話要book，真係搞笑🤪之前見可以oder主菜，依家冇了，都係全自助餐，同埋我見食物質素都差佐，有d失望啊！唔係話好抵食，嘢食好少，嘢飲都非常普通囉，未去到真係有特色，嘢食都叫做係入得口既，D扒係成塊，其實一塊落肚都已經5成飽了，加埋d汁好肥，真係唔會再夾黎食了，黎地鐵站有小小距離，都係比較偏僻既地方，咁遠路水黎最終失望而歸，真係性價比唔高囉～！！！…查看更多

Looking for a casual lunch buffet with a grand ambience? Look no further - Rosedale Hotel's semi-buffet lunch offers a consummate experience and is the ideal destination if you're looking for great seating.〘 Semi-Buffet Lunch 〙The buffet section features a towering chocolate fountain with marshmallows and brownies to dip - the perfect dessert option perfect for indulging in sweet delights, a mini cake section, a salad bar, and traditional Hong Kong fried dishes.The main dishes, Italian sauce pork chop and truffle sauce ravioli, are standout main dishes as well. The truffle sauce ravioli has a tender texture that complements its rich, earthy flavor. The silky pasta shell adds to the dish's sublime taste. The Italian sauce pork chop charms with its tender texture and savory tomato sauce that is rich, tangy, and perfectly balanced, then crowned with a layer of melted cheese that adds a creamy and flavorful touch.A must-visit for food connoisseurs in Hong Kong who value service, a comfortable atmosphere, and exceptional cuisine.📍Sonata Western Restaurant銅鑼灣信德街8號香港珀麗酒店2樓…查看更多

協奏坊西餐廳早幾日去咗銅鑼灣一間酒店食自助午餐，呢間酒店位於銅鑼灣中央圖書館附近，酒店名叫珀麗酒店，自助餐就喺2樓。呢度自助午餐由12點食到2點半，時間非常充足，唔洗食到趕頭趕命，餐廳地方十分寬敞，估計能夠容納100人或以上，平日一至五午餐時段，都只係$168一位，而且住客仲可以以七折價錢享用，非常抵！$168嘅價錢有三款Main Course揀，而今次就揀咗哥頓布豬扒配意式茄蓉汁同香煎比目魚配露筍紅花汁。哥頓布豬扒配意式茄蓉汁：呢塊豬扒簡直係我全餐飯最愛嘅食物，豬扒有3層味道，頂層芝士，中間切開係火腿，下面就係厚厚嘅豬扒，足足有2CM咁厚，粉紅嫩肉嘅豬扒肉質有口感之餘亦都保持到軟滑嘅感覺，喺口入面散發著無比嘅豬肉香氣，就連肥肉部分散發出來陣陣油香，加埋頂層芝士一齊食感到非常邪惡！香煎比目魚配露筍紅花汁：比目魚塊上面鋪著幾條幼嘅露筍，下面仲有4塊爽脆嘅翠玉瓜，比目魚煎得香脆，同時亦保留到嫩滑嘅感覺，鮮味十足！外面嘅自助餐部分亦都唔錯沙律吧有幾款菜同埋粟米，再有兩款沙律醬以供選擇，蔬菜用料新鮮爽脆多汁，係沙律菜同羽衣甘藍，粟米都好甜！另外仲有三款新鮮水果，西瓜、蜜瓜、菠蘿，三款都好甜好新鮮！仲有1d小食供應，薯條同埋麥樂雞，雖然係比燈照住保暖，但依然都能夠保持到脆口，而且薯條係厚切，上面仲加咗調味粉，再配埋茄汁或泰式酸辣醬就正啦！再有兩款麵包，一款比較硬身似法包，另一款較軟身有一定咬口。中西式湯：西式嘅係意大利雜菜湯，入面都有好多種嘅蔬菜，西蘭花、蘿蔔同番茄，湯能夠完全帶出所有嘅蔬菜味道，亦都唔會有好重調味！中式嘅係涼茶，雖然無寫明係乜野涼茶，但係一飲就知道羅漢果煲出嚟嘅，真係好適合依家炎炎夏日嘅天氣，清涼解暑！六款熱食：金針雲耳蒸鰈魚柳、炒黃牙白、福建炒飯、翠玉瓜炒雞柳、鮮奶浸牛油粟米同豉油王炒麵！甜品種類唔算多，但係都有四五種花香味嘅摩絲，令人置身於花香之中！紅莓鮮奶布丁，鮮奶布丁好香滑，再加埋紅莓嘅清新，唔錯！朱古力蛋糕，朱古力香濃！七彩椰汁糕，椰香味濃，有齊泰國風味！仲點少得每個自助餐都會出現嘅朱古力噴泉，可以配以棉花糖或朱古力蛋糕！最後當然係小朋友最鍾意嘅雪糕，係維記雪糕任食，有四款口味：朱古力、芒果、雲呢拿同綠茶，旁邊仲有彩色糖碎、朱古力粒、杏仁碎比你加，小朋友見到一定非常好開心！半自助餐每位價錢$168，再加一服務費！個人口味總評分：8/10地址：銅鑼灣信德街8號香港珀麗酒店2樓Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#協奏坊西餐廳 #銅鑼灣美食 #銅鑼灣好去處 #銅鑼你 #珀麗酒店 #香港探店 #香港美食 #相機食先 #hkfoodie #hkfoodblogger #hkfoodpic #hkfoods #852food #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多