華嫂冰室 (蝦尾新村)

平日想揾间泊到车既地方食顿简单午餐，华嫂冰室绝对系热门之选。一到现场，就即刻感受到人气爆棚的威力，好多人排队等位。餐厅室内有冷气的位子比较少，室外位反而好多，有风扇吹。至于能坐室内还是室外，完全看运气，纯粹考验你今天的手气如何。如果你想室内都可以，但要等位等更耐，建议食客们早点出门，或者可以避开午市高峰，否则要等好耐位。我们点了两款招牌蕃茄汤通粉第一款「猪扒鸡翼蕃茄汤通粉」汤底浓烈蕃茄味扑鼻而来，汤底比较浓，酸甜平衡得啱啱好，猪扒好大块，外脆内嫩，鸡翼咬落多肉，整碗通粉吸饱了汤汁，食落去暖呼呼又满足，绝对是午餐想慰藉胃袋的首选。第二款「鲜嫩牛肉猪润蕃茄汤通粉」牛肉片薄薄一层却鲜嫩弹牙，猪润Q弹有嚼劲，配上那同样浓郁的蕃茄汤，层次丰富，食完好饱肚。如果你系蕃茄汤控，或单纯想食个面解馋，两款都好好食，价格亲民。每碗约$50-60，这里绝对值得过嚟食。…查看更多

是劣评，不是ok最唔钟意去食嘢要受气，几好食都系假！你话你由早上到现在都未停过(呢句系个伙计自己讲），辛苦嘅话咪休息啰，饮杯冻野，降下火。咁恶声恶气对我哋做乜？我入嚟比$食嘢，点解要受你嘅气呢？你系咁同我讲得返「方包多士」，但我咪叫「方包多士」。你个样不耐烦地，问返我「咩方包咩多士」，真系唔明白你嘅意思！Sorry，我哋真系沟通唔到。食物系茶餐厅正常水准，唔会话系超好味，但至少应该有基本嘅服务态度。同埋，好多把冷风扇围住吹住你食嘢，吹到我头晕，根本无法专心享受食物。每次嚟到都系咁，真系冇必要咁对待客人。…查看更多

排队系常态，我地都等咗成个钟先入座。其实期望值唔使太高，试过之后觉得算系中规中矩啦。​味道上同内地茶餐厅差唔多，冇话特别惊艳。现烤菠萝包外皮算松脆，不过牛油味淡咗少少，内地做得好嘅店都有类似水准。番茄通粉汤底酸甜度适中，通粉软硬度就见仁见智，我觉得仲可以。咖喱猪扒饭份量几足，猪扒炸得唔错，咖喱汁浓郁度就一般，拌饭够用。​两个主食加一个菠萝包 165 蚊，以呢个水准来讲，价钱都算系偏高少少。如果刚好在附近，又唔使排太耐队，试下都无妨；但如果系专登为咗佢去排长队，就有啲唔值啦。…查看更多

放假唔知去边食早餐好，心血来潮谂起好耐无去华嫂冰室，特登过去屏山帮衬下！11点去到要揿飞等位，好彩等几张就有台喇！去华嫂冰室必叫「招牌芝士咸牛肉蛋猪仔包」，芝士同埋咸牛肉真系绝配，加埋只煎蛋既猪仔包口感好丰富，暂时就无揾到其他地方有华嫂冰室整得咁好食！仲有「菠萝包」都系必叫，非常松脆！而且菠萝包系可以有好多唔同既组合，菠萝油又得！单拼双拼配芝士、咸牛肉、火腿、蛋、午餐肉…… 不过最钟意都系「净菠萝包」。食完咸既「招牌芝士咸牛肉蛋猪仔包」就食下甜既「菠萝包」，或者一啖咸一啖甜都系唔错既选择！…查看更多

平日既中午 突然好挂住华嫂个菠萝猪扒包 要排队都值 真系好食过所有澳门既猪扒包 大大份 肉质又多汁又林 最正系配蜜糖芥末酱 菠萝包松软 外皮酥脆 简直系猪扒包既世一 ，另外芫荽皮蛋猪膶牛肉米粉都系必点 ，牛肉软林，猪膶熟度刚好，唔会干干柴柴，真系好好味。…查看更多