影片
开饭介绍
华嫂冰室的招牌菜是番茄蛋菠萝油，建议搭配幼滑奶茶一起享用。
继续阅读
奖项殊荣
最优秀元朗开饭热店 (2014-16)
营业时间
今日营业
08:00 - 17:00
星期一至六
08:00 - 17:00
星期日
全日休息
*特别通知留意Facebook专页
以上资料只供参考，请与餐厅确认详情
由屏山得一间自家店食到而家本店转埋地址都间中会帮衬，只食天水围店，皆因其他店嘅食物水准完全唔达标，但天水围店就维持到个质素。🔶鸡翼煎蛋肉眼筋冬阴公米线 $57 💫 8.5/10汤底劲浓郁酸辣酸辣，劲开胃，加埋香草，重口味人士必爱！肉眼筋好特别，有咬口之余几香口，份量仲要劲多，几抵食。鸡翼2只用卤水卤完好入味，但鸡肉都劲嫩滑。橙黄色大大只太阳蛋，拮爆佢食捞面食一流！🔶皮蛋莞茜猪润牛肉米线 $60 💫 7/10以前一直食开呢个，而家食又觉得个汤底不及以前咁浓郁，但系足料，有成2只皮蛋份量，猪润同牛肉都劲多，牛肉几嫩。🔶蕃茄猪扒猪润牛肉出前一丁 $60 💫 8.5/10蕃茄汤底系好浓稠个种，饮落有厚度，会带D蕃茄粒/蓉，酸甜酸甜，配出前一丁真系超配！猪扒超抵食必点，香煎2大块，煎到好焦香又软腍，唔系鞋口干争争。猪润都几大块，偏爽口唔算太粉，冇腥味，厚身得黎有口感，好食！🔶芝士咸牛肉蛋猪仔包 $24 💫 9/10大家记得要叫大火，即系烘㶶底，个猪仔包会特别香脆。入面夹住半溶芝士加咸牛肉同半流心蛋，超级完美嘅配搭，真系必点！比起招牌波萝包，我更爱呢个！🌟总括：星期六日预左要排队，仲要系讲紧起码半个钟，但对于住附近既我黎讲间中就会想食。咸牛肉芝士包真系好正必叫，食得辣就叫冬阴公汤底，𩠌要点猪扒、鸡翼、猪润。
继续阅读
排队系常态，我地都等咗成个钟先入座。其实期望值唔使太高，试过之后觉得算系中规中矩啦。味道上同内地茶餐厅差唔多，冇话特别惊艳。现烤菠萝包外皮算松脆，不过牛油味淡咗少少，内地做得好嘅店都有类似水准。番茄通粉汤底酸甜度适中，通粉软硬度就见仁见智，我觉得仲可以。咖喱猪扒饭份量几足，猪扒炸得唔错，咖喱汁浓郁度就一般，拌饭够用。两个主食加一个菠萝包 165 蚊，以呢个水准来讲，价钱都算系偏高少少。如果刚好在附近，又唔使排太耐队，试下都无妨；但如果系专登为咗佢去排长队，就有啲唔值啦。
继续阅读
放假唔知去边食早餐好，心血来潮谂起好耐无去华嫂冰室，特登过去屏山帮衬下！11点去到要揿飞等位，好彩等几张就有台喇！去华嫂冰室必叫「招牌芝士咸牛肉蛋猪仔包」，芝士同埋咸牛肉真系绝配，加埋只煎蛋既猪仔包口感好丰富，暂时就无揾到其他地方有华嫂冰室整得咁好食！仲有「菠萝包」都系必叫，非常松脆！而且菠萝包系可以有好多唔同既组合，菠萝油又得！单拼双拼配芝士、咸牛肉、火腿、蛋、午餐肉…… 不过最钟意都系「净菠萝包」。食完咸既「招牌芝士咸牛肉蛋猪仔包」就食下甜既「菠萝包」，或者一啖咸一啖甜都系唔错既选择！
继续阅读
平日既中午 突然好挂住华嫂个菠萝猪扒包 要排队都值 真系好食过所有澳门既猪扒包 大大份 肉质又多汁又林 最正系配蜜糖芥末酱 菠萝包松软 外皮酥脆 简直系猪扒包既世一 ，另外芫荽皮蛋猪膶牛肉米粉都系必点 ，牛肉软林，猪膶熟度刚好，唔会干干柴柴，真系好好味。
继续阅读
香港已经开左几间华嫂冰室，但系最钟意都系去天水围华嫂冰室，虽则虾尾新村位置唔系最方便，不过感觉真系最亲切既分店，未搬之前既华嫂冰室好近天水围站，位置好方便成日帮衬！天水围华嫂冰室其实可以用隐世去形容，唔系一般人识去，所以去得既多数熟路已经去惯去熟，自动波揾位泊车，再自动波揿飞揾凳坐著等叫埋位，边等位就边睇定餐牌食乜好，争取时间！因为肚饿所以就叫左好饱肚既「猪扒鸡翼番茄汤米线」，好浓既番茄汤，番茄汤斋饮已经有少少饱，一边饮汤一边食米线，啖啖米线都有浓郁既番茄味。猪扒肥瘦适中，即使唔系分开上，浸著番茄汤但系完全唔太影响猪扒既口感，因为煎得好香！除左有块猪扒仲有两只鸡翼，同样煎得好香，而且腌得好入味！
继续阅读